海鮮島海鮮酒家

難得放假就同爸媽揸車入左布袋澳食海鮮😋全個島得兩間酒家架咋 今次去左遠啲嗰間 食物高質 服務態度又好啲👍🏻三個人食 埋單$1695(包左四樽可樂同兩個椰青) 抵到爛✨.📌花甲湯都幾足料 好多花甲 不過size唔算太大 但都厚肉 冇沙唔腥🐚仲有好多粉絲, 西芹, 少量大頭菜同蘑菇🍲湯頭幾清 唔會太濃味 加左薑同黑椒 癖腥又惹味🫚.📌椒鹽瀨尿蝦兩隻面頭鋪滿香口炸蒜, 椒絲等等 橙黃色 賣相好吸引🧄🌶️瀨尿蝦外殼薄脆勁厚肉 肉質軟嫩等嚟又爽彈 味道超鮮甜 完全冇比椒鹽蓋過🦞唔算炸得好通透 媽咪就麻麻 我就幾鍾意 相對冇咁油 仲更加突出個鮮味👅.📌蒜蓉粉絲蒸蟶子蟶子配蒜蓉同粉絲蒸 真係絕配🙌🏻蟶子鮮甜 爽彈有咬口 唔會過韌🤍粉絲爽晒個蒜香汁 就咁食個粉絲都好正🧄.📌油泡墨魚墨魚身同鬚位爽彈 但頭嘅部份就有啲韌 不過幾滑🦑蜜豆唔太熟 會有啲草青味 但好爽脆🫛另外有啲薑絲, 蘑菇同紅蘿蔔一齊炒香 清清地 唔錯🫚🍄🥕.📌蒜蓉蒸鮑魚鮑魚就普普通通 厚肉大隻 食落唔會太韌 加埋蒜蓉一定夾 不過佢連殼冇起肉 又冇除內臟 要自己整個肉出嚟 都幾唔方便 同埋好污糟🦪.📌蒜蓉西蘭花正常發揮 西蘭花僅熟 好爽脆 要讚嘅係份量十足 大大碟🥦.📌椰青 $45凍冰冰 超清甜 仲有好多椰肉 消暑一流🥥.📌Zero $14玻璃樽裝嘅可樂特別好飲又有feel🥤…查看更多

布袋澳一直係我嘅家人好喜歡嘅食海鮮點，最主要係為咗食依度好有代表性嘅墨魚刺身🦑，同埋每次媽咪都會順便喺村口嘅乾貨檔買章魚乾返屋企煲湯。墨魚剌身 - 布袋澳嘅代表作。墨魚好新鮮片得好薄，好食過好多日本餐廳。墨魚第二食係炸墨魚鬚，好脆好味。白灼蝦 ～ 新鮮彈牙，我本來敏感但偷偷食咗一隻！唔記得影相添！😋豉椒炒蜆 ～ 好味但汁少咗啲。白灼東風螺 ～ 好新鮮。椒鹽瀨尿蝦 ～ 依碟最貴，雨件大瀬尿蝦盛惠五百幾。雖然好食，但可能下次叫龍蝦可能仲抵啲。菠蘿咕嚕肉 ～ 個人認為比較遜色，肉有啲硬。蒜蓉粉絲蒸扇貝 ～ 蒜蓉略嫌有啲生，但豉油汁就好味，扇貝好厚肉。炒白菜 + 楊州炒飯 ～ ok！不過不失，滿意。旁邊嘅糖水檔，我本人就只愛依度嘅涼粉，加咗奶感覺有啲懷舊。家人話其他糖水口味就似乎麻麻。走之前再睇返吓布袋澳嘅魚村景色都幾舒服㗎！…查看更多

說起食海鮮，布袋澳是其中一個常常被人提起的地方，我們這一家這次因為父親節晚飯的緣故，遠道而來了！晚上7時多到達，我們是駕車來到的，開到村口，會有海鮮檔的人引領你把車泊到老遠，然後我們步行了長長的一段路，先經過另一間發記才到達最入面的海鮮島(溫馨提示，沿路行入黎都幾多蚊下...)黎之前打電話訂位既時候了解o左佢既收費，見到呢度都係食圍餐多，佢主要有三個餐因為我o地得7個人唔夠一圍，所以佢係計我o地餐牌上面既價錢除2再加多$350(平D果2個餐)/$450(最貴果個餐)因為魚無得半條，蟹無得1隻半，所以加錢係會比番原整一條魚同三隻蟹比我o地我o地叫o左中間價錢果個龍鳳宴，所以係($3980/2)+$350=$2340白灼生海蝦..作為第一碟上既海鮮，佢開o左個好頭，雖然係細隻o左DD，但好鮮甜，亦都好快手比我o地每人幾隻清哂椒鹽鮮魷係第二碟上既，其實佢都算炸得幾OK..炸粉好薄，但因為餸太多既關係，最後食剩好多鮮魷..好可惜芝士/上湯焗龍蝦(伊麵底)我o地揀o左上湯無咁漏，但係個龍蝦應該係全部海鮮入面最唔好食既，食唔到鮮甜味，好失望，所以就算佢有好多肉我o地都食剩好多椒鹽瀨尿蝦還不錯，都幾大隻，但佢四隻剪開上，所以每人都無一舊細既...好唔夠喉清蒸沙巴龍躉...條魚算係蒸得剛剛好，但都唔算話太滑避風塘炒辣蟹...中規中矩，無咩特別...但佢疑似變o左薑蔥炒蟹古法蒸鮑魚..我覺得係全晚最好味既海鮮，清甜不突止，蒸得剛剛好，唔會話好韌咬唔開魚翁蜆皇湯..呢個湯我當初睇OPEN RICE既相已經流哂口水，完全想像到佢一定好正，果然無令我失望D蜆勁大隻，絕對對得住蜆皇呢個名，不過無諗過佢會落胡椒去煲，個味都夾既，如果胡椒味可以再重D就更正啦，湯底仲有豆腐同咸菜瑤柱帝皇雞...全家都讚好既雞，佢唔似係平時酒樓食圍餐果D雪雞..又林又無味，食得出佢好有雞味之餘仲有一定既韌度紫菜蟹皇飯...佢上果個明顯係揚州炒飯啦...不過到最後我o地都好飽，已經唔想再去問點解唔係上紫菜蟹皇飯比我o地因為屋企人一定要食飯，而我o地又唔記得個餐包o左炒飯同伊麵，叫o左幾個白飯...所以最後就算打包o左D剩餸走..都避免唔到要做大嘥鬼:(其實成個餐非常夠食有突，埋o左單之後個店員同我o地講話老闆唔記得o左收到我o地個另加既椒鹽鮮魷同腐乳炒通菜錢我o地話比番，佢係咁話唔洗啦...跟住先發現原來我o地個餐係無包椒鹽鮮魷，平D個餐先有..但其實我o地無另外叫到..可以話係佢上錯..而我o地又無為意就食o左啦...美麗的錯誤呢度都幾隨心..好似佢有咩就比咩你咁...所以都唔洗太盡信個MENU...相比起食開既屯門三聖，布袋澳係近好多，價錢相對黎講都平DD...但海鮮既質素黎講真係爭幾遠下...呢度可以一試..但無必要再回頭…查看更多

又係同朋友食好嘢嘅時候，上次食過日本菜同西餐，所以今次想食海鮮。可以選擇的地方有鯉魚門、西貢、流浮山、布袋澳、三聖 ，而我哋今次就選擇咗布袋澳。因為我們會飲酒，所以為別人著想，我哋就搭的士入去。 我們今次book了八點鐘，所以由金鐘出發，車程只需45分鐘，而車資也只是港幣 250元。到達布袋澳天色已入黑，我們徒步大約三分鐘便到達海鮮島！非常多生猛的海鮮雞腳非常入味我們選擇了胡椒豆腐花甲湯， 非常清甜完全沒有沙。超大豉椒炒聖子， 非常爽口出名菜式，墨魚刺身， 好味到停唔到口。 而墨魚鬚就用嚟椒鹽鮮魷， 不會覺得太肥膩食海鮮唔少得嘅椒鹽瀨尿蝦，非常大隻三隻已有一大碟！睇下啲膏非常吸引蒜蓉粉絲蒸扇貝 白灼東風螺油爆竹節蝦再加蟹子炒飯底，冇得輸五個人的份量成枱都係正嘢，超好味！食到超飽，成枱海鮮也是港幣2500。最難就係食到十點幾好難搵的士，仲要見到野豬，哈哈！…查看更多

數月前, 聽到公司有同事去布袋澳食海鮮, 雖然自己無緣參與 , 但已食指大動, D 喂食虫走晒出來了, 期待已久 , 終於等到啦 可能中秋節吧, 好多車入西貢, 在彩虹村已開始排長車龍了, 入到布袋澳已九點了, 幸好不太滿座, 即時有近邊看海景的枱 , 亞女要自己落網撈海鮮, 樣樣都想試, 終於選了點滿枱:)先來個豉椒蟶子皇, 好彈口又有鮮味 , 一流 椒鹽瀨尿蝦 , 炸到比較干身 , 沒有了瀨尿蝦的鮮味 , 普通啦墨魚兩味 --- 刺身+ 椒鹽炒球 , 每張枱都會 , 証明係好野啦 白灼東風螺 --- 店員極力推薦酒煮, 但老公話要揸車, 唔要酒 不過白灼都好鮮味 :) 蒜蓉開邊蝦--- 蝦唔夠大, 普通啦.:) 仲有楊州炒飯, 紅燒豆腐 , 炒菜, 全部都好大碟, 好夠料 , 出名大飯桶的亞仔都大叫好飽 , 有半碟炒飯要打包帶回家呢. 特別場 ---- 順路兜了上飛鵝山一圈, 回程時已十二時多了, 架車因為水箱太熱, 唯有停入去龍翔道觀景台賞賞月啦, 可能下了場雨趕走D雲 , 個月亮好光好圓呀 , 呢個中秋真係超正 :) …查看更多

岩岩過去既星期日, 由於工作關係借左老細架車, 就想同屋企人去食下海鮮, 鯉魚門, 西貢都去過啦, 聽人成日講布袋澳都ok, 反正有車, 所以就去試一試!!都係上open rice見到d人介紹呢間海鮮島既食評唔錯(其實成個布袋澳都係得2間食海鮮), 所以就book左呢度!!黎到既環境都唔錯, 叫左既食品如下:1) 蜆湯 : 佢應該係用魚黎(坳)既湯, d湯好甜, 好好味, 不過d蜆就咩特別啦2) 鳳爪 : 好食, 好夠味3) 一斤白灼蝦: d蝦好大隻, 好抵食, 我同屋企人都話應該唔上一斤, 但當然埋單都係一斤啦4) 一條老虎斑: 煮既時間岩岩好, d肉好滑, 唔老5) 椒鹽瀨尿蝦: 超正, 必食, 老實講, 我左右睇過每張台既客人都必試呢個, 好好食, 一定要試6) 炒聖子: d聖子好大隻, 炒得好夠味埋單: hkd1210.00總括黎講,. 好滿意, 價錢好抵食, d份量好大碟, 起碼好過去鯉魚門食抵好多, 當然, 環境可能就同西貢呢d就差少少, 不過價錢又平返d呢!! 唯一一個缺點就係超遠, 如果無車既話, 真係唔好去, 因為好似得一架小巴到, 仲要係成半個鐘一班!!!!!!!! 但如果有車, 我相信我會同朋友再去!!…查看更多

今日一行7人來到差不多7:00pm, 只有幾枱食客,不過我們早一日已訂枱,我們選擇坐外面,好在天氣不太熱.我們商討想吃的墨魚刺身,花螺竟然無貨,最後選了大頭蝦,琵琶蝦,瀨尿蝦及幾款小菜椒汁大頭蝦~~椒汁味唔夠,味道一般蒜蓉蒸琵琶蝦~~第一次吃,肉質好似龍蝦,我們叫了4隻,,看似細細隻,一開二,原來啖啖肉,味道鮮甜椒鹽瀨尿蝦~~今次原隻上,每人一隻,個個吃到津津樂道京都骨~~肉有些硬,味道普通蝦醬通菜~~通菜幾嫩,但完全吃不到有蝦醬味椒鹽鮮魷~~椒鹽唔夠,炸得又唔夠脆身,有些失望,原先好有期待:(揚州炒飯~~飯炒得好乾身,ok啦總括來說這裡還是吃海鮮好些, 其他小菜都是一般,因為今日我們想吃的海鮮有好多都無,所以才叫幾樣小菜補上.我們走的時候約8:45pm, 但見還有客人入來,可能是星期日吧!…查看更多