德美壽司

營業中

休息中

極上壽司定食（$150），總共10款，每款都不錯（上左二那件白魚個人覺得最好食），平均以$15@來計，更可算係抵食。海膽什錦魚生飯（$99），有海膽、虾、鯛魚、三文魚、北寄貝、蟹子，份量足。午市定食包埋沙律、蒸蛋、湯、甜品，仲要免加一，唔怪得知成日都咁多人啦。

🇭🇰德美壽司·我哋本身以為佢星期六日唔會有午市定食 點知原來都有㗎 超級抵食😍😍所以如果大家有興趣嘅話記住早啲去排隊 我哋嗰日差唔多12點3去到就唔使排隊而且啲質素唔錯😌·極上壽司定食$150我覺得佢呢個定食都真係幾好食 佢每舊壽司水準都唔錯 魚味同質感都唔錯 雖然冇話特別超級出色 但係呢個價錢黎講性價比真係超高😍而且佢呢度嘅服務超好 我哋本身諗住散嗌兩間中拖羅 但係廚師勁好咁同我哋講今日質素麻麻地 叫我地嗌其他嘢食😭🥰·銀鱈魚西京燒定食$92呢一個超級驚喜 因為我完全冇諗過佢會咁好食 所以我冇影相🤭😂但係都一定要推介呢個俾大家佢個魚係滑到不得了 燒得勁好 而且個汁都做得超好 成個都好好食 我絕對會翻去encore呢一個😋·📍尖沙咀厚福街8號H8 5樓📍紅磡黃埔新村德民街31號地下1B號舖📍將軍澳貿業路8號新都城中心1期地下99-100號舖📍沙田沙田圍路9-11號田園閣地下E舗📍大埔翠和里1號永發樓地下1A舖

一直都有留意德美壽司的午市定食，覺得性價比高。今天想對自己好一點，便點了最貴的極上壽司定食 (十貫)，都只是$148。套餐包括沙律，茶碗蒸，麵豉湯以及主食。我最驚喜的是套餐沙律並不普通的，除了沙律菜和凱撒沙律醬外，還有一片鮮甜的帶子，十分美味。茶碗蒸非常滑，內裡還有蟹柳，冬菇，蒸蛋有高湯調味亦倍感滋味。主菜的壽司全部都很新鮮，連海膽都沒有半點怪味，十分香濃。帆立貝亦很厚身，是我最愛的一件壽司。熟蝦很爽口彈牙，亦保留蝦的鮮味。十件壽司加上豐富的前菜令我非常滿足。吃罷冷盤再喝麵豉湯則是非常舒適，但更完美的是套餐還有甜品附送，是日提供三色糕配芒果汁，椰汁味重，很好吃，不過配芒果汁不太配合。用餐當日是假日，以這個價錢能在尖沙咀用餐，還能坐上2小時閒談，而且還有茶水提供，絕對是超值之選。

德美既午市定食一向好多人大讚抵食 免加一 的而且確平靚正中午十二點開始營業 見到唔少上班族早已訂位可以即時入座 雖然我無預先訂位 但係準時十二點已經抵達 所以都唔需要等位 不過食完見到已經唔少人等緊位 所以想食最好都訂定位喇店員安排左吧枱位置 高高既櫈下可以放置個人物品好貼心 雖然比較鐘意普通座位 但係對住吧枱就可以目賭師傅手握製作壽司既過程亦唔錯極上壽司定食 ($142)極上壽司定食非常豐富 除左有六件手握壽司 兩件軍艦 兩件蔥吞拿魚腩蓉卷 兩件玉子燒外 仲有麵豉湯 薯仔沙律 茶碗蒸蛋 同芒果奶凍首先店員會先分別送上熱茶 沙律 茶碗蒸 同麵豉湯 是日沙律係薯仔沙律薯仔沙律薯仔沙律係薯泥混合沙律醬既一款 入面食到唔少好粉既薯仔粒 仲有少少椰菜絲 十分足料 而且一啲都唔膩茶碗蒸茶碗蒸蛋滑嘟嘟 唔單止有面頭既冬菇同蟹柳 食到底仲有雞肉同蝦 同樣非常足料好味手握壽司及德美玉子燒由於坐吧枱位置既關係 壽司同軍艦卷物要分開上 六件手握壽司面既刺身新鮮 亦都切得好大塊 能夠完全包覆住壽司飯 而壽司飯則握得夠實唔鬆散特別鐘意帆立貝壽司 鮮甜肥美之餘又夠厚切 不過花竹蝦就比較韌同淡味軍艦及蔥吞拿魚腩卷

這天終於來了想來很久的德美壽司，因為平日H8午餐時間實在太多人，上樓也成問題，所以一直都試唔到超值的午市套餐。今日休半日又經開尖沙咀，避開午市高峰時間，兩點左右竟然唔駛等位就食到啦～午餐有唔同海鮮丼、定食同刺身的套餐，選擇都幾多，我最後叫左一客極上壽司定食。極上壽司定食有8款壽司、吞拿魚腩碎卷物、甜蛋，仲附上味噌湯、沙律、茶碗蒸同芒果奶凍，都算幾豐富。帶子味道鮮甜而且幾爽口，唔係淋身果種。熟蝦味道就不太突出，而且醋飯有點散。吞拿魚腩碎卷物味道算是不錯，而且腩碎口感軟綿。三文魚籽軍艦，紫菜頗脆，三文魚籽量都算多，味道鮮味咸味都足。海膽更是一絕，一件軍艦已有三塊原塊海膽，而且口感實在新鮮、沒有溶到一Pat Pat ，吃得出鮮甜味，與日本當地食到的不相伯仲，勁正！吞拿魚壽司食落有口感，唔似連鎖壽司咁淋身，食得到吞拿魚的甘甜。我本身不太鯛魚的口感及味道淡。三文魚腩壽司好大片三文魚，而且充滿三文魚的魚油香，口感實在滿足。油金魚兩個字--好食！總之超正！附餐的配菜味道不錯，最後甜品芒果奶凍更為整個午餐劃上完美句點。