金邊粉泰國菜

📍粉嶺 金邊粉泰國菜呢間泰國餐廳係聯和墟開咗幾年，一直深受街坊歡迎。今次一行三人叫咗一個二人套餐，再加多2樣小食。二人套餐 $178𓇠 泰式炸蝦餅 𓇠好細心剪開咗8塊，蝦餅厚身🦐炸到金黃香脆，同泰式酸辣醬係最佳組合！𓇠 馬拉盞炒通菜 𓇠醬汁惹味，帶少少辣，唔會太鹹，但炒得唔夠鑊氣𓇠 全隻菠蘿炒飯 𓇠賣相好靚！雖然唔係用真菠蘿蓋而係用咗菠蘿碗上枱🍍用咗好多配料炒，青口、臘腸、菠蘿、提子乾、蟹柳、紅蘿蔔、青瓜、肉鬆同青豆，但飯炒得唔夠乾身。𓇠 泰式炭燒豬頸肉 $88 𓇠薄切上，醃得好入味，燒焦邊好香口，配埋酸辣汁食可以減低油膩感，最推介呢樣，必食😋𓇠 椰汁青咖喱雞配薄餅 $78+$25 𓇠青咖喱有啲似冬陰功酸酸地，唔太辣，用豆角、香葉、辣椒🌶️香茅同青檸煮成，雞肉份量算多。我地叫咗薄餅點咖喱食，有2大塊，薄餅鬆脆，但有少少油。個人比較鍾意厚身薄餅，煙韌啲同可以點多啲咖喱🍛 𓇠 椰汁珍多冰 $10 𓇠食泰國菜點可以唔飲珍多冰！有幾片椰子肉同珍多，有口感，甜度適中，椰汁味濃🥥套餐加$10好抵飲🤩▪️類別：#yinkifoodie_🇹🇭🔺味道：3.5/5🔹服務：3/5🔸環境：3.5/5 …Read More

父親節又黎食泰國嘢啦🥰平時食開夜晚 今次下晝黎一樣可以揀$408四人餐🤣冬蔭公湯唔算好辣 都幾足料入面仲有好大隻大頭蝦🤤蝦肉入味又易脫殼 岩晒我口味👍🏻海南雞都幾滑 但整體偏淡不過都仲食得出唔係純白切雞🤣味道唔錯 雖然覺得泰國菜中間有個西蘭花肉片有啲怪😂海鮮炒飯同以往一樣都係味道偏淡 飯底偏濕上面兩隻青口幾吸引 其餘就係蟹柳蝦仁等一般炒飯料外加左一個每次必食既咖喱蟹！甜既黃咖喱適合唔食辣既媽媽食🤣今次既蟹份量比之前多 可能時間仲早仲有貨🤣啲汁用黎撈炒飯岩岩好！！條魚唔算大 但焗得幾好 入味又唔會太老仲有好多黃油🤤btw唔記得影金邊粉😂😂覺得今次既金邊粉失色左有啲太濕同偏淡跟餐一般飲品+$6 特飲+$10我叫左椰汁珍多冰 幾大杯同足料👍🏻—————————————————————總結店員服務好好👍🏻 好有耐心👍🏻食物份量好足！價錢唔貴又食到咁豐富🤤每次都食唔晒所以都會自備食物盒打包haha🤭不過味道普遍偏淡 香口啲會好啲最後基本5人份量 $600有找☺️雖然佢唔係我食過最好食既泰國嘢但應該係最抵食既🤣…Read More

好少特登走入黎粉嶺，今次咁岩同親戚去南涌玩水，晚餐順便就喺呢區附近解決。但估唔到都有正野喎👍🏿開飯前要食個沙律先！柚子開胃，啲蝦食落有鮮味，唔錯啊有人唔食辣，所以叫個青咖哩試下。椰奶味夠哂濃香，豬肉煮得淋，青椒無奈只能做配角haha用料十足既粉絲，有誠意！味道都算唔錯，但蛋炒得有點乾喇雞肉唔夠鮮味，飯身既雞油唔多，扣分👎🏿以上三道菜屬於$168二人套餐。特別想講下蝦餅同炒飯，前者上菜時熱辣辣，食落啖啖蝦，爽；後者又係落足料，真係多到食唔哂啊！童年回憶，甜甜的好喜歡呢🤤雖然佢有飯但都姑且當佢係甜品啦。芒果太酸喇，食一舊已經放棄；糯米飯加椰汁夠哂杰，但係口感相當足夠免費既甜品，欣賞佢呢份誠意，味道其次今晚真心食得又平又飽又滿足，好開心啊！如果香港多啲平靚正既餐廳選擇就好喇😌…Read More

粉嶺 -- 係我心目中係一個無乜野食既地方，每次要諗食乜就好頭痛…但有一次行入聯和墟食群記豬手果陣，無意中比我發現到呢間泰國小店望一望個餐牌，有Lunch Set / 兩人餐，而且價錢合理；但可惜食評唔多，要親身試下先知龍與鳳今日係粉嶺覓食，終於有機會試一行兩人，黎到果陣係12點半，唔駛等位可以直接入座呢度Lunch Set都有唔少選擇，價錢都係$4X~$5X連平時賣$5X既海南雞飯，係度都只係賣$45左右咋我叫左個泰式蝦糕炒金邊粉 ($40)朋友叫炭燒豬頸肉飯 ($40)椰汁珍多冰 (餐加$8)好抵讚既係，我地未叫野食，職員就已經送上兩碗湯，係冬瓜蘿蔔豬骨湯，味道OK，但我覺得鹹左少少泰式蝦糕炒金邊粉 ($40)大大碟!! 分量好對得住個價錢有餘!!!呢個唔係正宗既炒金邊粉，感覺係大排檔Mix泰菜個粉無花生碎係面、無蝦米、無酸味，但好夠鑊氣同淡蝦糕味，味道都算唔錯，係港式炒金邊粉唯一唔好就係好多肥豬粒，邊食邊挑…炭燒豬頸肉飯 ($40)又係分量比平時見開既大份，賣相吸引。個魚露汁整得唔錯，酸鹹微辣，就咁撈飯都好好食反而豬頸肉比較令人失望，因為豬頸肉係淋身版，失去左本身既爽脆感椰汁珍多冰 (餐加$8)第一次試，感覺似椰汁西米露既兄弟入面有D一粒粒既綠色好似椰汁糕既野，齋食係無味既，所以同椰汁一齊飲果陣就可以平衡番個甜味但個人覺得杯野偏甜 (可能我一向都唔中意飲甜野)總結，呢間唔係正宗既泰國餐廳 比較港式  但味道唔錯，價錢合理，職員都有禮貌! 整體係唔錯。下次會試佢D二人餐…Read More

一直都聽聞聯和墟有間幾好味嘅泰國菜，於是上個星期終於捉埋男朋友一齊去試我地係平日夜晚去食嘅，出乎意料竟然全店滿座仲要出面有人等位! 係聯和墟呢啲唔旺嘅地段依然咁受歡迎，肯定有佢過人之處!是次我地叫左個二人餐($168) 再加一個青咖哩 餐配飲品要加錢 有優惠價 菠蘿炒飯入面有海鮮同雜豆， 炒飯面配以肉鬆，味道以甜味為主，菠蘿肉數量適中，但都只有甜味，連肉鬆嘅食法小女子都係第一次試，但出乎意料地夾，肉鬆嘅香加埋炒飯嘅甜味令成個飯嘅味道更上一層樓。炒飯飯粒分明，夠乾身，抵讚!另外炒飯份量都算多，兩個人夠每人食兩到三碗。伴碟仲有青瓜片同臘腸，味道同平時食到嘅一樣，不多作評論)呢個味道一般，無菜青味，但可能其他餸嘅較香口同濃味，顯得呢個餸味道都淡，但有小小嘅辣味。新鮮炸起，所以非常香口，配埋隔離嘅泰式酸辣汁真係話咁快可以清曬，蝦餅外皮鬆脆，入面蝦肉有蝦香有汁。不過如果份量多番少少會好啲，因為成碟蝦餅都係切半，夾埋只有3塊，要同男朋友爭食 😂😂😂必食!!真係好好味，本來我同男朋友都唔係好食得辣嘅人嚟，所以叫左最唔辣嘅青咖哩，首先一聞就聞到非常重嘅椰汁白味， 咖哩小小辣，但送白飯一流，無叫白飯嘅我地攞炒飯嚟撈，同樣一絕! 牛肉同青咖哩都超夾! 甜嘅椰子香甜味加辣味嘅刺激下，真係超好味!!普通椰汁，值得一提嘅係飲品入面有種半透明，硬身嘅肉(?) 咬落去非常重椰子味但又唔係椰肉，但都係好味嘅!總結: 一定會再去，量多而且無+1， 都係多人啲先可以試多幾款…Read More