泰Grill (恆隆銀行大廈)

琴晚收工同屋企人諗住簡簡單單食一餐就算，行過加連威老道見到有個幾有歐陸風情嘅food court，入面竟然有地道泰國人主理嘅泰菜🇹🇭，裝修別緻，環境舒適整潔，而且價錢經濟又實惠～🥘冬陰功個湯做得幾有誠意，原先諗住佢用個碗裝湯，點知成個火鍋爐上、邊飲邊滾，啱晒打卡又保溫；講返個冬陰功色澤鮮艷、幾足料，仲有3件蝦，屬於2-3人份量；酸辣度濃烈、偏甜，非常醒腦開胃，幾有驚喜無諗過food court都可以咁高質👍🏼🍢🍛沙嗲串燒炒飯豬牛雞串燒各有一串，肉質鮮嫩，點上花生沙嗲汁及酸辣汁後非常惹味！沙嗲汁有剩仲可以撈飯食🥭🍚芒果糯米飯必試飯後甜品！價錢唔貴之餘重點係好食，將椰汁淋上糯米飯後，糯米飯瞬間充滿椰香味，味道甜甜地，煙韌得來唔會黏口，芒果仲要超甜🍹鳳梨茉莉茶茶味清香，啖啖果肉，最啱中和返d重口味、香料重嘅食物📍泰Grill (恆隆銀行大廈) 尖沙咀）尖沙咀加連威老道46-48號恆隆銀行大廈地下尖沙咀美食坊3號舖 …查看更多

用openrice 落單,搵到間新開泰國🇹🇭菜。見價錢都唔太貴，就落單。串燒好好味👍🏻，炒飯有啲啲鹹，如果改善一下，呢個午餐就不錯了。會再去試下其他食物。…查看更多

平民泰菜 唔想食咁貴就嚟哩度啦🤪😜今次我地點了四樣東東啊～沙嗲串燒炒飯 🐷🐮🐥🍢🈶️三款味道的串燒 豬牛雞大大串啖啖肉 肉質燒得啱啱好 配埋個沙嗲醬更出色👍🏽啲飯特別 🈶️陣特別的味 食唔出係咩😂🙈泰式炒金邊粉 都🈶️幾舊大蝦肉同埋蛋🍤🥚配菜🈶️香葱 芽菜 仲有花生碎同埋辣椒碎🥜🌶️撈埋一齊食都好惹味😊青木瓜沙律 🥗都幾足料架青木瓜 配埋兩款的辣椒粒🟢🔴🌶️蘿蔔絲🥕仲🈶️個𝚜𝚊𝚞𝚌𝚎 整體都不過不失啦～甜品一定要點芒果糯米飯 🥭🍚芒果唔算好甜 不過都🉑️以接受的喔 糯米飯煙韌帶點硬 都幾特別 配埋個椰汁 係必須的🥥飲品分別係#蘋果雪梨沙冰 🍎🍐🍧味道幾好 清清涼涼的 仲食到啲粒粒👍🏽👍🏽另外那杯係#高山烏龍冷泡茶 賣點係🈶️個得意嘅熊仔冰🐻🧊茶味唔算好濃 不過🉑️減低油膩感😀…查看更多

行經尖沙咀 見到呢間好外國風嘅food court😮 呢度都幾特別 因為冇乜見過food court有staff帶吓位 同埋落單✍️ 呢度有好多唔同style嘅菜式選擇 有點心 港式茶餐廳 炸魚薯條 而我同友人就揀咗最吸引我地嘅泰菜🐷冬蔭功金邊粉粉嘅份量有好多😂 底下仲有好多蔬菜🥬 面頭有三隻蝦仁🦐 湯底都濃郁嘅 酸酸地好開胃😗 味道上辣味冇酸味咁重沙爹串燒炒飯串燒有三款 啱晒咩都想食嘅我😋 有豬 牛 雞 各一串 個人覺得雞做得比較出色🐥 食落口都有肉汁同埋雞肉幾嫩口 佢嘅沙嗲醬都幾好 好重花生味🥜 個飯底係用甜豉油炒嘅 飯粒粒分明豬頸肉呢個係友人好鍾意食嘅 店舖都整得好好食👍🏻 煎得外層好香脆 咬落口好滿足 滿口油香 側邊嘅醬汁辣辣地 幾惹味🌶 高山烏龍見到凍飲有埋隻熊仔即刻心心眼咗😍 本身好擔心冇嗌到少甜果啲會好甜 點知原來係我最鍾意嘅無糖茶🍵 認真加分朱古力咖啡我都幾鍾意呢度嘅朱古力咖啡☕️ 口味啱晒我 朱古力同咖啡味幾balance 爭咁少少係佢冇拉花😂呢度環境幾舒服 又冇去餐廳食飯咁拘謹😗 可以坐低同朋友閒聊幾句都仲得😉…查看更多

係尖沙咀寸金尺土地方，閒閒地食個夜晚都人均二三百🙈想食又平又高質嘅泰菜都唔係無選擇😏「泰Grill」幫到你🤭.🍴肉碎生菜包💰$66大大碟份量一啲都唔手軟，生菜差唔多係成棵上🤣肉碎以辣椒、洋蔥、香料炒過後好惹味，配上新鮮生菜添加爽脆口感😋.🍴沙嗲串燒炒飯💰$68串燒肉厚多汁，配上濃郁花生香🥜嘅沙嗲醬將惹味昇華✨炒飯粒粒分明，以甜醬油調製後甜味同串燒好夾🤟🏻鍾意重口味嘅必愛‼️.🍴芒果糯米飯💰$58椰漿與芒果糯米飯分開上，鍾意落幾多自己控制😌呈上時糯米飯依然暖身，一口鮮甜芒果一口椰香糯米飯，為晚餐作結🥰.🥤泰式青檸薄荷梳打🥤水蜜桃梳打💰$38、$38（跟餐-$10）.餐廳不收加一服務費，食到咁都係二百幾左右，性價比非常高😆店鋪以Food Court形式經營，但內裏依然有侍應招待落單，甚至裝修都同一般餐廳無異😛絕對係平靚正泰國菜之選🌟…查看更多

泰Grill 🍖豬頸肉酸辣沙律🥗($68) 7.5/10真係好酸辣嘅沙律，主要係爽口嘅洋蔥加蘿蔔絲，食落辣得幾爽👍🏻 豬頸肉有加黑椒黎吊味，口感幾爽口滑嫩🥓肉碎生菜包配蒜蓉包 🥬($68) 8/10肉碎生菜包偏辣，如果鍾意食辣嘅朋友仔，就應該啱哂口味🌶 同平時出邊偏鹹個款唔太一樣，配埋生菜黎食都好fresh 🌱 另外有兩塊蒜蓉包做配菜，好重蒜香味幾正🧄沙嗲串燒炒飯🍢($68) 8.5/10大小飯桶都好鍾意呢個沙嗲串燒炒飯，唔好望啲飯咁深色，以為會好鹹，餐廳用泰國黑頭油，炒飯味道好有層次，輕微甜得黎又有回香味🍘 個炒飯係偏濕潤同埋痴身，加埋豆角，就豐富咗口感🤩串燒就雞、牛、豬各一串，三串都幾滑嫩👍🏻最有驚喜係個沙嗲醬，好多花生碎🥜香濃得黎甜甜地，同啲串燒夾到100分 💯泰式炒金邊粉 🇹🇭 ($75) 7.5/10金邊粉係飯桶爸嘅首推，撈埋花生碎同辣椒粉，酸酸甜甜，開胃得黎都幾惹味🤤 金邊粉雖然食到蛋，但蛋香唔算好重，呢方面可以努力下。蝦都有三四隻，幾爽口彈牙🦐芒果糯米飯 🥭($58) 9/10好出色嘅芒果糯米飯，成個糯米飯熱辣辣好軟糯🔥一定要成個浸哂落椰漿，香甜得黎又唔會膩🧚🏼‍♀️一開始見到個芒果仲驚佢酸，好彩食落係甜嘅，完美收尾✨Extra Comments 🖍•雖然話係food court ，但佢同普通嘅food court 又唔係好似，會有人遞餐同執嘢🥄…查看更多

行過尖沙咀發現呢度開咗個Food Court，好vintage好啱打卡！📸 呢度有幾間餐廳選擇，仲有檔專賣飲品嘅🥤 我哋今日就揀咗呢間泰Grill食泰國菜🇹🇭呢度最神奇係呢度會有人帶位，職員會攞哂啲餐牌比你睇👀 而每張枱都有個QR code，可以自助落單再用電話俾埋錢，非常方便完全唔洗離開個位！👏🏻 仲要唔洗自己取餐，又有職員攞埋水比我哋，未見過咁高質咁好服務嘅Food Court！😳❤️ 沙嗲串燒炒飯 $68食泰國菜點少得食串燒呀！本身諗住叫淨串燒 $48，但原來加多個炒飯底都只係加多20蚊，咁梗係叫埋個炒飯啦！😆 串燒有三串，豬、牛、雞各一串，三串都勁厚肉燒得都好juicy，再加埋佢啲沙嗲醬幾好味！👅❤️ 飛天通菜 $58有睇開我食評嘅都知炒通菜出現嘅頻率比較高，而呢間啲通菜係我食過咁多間之中嘅辣度比較高嘅🌶 辣得嚟好惹味好有鑊氣又唔會辣到係咁飲水 (利申：食譚仔5小辣)🧏🏻‍♀️❤️ 白鱔 $38見到$38串白鱔咁平即刻叫返串嚟食！肉質好厚實飽滿，燒到個皮脆而肉又唔嚡，佢嘅燒汁甜甜哋燒得啱啱好！👌🏻❤️ 肉碎生菜包配蒜蓉包 $68食泰國菜都會成日點呢道菜，肉碎嘅酸辣汁做得唔錯，食落好開胃，辣度我就覺得辣過飛天通菜少少🤏🏻 第一次肉碎配蒜蓉包，個效果亦都好夾，而且配蒜蓉包食好似減輕咗啲辣度，食落無咁辣😼餐廳推薦度：⭐️⭐️⭐️⭐️ (4/5)食到中途我都唔記得自己喺個Food Court度😂 因為無論食物質素、環境同服務都係餐廳級數，而佢嘅價錢係非常之抵食！🙆🏻‍♀️補返Menu先👇🏻…查看更多

🎏️ 食盡油尖旺 — 泰Grill✨ Chill 住食泰Grill最有feel🍢🇹🇭#90cp尖沙咀篇 #90cp泰國篇➖➖➖➖➖早排放咗工嚟到尖沙咀呢頭，發現開咗呢一個新嘅foodcourt😮 入邊有四間餐廳俾你選擇，重點係幾間餐廳嘅嘢食都唔算太貴🤑 我就睇中左呢間泰國餐廳，見佢咁抵食就試吓佢🤫美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)✨ 沙嗲串燒飯 $68坐低先知原來呢間舖頭串燒expert🤫 所以佢嘅串燒一啲都唔失禮，唔會燒到好乾，配搭佢嘅秘製沙嗲醬食簡直係一流🙌🏻 另外佢都有個泰式酸辣醬，我個人就鍾意呢個多啲🤫 炒飯都落咗唔少香料去炒，不過食食吓我就覺得有少少辣😂✨青咖喱雞肉飯 $65佢嘅咖喱都幾重椰香味，少少辣，我唔食得辣嘅都覺得絕對可以接受🥘 成碗野除咗有雞肉之外都有唔少椰菜花作伴🥦 撈飯食絕對一流！🔸 冬陰功 $98反而呢個冬陰功就有少許失色🙈 本身自己同女朋友都好鍾意飲冬陰功，不過我就覺得呢個個味道偏酸，辣度唔足夠🌶 唔太啱個人口味😂 如果佢可以在辣啲就更好✨ 蒜蓉包 $28整體正常發揮，整得都算香口而且幾多蒜蓉，值得一提嘅係呢個價錢有5塊，都算好抵食🤑💰Total: $259✅ 又一個以性價比取勝嘅地方，味道都算唔錯🙌🏻 而且同一個場入邊都有其他菜式可以俾你揀，諗唔到食咩就可以嚟呢度行一轉😂💡溫馨提示💡其實呢個係foodcourt仔😂 嚟到可以首先搵咗位先，之後再用手機落單等餐就得🤣➖➖➖➖➖📍 泰Grill (尖沙咀)尖沙咀加連威老道46-48號恆隆銀行大廈70s Food Dining by Vintage House地下3號舖…查看更多

經過尖沙咀無意中發現 開左個好vintage既food court😳 70年代既設計 每個角落都好igable 尤其喜歡佢個地板😍 一入到去姐姐就好熱情招待 有多間唔同菜式既小店 再用qrcode揀你想食既餐廳落單就可以了 我地就揀左間泰國野😚～原來依間餐廳九龍灣同土瓜灣有串燒分店 後來係尖沙咀同泰廚合作以foodcourt形式開舖 除左有主打串燒 仲有多款泰式主食🙆🏼‍♀️.◽️沙嗲串燒炒飯 $68😋👍🏻：👅👅👅.8/5分兩樣都想試所以就直接揀左依款😛 有豬牛雞串燒 肉質唔會過柴 仲有沙嗲同泰式辣醬可以點 食落更加惹味😚 炒飯唔係乾身果種 用左啲臘味同蔥花去炒 油香十足幾香口🤤.◽️泰式炒金邊粉 $75😋👍🏻：👅👅👅.7/5分金邊粉酸甜度拿捏得剛好 幾開胃😛 麵條乾爽幼身 落左蝦仁 炒蛋 豆乾 芽菜去炒香 仲有啲花生碎同炸蒜粒可以自己再撈埋食😚 食落更有風味～.◽️肉碎生菜包 伴蒜蓉包 $68😋👍🏻：👅👅👅👅/5分次次都必點🤭 個酸辣做得好夠 辣得黎好惹味多汁 除左生菜竟然仲有埋蒜蓉包 蒜香十足之餘仲好脆口😚 放啲肉碎上去食 口感更飽滿😍.◽️豬頸肉 $68😋👍🏻：👅👅👅👅/5分厚薄均勻 帶點微焦咁燒得剛好 肉質細緻有咬口 點埋個辣醬食更香濃😚.總結 本身怕food court水準可能普通 但點知有驚喜 質素好ok之餘價錢仲好划算😍 同普通泰國餐廳食無異 仲食到我地好飽好滿足 而且服務好好 空間感都幾大 坐得好舒服😚 裝修仲好vintage 可以順便打埋卡🤭 …查看更多

近排行尖沙咀，有時經過一間唔知食乜嘅舖頭，但好似乜都有得食今次入去先知係food court嚟，仲有檔係賣泰國嘢呢間主打係串燒，見menu上牛仔骨有手指公推薦，就嗌嚟試吓，一上碟晶瑩透亮，雪花均勻度同和牛不相伯仲，咬落肉汁解鎖，好好味炒飯睇落好惹味，係有啲甜豉油香，配上雞牛豬串燒，燒得香噴噴，沙嗲醬香濃又過癮豬頸肉份量都ok，條條爽口彈牙，醬汁雖辣尤香，為自己嘅晚上帶來難忘嘅刺激菠蘿大大粒，但就好甜，上面灑上薄薄調味粉，鹹甜交替，味道有趣又不失風味燒蠔更係無可抵擋，大量嘅蒜粒做引，撥開就會見到鮮味十足嘅蠔肉，滑溜又香口…查看更多

估唔到尖沙咀有新開food court仲發現有間抵食泰菜🇹🇭———————————————————🍴飛天通菜($58)唔好睇佢面頭有好多辣椒🌶但其實食落唔算好辣 反而幾重蒜味🧄份量方面兩個人食剛剛好可能因為本身通菜易出水所以炒既時候都偏多水———————————————————🍴牛仔骨($48)呢間餐廳本身串燒好出名所以都即刻嗌個牛仔骨試試佢點知果然無嗌錯😆真係幾好食肉質偏淋 食落唔會好韌 仲幾易骨肉分離牛味仲幾重🐮味道唔好咸 幾惹味添十分推介大家嗌呢個‼️‼️‼️———————————————————-🍴肉碎生菜包配蒜蓉包($68)食泰菜當然要叫生菜包啦😆估唔到呢度嘅生菜包係會配埋蒜蓉包極度建議大家食咗蒜蓉包先因為成個蒜蓉包沾滿蒜蓉同牛油遲咗食既話就會淋晒㗎啦🥴味道方面都夠辣 但略嫌可以再酸啲———————————————————🍴沙嗲串燒炒飯($68)幾欣賞佢個炒飯 每粒飯炒到上晒色而且唔會炒到好乾 仲有啲濕濕地添👍🏼而串燒就有豬 牛 雞各一串每串串燒唔會燒到勁dry☺️雞仲好滑 豬仲好juicy 牛仲唔會好韌添每串串燒都好有驚喜😍…查看更多

👩‍🍳正宗泰國廚師主理～～～～～～～～～～🍁喺尖沙咀行街，發現加連威老道原來最近新開咗一個裝修極具歐陸風情嘅Food court，非常舒服😍同平時印象中嘅Food court好唔同！入面餐廳有中式、西式、泰國菜、東南亞菜等等！今次揀咗一入門口右手邊嘅泰國菜「泰Grill」試下😛炒飯分量都幾大份，串燒就有雞，牛及猪！配咗自製花生粒沙嗲醬同酸辣醬！炒飯係落咗些少嘅香料落去炒，好夠味炒飯唔係炒到好亁身嗰種，食落有好輕微嘅濕潤，係好食嘅！串燒燒得都唔錯，好香好入味，配埋炒飯食一流！個通菜炒得好有鑊氣，味道啱啱好，通菜嫩綠爽口，辣辣地，好正呢個牛仔骨燒得好靚，味道亦相當唔錯，只係稍嫌肥肉多咗dd生蠔好新鮮，燒完依然仲有少少汁，加咗蒜茸蔥粒同埋調味料，熱辣辣食落非常惹味如果叫半打相對會抵食d想食串燒叫呢個就啱啱好！每樣一串🤩串燒本身係醃製咗，食落好入味，肉質唔會太韌，我就比較鐘意食個雞，雞肉好嫩滑👍🏻如果想d串燒再惹味d，可以點下佢個花生粒沙嗲醬，都非常唔錯㗎💁🏼‍♀️呢個food court係使用Qr code落單同付款，非常方便！呢間「泰Grill」食物質素相當唔錯，有水準感覺都幾正宗，同埋好抵食！絕對可一試呀！…查看更多

經開尖沙咀先知道新開咗個food court，重要係地舖同埋地方幾大幾舒適😆入面都有幾多間舖頭，有唔同菜式，用QR Code落單。今次我就試咗入邊其中一間泰國菜🇹🇭🥰.🥘🍢 沙嗲串燒炒飯 $68🍢🍢 串燒三串 $48串燒炒飯係跟三串串燒，不過因為我同朋友都想好鍾意食串燒，所以就額外加多三串🤣😍😍串燒分別雞🐣牛🐮豬🐷，全部串燒都好入味，燒得燶燶地好香口！三種肉類都唔韌，特別係雞串燒，燒到好嫩滑😋😋炒飯好夠味，好香九層塔同埋加埋豆角，口感好好👍🏻👍🏻👍🏻🥬🐷 肉碎生菜包配蒜蓉包 $68哈哈 唔知點解佢會配蒜蓉包不過幾好食，不過我見佢都有落辣椒🌶️，味道會比較濃啲同辣！🥘🦐 冬蔭功 $98份量好多，重要係用個鍋有個火熱住🔥🔥配料有啲菇同埋蝦。味道酸酸辣辣，好惹味！感覺係好正宗正宗嘅冬陰功啊🤩🤩🤩…查看更多

尖沙咀新food court. 今日第一日Trial Run. 梗係唔好執輸要黎試下！個場歐陸式建築，好grand. 坐得都好舒服！入面有多國菜！因為好掛住泰國，所以泰國菜永遠都係first choice.試左個串燒飯同個海鮮冬陰公湯，超正！真是完全沒有令我失望！串燒又大串又有泰國味，配埋佢個沙嗲醬汁真系無得彈！Ｄ飯用醬料炒過，好特別，好好味！好值得一試！海鮮冬陰公湯又酸又辣又足料！個湯原價98，加10蚊仲可以跟埋金邊粉！喺尖沙咀黎講真係賣大包！…查看更多