Le Viet

Le Viet 🇻🇳 尖沙咀高質越南美食📍 尖沙咀彌敦道100號The ONE 4樓L402號舖朋友趕住第二日出差，所以我哋去尖沙咀食一個簡便嘅晚餐，揀咗好就腳嘅尖沙咀The One，呢度有地道嘅越南菜食，仲見到餐牌上面有特別菜式： 【越南菜 X 限定小黃牛肉粉系列 - 匙炳 /吊龍 /雪花】。我哋兩個女仔食唔多，所以就揀咗一道主食、一份沙律、炒碟菜。最後當然少不了甜品啦。呢度環境唔錯，座位舒適。有一半露天嘅座位，有空間感。椰青海鲜焗飯Coconut rice $118焗飯比較濕，同埋好多椰子奶嘅味道。味道係比較偏甜。海鮮幾新鮮。椒絲炒通菜Water Spinish $74呢個通菜炒得火候啱啱好。青木瓜大蝦雞絲沙律 $88一般嘅木瓜沙律唔同，呢個可以自己選擇酸醋汁嘅份量，味道正常發揮！精選甜品拼盤 $118一開始唔知食咩甜品好，於是揀左樣樣都有嘅甜品拼盤，入邊有椰汁糕、芒果糯米飯、仲有法式焦糖燉蛋。賣相都唔錯，可以打卡。甜品質素高。…查看更多

78每次經過THE ONE 都好想試呢間，因為每次見佢都大排長龍但又唔知D人到底係排緊呢間定隔離果間泰國菜7點幾去到，排第一個，咁岩有人走，好快就入得我o地叫o左越式拼盤、串燒、海鮮炒金邊粉、椒絲炒通菜越式拼盤幾抵食，入面有四樣o野，蝦餅同春卷熱辣辣炸得好香脆，粉卷比想像中好食，入面有好多菇菇，真心皮薄餡靚豬頸肉就有D太韌..要o趙好耐椒絲炒通菜就麻麻啦..唔算好入味，而且佢無馬拉棧炒通菜，有D失望(誤以為自己食緊泰國菜既朋友)串燒加沙嗲好惹味，叫o左半打入面有豬牛雞，除o左豬覺得有D乾之外，牛同雞都好JUICY海鮮炒金邊粉反而有驚喜，我o地點既時候將檬粉換o左金邊粉，睇餐牌同上既時候見到佢白雪雪都驚唔好味全碟其實都係靠佢面頭D胡椒粉吊味，金邊粉同胡椒粉都幾夾，而且D金邊粉超級煙韌，好味道！！！下次絕對會試埋佢隔離間泰國菜…查看更多

忽然想食越南嘢，就拉左同事過海陪我食依間食過幾次，質素都唔錯，價錢又相宜好鐘意佢張餐紙今餐有菜有肉有海鮮椒絲炒通菜 $58 份量啱啱好兩個人share辣椒膏炒大蜆 $145 好大盤有好多隻大蜆個汁辣辣地，好好好好惹味!!!!!唔覺意飲左2啖一路食一路同同事講，如果可以打包個汁返去煮麵食，真係不得了😂😂😂香茅燒豬頸肉撈檬 $65 嘩依個豬頸肉超好食雖然豬頸肉係成隻豬最肥既部位，但真係好好食依到整得好爽口撈檬個汁比平時食開既偏酸，好開胃食多碗都仲得印式薄餅 $25 個汁實在太惹味太正😭所以嗌多個薄餅嚟點夾多塊豬頸肉，蘸一蘸個辣汁成餐飯最好食係依個嘢飲就揀左青檸梳打同凍檸茶到依家都仲回味緊個辣椒膏炒大蜆既汁lunch set包埋嘢飲，都只係六七十，係值得一試既越南菜餐廳今次趕住返工，未試到甜品:(下次嚟食晚餐再試…查看更多

相約朋友去尖沙咀shopping，行到攰想搵野食，就俾menu既椰子焗飯吸引一於入去試一試。個飯一嚟到，真係好超載，個飯裝到個椰青滿一滿，椰汁都流晒出嚟，仲聞到香噴噴既椰子味。上面海鮮、配料亦算多。不過食晒上面充滿椰汁個層飯之後，下面既飯稍為乾身。另外，我地仲叫左個咖喱雞配法包。咖喱一直有火熱住，味道香濃，再配埋個法包一齊食，好滿足。咖哩汁仲可以用嚟撈下唔夠椰汁既飯，一樣咁好食:)我地仲叫左個豬頸肉米紙卷同椒絲炒通菜，算係中規中矩。不過個人覺得米紙卷既皮做得太厚，豬頸肉切得太薄，食落去好似食唔到個豬頸肉咁。炒通菜份量太少，但味道唔差。總括而言，係值得一試既越南菜，位置方便，價錢亦唔算貴。…查看更多

逛逛The one很累，又不想再出商場覓食，所以便隨便看看商場有甚麼選擇。發現這間越南餐廳挺開放式，而且六點多來到已有不少客人，故投下了信心一票。餐廳職員很有禮貌安排座位，送上水和餐牌，還一直保持著笑容，很親切餐廳有小圓桌、有四方桌、也有一排坐的高椅桌，適合不同人數的食客。以越南餐廳來說，食物種類亦算多，當中也有些泰國食品可供選擇。首先上桌的是椒絲炒通菜，蒜香加上辣椒絲使通菜十分香口，也沒有炒得過老，不錯！這個特色拼盤有齊我喜歡吃的小食！我是十分喜歡吃越南春卷的，而這餐廳處理得也很好，外皮脆內裏蔬菜又不會太淋，蘸上特製醬汁更好吃！而燒豬頸肉也是真的烤過的，因為最近吃過不少是沒有燒過的，所以這個燒豬頸肉有驚喜，而且香茅味也很搭，推薦！扎肉蒸粉包的餡料味道很足，也很好味！印式薄餅在還熱騰騰的時候吃是最好吃的，吃下去有很香的牛油味，酥軟得像吃著酥皮湯的酥皮，忍不住吃完再吃這個是椰青超載焗飯，份量十分多，是真的超載內裏有點像焗海鮮飯的配料，有蝦、蜆，八爪魚仔等等，醬料則是椰漿。甜甜的椰漿配上飯，是很新鮮的配搭。吃下去時，還可以刮下椰青肉一齊去，口感更新鮮，也更好味，只是兩人吃有點太多飲品方面，我點了咸檸梳打，咸檸的味道很重，一點也不馬虎，搭配梳打一起喝，實在太正友人點的是椰汁紅豆冰，椰汁較多。如果是點這家餐廳的飯類，份量真的不少，所以三人以上來吃，能嚐到更多不同的菜式，附上部分餐牌供大家參考…查看更多

今晚一行四人敘舊去食越南菜！朋友介紹先知The One裡面都會有好食又抵食嘅餐廳！餐廳環境都幾開揚幾舒服！先黎叫咗個精選拼盆，個拼盆有四款越式小食，炸蝦餅、春卷、燒豬頸肉同扎肉蒸粉包。我最鍾意係個蝦餅同燒豬頸肉，蝦餅好彈牙，豬頸肉燒得好香又唔會乾！個串燒就有牛肉、豬肉、雞肉各2串。平時我最愛牛肉但我覺得雞肉好得！串雞肉香口得黎又肉仲好滑！D串燒加上個醬汁好惹味！正！我成餐就最like碟辣椒膏炒大蜆！D蜆堅大隻！雖然叫辣椒膏炒但唔會太辣又keep到蜆D鮮味仲有勁多香料香菜一齊炒，勁足料！如果我冇叫個炒飯，我一定叫個白飯配佢！🙈其實個大蝦菠蘿飯都好好味😋，隻大蝦都真係幾大隻㗎！個炒飯都炒得幾靚又乾身又足料！我哋先冇菜就叫咗個椒絲炒通菜，佢有微微嘅辣又唔會好油！最後好飽但都忍唔住叫咗個香芒糯米飯！D糯米飯暖暖地又唔會好甜！好好味呀！😍…查看更多