金城茶餐廳

同朋友來開大圍呢邊，就試下呢間成日要排隊的茶餐廳。我叫左煎肉餅飯，朋友叫左椒鹽豬扒飯，兩個都好食，但我覺得朋友果碟椒鹽豬扒飯正d（始終隔離飯係香d既）豬扒有甜味，煎肉餅飯相比之下就味道齋左少少，但都夠味的。本身碟飯$6x，凍飲要加$11！每人碟飯連野飲要$75的，唔想食咁貴就唔好嗌凍飲了。味道好評，消費少貴，不過果日同朋友響下午茶時間過來，唔駛排隊，叫做來開呢邊就試下。可以有下次，不過自己一個就唔會了，咁岩有朋友響外面返來旅行可以帶佢地來食下既。…查看更多

來到有「大圍名物」之稱的人氣茶餐廳星期六大約六點來到剛好有位點了他們的兩款招牌菜食物上菜速度非常快下單後不夠3分鐘立即送上可見食物只是預製品總括而言只是普通的茶餐廳質素在大圍這個美食之都來說，名物這個稱號太誇張～香煎肉餅飯肉餅大大件，煎得金黃色很漂亮但略嫌乾身，味道也不出眾就一份不過不失的煎肉餅～椒鹽豬扒飯豬扒切成細絲，肉質嫩滑，容易入口雖然味道是不錯，但感覺並不像椒鹽味比較像蔥油（？）跟心目中落差有點大…查看更多

聽說是大圍名物之一，cheat day 食飯quota 今次就特登留俾呢間店。星期六中午黎到，門口一小條人龍，大概等了10分鐘都已經入到。餐廳果然是人頭湧湧，係舊式茶記格局，多張大圓檯大家都係搭台，落單速度亦都非常之快。一眼望過去，食客基本上都係叫煎肉餅飯、椒鹽豬扒飯或者牛肉湯米粉。我同老公就分別叫左個煎肉餅飯加15蚊轉炒飯底，我就要左個椒鹽豬扒飯。金城的煎肉餅飯唔係一舊舊細塊的肉餅，而係大大塊的煎肉餅，蒸肉餅一大塊過就食得多，煎都係第一次。外層煎得脆口，內裡依然保留住肉汁，雙重口感，真係幾好食。因為肉餅已經夠味，炒飯亦都濃味，個人就覺得配白飯會冇咁鹹，balance D。至於我叫的椒鹽豬扒飯濃味得來仲帶住少少醬汁，配白飯一流，豬扒肉質鬆軟唔韌唔攝牙。同老公交換肉餅同豬扒，一次過享受曬招牌美味。…查看更多

大圍出左名多美食，金城茶餐廳係其中一間大圍名物，由細食到大。金城名物係椒鹽豬扒飯、生煎肉餅飯同佢既辣菜甫，今次食左椒鹽豬扒飯、焗芝士豬扒飯同乾炒牛河。✨🐖 | 椒鹽豬扒飯 ($64)豬扒乾身又夠椒鹽味，但識食一定要叫多料頭，會令到豬扒更加juicy同惹味。食之前將豬扒同白飯撈勻，建議再加一匙金城既秘製辣菜甫(為左呢個去咋🤭)，啖啖飯都夠晒味，很好。🧀 🐖 | 焗芝士豬扒飯 ($77)同期望有落差，唔知係咪舊式既焗飯…5分鐘都唔夠就上枱，好似無焗過咁，見唔到食唔出芝士，同鮮茄豬扒飯炒底無分別，不過豬扒茄汁同炒飯呢個組合係無得輸既。🐄 | 乾炒牛河 ($64)呢個乾炒牛河炒得好濕，成個底都係汁，完全唔乾身，係另類既濕炒牛河。總括黎講，去金城食佢既招牌菜好啦，叫其他野真係要諗諗🫣p.s. 同餐廳反映，佢仲要比返碟人地食淨既濕炒粉比你睇，話你知咩先係真正既濕炒🤷🏻…查看更多

每次去到大圍都一定會食呢一間茶餐廳，每次都係叫孖寶，孖寶即鋪頭招牌孖寶。椒鹽豬扒飯同生煎鹹肉餅飯。椒鹽豬扒入味，每次嚟嗰個味都一樣，而且嗰個汁入味，飯都食晒😛生煎肉餅飯熟到啱啱好唔會太嚡，而且肉質新鮮。簡簡單單已經好好味，可以真係唔使大魚大肉或者好貴呢啲人仔嘅餐廳係好值得保留。無餐但叫野飲有半價，每次嚟都覺得物超所值。睇到其他食評話服務態度好差，其實啲侍應都好有禮貌，喺埋單個叔叔比較Cool😆但幾十蚊又咁好味既飯唔好咁高要求啦…查看更多

大圍一向都是美食小店集中地🥢由小食到正餐，懷舊到新派美食都應有盡有😙而數到屹立多年的老字號，就不得不提這間金城茶餐廳⭐️———————————————————————煎肉餅是金城的招牌菜之一🥇多年來都有不少報章雜誌推介過📡今日初次見到真身，肉餅的確有相當份量😲面積大之餘亦有一定厚度🤏🏻豬肉肥瘦混合，結實彈牙😋細嚼下會感受到少許馬蹄粒帶來的爽口，加上表面煎得香脆，口感十分豐富。😇味道方面肉味香濃🐷有淡淡果皮香味，同時不會太鹹，再配上特製偏甜的豉油，調味剛剛好👍🏻白飯可以加$15轉炒飯底。炒飯鑊氣十足🔥粒粒分明，乾爽得來又不會過硬，而且有蛋香🥚是教科書級別的炒飯，$15絕對值得❗️金城另一招牌菜就是椒鹽豬扒飯🐽本來我以為這會是類似椒鹽鮮魷那種較為乾身的菜式，誰不知上枱賣相與我想像中大為不同🧐這裡的椒鹽豬扒較為濕潤，每件都被少許醬汁包裹著😚蔥、蒜、辣椒🌶️的味道都非常突出，菜式香濃得來，甜、鹹、辣三種味道都十分平衡🤙🏻肉質方面亦肥瘦均勻，雖未至於嫩但亦不會太乾👌🏻整體而言，椒鹽豬扒的調味較煎肉餅更濃，相信重口味人士一定會吃得開心😁另外金城的辣菜甫亦是遠近馳名，每張枱都會附有一盒，供食客自由食用😊菜甫非常爽脆，辣椒香味濃郁🙂的確別具風味，但又未算有太大驚喜🫢———————————————————————金城兩大名物都十分高質，味道好之餘份量亦多🥳無論是區內街坊或是區外遊客，光顧後都會感到滿足🤩…查看更多

而家做到7點鐘，想食晚餐就要早啲啦，我同朋友慕名而來，咩都唔識，侍應好熱心咁推薦孖寶(肉餅+豬扒)，推薦星米，仲有教我哋點加辣醬加辣菜脯食星米。我食嘅三樣餸都偏鹹，重口味，食完好口渴，建議淡口味者要慎重考慮。*生煎肉餅飯 $58煎到啱啱好，香脆又上色，厚身啖啖肉，肉餅本身好重肉感，唔會好多肥豬肉，咬落juicy有肉汁，肉味反而爭少少，有馬蹄粒同有少少甘味，陳皮甘味(?)，我都唔係好確定係唔係陳皮。一啖肉餅一啖飯，食晒肉餅仲可以落辣菜脯撈飯，菜脯好細粒，而且偏辣，我覺得菜脯撈飯size啱啱好。椒鹽豬扒飯 $58食唔到椒鹽味，反而似蔥香豬扒飯，豬扒醃到好腍，冇左肉嘅質感同肉味🥲煎炸到熟度啱啱好，但好油，唔係juicy肉汁，係好油嘅汁，同我想像中嘅椒鹽豬扒飯有出入。星洲炒米 $56嘩，超級大碟，星米炒到乾身，又唔會好油膩，冇啲假黃色米粉色，有蝦仁叉燒青椒洋蔥韮黃，標準嘅料頭，每一啖好有層次感，超香超有味，加辣菜脯好食，加辣醬更好食，一啖接一啖停唔到口，係我食過最正嘅星米。…查看更多

繼上周點評元朗玻璃屋後，今次來到另一間主打亦是椒鹽豬扒飯的餐廳『大圍金城』。位於港鐵站周邊，但駕車要留意餐廳附近那幾條複雜的單程路 ，路邊可隨意泊車，抄牌自負也。金城門口有點暗淡，茶啡色玻璃，懸上白底脫漆招牌，相當陳舊低調。曾有瞬間疑惑應否內進，始終附近食肆繁多，門面也都較金城光亮吸引。最終，舌根戰勝大腦，推門內進。枱上餐牌單頁過膠。主角椒鹽豬扒飯排在餐牌左上角第一，但不吸引眼球，容易錯過。餐牌設計，很多人誤以為排名第一或首頁之菜式會最多客人挑選，實情剛剛相反，最多客人挑選反而是放在餐牌中間位置或內頁菜式，行內稱之為第一視點。金城如要將椒鹽豬扒飯發揚光大，最簡單做法是在餐牌加些推薦菜式大姆指，又或將推薦菜式置中加框突顯出來。若有預算，倒可重做平面設計、張貼訪問稿、又或做市場推廣。現感覺餐廳是靠街坊口碑維持生意，不求發達只求穩陣。裝潢十足像元朗玻璃屋，估計同是香港七八十年代經濟起飛之時啟業。相同之象徵意符，鋁質茶水檔、懷舊緊急逃生牌，絨紅仿皮卡座、深紅色階磚、牆上吊扇等等，再配以泛黃色燈光，香港味濃厚。餐廳男女耆者估計就是老闆，女的掌收銀、男的座著刨馬經。落單後，女侍應向著廚房大叫『招牌飯』。約略兩三分鐘椒鹽豬扒很快送上，估計已經預先大量制作。豬扒切件，煎成焦黃金色，面上灑一層切蔥碎蒜紅椒。再深入仔細一看，有一層黏性漿汁緊包扒身，細嚐一口漿汁味道略甜，應是蜂蜜糖漿。廚房應是收到落單，夾幾塊已煎香豬扒，加油快炒香料再加糖漿，灑在豬扒即成。低頭吸索味道，空氣中有著一股蔥蒜香味，也略帶微微甜意，美妙絕倫。絕非使用其他餐廳之粗硬煮法，這兒加入蜜糖簡直是神來之筆。味道香中帶辣，辣中帶甜，汁漿伴飯簡直一流。扒身肉質細緻，煎功時間掌握剛好，仍帶有肉汁。質地外則香脆，內則輕嚼即開，鬆軟嫩滑。製作前，師傅應有花時間加工材料打鬆扒身。總括而言，金城椒鹽豬扒飯確實做得不錯，賣點是煮法沾了一層軟柔柔之微甜糖漿，增強口感層次。但價格$70一個茶餐廳碟頭飯連飲品，是頗貴。若要再加炒底，更接近$100元了。美食無價。…查看更多

打工仔每日最煩惱就係lunch食咩好日日食同款又怕悶 轉餐廳又要搵試新野又怕伏又怕貴明日復明日 咁樣都幾攰見沙田真係食lunch食到冇idea同班同事決定轉場轉戰大圍金城茶餐廳外觀看似係間平平無奇既茶記但食物味道同質素真係有驚喜叫左呢到既名物椒鹽豬扒飯同埋煎肉餅飯大家share食兩個飯既下飯程度都係極高首先 椒鹽豬扒飯個醬汁好好味入口有辣椒辣味又帶出椒鹽的鹹香鹹鹹辣辣 香口惹味豬肉軟臨臨加上有大量蔥花伴碟好味好味到個煎肉餅飯份量十足既肉餅煎到金黄微焦豬肉香口但唔膩 有咬囗 好好味鐘意食辣可以加辣菜甫一齊食 (金城入面每張枱上都有一盅免費既辣菜甫等你送飯)呢到既飯 份量都好大下 味道唔錯可以話係大圍既高級碟頭飯好開心終於揾到一個新既lunch好去處…查看更多

區內有名的茶餐廳👻 香港首間以生煎肉餅飯出名的🤣店內客人長期爆滿❤️午飯時間更要等位🐷生煎肉餅飯HKD$56一面煎得香口又帶脆😆調味比較淡 但加一些辣菜脯拌著吃味道即時昇華🤤🐷椒鹽豬扒飯HKD$56重口味至愛 豬扒唔會過分油👍🏻肉質嫩滑 蔥花與醬汁搭配不會過咸 微甜又帶點微辣👻雖然不便宜 但絕對是人生中最好吃的椒鹽豬扒飯❤️❤️難怪大部分客人都吃它…查看更多

自細就好中意食煎肉餅，今次就試下大圍呢間出名煎肉餅既茶餐廳！之前都有做過research，都知生煎肉餅飯同椒鹽豬扒出名！所以入去坐底就即刻叫左呢兩樣！下午1點幾左右去到，開始過左食飯時間，但成間餐廳都依然滿坐，所以我地兩位都係靠一邊坐卡座。叫完個飯勁快就到左，肉餅的確又厚又大，食落有d似藕餅，但冇想象中咁好味同入味！至於椒鹽豬扒飯，吾知佢係咪比錯蜜椒豬扒我地，因為整得吾夠乾身、冇左果種香口既感覺！不過佢有個勁辣菜甫，送飯都吾錯性價比亦都吾高，每個飯要$56，吾包野飲！相信吾會有下次…查看更多

大圍一向美食多，好耐之前小儀金剛有介紹呢度既肉餅飯，但我之前食過覺得一般。今次試第二樣。一如以往，假日lunch時間例必要在外排隊，幸好等左唔夠5分鐘就入座。叫左一碟蜜椒豬扒飯同一碟椒鹽豬扒飯，身為螞蟻人，蜜椒豬扒飯既甜度我覺得係足夠，配飯食好perfect。而椒鹽豬扒飯都好野味可口，呢兩碟飯，好岩重口味人事。試左少少呢度出名既辣菜莆，可能我唔太好辣，所以唔太岩食。如果間中想刺激下味蕾，我覺得呢度d豬扒飯一流！…查看更多

自從上次誤打誤撞食過椒鹽豬扒飯後，就念念不忘想再食。今次係第二次到金城茶餐廳，當然再食佢個椒鹽豬扒，亦叫左出名既生煎肉餅飯。椒鹽豬扒飯好大碟，有好多件豬扒！豬扒好淋好入味，配埋蔥、辣椒同蒜蓉，好好食，就算比多幾件都可以食得晒！肉餅就食得多，但煎肉餅就唔係度度都有得食。個肉餅成隻碟咁大，外脆內軟又有肉汁，好好食。除左椒鹽豬扒飯同生煎肉餅飯外，仲有一樣野都出名，就係佢既辣菜脯。試左少少都幾辣下，唔食得辣既朋友建議試要小心。…查看更多

Lunch 偶然發掘到喱間茶餐廳，一試就好似上左癮咁，不斷黎食喱到嘅椒鹽豬朳同埋生煎肉餅餅，好好食，又夠味，配埋喱到嘅奶茶，簡直perfect ! 唯一唔好嘅地方係地方好細，每次都要搭枱，又迫同唔可以坐得耐，而喱到嘅服務都麻麻，不過野食真係值得一試！…查看更多

男朋友在ig看到介紹金城椒鹽豬扒飯的post，每日都嚷著要吃🙄🙄趁今天是中秋節補假，便和他一起到大圍覓食～金城茶餐廳在大圍火車站約5分鐘路程，因為有工程，招牌被蓋住，我們在對面馬路看了一會才找到😶可能今天是假期，即使是下午茶時段，店內仍然人頭湧湧。在茶餐廳，搭位是常識吧😌所以人流都去得快。等了幾分鐘，就有一邊卡位坐。食物都是茶餐廳常見的碟頭飯，這裡最有名的椒鹽豬扒飯當然不可以錯過。入坐時是2:30pm，剛好到下午茶時段，於是也要了下午茶餐。椒鹽豬扒飯大大碟，不但飯多，豬扒份量也充足。豬扒用先飛油再用辣椒、蔥花炒香，味道是極度惹味可惜豬扒有用梳打粉醃過，肉質變得鬆散而淋如能改善這個問題，我會比滿分😞枱面上有辣椒菜莆，微辣的滋味配搭白飯是絕配😋下午茶的豬扒也是椒鹽豬扒飯那種梳打粉豬扒😟炸粉不多，外脆內軟的口感反而能遮掩到肉質過淋的缺點🤔薯條是全餐最好味的😍😍😍炸得乾身不油膩，薯味重。形狀是傳統波浪形，卻比較粗身，應該是店家自製。薯條質地不像m記般脆，入面包著薯蓉，很飽肚。看似小小的一碟竟然連我餓了整天也吃不完🙊極度推介薯條！！！埋單只是$82，最喜歡茶餐廳這種平靚正的質素，地道的味道反而比山珍海味令人回味☺️…查看更多