泰廚泰國菜館

同事介紹這間位於金魚街泰國菜馆抵食又地道。今晚喺附近放工一於試試。 時間尚早还好不用等位。小店內籠唔大， 有兩層。 每日精選:今日係『古法燒鰽魚』👍 $99（ 逢星期一精選優惠）即叫即燒好香，魚肉仲好嫩， 大量嘅香茅， 味道清香唔腥，蘸上特製嘅醬汁， 少少辣和酸，提升鮮味又夠開胃！椰汁冰$22椰汁味香濃 ，炎炎夏日 ，配濃味泰菜最啱不過。泰式小食拼盤$85份量都幾大， 足夠兩三人吃， 小食大大件， 魚饼更是自家調味製作，口味獨特， 蝦餅彈牙， 還有一串沙嗲雞和豬。雞肉和豬肉串燒真係啖啖肉， 好像吃了一 碟碟頭飯的肉呀～ 加上秘製沙嗲 醬汁美味豐富！:::海南雞飯$65海南雞肉嫩滑， 有雞味不過就偏鹹， 黃薑飯也很乾爽唔油膩。 整體味道唔錯份量足， 價錢實惠。這個加$1的菜式 『木瓜沙律』 木瓜絲夠爽， 酸酸地夠开胃又唔會好辣。小店仲有好多地道小菜， 可以回頭再來試！…查看更多

每次經過呢間餐廳 都會見到好多人🙈屋企人食過話幾抵食 所以就特登黎試下😋最特別係呢到有兩層 送菜唔係啲侍應拎上黎🤫佢地有部機喺地下廚房升啲菜上黎😛幾特別🤩-泰式小食拼盤🍱 $85 (細)小食拼盤可以一次過試晒：雞肉同豬肉串燒、炸魚餅、炸蝦餅、炸春卷同埋炸蝦片😚每一款都有兩件 兩個人share啱啱好🤤全部都炸到好脆✨但係春卷就有少少油～不過內餡都幾多料有粉絲肉碎蔬菜絲....😛蝦餅同埋魚餅勁爽口彈牙💓最鐘意就係個蝦餅 同泰國食到嘅味道好似‼️啖啖都係蝦肉🦐點埋個酸辣醬仲正😍呢到嘅串燒好出名😋大大串 好夠火候 🔥 燒到個面脆脆地 肉質又唔會乾 鎖住晒啲肉汁🥰佢個沙嗲醬好惹味 微辣又食到好濃嘅花生香 同啲串燒好夾🤩-香茅牛肉撈檬🐮$45撈檬應該係越南菜？🤔不過呢到都整得幾好食😋啲配料鋪滿晒成個碗😍有勁多炸蒜片同花生 食落好香🥜撈埋啲蘿蔔絲同埋椰菜絲 好有口感🤩檬粉都好爽口😚牛肉都有好多塊 肉質唔鞋都唔韌幾滑 不過佢好甜 食落冇乜牛味 我唔太鐘意😣呢個有lunch set會配香茅冰/青檸水😚青檸水酸酸甜甜 好開胃🤤香茅冰就偏甜 有啲似竹庶嘅味水 其實飲完都唔知香茅係咩黎🙈…查看更多

雖然話今年市道唔好，但新年出外吃飯，少不免會加價或加一，但估唔到泰廚泰國菜仲可以免加一，初一二三都留在家，家中嘅糧食都食晒，就同屋企人去左菜廚食。泰式小食拼盤($85)哩個小食拼盤可以一次過試勻炸蝦片、炸蝦餅、炸魚餅、炸春卷同沙嗲串燒，每款兩件，兩個人食啱啱好。蝦片同春卷都好香脆，蝦餅同魚餅夠彈口，串燒一串豬一串雞，大大串燒得夠晒火喉，但肉質又唔會太乾，非常抵食。泰式木瓜沙律($72)木瓜沙律都幾大份，有木瓜絲、番茄同花生碎，辣度約小辣程度，但味道有啲單調，較為普通。左: 泰式椰汁冰($24)右: 紅豆冰($22)椰汁冰好重椰子味，杯底有啲類似雪蛤糕嘅嘢。紅豆冰紅豆煲得夠腍，都飲倒少少椰汁味。泰式炒金邊炒($68)金邊粉好大碟，足夠兩三個人食，入面加左蝦、魚條、蔥段同花生碎，食之前可以加啲青檸汁。金邊粉炒得夠鬆，唔會黏埋一舊，甜度適中，味道不錯。總結，除左泰式木瓜沙律較為失望，其他食物都唔錯，份量夠仲唔洗加一，非常抵食。…查看更多

今日放工後與朋友在旺角逛了一會，在Moko 商場行完之後，打算找間平民價的好食餐廳，在晚餐中稍為慳一慳。我倆就從Moko 行回旺角市中心途中，看到這間泰廚，我隱約記得這間餐廳的性價比是頗高的，於是就夾住朋友直接前往這間餐廳。我們去的時間還算早，大約7點3左右，但餐廳已經幾乎坐滿。如果到8點左右，相信平日亦要在外等一等位。我和朋友二人就被安排坐樓上座位，感覺還更好，因為比較寬敞一點。泰廚的食物款式居多，而且價錢相對貼地，所以同一個價錢亦可以點多一款食物，非常抵食。➻ 1. 泰式菠蘿炒飯之所以話貼地的原因，是因為星期一至日餐廳都會有一款特價菜式。是日為泰式菠蘿炒飯，當然不可以錯過優惠。菠蘿炒飯以半隻菠蘿盛載，份量亦裝得非常滿，多到會瀉出來。炒飯除有菠蘿基底之外，還加上不同海鮮配料來炒作，味道酸甜得來又有鮮味。➻ 2. 泰式小食拼盤（小）泰國菜，其中一個最吸引的食物就是其小食。最好的就當然是點個小食拼盤，而這裡就可以一次過有5款小食，包括豬肉、雞肉串燒、泰式蝦片、春捲及炸魚餅。這個小食拼盤的配搭實在不錯，每款小食都非常合口味，沒有一款是較失色的。不過，最好食的我會選雞肉串燒。➻ 3. 泰式香茅雞翼基於我和朋友較喜歡食串燒，所以就另外加配香茅雞翼串燒。而且還是雞全翼來的。這裡的雞翼串燒是配上沙嗲醬的，所以不是乾燒，不會太寡。➻ 4. 泰式椰青不用多說，兩個人就來兩個原隻大椰青，椰肉尚算滑，不會過生（椰青是對女孩好的呢）。➻ 5. 泰式生蝦性價比高，還有一個原因，就是吃滿$200 可以加$1 換取以下一款食物，我們就點了泰式生蝦。雖知道普通點一份泰式生蝦的價錢都不便宜，而這裡夠$200 就可以加$1 換取，非常之抵食。要找一間價錢貼地又好味的餐廳，泰廚是一個好選擇。而我們離開的時候，門外已經開始有人排隊了。…查看更多

好耐無食泰國菜，今日經過旺角見到一間泰國菜館，順道入去試一試。冬陰大頭蝦湯:表面有一層紅油，本來以為很辣，但一點都唔辣，有一隻很大隻的大頭蝦，蝦肉爽彈鮮甜，湯內香料十足。泰式小食拼盤：有蝦餅、魚餅、蝦片、春卷及沙爹豬串，其中蝦餅爽口彈牙，魚餅香料十足，沙爹豬肉串肉質嫩腍，沙爹味十足，有很香的花生味，春卷則比較一般。泰式菠蘿炒飯：原個菠蘿炒飯，裏面有蝦仁、青口、魷魚、提子乾及肉鬆等，用料豐富，炒飯粒粒爽口彈牙，而且炒得乾爽。椰青：原個椰青即開即飲，非常清甜。…查看更多

成日經過旺角東站天橋都聞到好香嘅串燒味,再望一望原來係間泰菜館。門口有個姐姐係炭烤爐前燒緊串燒,見到就覺得好吸引,所以行完街之後都特登返轉頭坐低食埋餐晚飯。依個拼盤有分兩個size,我就order咗個細嘅。有齊晒蝦片,蝦餅,魚餅,春卷同埋我最想試嘅串燒。所有炸物都新鮮炸起所以熱辣辣,而熱辣辣嘅串燒亦有少少炭香味再配埋沙嗲醬食落夠晒風味。份量比我想像中大,木瓜爽脆,味道酸酸甜甜夠晒開胃,再配埋香口嘅花生碎,正。馬拉盞炒椰菜苗基本上係我每次食泰菜都必點嘅蔬菜,椰菜苗炒的夠爽脆,但可惜唔知係咪因為棵椰菜苗太大棵,所以有D苦。食滿＄200仲可以用一蚊優惠價換小食,我就揀咗泰式生蝦,一蚊有四隻,抵到爛。夠晒凍同爽脆,價超所值。…查看更多

媽媽好耐無食泰國菜了，所以今次帶佢黎食，滿足下異國風情。椰青 $38好新鮮，大大個，炎熱嘅夏天黎一個椰青，爽呀～泰式海南雞半隻 $95好掛住泰國嘅海南雞啊～因為總覺係香港食親都麻麻地，但估唔到呢間店嘅海南雞可以做到咁滑，而且味道不俗，加埋自製嘅酸辣汁，加分。泰式小食拼盤 $75叫咗個細嘅小食拼盤，呢個份量只係$75，泰國菜來講都算幾抵食。🍴蝦片新鮮炸好，夠晒脆，當零食都唔錯。🍴串燒肉質過熟咗啲，但表面嘅沙嗲醬真係好好味。🍴蝦餅外酥脆，內彈牙。🍴春卷有豐富嘅蔬菜，幾好食。🍴魚餅充滿香茅味，整體所有媽媽都幾滿意。泰式炒金邊粉 $47 每次食親泰國菜必點嘅一味，鍾意佢酸酸地夠晒開胃。🍴+$5 紅豆冰同平時飲開嘅紅豆冰完全唔同，超級多嘅紅豆，加上超濃既椰汁，與眾不同，唯一不足只係紅豆甜左d。椰汁榚 $35好想食甜品呀！所以叫咗個椰汁糕，表面上有超濃郁嘅椰漿，底層係西米同粟米，口感豐富，同平時食開嘅椰汁糕完全唔同口感、味道。但真心覺得幾好食。招呼我哋嘅係一位中年男職員，有禮貌，服務細心，值得一讚。整體味道不俗，而且唔需要加一，滿足的lunch time ~…查看更多

吃西餐吃到悶，和朋友去吃惹味的泰國菜滿足胃口。等了25分鐘左右，由職員安排座位入座，餐廳有兩層，但被安排對正門位置，食客出出入入，冷風吹來很凍！可是都不能換位呢。（應該只有非繁忙時間才可以自行選座位吧）-這麼寒冷，首先來個冬蔭海鮮湯 ($75)！熱辣辣上桌，湯料都幾足，有蝦，有青口，有菇......嚐一口，多重口感，不算辣而帶點酸，香茅味濃，夠重口味，很適合我泰式粉絲沙律 ($1)超級抵食～雖是冷盤，但當主菜吃可有解辣作用 口感豐富，又夠爽脆，正泰式炒金邊粉 ($68)朋友很推介，味道甜甜酸酸的，不過比較乾身，沒有令我一試難忘。馬拉盞炒通菜 ($67)少少辣，帶點咸，但通菜不爽口，可惜。泰式小食拼盤 ($75)如細食的話，叫一盤小的已經足夠。拼盤包含了蝦片、蝦餅、魚餅、春卷、沙嗲雞肉串、沙嗲豬肉串。當然最吸引的是沙嗲串，其醬汁好惹味，有點甜，而肉質不會"鞋"口或未熟透，十分香口好味。-全餐最值得吃的是串燒，其他都一般，下次再來叫多幾串吃過癮先部分餐牌如下:…查看更多

這天放工後相約小Bu先到這裡晚飯，然後去附近的花墟遊樂場行年宵。餐廳凡吃滿$200可以$1任選一款泰式小吃，我們要的是泰式生蝦。雖然是$1，但是生蝦都頗新鮮，配上辣椒生蒜，不錯。「小Bu，呢度用保鮮紙包住隻碟，咁洗既時候可以抆左張保鮮紙，隻碟油都少啲，用水洗一洗就得，好方便。」我自作聰明地說著。「你唔會諗住屋企都係咁呀！」平時少吃蝦的小Bu今日都邊吃邊說。「其實都可以試吓喎，咁我洗碗咪方便啲！」「呢度用保鮮紙係因為下面放左冰，用保鮮紙隔住就唔怕生蝦沾到水。」小Bu權威地說。「係喎，原來係咁。」泰式小食拼盤有蝦餅﹑蝦片﹑魚餅﹑春卷和豬肉串燒，送上時全部都熱辣辣的。熱的炸物永遠不會難吃。這裡的金邊粉偏硬，不過值得一讚的是餐廳將花生碎灑在一邊，令對花生敏感的小Bu也可以吃得方便。槽魚雖然要等45分鐘，但既然小Bu要吃，豈可不等。伙計打開錫紙後香味四散，魚肉滑嫩，配上各種香料，使我們吃過不停。我們倆口子賞完食物就去賞花去。…查看更多

泰國菜一向是我至愛，曾經有朋友說：經常吃中菜、西餐，而時下日韓菜又是大熱，想吃特別的風味，非東南亞菜莫屬。於是我在大街上來來回回尋找泰國菜館，沒多久就找到了泰廚。門口正面向天橋出口，熱鬧非凡，有不少人在等位。我們等了一會就有位了，內裏的裝修並不華麗，但別有一番異國風情。沿著樓梯上到二樓，仿似置身於九十年代的冰室，想必是泰國有別於香港般發達，這樣的設計更令人覺得身處在泰國平民茶餐廳的樣子吧，不像別的泰菜餐廳般有金碧輝煌的裝潢卻有泰國特色的小擺設，有一種很地道的感覺，這個環境我挺欣賞的。黃澄澄的海南雞顯得油亮肥美，有着綿胎一樣的厚肉，不難看出用雞油泡浸了一段長時間，然而肉質嫰滑彈牙，不止是雞腿附近的位置鮮嫰，連厚肉的部分同樣幼滑，不帶絲亳渣滓，很是驚喜。一口咬下去，雞肉能吃出雞油香味，其實海南雞不用沾醬已經很好吃，但亦不得不推介一下醬汁，是老抽和薑茸，同是細緻而易入口，沒有薑的殘渣，薑的香味清新而不辣，相當不俗。拼盤一共四款食物，春卷、魚餅和蝦餅先上，配有甜酸醬，串燒另上，可以保持串燒的熱度，果然是熱氣騰騰，正是門口的嬸嬸最新燒的。烤的是間適中，微脆，但內里很鬆軟，能把肉汁鎖在里面，吃下去並不油膩。最特別之處是由於牛肉是原條燒而非切粒，容易燒得均勻之餘，牛肉味奇香，口感上乘。難怪門口的外賣串燒同是熱賣。至於魚餅略兼乾身，但仍是十分爽口彈牙，沾上甜酸醬還是很美味，亦能吃出魚鮮味。比起魚餅，我更喜歡蝦餅的口感，其外皮炸得薄而香脆，沒有過多的油份，咬下去果真有＂爽爽＂的聲音，外脆肉香軟而彈牙，白白的蝦肉略帶粉紅，顯示出其新鮮，剎是可人，令我讚口不絶。最後值得一試的是春卷，內面涵料很多而春卷皮薄如紙，吃得出層次，香脆不已。吃了香口的炸物，正好喝一口清涼的涷飲。飲品方面我選擇了龍眼冰，而朋友則選擇了青檸疏打。飲品送上來，我馬上被泰國入口的疏打水深深吸引住，由於少見泰國原裝入口的疏打水，我和朋友都顯得份外興奮，覺得很意外，沒想到連飲品都是正宗的泰國來源，可謂誠意十足，青檸水則是分開上的，內有糖漿，中和疏打水的味道。而我的龍眼冰亦不遑多讓，清甜止渴。我特意點了少冰，果然比正常份量少了一半，而且冰是碎的，而不是一大顆，這種冰易溶化，融入龍眼水里，額外冰爽，且味道適中稍甜，如果正常冰的份量則剛剛好。吃到最後有幾顆龍眼肉，是龍眼乾化成的，真材實料，粒粒都有很滋潤的甜味。最後上的是乾咖哩炒牛肉, 起初看餐牌完全被乾咖哩引起了好奇心，乾咖哩這個煮法比較少見。只見咖喱均勻地佈滿牛肉片上，份量得宜，拌著豆角一起炒，吃著不覺膩，還有股熱帶風情中的清新感覺，賣相不俗，本身咖哩有種淡淡的甜味，而牛肉還鋪了層椰漿，更令牛肉充滿椰香，然而個人口味不喜甜，椰漿則覺得另上會更佳。整體牛肉經微炒很香軟，肉地富彈性，令人回味。…查看更多

朋友不太喜歡日韓食品，但喜歡越泰菜，所以選了泰廚泰國菜館因為幾年前試過一次，印象不錯店內環境較像茶餐廳，看起來衛生情況可以接受，但不算十分整潔我們坐樓上，地方感覺較迫，但樓上較不乾淨，時不時有烏蠅和蚊陪你食泰式肉碎生菜包:食泰國菜點生菜包似乎是好多香港人的選擇今次的生菜包跟香港大部分的泰國餐廳都差不多，這個生菜包比其實餐廳的差不多，但意想不到的是佢的辣度，因為的確辣得幾過癮，不會辣得進不了口，而且味道很香口惹味 泰式古法烤槽魚:平時很少食泰式烤魚，見到餐牌有特價，原來他逢星期一至六每日都有一款優惠，今日優惠是烤槽魚，$99都幾扺所以點了試試原來這個泰式烤槽魚是用錫紙包著大量泰式香料一起烤，烤起後原份包著錫紙一同上菜，在你面前𠝹開錫紙，原汁原味！這個烤法令到槽魚味道幾特別，因為泰式香料味道十分的重，而魚吸收了不少這個味道魚本身味道都不錯，槽魚肉身較硬身，口感淡淡肉，旁邊的醬汁為泰式辣汁，跟點生蝦的其中一款汁好像，點後令魚肉帶多點鮮味泰式拼盤: 這個拼盤給我感覺像印尼拼盤，可能因為蝦片和串燒吧先說串燒，上枱時已經不熱，而串燒的汁真的像印尼沙嗲汁，味道普通不惹味左下的是蝦餅，蝦味很少，太大塊，食一口已不想再食，太膩了中間的是類似魚餅的東西，但裡面夾雜著其他小配料，口感不好，亦同樣好膩右下的是炸春卷，跟魚餅一樣裡面有不少東西，一樣口感頗差整個拼盤配一個泰式辣醬，辣醬跟平常食的有點出入，不香，味偏淡，所以點完都沒味泰燒和牛串:完全意料之外的和牛串！和牛燒得剛剛好，不會太熟，入口牛味十足！而上面配上泰式辣汁更和和牛完美配合，想不到這個辣汁可以這樣配法，惹味十足！中間還配上青椒和洋蔥，美觀而又好味泰式青檸冰:酸到差點不能入口，只是勉強飯完泰式珍多冰:朋友說不錯整體算ok，和牛串亦令整體評分拉高好多不過有樣不滿，餐牌說點滿$200可以$1點泰式生蝦一碟，但又說售罄 :(…查看更多

跟同事吃晚飯，選址當然在公司附近吧，同事喜歡吃泰國菜，旺角通菜街的泰廚泰國菜館自然成為我們的首選。樓上環境地方寬闊，可以容納不少客人。泰式小食拼盤有蝦餅，魚餅，串燒，春卷及蝦片，沙嗲串燒分別是雞肉和豬頸肉，雞肉蠻嫩滑，配上甜甜的沙嗲醬蠻搭配的。不過蝦餅和魚餅外皮都煎得不夠香脆，幸好質地爽口彈牙，春卷最失色，有點油又不夠香脆可口。蒜蓉包蒜蓉包是配咖哩的最好朋友，焗得香脆可口，不過牛油味可以再濃一點。史両鏡咖哩牛史両鏡即是黃咖哩，椰奶味重，椰香味濃，有薯仔做配料，只有甜味完全不辣，不過牛肉有點嚼勁。菠蘿炒飯材料方面有新鮮菠蘿，肉鬆、青口、青豆、粟米等，新鮮菠蘿非常清甜，飯炒得乾身而且是粒粒分明，味道甜甜的，口感豐富。是日晚飯祝福同事成為我的舊同事，祝他前程錦繡，最後送上他最愛的梁詠琪 。_______________________今年仲夏 梁詠琪 野花　看看遠處荒山的野花懶理世界可怕　不憂慮沒什麼牽掛雨打　不慌張不囉嗦不驚風吹雨打穿得花般幽雅　盛放嗎　每份固執都漂亮嗎…查看更多