泰 (銅鑼灣廣場二期) (已結業)

見到有幾百個like，經openrice訂枱又有88折，就試吓。到達後，有4張窗口卡位，其中一張有4人坐，其他3張未有人，要求坐窗口，店員說已經比人訂左，我說我也有訂座，店員改口說是6人座🤔由6:15到9:10，4張枱只座了2張，仲要有1張係2人坐，我真的不明白為何要整晚hold起窗口位🤔餐廳是用QR code下單，6:15入座，8:00點了最後甜品，備註即起，但等到8:30都未有，再用手機掃QR，顯示我已經不能下單，因為限時2小時😳通知店員查單，他說我們未下單🤔同時已經過了2小時，只可以人手下單，我有理由懷疑我在8:15前的確巳下了單，不過由於系統自動在入座2小時後截單，所以同時cut走了最後點的甜品。總括，食物品質麻麻，環境一般，配合起來定價就稍為偏貴，加上看到有位都不開放，心𥚃更不爽😕我絕對有理由懷疑有幾百個like的原因🤔…Read More

環境舒服，座位闊落，坐得舒服服務ok 食物ok ,價錢中規中矩，但是份量比較少，這樣價錢就略為貴了一點！海鮮冬陰功湯$168味道濃，都有兩隻大蝦，青口同墨魚，但是個鍋就比較細馬拉盞炒雜菜$88不過不失小食拼盤$178這個拼盤相對地比較性價高，相比單點小食串燒略為優勝！都有四件串燒，小食幾款，蝦餅都出色蒜蓉包$68略為貴一點，正常size蒜蓉不是太多，味道太出，只係比較好脆榴槤麻糬👍$78聞落無什麼榴槤味，但咬一口有意外驚喜，榴槤味齒頰留香，鍾意食榴槤嘅朋友，真係要試吓👍椰汁西米糕$68正常味道…Read More

好耐無食過泰菜, 收工就去左銅鑼灣搵食~呢間泰菜地方都大, 岩晒邊食邊傾計!泰式生蝦刺身 $128食泰菜又點少得來一碟生蝦刺身做頭盤呢~個汁好惹味~ 配落生蝦度一流!泰式小食拼盤 $168好多小吃都想點, 咁就來一盤小食拼盤,有齊晒魚餅、雞翼、蝦餅、春卷同串燒!我地揀左雞同豬串燒, 雞肉串燒最好食~蝦餅好香口、雞翼都炸到卜卜脆~原個菠蘿炒飯 $138都比想像中大~ 仲好多菠蘿、提子乾同肉鬆添~馬拉盞炒芥蘭 $88好香好爽!芒果糯米飯 $98如果芒果再多D更好!環境OK, 職員服務都不錯.…Read More

之前黎銅鑼灣廣場試過日本野同Mini Friday都唔錯，所以又約朋友黎試埋隔離間泰國野🇹🇭✌🏻(應該係同一個老闆)。🔅泰式小食拼盤 ($168)有魚餅、蝦餅、雞翼、春卷同埋沙嗲串燒，超豐富超抵食！蝦餅好彈牙，雞翼好大隻😳👍🏻。🔅炭燒豬頸肉 ($108)豬頸肉燒到微燶邊，加左蜜糖🍯燒幾香♥️。🔅黃咖哩雞肉 ($118)食泰國野都會叫下咖哩😋，呢碗咖哩好濃椰香味🥥😝，特別鍾意個西蘭花好入味🤩。🔅香酥薄餅 ($58)3塊薄餅加咖哩無得輸😚，熱辣辣食好正 🥺。🔅馬拉盞炒通菜 ($88)懶健康炒個通菜食😝，意外地唔錯！好惹味，加碗白飯就perfect😝。🔅吉列豬扒撈檬 ($108)撈檬好大碗😱，豬扒似上次食隔離間日本野既口感，幾香脆。💬泰國菜比較少呢種裝修，少有坐得舒服，唔逼😳。同層3間餐廳都好適合約朋友黎食👍🏻。…Read More

𓈒𓏸𓐍適合聚會的@thaiologyhk環境寬敞 有卡位選擇坐得非常舒適到訪當天非常餓 叫了四道菜兩個人完食超滿足！【青木瓜沙律】質地清爽非常適合夏天每次吃泰菜都會叫一道醒醒胃呢𓆸⋆*【泰式小食拼盤】超豐富 有炸蝦餅 沙嗲串燒 炸魚餅 雞翼和春捲一次過滿足不同的口味！ 蝦餅也好足料 除了蝦膠以外 還能吃到蝦肉ꪔ̤̥【冬蔭功海鮮湯】味道不死鹹 帶有陣陣番茄和海鮮香味兩隻大蝦還有不少青口等 超足料！ദ്ദി^._.^)【椰盅海鮮焗飯】擺盤好有心思 大蝦穩穩地坐在椰盅上飯帶著微微的椰香 還有微微的cream香小小的椰盅裡其實塞滿了飯 不要小看它的份量！加上【原個鮮椰青】&【椰汁珍多冰】就是完整的一頓泰國晚餐！( ੭˙ᗜ˙)੭𓇢 青木瓜沙律 ⑧⑧𓇢 冬蔭功海鮮湯 ①④⑧𓇢 泰式小食拼盤 ①⑥⑧𓇢 椰盅海鮮焗飯 ①⑥⑧𓇢 原個鮮椰青 ⑥④𓇢 椰汁珍多冰 ⑤④…Read More

去到發現呢間泰國餐廳同Mini Friday、日本野係同一位登記入座，唔知係咪同一個集團呢🤔閒日夜晚都全場滿座，真係要記得提早訂檯🤫▪️ 泰式小食拼盤（7.5/10）💲148上檯係熱辣辣，魚餅頗重香茅味，而蝦餅好彈牙幾鮮，想再encore呢樣🍤雞翼大隻脆身，啖啖肉好嫩滑，春卷就無咁脆身，同埋無咩餡料單調些少，不過個酸辣醬幾惹味😛串燒有豬同雞各二，燒到燶邊有少少焦脆既感覺，沙嗲醬有陣陣花生香，如果稠身一點會更得我歡心🥜▪️ Shake Shake海鮮 （7/10）💲298本身想食咖喱炒新鮮大肉蟹，但係呢日無貨😭唯有轉食其他🦞呢個價可以自選三款海鮮，擺盤好井井有條，份量尚可🤣我地將海鮮放入膠袋，再倒入個泰式酸辣汁，自行搖勻後侍應幫我地倒出黎碟上方便進食😚鮮味算係不過不失，藍青口同埋扇貝都唔會太韌，開邊虎蝦爽口🦐初初食覺得個汁係普通辣，後尾係會有少少噴火既感覺，加上落左大量蒜，調味比預期中濃得多幾惹味既，個汁絕對係加分位🧄▪️ 原個菠蘿炒飯（6.5/10）💲108肉鬆、提子乾、間唔中有雞肉絲同埋大量甜既菠蘿粒，飯底會係偏濕嗰種🙈個人覺得再多啲餸豐富啲，同埋個飯炒得乾身返少少會更好▪️ 原個鮮椰青 （7.5/10）💲58飲落好清甜解渴，而且可以刮到滑身椰子肉🥥▪️ 椰汁珍多冰（7/10）💲48香濃既椰汁味，加上唔少有咬口既粿條，係略甜左啲🤨🔎 整體評分（7/10）…Read More

我同朋友都鍾意食泰國菜 冇得去旅行 唯有食下泰國野過下癮 回味下～餐廳環境幾舒服 卡位座位好闊落張枱夠大👍🏻先叫一個泰式小食拼盤 $148 有魚餅、蝦餅、雞翼、春卷、沙嗲串燒😋 有泰式辣醬同埋另外一個特別調製嘅醬料 有啲類似花生醬 因為入邊有啲花生碎、薑蔥（幾好味）應該係用嚟點串燒🤣 雞翼同埋春卷好香脆～ 要讚下個串燒 幾入味好Juicy🥳 冬蔭功海鮮湯 $128 海鮮湯都幾足料 有虎蝦、墨魚仔、唔同嘅蘑菇、蕃茄仔 酸酸甜甜咁 幾開胃🤣 份量適合2-4人🤪 Shake shake 海鮮三款 $298 之前係一間西餐食過shake shake 海鮮 今次見到原來有泰式 幾特別 佢係用泰式辣醬 泰國香草同埋蒜蓉 個醬汁係酸酸甜甜 放喺一個袋入邊 shake 完之後 就食得😆 我哋揀咗扇貝、虎蝦、墨魚仔～ 扇貝都幾大粒 虎蝦就開晒邊好容易剝👍🏻 榴槤麻糬 $28 兩個榴槤咪見到個甜品就好想試 價錢又平😆 入邊真係有好多榴槤肉 皮薄餡多榴槤米記得試埋先走😍整體來講，環境比較高級舒服，食物唔錯，經過銅鑼灣可以支持吓💪🏻…Read More

又去咗銅鑼灣揾嘢食😋見到銅鑼灣廣場以其有好多唔同國家嘅嘢食今次就揀咗泰式🇹🇭都幾推介大家~椰盅海鮮焗飯($138)睇個樣已經好震撼，燒過嘅大蝦好香好嫩！面頭有好多椰絲~重點係啲飯勁濃郁啖啖都係椰漿同海鮮嘅味道🤤個飯入邊仲有好多海鮮同埋豆，勁足料😵啲飯全部都沾滿椰漿好黏，個底仲有啲焦好好食🥺泰式小食拼盤($118)有六種小食一次過滿足晒我嘅願望💕魚餅好彈牙，沙嗲串燒好惹味，其他都不過不失~椰汁雞湯($108)聽個名以為好普通，原來連火爐一齊上㗎! 🔥 熱辣辣嘅椰汁雞湯，味道帶有泰式嘅酸味同埋椰香，仲有好多菇同埋雞肉食~ 都有成四至五碗嘅份量!生菜包豬肉($88)豬肉碎出奇地唔係好辣啱晒我~ 脂肪同肉嘅比例啱啱好，配埋生菜食就冇咁膩喇🥳…Read More

近排女小編鍾意咗食泰國菜😚所以就嚟到銅鑼灣嘅一間泰國菜試吓😛👅黃咖喱雞肉 $88黃咖喱係咁多咖喱裏面最唔辣嘅 唔係好食得辣嘅女小編食落都覺得唔係好辣😚佢嘅香料味偏重 好有地道嘅泰式風味😝雞肉嘅份量都幾多同埋幾嫩滑 仲有好多蔬菜 整體唔錯🥰👅泰式鮮蝦炒金邊粉 $88佢嘅金邊粉甜味比較突出 酸味就比較薄弱🤫唔係好食得出佢嘅辣味 不過整體調味都幾好😋😋佢嘅金邊粉亦都偏濕 鮮蝦幾爽彈 不過就略嫌鮮蝦嘅份量偏小 多啲就更好啦🤗👅泰式小食拼盤 $128佢有齊晒魚餅 蝦餅 春卷 雞翼同埋沙嗲串燒🤩最鍾意食佢嘅蝦餅😍蝦餅炸得好香脆 入面嘅蝦膠亦都好彈牙 蝦嘅份量都幾多🤤而佢嘅沙嗲串燒都幾好 沙嗲醬幾重花生味🥜不過就略嫌佢嘅雞同埋豬都有少少乾 其他小食就正正常常🤭👅香酥薄餅 $38呢個就正正常常 不過用嚟點咖喱好好食😛👅椰汁珍多冰 $48飲落都有啲甜 不過椰汁味都幾重😚整體來講呢度嘅泰國菜都唔錯😝環境都坐得幾舒服 鍾意食泰國菜嘅可以來一試🥰😋 好味：8.02/10🤑 價錢：7.65/10🤗 服務：7.78/10😝 環境：8.00/10😚 衞生：7.99/10🤩 整體：8.00/10…Read More

之前見朋友食過係銅鑼灣呢間Thaiology 賣相好似唔錯 所以我哋今晚就去左試下👅 位於銅鑼灣站旁既銅鑼灣廣場 地點好便利👍🏻 卡位大大張都幾舒服😌見餐廳promote緊咖喱炒新鮮大肉蟹 我哋就決定一試 仲加埋香酥薄餅點咖喱食🦀 大肉蟹果然新鮮 肉質鮮甜多膏 可以一梳梳蟹肉點咖喱食👍🏻 香酥薄餅本身都會有一小碟咖喱配送 味道同炒蟹既咖喱唔同 比較香甜少辣😋除左咖喱蟹 我哋仲試左泰式小食拼盤同椰汁雞湯🤤 泰式小食拼盤有齊春卷 蝦餅 魚餅 雞翼同沙嗲串燒 唔駛左揀右揀 全部有得試就岩哂我哋啦🤣 當中最好食既係串燒 雞肉同豬肉燒完仲好嫩 加左蜜糖帶甜味 點埋沙嗲醬食就一流啦👅 椰汁雞湯有火加熱可以keep得住温度👍🏻 雞肉好滑 湯好開胃😋 最後都要飲番杯泰式奶茶先夠地道🤭 仲要食埋個芒果糯米飯做甜品 芒果勁大隻 幾甜幾抵食🌟…Read More

相信大家都聽過Mini Friday同日本野，開業幾個月嘅Thaiology其實隸屬同一集團。夜晚嚟到，發現二人套餐都幾抵食，$398就有一鍋湯、沙律/小食、肉類、炒雜菜、金邊粉，仲可以加小小錢轉特飲。除左各式經典泰菜，餐廳仲推岀左玩味十足嘅shake shake海鮮袋。餐廳設有多個卡位，店面唔算好大，但比想像中寬敞舒適。估唔到平日黎到都幾乎滿座！建議大家預早book位，用餐時間為90分鐘。▪️冬蔭功海鮮湯 $108好鍾意個海鮮湯會有個火熱住，雖然去到中途就會熄咗，以防煲得太耐太鹹，但食到最後依然暖笠笠！海鮮湯酸味偏重，只帶微辣，帶青檸同蕃茄香，唔會太鹹，相當開胃。當中加有菇、蝦、青口等等，都幾足料。▪️泰式小食拼盤 $128小食拼盤就有魚餅、蝦餅、雞翼、春卷各2件 同埋沙爹串燒4串~蝦餅酥脆唔油膩，炸皮唔會太厚，當中包有粒粒蝦係中間，質地彈牙有肉汁。沙爹串燒 燒得帶焦香，豬肉同雞肉都唔會燒到好乾好柴，可以沾上旁邊甜甜地、帶花生香氣嘅沙嗲醬。魚餅同雞翼 就正常發揮。雞翼外皮香脆，不過肉質就唔算好滑，感覺上表面塗上蜜糖，食落甜甜地。春卷香脆唔會太油，不過餡料偏少，調味偏淡。▪️炭燒大頭蝦 (兩隻) $78大頭蝦燒得帶焦香，但肉質偏軟腍，亦唔算太大隻，78蚊得兩隻真係唔太抵食。▪️椰盅海鮮焗飯 $128舖滿海鮮嘅椰盅 賣相超吸引！焗飯入口充滿椰子香氣，米飯粒粒分眀，唔會過濕或過乾。大蝦厚肉彈牙，焗飯中加有彈牙魷魚、細細粒嘅蝦仁、爽口豆角，口感豐富，食到最後仲可以𢳂埋側邊爽口椰子肉。▪️原個鮮椰青 $52食泰國野必飲！大大個 清甜解辣！整體嚟講，價錢合理，幾啱香港人口味，椰盅海鮮焗飯可以一試！卡位寬敞，幾適合三四個朋友嚟聚聚。…Read More

銅鑼灣新開嘅泰國餐廳，去到嘅時候有一段小插曲，就係同行嘅朋友有打電話嚟訂位，但餐廳冇紀錄，好彩未到晚餐滿座嘅時間，所以仲可以安排入座、限時90分鐘，餐廳雖然唔大，但環境都唔錯👀❣️泰式小食拼盤 $128小食拼盤有多款小食，岩晒人少又想試晒咁多款野食嘅人，拼盤包扣括4串串燒，2串豬2串雞、2塊蝦餅同魚餅、2條春卷同埋4隻單骨雞翼，蝦餅較為結實，有幾隻蝦在內，但蝦味不太濃；串燒都算大串，雞肉同豬肉都燒得香，而另上嘅沙爹醬花生味超重，似花生醬多啲；雞翼唔知點解偏甜，但可接受；魚餅同春卷就冇咩特別🤪❣️醃酸辣鳳爪 $78辣度不高，可能醃嘅時間不長，而且個醬大多都係鋪左係面，但味道唔差嘅🤓❣️生菜包（豬）$78肉碎超惹味，香茅味超濃，配上大量嘅香料炒，超惹味，辣度及酸度可接受，但略嫌生菜仲有好多水🥸❣️泰式炒粉絲 $78粉絲炒得夠乾身，味道入味，推介👍🏻❣️泰式奶茶 $38冇試到，但望上去夠濃郁🤓❣️椰汁紅豆冰 $48呢杯野就唔推介，唔知係咪叫左少冰，紅豆冰已經夠甜，再加上椰汁仲甜，成杯野就係甜甜甜🌚🏦是次消費總額 $492.8（人均消費$246.4） 🍴須加一服務費👅好味度：8（10分滿分）食物味道質素唔錯，員工服務殷勤，雖然初初有小插曲扣左啲分，但美食搭救🤪，可encore嘅餐廳🤓…Read More

泰式小食拼盤 $118魚餅丶蝦餅丶炸雞翼、春卷每款2件，沙嗲串燒豬肉丶雞肉各2串，好豐富～ 樣樣都唔錯，其中蝦餅有驚喜，每件都有隻蝦身，脆口又彈牙，下次要單點蝦餅！生菜包 $78生菜包可以揀豬肉或者雞肉，我就揀咗豬肉，生菜新鮮爽脆，豬肉碎嘅檸檬葉味道好出，只可惜偏鹹，魚露就可能落得重手咗～泰式生蝦刺身 $108芒果糯米飯 $68芒果夠甜，糯米飯份量多，唯一爭咗啲斑蘭香味柚子金桔檸檬特飲 $48啖啖柚子肉，金桔檸檬味濃，感覺幾fresh凍檸茶 $28呢度嘅凍檸茶一向都唔錯，茶味夠，檸檬都新鮮…Read More

2021年重開戲院後首次入場看傳媒優先場，睇戲前先到銅鑼灣新開泰國菜館- 泰Thaiology醫飽肚。裝潢散發泰式的異國韻味，卡位坐得寬敞舒適。餐牌都有很多款式，看得人三心兩意。吃泰國菜又怎能沒有泰式串燒和炸物小吃？！泰式沙嗲雞半打 $68串燒雖然看似是簡單直接的烹調技巧，但其實難在如何控制以高溫烤熟食物又不傷食材，這碟串燒一上枱已是香氣撲鼻，份量十足，每串都是啖啖肉。燒雞串滑嫩不鞋口，表面帶焦香，內裏豐滿多汁，點些沙嗲醬更加惹味開胃。泰式小食拼盤 $118點一客拼盤就可試齊多款小食，包括魚餅、蝦餅、雞翼、春卷各2件及沙嗲串燒4串。拼盤份量澎湃，足夠兩至三人share，挑起誘人食欲。我自己就最喜歡蝦餅，外皮炸得金黃脆口，爽彈得宜又鮮味。香酥薄餅 $32薄餅口感酥脆，沾上以大量椰漿和椰奶煮香的青咖喱，內裡香軟煙韌富嚼勁。生菜包 $78泰國菜講究食味的配合與平衡，複雜而富層次，以雞肉碎加上各式香料的點綴，配合爽口生菜，口感豐富。用手拿起生菜，放入肉碎再捲好，清爽可口的生菜包裹辣勁不輕的肉碎一起吃，滋味無窮。泰式炒粉絲 $68配料比較簡單，不過這碟炒粉絲勝在沒有黏成一團。一上台時剛剛炒好熱辣辣，相當有鑊氣，粉絲炒得鹹香入味，乾身不膩口。泰式豬頸肉炒飯 $88炒飯炒得粒粒分明，吸收了泰國香料的複雜味道，飯香惹味。豬頸肉肉質夠爽口，燒得帶有焦香，而且感覺完全不肥膩。…Read More