立体派拉麵 (威靈頓街)

今次去到中環嘅小巷食冠軍級嘅大阪過江龍拉麵 @ramencubism 🍜🇯🇵～九味醬油湯拉麵（$98）😍醬油湯幾濃味，仲有四大舊汁煮厚切叉燒，好軟好入味，入口即溶🤤Ramen Cubism特級白湯拉麵（大)（$118）🐥🦆鮮味濃厚嘅白湯原來係用咗日本米鴨、有機京都丹波地雞、籠目昆布，並每日用6小時熬製而成😲～配料有三大片嫰滑嘅半肥瘦叉燒同一隻溏心蛋👍🏻明太子醬章魚小丸子（$66）熱辣辣、外脆內軟，章魚彈牙🐙富士川町柚子汽水🍊（$28）食拉麵必叫汽水～好鍾意呢枝柚子汽水，入口清甜柚子味，好清新🏖️靜岡綠茶可樂🍵（$28）淡淡抹茶味，入口甜度比普通可樂低～…查看更多

𝗵𝗼𝘄 𝗱𝗼 𝘆𝗼𝘂 𝗹𝗶𝗸𝗲 𝘆𝗼𝘂𝗿 𝗿𝗮𝗺𝗲𝗻? 𝗰𝗿𝗲𝗮𝗺𝘆 𝗰𝗵𝗶𝗰𝗸𝗲𝗻 𝗯𝗿𝗼𝘁𝗵, 𝘀𝗼𝗳𝘁 𝗯𝗼𝗶𝗹𝗲𝗱 𝗲𝗴𝗴, 𝘀𝗹𝗼𝘄 𝗰𝗼𝗼𝗸𝗲𝗱 𝗽𝗼𝗿𝗸 𝗯𝗲𝗹𝗹𝘆 𝗮𝗻𝗱 𝗮𝗹𝗹, @ramencubism '𝘀 𝗿𝗮𝗺𝗲𝗻 𝗶𝘀 𝗲𝘃𝗲𝗿𝘆𝘁𝗵𝗶𝗻𝗴 𝗶 𝗻𝗲𝗲𝗱😋.天氣轉涼就係想食返碗暖粒粒嘅拉麵，之前食過 @ramencubism 幾好食所以又再返兜，因為佢碗白湯拉麵真心正，雞湯超濃郁又夠濃稠，飲完成碗都無口渴仲要唔太油～ 另外醬油拉麵跟嘅叉燒都用醬油醃過，肉質軟稔入口即溶🤤 最鐘意佢哋嘅筍爽脆清甜，出面真係食唔到！…查看更多

拉麵向來是日本國民美食，就算在香港的受歡迎程度多年來持續不減，這晚就來到位於中環的立体派拉麵來碗暖呼呼的Comfort food。Ramen Cubism立体派由日本冠軍級拉麵大師林隆臣主理，一直人氣高企，店面面積較細，座位不多，遇上peak hour人多時亦有可能要排隊。餐牌亦是獨沽一味賣拉麵為主，但不時會推出期間限定新品，為傳統拉麵帶來新穎變奏。枱面上放有清水，可以自斟自飲。特級白湯拉麵（大）$118湯頭呈現淡淡的金黃色澤，口感黏稠略帶膠質，猶如喝下一碗滿滿的膠原蛋白。大大片的低溫慢煮叉燒，切得很薄身，肥瘦相間，脂香滿瀉，肉質軟嫩不死實。附上對半切開的流心蛋，軟嫩蛋白包裹著半熟晶瑩的流心蛋黃，滿溢香濃蛋味。九味醬油湯拉麵 $98琥珀色的湯底呈現澄澈透明感，由九種特級醬油熬製而成，味道甘醇不死鹹，迸發出獨有清鮮味更具層次感。配上賣相猶如中式東玻肉的汁煮厚切叉燒，橫切面清晰地展現豚肉與肥脂的工整紋理，經長時間燉煮後肉質軟腍入味，入口即化。粗身曲麵質地爽彈帶咬口，掛湯力更強，盡吸醬油湯底精華，即使浸久了也未有變軟。自家製餃子 $48拉麵配餃子可說是永垂不朽的經典配搭，一客有五件，佐以酸甜醒胃的柚子醋。薄薄的外皮不會過厚，一咬開餃子餡料扎實多汁，豬肉混合蔬菜絲，令內餡豐滿鮮嫩而清爽。章魚小丸子 $58表面灑滿了輕薄的木魚碎，遇到熱氣後搖曳飄舞，章魚丸個子渾圓飽滿。丸子口感外脆內軟而不會糊口，點上蛋黃醬、燒汁、木魚碎，突顯出正宗日式章魚燒的原始風味。飲品則點了靜岡綠茶可樂 $28 和富士山櫻花可樂 $28，清涼又解渴。…查看更多

港女我表示好鐘意食拉麵，今次俾我揾到呢間, 一於睇下佢咩料先❣️ 特級白湯拉麵 Ramen cubism white broth $118一黎到，見到好大個碗既拉麵! 無理由唔打下卡啦，好吸睛阿!即刻忍唔住試下個白湯，白雞湯味好濃旭，鮮甜!拉麵軟硬度做到岩岩好，仲索晒D 湯既味!三塊叉燒肉質好嫩好腍， 配埋青蔥加添令到更香更惹味。隻溫泉蛋超級好食， 仲索埋湯既精華!❣️ 大和妃子雞免治肉丸辣味噌拉麵 $158辣既味噌拉麵就更多重口味得多，岩晒我呢D鐘意食辣既人~味噌湯底個湯好濃郁，D麵索晒湯既精華!免治肉丸彈牙爽口，仲有爆漿芝士獅子狗!而且重點一定要配埋佢既大量芫荽芽菜，咁樣一齊食咬口仲令到個味道更出更惹味， 呢個組合無得輸呀! ❣️ 汁煮厚切叉燒 $58 [勁力推介]呢個不得了，單單見到佢個賣相，已經好想食。 而我亦係唔邪惡既野都唔會食啦。重點係佢唔多肥膏!一放入口，勁林，做到入口即溶既感覺! 加埋酸酸甜甜地嘅秘製醬汁! 超入味。真心幸福既感覺又黎啦。❣️ 富士山柚子汽水 $28 + 富士山櫻花可樂 $282隻都唔錯呀! 有陣陣柚子同櫻花香味,唔算太甜~食完辣辣惹味拉麵，必需要飲下令口腔refresh番服務: 服務質素好好，有禮細心。佢地會提供每一個顧客一件圍裙，驚我地食野個陣整污糟件3!好體貼呀!餐廳：立体派拉麵(威靈頓街)Ramen Cubism (Wellington Street)📍中環威靈頓街27-29號元益大廈地庫Basement, Yuen Yick Building, 27-29 Wellington Street, Central…查看更多

餐廳係日本工業風裝潢，簡簡單單裝修，但拉麵一點也不簡單唷。餐廳外面的壁畫都好好打卡😍😍特級白湯拉麵 $118第一個感覺係…好大碗呀!! 🤣巨型碗都係依間店的特色之一奶白色的湯，但有好濃的肉味，三大片超薄片低溫慢煮叉燒，肉質嫩滑。聽說拉麵是他們店自家製，質感比較彈牙同爽口。極上芫荽醬油拉麵配低溫慢煮叉燒 $108近期興食芫荽，芫荽控一定要留意‼️滿滿的芫荽山上碟的時候已經聞到香味。依一款的湯式同特級白湯拉麵唔同的，依款連湯都有芫荽味的。濃濃的芫荽加上拉麵，真係清新，好岩依個夏天食。芫茜多到每一口都有芫茜嫁🤣汁煮厚切叉燒$38超厚叉燒煮到好淋身同好入味，肥肉瘦肉層次分明，都有醬料的味道，入口即溶。🥰超幸福的感覺🤤我地飲品仲叫咗無糖可樂同一枝烏龍茶，總共三百蚊左右，值我一提的係，平時食拉麵，有時都會好口渴，但依間一D都冇，依個質素的拉麵真係超值。芫荽控不能錯過😘…查看更多

又係weekend出嚟睇醫生既日子，琴日喺openrice搵吓有咩好嘢，見到呢間拉麵舖評分好高，走嚟試下。weekend lunch time可以直入，之前睇過其他人啲評價，基本上唔睇menu都知道叫乜：雙子鹽味拉麵+汁燒厚切叉燒汁煮厚切叉燒$38 （9/10）個厚切叉燒到先，見之前啲人寫到好正咁，又真係名不虛傳，強推！點講呢，日式東坡肉？脂肪層都幾厚，但真係好鬼好味個燒汁唔會太鹹，啱啱好～ $38/四大件，價錢都好合理雙子鹽味拉麵$188 （8/10）比起味噌同豉油，個人一直都比較鐘意日本既鹽味拉麵，打孖嚟既真係第一次 雙子意思一冷一熱，服務員話我知先食熱再食凍，都啱既，熱既凍咗就無意思。每款拉麵都有一塊薄叉燒，開頭以為得一兩啖，點知都有一般拉麵既7-8成，即係齋一碗雙子拉麵已經等於平時既1.5碗，食完真係好鬼飽。熱嗰碗我第一啖先飲湯，暖暖地，好鮮既鰹魚湯（係鰹魚？），好好味。叉燒唔錯（當然同厚切叉燒無得比），麵底都好ok，係啲黑胡椒有少少搶戲。再食凍嗰碗，都係先試湯底，嗯，講真如果齋熱嗰邊我會比9分，凍呢邊我覺得有少少魚腥味，叉燒又有啲柴，係上面啲配料（魚仔干+魚籽）加分，麵都ok既，係再爽口少少，但問題味道有差別，點爽都有啲扣分。開頭有啲好奇點解要分兩個匙羹，我特登食完凍嗰邊唔過水再走去飲熱湯，個味真係好奇怪都係乖乖地分開食啦價錢係就係好似唔平，但1.5碗賣$188我覺得可以啦，未到好離譜。而且佢令我下次想再嚟試其他款式，佢已經成功咗…查看更多

星期日去IFC睇新iPhone，睇之前先食個午餐。依日想食拉麵，於是喺Openrice搵下，仲見到訂枱食「立体派」三點鐘有8折，咁行個圈買張六合彩就夠鐘啦😚。餐廳位置有啲隱蔽，喺一幢大廈嘅地庫，除非有細心留意或特登搵👀，否則好易行過Miss咗。佢喺士丹利街同威靈頓街中間嘅一條巷仔，下面上去呢就喺投注站旁，而上面落去呢就係喺越南粉隔離落樓梯，有個牌寫住「私家重地，閒人免進」，記住唔好俾佢嚇親⚠️🤣。一入餐廳要先上幾級樓梯，店員果然會問有無訂位，估計好多人都係用App訂台吧。由於過咗正常人食晏時間，所以唔駛排隊直入✌🏻。餐廳有幾款拉麵湯底揀，口味幾特別，另外仲有提供多款小食，價錢中等。餐牌清晰，🧾圖片取代文字説明一切。呢度係店員幫忙落單，而唔係自己劃紙。我哋叫咗兩碗拉麵、兩款小食同飲品，全部都好好食😋，份量又夠多，無得彈！兩碗拉麵併埋一齊比較之下，就睇到大碗拉麵有幾巨型。特級白湯拉麵($118/大)，特級白湯有得揀大同小，大份量真係好大😱，個碗勁爆大隻，拎起都重！拉麵造型好吸引，先講湯底，第一啖飲好似有啲鹹，但再飲感覺就唔同咗，🐔雞湯好惹味，我自己仲覺得好似有啲奶油香？我知道湯頭係用上米鴨同京都雞等餚煮，所以無豬骨湯咁肥咁膩。白湯嘅餸料有幾片超大塊薄切慢煮叉燒🐷，叉燒好薄、師傅刀功好好，雖然口感差少少，但勝在面積夠大搭救！另外，餸料仲有豆苗、筍乾同溏心蛋。🥚溏心蛋整得好出色，晶瑩通透，蛋黃勁流心，蛋白就好綿好淋，好味道。鯖魚湯香菇野菜海蝦拉麵($108)，鯖魚湯相比之下較為清甜，呈透明色，而唔係奶色。湯頭用上鯖魚同昆布熬製，微微辣🌶，幾開胃。呢款湯底感覺仲幾健康，又無乜油。湯底配以大量菇菇🍄、椰菜、芽菜、紅椒絲、大蔥絲同青蔥粒，好豐富。菇類有冬菇、金菇同本菇等，唔食拉麵就咁飲湯有啲似飲緊雜菌湯，我好鍾意。兩碗拉麵嘅麵條係一樣，我諗除咗有指定要求外，麵條應該係預設咗粗幼同軟硬度等選項吧。對我嚟講無乜所謂，因為我無特別要求。🍜拉麵麵質彈牙，粗幼適中，掛湯效果幾好。隨鯖魚湯拉麵附有三隻海蝦🦐，同拉麵分開上的。我諗主要原因係海蝦用酒浸住，免得互相影響味道。蝦肉緊實，帶有酒香，味道出眾；飲啖鯖魚湯，食啖蝦，嗰種口味嘅變化相映成趣。蝦肉係連殼上，餐廳好細心有提供🧤手套比客人剝蝦，枱面又有濕紙巾，唔怕整污糟。汁煮厚切叉燒($48)，叉燒個樣好似東坡肉🐷，其實食落都有啲似。整件叉燒半肥瘦連皮炆煮到好淋，直頭有入口即溶嘅感覺，就算有肥膏亦唔覺膩。醬汁調味唔會好似中式咁重口味，甜甜哋，正。鰹魚凍湯浸菠菜($28)，無論食日本菜定韓國菜，我都好鍾意食菠菜做前菜。菠菜面頭有啲碎木魚絲，下面就有好多凍鰹魚湯浸住，好入味！呢個係預期中嘅好食🤤。飲品方面，我哋要咗枝綠茶同波子汽水🥤，各售$28，飲品就有啲貴，但其實枱面都有水可以任飲😉。題外話，男店員好好人，好好禮貌，佢落單時有問我哋使唔使開埋支波子汽水，但我哋自己想玩，點知又唔夠力開...，店員見狀即刻主動幫手，抵讚。由於疫情關係，所有餐廳都會搵嘢分隔座位。呢度好有心機採用特製透明膠幕隔開👍，此舉讓食客安心之餘，亦唔影響室內環境裝修。餐廳外牆嘅壁畫好靚🎨，彷似3D立體畫，門口有拉麵師傅同一碗碗拉麵。總括嚟講，立体派係一間非常出色嘅拉麵店，各方面都令人滿意💯。兩碗拉麵湯底各有特色，難以直接比較邊款好食啲。食完之後我理解佢能夠成為得獎拉麵嘅原因！你睇我成碗湯飲哂就知啦😁。…查看更多

日本拉麵一向係我最愛，最近朋友極力推介我去中環威靈頓街一間超人氣，全日本拉麵比賽冠軍級拉麵店- Ramen Cubism ＜立体派＞。拉麵店離中環地鐵站好近，位置非常方便，店舖入口衹要轉入小路, 行幾級樓梯就到，吾太難揾。黃金味噌拉麵 $138呢個拉麵係大師級得奬拉麵冠軍自家創作!!~ 拉麵好大碗，材料及份量都好多，有幾塊大大塊既日式叉燒，肥瘦勻稱，入口好腍好好味。腐皮福袋賣相超級可愛，入面包住滿滿既菜肉同葱粒。仲有好多芽菜，葱菜等等。當然最特別就係佢哋自家調製既味噌湯底，湯頭非常濃郁，用多款秘製材料熬製而成，配合埋爽滑彈牙既粗身拉麵，真係一試難忘。特級白湯拉麵 $118呢個白湯拉麵超級大碗，有幾塊非常大塊既豚肉，豚肉邊有點兒黑椒，非常惹味好食。拉麵同樣配有大量葱菜，仲有一隻暖暖既糖心蛋，配合埋濃郁白湯底同不軟不硬既粗身彈牙拉麵，入口煙韌爽滑，真心推介!!~麵豉香葱黑豚腩肉 $38黑豚腩肉片係半肥瘦豬肉片，薄切輕煎，帶點咸香，煎得非常香口惹味，配埋大量葱菜，絕對值得一試!!~汁煮厚切叉燒 $38厚厚既豬腩肉，用自家調配醬汁醃得相當入味，而且豬肉炆得好腍好鬆軟，肉質非常實在，完全吾覺得肥膩，絕對係高水準之作。波子汽水 $28一枝充滿童年回憶既汽水，冰涼解渴，配襯拉麵小食絕對一流!!~餐廳室內裝修以木材元素為主，簡約自然，來吃碗拉麵，再加個小食，除了食物質素高外，仲有種舒適自在既感覺，難怪人氣不減，來中環吃拉麵，我一定簡＜立体派＞。…查看更多

同朋友去立体派食拉麵，門口外牆已經有好靚嘅塗鴉😍店員服務好好，笑容又多，又會同顧客傾下計講下笑，佢地用嘅所有食物材料都係由日本運過黎，保持返個質素同味道👍🏻👍🏻🍀雙．禁果之鹽（兩款口味：冷熱鹽味拉麵） ($138)每小時限量發售2碗，先到先得!佢地係用咗雙子8字碗，望落勁吸引😍，$138有2碗拉麵，份量都唔少，勁抵食!👍🏻店員仲教我地可以先食左熱果碗再食冷嘅-熱湯底以4種甲殼類嘅精華製成海鮮鹽醬汁，鮮味十足!! 🤤豬腩肉製成嘅叉燒入口嫩滑，拉麵麵質彈牙-冷湯底就係用頂級魚貝類配以秘製醬油製成，上面有三文魚籽、白飯魚、洋蒽同荀，攪拌後嘅湯非常甘香鮮甜，味道好特別!!😋 仲有豬肩肉製成嘅叉燒，香口而且好腍，麵質就爽口😋🍀鯖魚湯香菇野菜海蝦拉麵 ($98)以日本鯖魚同昆布製成湯底，飲落甜甜地好香濃，我地都勁鍾意哩個湯底，仲有好多菇同蔬菜☺️有3隻大大隻嘅凍海蝦，廚師用酒醃製咗一晚，蝦肉好彈牙，充滿酒香味!!😋碗邊仲鋪滿咗6大塊嘅紫菜，好正😍😍🍀自家製隆臣餃子 ($48)一定要襯熱食!! 餃子皮好薄，入面仲有唔少嘅肉湯汁❤️，同平時食開嘅煎餃好唔同! 加埋辣椒油更惹味! 推介!!👍🏻👍🏻🍀汁煮厚切叉燒 ($38)嘩嘩嘩!!! 勁大份勁厚身!😍叉燒半肥瘦，脂肪位係入口即溶，叉燒咬落好腍，同埋勁入味😋😋🍀札幌啤酒 ($58)面層係超綿密嘅酒泡，啤酒入口清爽又唔苦澀👍🏻我同朋友都覺得價錢好公道，野食好味，湯底味道又夠晒特別! 值得再去!!!❤️…查看更多

拉麵新貴「立体派」由日本拉麵界冠軍級人馬林隆臣及廚藝鬼馬大師松村貴大於香港創立，通常背負如此名號的過江龍都是雷聲大、雨點小，今次會不會例外？位置有點難找，瑟縮於鏞記及蘭桂芳翠華附近的小巷地庫。🍜汁煮厚切叉燒 $38先上的是另外加的角煮，厚身的五花肉肥瘦適中，燜得入味亦入口即化。🍜特級白湯（大）$118湯碗大如臉盆，鋪上三塊低溫慢煮叉燒，的確有點立體，叉燒接近半肥半瘦，鬆軟有肉味帶油香，加上淡淡的黑椒味，甚有水準，拉麵是自家製中粗微曲麵，彈牙之餘掛湯力不俗，而「立体派」的殺手鐧絕對是湯頭，以日本米鴨、丹波地雞、籠目昆布等等熬製，有別於傳統豬骨湯的濃烈霸道，取而代之是甘甜溫醇，吃畢留下絲絲餘韻。…查看更多