明閣 (鷹君中心)

🥰 十年前, 初試旺角朗豪酒店 “明閣”, 當年老友認識大廚, 攪過十次八次飯局, 食物出色, 而且 “抵食”! 現在酒店名都改埋, 往事只能回味.🥢 轉見十年, 今日灣仔見客, “大秘書” 神推鬼㧬揀咗鷹君中心嘅 “明閣”. 午市套餐, $598+10%. 上菜節奏舒適, 食物味道出色, 一路食, 一路諗起昔日嘅 “明閣” 飯聚.🐚 酒香海蜇醉鮑魚. 酒味成功滲入鮑魚, 爽口, 唔韌. 海蜇索唔到酒味, 唔知點解同鮑魚放埋一齊, 各自各精彩.🐖 極品蜜汁叉燒. 肉質鬆嫩, 蜜味啱啱好, 驚喜之一.🦐 筍尖鮮蝦餃, 不俗. 🥟 陳皮雞湯小籠包, 點解要玩陳皮呢? 我麻麻哋. 🍄 油雞樅菌蒸素餃, Ok. 呢個點心拼盤三件都係 “餃”, 少少悶.🍵 姬松茸螺頭滋補水鴨湯. 夠熱, 好飲.🦐 上湯焗鴛鴦蝦球素千層. 蝦肉爽口彈牙, 腐皮又索唒上湯汁, 味道一流, 掂喎.🌿 蟲草花雞湯浸時蔬. 正常.🍙 欖菜肉鬆炒飯. 夠鑊氣, 好食.🍮 黑糖桃膠薑汁3.6牛乳奶凍. 奶凍香滑, 桃膠豐富咗口感.🤗 總結: 今日安排坐較靜嘅副廳, 座位舒適. 服務專業有效率, 當然, 相比十年前旺角 “明閣”, 服務略欠溫度. 食物穩定有驚喜, 叉燒係近期食過最出色嘅, 十個讚! 老老實實, 喺灣仔搵中菜商務午餐, “明閣” 真係首選.P.S. 聽講女洗手間廁格好窄, 扣分.…查看更多

同屋企人慶祝生日，特登揀左灣仔呢間明閣嘆下。餐廳環境舒適寬敞，好寧靜，服務態度非常好，會介紹菜式、斟茶遞水，服務很貼心有禮。焗釀鮮蟹蓋🦀 $158舖滿烤焗焦黃色既芝士，內裏釀了好多蟹肉，再撈上少許芝士、薯仔，食落去有蟹肉既鮮甜香味，仲要啖啖都係蟹肉，非常足料，絕對係signature dish！功手醋香黑豚肉🐖 $268外層用左黑糖黑醋煮成的醬汁，有拔絲效果，味道酸甜開胃，口感香脆，而且豚肉肉質滑嫩，啖啖肉。極品蜜汁叉燒🥓 $208叉燒賣相色澤金香，半肥瘦厚切，食落去肉質細嫩，口入面有蜜汁同肉汁既香油味，口感淋得黎又好爽口，好出色！招牌炸子雞(半隻)🐓 $288外層炸到皮脆肉嫩，再配上淮鹽同檸檬汁，食落好夾，好香！伴碟仲有炸脆的蓮藕片，好似薯片咁香脆。窩燒海味飯🍚 $238海味飯入面加左蝦肉、帶子、瑤柱等不同既海味，再加左鮑魚汁豉油去少，食落調味好夾，飯粒粒粒分明，又帶點濕潤，同埋好香，食食下就食左好多。鮮杏汁杞子百合浸時蔬🥦 $238杏汁非常香濃，蔬菜新鮮，再配上百合、杞子、雲耳等，每一啖都好香杏汁，甚至飲埋啲杏汁，好味！整體來講，環境高雅，服務態度良好，小菜惹味，難怪被譽為米芝蓮中菜，有正宗粵港既味道！🌟推薦指數：8/10💰人均消費：$400📍地點位置：灣仔港灣道23號鷹君中心2樓…查看更多

最近想搵下灣仔區高質中菜, 方便之後見客食飯. 今次就去灣仔「明閣」試下.地點好方便, 「明閣」係會展旁邊鷹君中心2樓，一上電梯就見到。餐廳裝潢有空間感。俾客人有一定私隱, 好適合見客食飯.食品方面, 我地叫左幾個點心. 其中, 米芝蓮食府出品嘅叉燒肉質細嫩,又有點焦香. 其他點心都有水準.我特別鍾意巧手醋香黑豚肉, 外屠香脆, 又有陣陣醋香, 內層非常juicy. 必食!最後有養顏好吃嘅黑糖桃膠薑汁3.6牛乳奶凍, 桃膠好大粒, 薑同奶香好夾.  …查看更多

難得和好友歡聚，這晚選擇了「明閣」的灣仔分店嘆嘆高質中菜。「明閣」位放鷹君中心的2樓，一上電梯便看到招牌。餐廳裝潢設計時尚優雅，甚有空間感。桌子之間有一定距離，給予客人一定私隱度。一進餐廳大門口，更是有一個酒吧。在中菜廳內設bar實屬少有，可惜疫情之下暫時休業，未能觀摩。否則的是，一試這裡的特色中國茶cocktail也是不錯。素來愛吃叉燒的筆者，又怎會錯過一嚐米芝蓮食府出品的這個機會呢？明爐叉燒燒至色澤金香。半肥瘦叉燒厚切，入口是肉香和脂肪油香並存著。一件過後，蜜汁的香味餘韻久久未散，令人忍不住再來一件。造型華麗的焗蟹蓋，放置在蟹形碟上，甚具打卡度。蟹蓋有2款做法可選，分別是芝士焗又或香酥，這次試了芝士焗。蟹蓋面上舖滿烤焗的焦黃的芝士，看得吸引。芝士之下是滿滿的蟹肉絲，也夾雜了白蘿蔔絲去加添口感。蟹肉的鮮美配上芝士，是一道香口美味的佳餚。能夠成為米芝蓮星級粵菜餐廳，殊不簡單；這個雞絲羹更拿下旅發局的美食賞金獎，再錦上添花。湯羹足料，啖啖都充滿著花膠絲、雞絲、木耳絲。以老雞和金華火腿熬成的湯底鮮味也頗為濃郁。值得一提的是，湯羹還加了陳皮絲熬煮，進食時隱約感受到陳皮的芳香。吃時還可以配上咸香的南乳薄脆。「明閣」分別在旺角和灣仔有設店，2間各有特色，有些菜式只會在個別分店出現。這一道巧手醋香黑豚肉就是其中之一，只能在灣仔店才得以一嚐。黑豚肉先以炸的方式處理，口感香脆，咬開後是鎖在裡面的肉汁，豚肉香十足。外層蘸上了焦糖和黑醋煮做的醬汁，味道酸甜開胃，夾起時更有拔絲效果出現呢。平時吃的都是上湯浸時蔬居多，用鮮杏汁的還是頭一回品嚐。菜蔬新鮮，再配上杞子、雲耳、百合等。每一口都滲透出杏汁的香味。炒飯加了蝦肉、帶子肉和瑤柱等海味，再下鮑魚汁一起炒香，面上灑上蔥花作點綴。入口惹味，飯粒又粒粒分明，煙韌夠穫氣。奶凍以3.6 牛奶混合魚膠粉，放入雪櫃雪好，之後再放上桃膠。奶凍非常香滑，牛奶味濃郁。而且因為桃膠用了黑糖和薑汁煮香，牛奶味外又會多了一分薑汁辣香。好吃又養顏的甜品，絕對會成為女士們的最愛。…查看更多

同友人慶祝生日，佢係一位對中菜幾高要求既人，上網搵到哩間位於鷹君中心的中菜廳，食物同環境都幾吸引，就訂座黎一試。極品蜜汁叉燒 $208厚切叉燒，肥瘦均勻，沾上蜜汁，做得高水準，每一啖都好林又爽口。第一道菜同朋友已經留下好印象，期待打後的每一道餸菜。焗釀鮮蟹蓋 - 芝士焗 $158賣相非常有趣，金黃色既芝士內有乾坤！內有滿滿的蟹肉，混有芝士、羅白絲等配料，估唔到裡面係有咁多拆肉蟹肉，食得勁方便。濃湯花膠雞絲羹 $198/位女士們都鍾情花膠哩個養生食材，哩個羹清清地十分足料，花膠切條，有木耳絲同雞絲。巧手醋香黑豚肉 $268哩碟既黑醋醬汁做得非常出色，係哩度既推薦小菜，黑豚肉沾滿醬汁，好開胃。鮮杏汁杞子百合浸時蔬 $238雪白色既杏汁煮蔬菜第一次食，所有食材都特別適合女士，美顏明目，杏汁濃郁。窩燒海味飯 $238一上枱香氣撲鼻，個飯調味得恰道好處。黑糖桃膠薑汁3.6牛乳奶凍 $68/位哩道甜品絕對值得一食再食，我地都大讚，超滑身既奶凍，混入黑糖同薑汁，冰涼甜品，面頭有我最喜歡的桃膠。…查看更多

明閣旺角店拎咗米芝蓮好多年了，佢哋最近喺灣仔開咗分店，仲推出咗啲灣仔分店限定嘅菜式，港島人有口福了😋。極品蜜汁叉燒 $208 比起平時嘅叉燒相比，明閣招牌嘅叉燒更加肥美，食落蜜汁同油香混埋一齊，叉燒肉質軟稔，超正。焗釀鮮蟹蓋 (芝士焗或酥炸) $158(位) 呢道菜嚟明閣必食！唔單止造型有gimmick適合打卡，個餡都好勁，入面成個都充斥住一絲絲嘅蟹肉，成個都係！我食嘅芝士焗蟹蓋更加增添咗鹹香。巧手醋香黑豚肉 $268 (圖為半份) 呢個係灣仔店先有㗎，醋味唔會太過酸，另外仲加咗焦糖點綴，食咁多肉都唔會覺得膩。明閣炸子雞 $288/半隻 雞皮香脆而肉嫩，唔點sauce食已經好正。另一亮點係啲蓮藕片，薄身炸完好似薯片咁，但又比薯片多咗蓮藕嘅甜。珊瑚素心燕 $208 素食嚟講呢個都算高質，底下係消暑必食嘅冬瓜絲，面頭係甘筍蓉同蛋白，食落好清甜，食肉獸嘅我都好喜歡💕窩燒海味飯 $238 有別於傳統中菜，呢個飯係加入咗日本豉油去炒，出嚟嘅飯粒粒分明之餘，又帶濕潤，味道仲多一份甜。黑糖桃膠薑汁3.6牛乳奶凍 $68 不得了嘅甜品！平時我係唔會食薑味嘅嘢，但呢個薑汁用嚟配上黑糖桃膠，出嚟嘅效果好提味，奶凍亦都好香濃奶味。炸杏片香芒卷 $48/4件 外皮炸得超級香脆，入面有豐富芒果，一脆一嫩，好夾。同場仲有bar area、chef’s table等，直情可以叫大廚tailor-made一啲你想食嘅嘢，睇嚟父親節晚餐有著落了😆！如果你鍾意睇我嘅食評，不妨關注我，支持吓我，謝謝你☺️💕…查看更多

有米芝蓮既星級中菜—明閣，係灣仔鷹君中心開左分店。環境同服務仍然都係一流～特別係佢有好多個房間，大大小小，到4人房間都有，其他地方好少見，適合鍾意享受privacy既客人。而且每個房間都係用茶葉黎命名、好有心思！呢個房間有落地玻璃，同埋一幅好靚既畫（其實拉開係電視黎ga）中菜都有chef table。呢間房既個幅畫，拉開就會見到廚師煮野食既風采。裝修都十分有中西合壁既style，非常有格調，門口仲有酒吧添！介紹番野食：極品蜜汁叉燒：柔嫩多汁😛一定係呢到既必點之一。濃湯花膠雞絲羹：入面勁足料，有花膠、木耳、冬筍，雞絲。飲完覺得成個人靚左😂焗釀鮮蟹蓋：點少得佢地既signature dish呢～你睇吓入面D蟹肉😛流晒口水巧手醋香黑豚肉：話明係巧手，就梗係signature dish啦，酸酸甜甜，咬開脆扑扑既皮入面係好嫩滑既黑豚肉😌 鮮杏汁杞子百合浸時蔬：個日食既時蔬係澳洲既菠菜苗，同平時食既有分別，而且杏汁好香～窩燒海味飯：當日manager既推薦，入面有帶子肉及瑤柱等海味，用鮑魚汁煮成，會令你想食多碗飯。甜品： 炸杏片香芒卷& 黑糖桃膠薑汁3.6牛乳奶凍：熱既同凍既甜品都有，而且比較新穎，唔係平時係中式酒樓黎黎去去閣幾款甜品。…查看更多

新年後一直home office, 今星期終於返回工作崗位, 今晚老闆還邀約放工一齊食餐遲來的開年飯。同事book左灣仔新開一間粵菜餐廳, 聽說連續多年曾獲米芝蓮獎項, 絕對令人期待啊!最近肺炎疫症係香港還未穩定, 餐廳亦有提供酒精搓手液同埋入座前為每位客人量體溫, 食都食得比較放心。踏入餐廳, 先經過一個酒吧area, 對比傳統中菜酒家感覺真的與別不同, 更特別的是這裡的調酒款式多, 其中更有茶味酒類飲品供應, 吃點心、中菜同時飲到西式調酒, 確實絕對少見。餐廳環境闊落, 坐得舒服。同事發板, order幾款share食。【極品蜜汁叉燒】HK$208叉燒淋上了大量甜甜蜜汁, 每件叉燒均為厚切, 質地更比預期中林得多, 很輕易就能咬開, 還帶豐富肉香, 一條叉燒就有肥瘦選擇。【焗釀鮮蟹蓋】HK$158蟹蓋有芝士焗同埋酥炸選擇, 我就揀左芝士焗蟹蓋。上檯擺設餐廳亦花過心思, 金黃芝士蟹蓋放於蟹狀碟上檯, 未食已經影了好幾張打卡相。芝士不是拉絲那種, 面層芝士甘香, 釀了梳梳蟹肉, 同時不經意混入少許芝士, 蟹肉極之足料! 對比坊間的釀蟹蓋, 他們都混入了薯蓉等, 但這間的釀蟹蓋, 確實令人讚口不絕!!! 淡淡芝士在沒有覆蓋蟹肉既原汁鮮甜味, 果然是吃出師傅的用心!!【鮮露筍油泡大虎蝦片】HK$338這款聽說是明閣灣仔分店所獨有, 就決定一試!虎蝦片超爽有鮮味, 雖然油泡過, 但表面亦沒有多餘油層, 配有鮮露筍, 整體味道偏淡一點。喜歡重口味的, 可以點一下蠔油/蝦膏食, 味道配搭亦有另一種驚喜。 【窩燒滋補竹絲雞炒飯】HK$228炒飯被蓋上, 上檯時侍應將酒淋上蓋邊, 令酒從窩邊慢慢流於窩內, 似乎時避免酒直接倒入, 不會令飯粒快速索左而帶澀味。打開煲蓋, 酒香樸鼻, 炒飯粒粒分明, 很有層次, 吃得出穫氣, 竹絲雞更被切細粒, 仔細食雞粒, 肉質是嫩嫩的, 整體食是香口有穫氣, 但不太食得出有雞味。 …查看更多