新泰東南亞餐廳 (太子集團中心) (已結業)

樓上泰國菜地點方便易搵，一去到門口就見到泰式擺設，店員係泰國人，好似去咗泰國咁環境非常有氣氛，即使平日都好多人幫襯，所以建議要book定位，座位空間大，同朋友聚會就最啱頭盤先食串燒，豬牛雞各兩串，雞串非常Juice，牛肉好有咬口，豬肉燒得好香！串燒非常厚肉，同一般泰國串燒有啲唔同，好抵食呀泰式柚子蝦沙律超級鮮甜，柚子肉超多，仲有蝦同魷魚添，作為一個沙律超開胃，味道平衡得非常好，令人想一食再食重頭戲一定係麵包焗咖喱軟殼蟹，一上枱已經超級正，分量超多個包大過我個頭，唔好以為得麵包多年軟殼蟹都超級多啊，我同朋友一路食，食到最底都仲有軟殼蟹！入面嘅咖喱唔係水汪汪，而係泰式蛋咖喱潔身得來仲有啲蛋絲添，咖喱味非常香，辣度都比較溫和，適合一啲唔係食辣嘅人飲品就推介椰青沙冰，椰子水味香甜，配埋沙冰夏天就更解暑啦菠蘿沙冰都唔錯，所有沙冰都係即叫即做，非常好味馬拉盞通菜…查看更多

同朋友睇戲前係尖沙咀附近食好嘢，就揀咗泰國嘢食泰式生蝦 $98生蝦上啲辣椒真係好辣，但辣得有啲過癮，不過唔食得辣嘅最好唔好連埋辣椒一齊食泰式蝦炒金邊粉 $108金邊粉炒得真係好好味，好乾身，而且啲蝦都好大隻，加少少花生碎一齊食，會幾有口感椒鹽軟殼蟹 $78開頭有諗會唔會食到埋咗椒鹽入面個啲軟殼蟹會唔會好鹹，結果又唔會喎，不過就覺得蟹嘅份量有啲少椰青沙冰 $58一上檯個侍應即刻叫我哋快啲飲少少先，因為驚沙冰溶晒出嚟，真係飲到好凍，消暑一流芒果糯米飯 $68一邊黑糯米，一邊白糯米，但上面有椰汁煉奶，令到成個甜品有啲過甜，結果食芒果個時，完全食唔到芒果嘅甜味，有啲失望總結上嘢食速度真係好快，食完收碟嘅速度亦都好快，令到有少少想趕我哋快啲食完快啲走…查看更多

冇得去旅行但係又想食泰國嘢可以點做?緊係去搵啲高質嘅泰國餐廳食下。趁疫情放緩，一行四人好耐冇見就決定搵個地方坐低慢慢吹下水。新泰東南亞餐廳位於北京道，好近地鐵站，樓上店既好處係，有幸坐在窗邊位置的話是可以飽覽尖沙咀的美麗夜景。餐廳座位非常闊落，座位與座位間有足夠的空間，喺疫情下可以話係食得非常之放心。椒鹽軟殼蟹，香脆可口，不油，份量都幾夠!原隻燒魷魚，肉幾爽，同醬汁好MATCH!豬牛雞串燒，肉質又鮮嫩，醬汁惹味，非常之抵食!cp值好高!小拼盤就有炸蝦餅同炸魚餅，我個人鍾意食炸蝦餅多啲，因為比較爽口，食得出用料十足，魚餅嘅調味就比較濃。馬拉盞炒通菜，夠惹味，唔油!泰式蝦炒金邊粉，好少見到啲餐廳會用一個咁靚嘅蛋網將啲金邊粉包住，淨係視覺上都100分啦!而且用料都好足夠，蝦爽口彈牙，金邊粉炒得條條分明!芒果糯米飯簡係必嗌㗎喇，分量剛剛好，椰汁夠香，糯米飯夠軟熟，雖然係甜品但唔會過甜，芒果食得出新鮮高質!原隻椰青沙冰真的非常少見!份量非常十足，冰凍清甜，沒有過假過甜，非常解渴!特別值得稱讚的是侍應專業的態度，落單非常專業，反應又夠快，將MENU上的所有細項都記得非常清楚，又會自動問甜品需唔需要後上，服務非常之貼心!用餐過程中又會不時幫我地收走食完的碗碟! 好的餐廳，好員工是不可或缺的重要一環!…查看更多

較早前到了加拿芬的新泰分店，覺得好味道，不過都想轉轉場，試下第二間分店有什麼分別，就來了太子集團新泰分店。太子集團新泰分店位於北京道，所以位置都十分方便，雖然是樓上店，但如果剛巧坐在窗邊位置，更可飽覽尖沙咀的美景。餐廳通過落地玻璃的透光，令餐廳更光猛明亮，而座位亦坐得相當舒適。椰青沙冰 - $58來到新泰當然要叫椰青沙冰，那冰凍清甜的感覺，真的令人在這炎炎夏日中得到喘息。巴東牛展 - $88軟腍入味的牛展已切得細細粒方便進食，而且配上香濃的咖哩汁味道更是無得頂。蒜蓉包 - $32有咖哩汁當然有其好拍擋蒜蓉包啦！蒜蓉包塗上蒜蓉已香氣撲鼻，加上香甜惹味的咖哩醬汁，更是錦上添花。燒焗蒜蓉帶子 - $88鮮味厚身的帶子加上蒜蓉、芝士燒焗，味道香濃鮮味；真是不用添上任何醬料，已味道一流。燒半殼蠔 - $98半殼蠔又點似剛剛的蒜蓉帶子，都是添上蒜蓉、芝士燒焗，但其口感截然不同。那飽滿肥美的燒蠔，吃起來香口惹味，雖添加了芝士、蒜蓉，但仍掩蓋不了其濃郁的蠔香。總搭來說，新泰東南亞的海鮮絕不遜色：咖哩、冬陰功菜式，下次來到必然再點。…查看更多

在炎熱鬱悶的夏天，總想吃些酸酸辣辣、清爽又開胃的，東南亞菜就最適合不過！燒焗蒜蓉帶子(2隻) ($88)帶子大顆厚身，彈牙鮮甜，蒜蓉味道香濃，甚為惹味！燒半殼蠔 ($98)滿滿的芝士下隱藏了飽滿的蠔肉。蠔肉體積大，入口creamy，蠔味濃郁。巴東牛展 ($88)肉質軟腍，細嫩多汁入味，膠質豐富，口感極佳。蒜蓉包 ($32)蒜蓉包夠厚身，金黃香脆，外脆內軟，蒜香十足。椰青沙冰 ($58)原殼椰青沙冰賣相吸引，味道清新香甜，夏日炎炎喝一個既透心涼又醒胃。…查看更多

香港開嘅泰式餐廳普遍味道都不錯，唔想食得太清淡個陣都會食下泰式菜、越南菜。係尖沙咀放工後係網上搜尋咗一陣後，決定試下呢間泰國餐廳，見到評價都不錯咁。-越式蝦米紙卷蝦肉感覺唔係特別彈牙，米紙卷正常水準，都做到軟糯煙韌嘅口感。米紙卷通常都有一個細碟裝住酸辣汁比客人點嚟食，呢款都唔例外。蘸上酸辣汁後米紙卷更開胃，但食食下突然會覺得好苦，可能係食到入面啲香料葉，拎走後好食好多。-奄列海鮮炒飯印象中我第一次食呢種奄列，蛋皮好薄，薄到帶有透明感。質感仲有啲似腐皮，食落幾得意，但唔太食到有蛋香。炒飯幾香，米飯係入味，但略嫌炒得唔夠乾身。最欣賞有配肉鬆，拌飯一流。-椰青沙冰呢個沙冰都幾巨型，幾乎係每枱都會點，所以我地都唔執輸試下。沙冰堆得頗滿，入口冰涼帶清新椰子香甜。有耐性嘅朋友飲完可以自行挖下椰子肉嚟食。…查看更多

尖沙咀既泰菜選擇唔多，見到有新泰東南亞餐廳，之前食過佢係灣仔既分店感覺都還好，所以好快就決定再食呢間🙈▪️ 泰式菠蘿炒飯（7.5/10）💲108呢個菠蘿炒飯係全餐飯最為出色，入面當然有基本既肉鬆、腰果、提子乾、鮮蝦，特別鍾意佢啲菠蘿粒夠曬甜，係甜到就咁食飯都有少少菠蘿味，而且飯粒亦都炒得夠乾身😍▪️ 炭燒豬頸肉（7/10）💲68豬頸肉唔算係燒得好膿，入口唔係好夠炭燒味，但都有些少脆邊，肉質亦算係彈牙有咬口😛▪️ 巴東牛𦟌（7/10）💲98咖喱加上左椰漿，食落唔係好辣但都香口惹味，同埋無上次食既青咖喱咁鹹，大部分牛𦟌亦都軟腍，唔駛撈飯或者加薄餅就咁食都得▪️ 椰青沙冰（7/10）💲55清甜解渴濃椰子味既椰青沙冰曾經令我一試難忘，所以成為左我再黎既必點飲品🤤可惜呢次整體係椰奶味，唔係難飲但係就係偏重奶味，令我飲飲下感覺有啲膩，難免係有點兒失望，好彩都仲有啲椰青肉碎食下，沙冰亦都磨得幼細🥤🔎 整體評分（7/10）…查看更多

星期五即慶嚟食,8:25pm到,等咗15分鐘有位. 我哋點咗:泰式炒椰菜仔 - 椰菜苗好嫩,好食冬蔭公(大) - 足料丶惹味,個人認為可以再辣啲會好味啲泰式柚子蝦沙律 - 賣相麻麻,食落都無以前咁豐富,唔覺有花生...啲蝦反而幾爽彈炭燒豬頸肉 - 首先無炭燒香味,肉質又好韌又鞋...超失望!!! 泰式蝦炒金邊粉 - 賣相ok,點知食落淡而無味,廚師應該落漏咗調味...泰式生蝦 - 蝦新鮮丶爽甜今晚主角係椰青沙冰,呢度所有沙冰都真材實料,無落糖,而椰青沙冰係會刮埋啲椰青肉+椰青水+冰打成沙冰,所以好香椰味,超正!!! 之前幾次嚟食飯都ok,今晚真係失水準...希望只係偶有失手啦…查看更多

去完泰國旅行未夠一個月, 對當地美食依照念念不忘, 同事介紹尖沙咀有間食泰國菜質素同味道唔錯, 推介一試! 於是book定檯今晚同屋企人去食餐泰國菜dinner~餐廳內設部份卡位, 同鄰座距離較近, 不過座位算坐得幾舒服。平日晚7點多, 餐廳內已經座無虛席, 幸好有預先BOOK位, 減省輪候時間。MENU上款式眾多, 很多款都想試, 眼闊肚窄, 只好order幾款share齊齊食。【椰青沙冰】HK$55原個椰青肉打成沙冰, 椰香味突出, 甜甜地, 飲到最後一啖, D冰稍為溶左, 味道都唔會轉淡。【蒜蓉越南牛油雞翼】HK$68Menu上見到呢款小食係推介之一, 所以就order一試。牛油跟蒜蓉呢個配搭令上檯時香氣更為樸鼻, 咬開雞翼, 內裡還有豐富肉汁. 果然係色香味俱全。【椒鹽軟殼蟹】HK$78賣相其實有D似避風塘煮法, 同樣有炸蒜蓉, 軟殼蟹不會過於乾身, 夾集炸蒜蓉食, 味道香口~【串燒】HK$88串燒有六串, 可自選豬、牛、雞, 我地就選擇每款兩串, 每串串燒份量不少, 很厚肉, 串燒不會太乾身, 保留到原汁原味, 配上椰香味濃既沙爹醬, 味道更加提昇。【馬拉盞通菜】HK$72很有穫氣, 每條通菜都是短短的, 似乎是餐廳特意令食客食得方便。通菜清翠嫩綠, 當中有少少蝦米、蒜蓉等配料, 整體不會過鹹。【泰式炸蝦餅】HK$78蝦餅炸至金黃香脆, 每件蝦餅都大大舊脤卜卜, 外脆內帶鮮甜彈牙。【原個椰青大菜糕】HK$68到最後甜品還是令我地很有驚喜, 呢款甜品不是每間泰國餐廳都可以食到,平時食大菜糕都係以雞蛋絲為主, 而今次轉用了椰肉取代, 以整個椰青上盡顯真材實料, Jelly狀為椰青水所製, 椰肉夠林, 整體味道清甜, 很喜歡這個甜品!為尖沙咀地段, 價錢沒有開天殺價 (價錢等同九龍城泰菜餐廳), 環境整潔, 待應不時為我地主動加水, 招呼周到, 最緊要食物味道質素都是超水準!!!有機會定必再黎ENCORN!!!…查看更多

放工時間很早，與朋友6點多便共進午餐～餐廳雖然是泰菜食肆，但門口都掛了中式新年掛飾。座位挺多的，時間尚早所以人客不多，更可以被安排坐窗口卡位。餐牌選擇真的好多，樣樣都想吃，對於有選擇困難的我，決定選擇廚師推介及2016年最多人點選的菜式。心情好自然想吃更多，今次點了6樣美食加兩款飲品。泰式柚子蝦沙律 ($98)沙律屬冷盤，柚子很清新，配上蝦肉及腰果，加上醬料，又酸又甜又辣又有香脆，口感豐富，很開胃。泰式炸蝦餅 ($78)外面夠脆，內裡的蝦肉頗彈牙而不鬆散，啖啖肉沾上泰式醬料，質量均不錯！蒜蓉越南牛油雞翼 ($68)蒜蓉超級多，外表看起來遮蓋全部雞翼，想必雞翼會非常入味，果然如此，一咬外皮微脆，而且牛油味香濃，但不會感覺口腔油油的，肉質頗滑，幾惹味。蒜蓉炒貴妃苗 ($82)好好吃，貴妃苗很幼嫩，爽口又不油，簡直想encore哈哈，是最快清曬的一碟^^!芒果糯米飯 ($62)雖是甜品類，但每次吃芒果糯米飯都會很飽腹，熱辣辣送到，有黑糯米和白糯米，黏黏的，煙煙韌韌的，有椰香味，而芒果略帶酸，反而中和了糯米的甜度，正合口味。南瓜布甸 ($62)賣相吸引，南瓜肉非常"林"身，南瓜蓉連布甸一次過放入口，全是甜味，很好吃，令人回味。龍眼冰 ($38)好多粒龍眼，龍眼肉不乾，飲品帶有甜味，整杯甜度十足。椰青沙冰 ($55)冰凍上場，沙冰滿滿的，帶有果肉，味道很清甜，幾抵飲。食物都很合胃口，加上環境感覺乾淨，座位又寬敞舒適，可以不擠不擁的進食的確不錯:)***餐牌參考：…查看更多