太平館餐廳

營業中

休息中

平時多食新潮cafe，今次來到這種懷舊老店，別有一番風味呀！我們一行二人，點了一份🥢乳鴿餐 $304🥢瑞士汁雞翼（4隻） $98🥢以及甜品🥢梳乎厘 $152🥢可以說非常豐盛乳鴿餐包括：燕窩雞茸湯、太平館燒乳鴿（一隻）、焗葡國雞飯，其實兩個人食這個餐已經好足夠，不過難得到此，怎可以不嘗餐廳名物🥢瑞士汁雞翼🥢燕窩雞茸湯真的有燕窩，有咬口，亦好濃郁；乳鴿、雞翼都好入味，肉亦都好嫰滑，味道就比較濃和咸，相反焗葡國雞飯就有點普通，雞口感偏鞋，而且原來白飯是另上，稱不上是焗飯吧，唯獨這有點失望最後梳乎厘簡直是全晚的亮點！一上枱我們幾乎驚呆了，比我們的頭都要大，幸好梳乎厘內多是空氣，看似大實際份量不多。

行街街行到攰搵個地方下午茶，這間餐廳跟其他嘅好不一樣，一入去就充滿阿飛正傳年代嘅氣氛，侍應都係一啲老人家，但係好好脾氣又有禮貌。首先梗係食下呢度嘅名物「太平館瑞士汁炒牛河」連一杯飲品$72。碟河好細碟，而且有點鹹，唔似瑞士汁要甜甜地咁，不過銅鑼灣嚟講都唔叫合理，因為你可以舒舒服服咁坐。叔叔好貼心幫我哋換哂啲碟&餐具，因為跟住我哋食重頭戲⋯⋯「梳乎厘」！小朋友老遠見到就嘩嘩聲😂😂，係咁相機先食因為大過佢個頭，個皮烤得香香甜甜，她一大匙放進口就溶晒，開心到格格聲話好食😋。呢個下午茶二人餐連兩杯飲品只係$150，當氹小朋友都抵吖💪🏻

這店每次途經都過門不入，門口窗簾帶著神秘感，似是有的勇氣先至推門用餐。是日走過看見餐牌，一於入內感受一下老店風味。門口餐牌。晚餐時間算早，入內有卡位，即叫招牌兩人套餐。餐紙印製著160年的老店，無論如何要試，見識下豉油西餐。龍蝦湯味道鮮濃，好推薦，配餐包很有懷舊感。煙肉雜菜非常健康。瑞士汁雞翼偏甜，但肉質嫩滑，香軟可口。豬脾飯是切片豬脾，淋上豉油汁。套餐有甜品，飲料。甜甜的提子味啫喱加上煉奶，老式風格總是讓人回味。隔離台叫了足球一樣大的雲尼拿梳乎厘，上桌一陣轟動，馬上黏影像，最好三人以上才不辜負這款美味。

相信香港人對太平館絕不陌生，因非大衆化的價，所以我都很少去吃，今日放假約了朋友在銅鑼灣茶聚，剛巧路經見到門囗貼了下午茶餐大約60元以上十分吸引吸引，包括有出名的瑞士汁雞翼、牛脷和炒河等等，但最吸引我是$150梳乎厘，包兩杯即磨咖啡。

困咗响屋企好耐無約朋友出街，今晚相約咗兩位朋友嚟呢間老餐廳懷念一下。今次係特登嚟食佢出名嘅菜式門口招牌以隸書題字門口旁邊有佢地個logo卡位上邊掛上一啲老地方照片干炒牛河佢唔太油係有啲驚喜嘅，而且牛肉鮮嫩，唔會乸到無晒味瑞士汁雞翼無諗過一碟有8隻雞翼，每隻都好嫩滑，亦好入味，但係唔會好鹹！幾正😋葡汁焗四蔬葡汁幾香，唔會辣，減低今晚嘅罪惡感梳乎厘巨型梳乎厘呀😱 甜度幾適中，本人不太嗜甜，唔錯！😋今晚飯腳太耐無見，加上食物又有水準，開心愉快地過咗一晚💝

喺非常嚴峻時期嘅情人節當然都要食好少少 相聚一刻為咗避開人流 & 正日天價特價揀咗呢度食預計唔會人多 亦唔使捱天價 yeah!👻夜晚7點去到 唔使等位直入叫咗個乳鴿套餐 跟牛脷意粉 另加瑞士雞翼最後當然要叫梳乎厘啦🤤整體質素非常唔錯食物好味 夠熱 上枱快乳鴿夠脆夠香口 牛脷汁好味 瑞士雞翼更加唔使多講 梳乎厘夠大蛋味香服務好好 主動收碟 又肯幫手影相 嚟錯咗吉列豬扒意粉又講晒唔好意思食到中途 主動問要唔要叫梳乎厘因為要等A good evening! 🤠

今天和大女去一間小學的 2nd in。我們說好了是「參觀學校」，開開心心完成後就去食梳乎厘慶祝。12時30分到達餐廳，已經要排隊，排第3。等了15分鐘左右。全店大部分座位都是卡位。我點了自己喜歡的鹹牛脷。味道非常好，清淡中有肉味，有口感。好的食材，簡單處理就好。河粉炒得剛好，牛肉不多不少，味道也很好微甜少少鹹，大女自己食了一碟。雞很滑，瑞士汁非常惹味，可以食多碗飯。大女期待的梳乎厘！要食得夠快。梳乎厘源自法國的， Souffle 本來的意思是「使之澎脹」。主要材料包括蛋黃及經打勻後的蛋白，烘焗到內裡的空氣澎脹，所以凍左就會縮水。味道很清，沒想像中的甜。大女很滿足，很飽。食慾是心情，因為是慶祝，便食得開心。希望她在之後的參觀能一直保持好心情。

之前在佐敦那間試過後, 一直都念念不忘, 所以來銅記這間試...雖然平日但都算多人, 我們等了一陣就有位!!! 招呼不錯, 本來坐在一張不太方便的位, 但有卡位時侍應主動叫我們轉TABLE...三個人都叫了幾多野食!!! 先來主打瑞士汁雞翼...八隻好入味, 雖然好似無上次佐敦那間咁化, 但都係好可口...瑞士汁炒牛河, 好味好味~~~牛肉唔UN, 河粉又夠彈, 好入味~~仲有D豆角TIM...試了個推介的燒豬脾飯, 豬脾切得好薄好有豬脾味啊~~~~但只有三大塊比較少, 配雜菜!!最後甜品梳乎厘, 好有蛋香味, 同埋入口即化~~~好FULL啊!! 但好滿足~~~開心的一餐, 唔可以成日食, 但久不久吃很回味!!!^^

成日都聽倒屋企人話去太平館食瑞士雞翼做下午茶，重要因為食物質素唔同，要揀去九龍間分店添。今次咁啱阿爸阿媽出左街，屋企剩低我自己一個，班姨媽就叫我一齊出去試下銅鑼灣間太平館，順便評一評。嘩，真係估唔倒一間咁＂古老＂既餐廳門口都會排哂長龍，Ｄ人重要年紀不一，心諗一定好正啦。原來餐廳入面冇乜位比人坐喺到等，所以我地就留返姨丈一個喺入面等叫名。好彩街頭街尾有小販擺檔，時間先過得容易Ｄ，因為結果都要等成50分鐘先有位。入到餐廳第一個感覺係好懷舊，裝修應該係三四十年代嗰款，好有＂上海灘＂feel。港式西餐廳都算係西餐廳既，所以太平館用暗淡既光線都講得通，不過室內實在太逼太嘈吵，用＂有情調＂黎形容就好似唔係好合理啦。右手邊全部係卡位，左手邊就係密麻麻既散枱。我地六個人就當然冇卡位坐啦；佢Ｄ散枱又唔大，位又唔多，真係好逼挾，坐得都幾唔舒服；女士們重要全程攬住自己Ｄ手袋，食得好辛苦。一坐低就留意倒餐紙上太平館個Logo，差Ｄ重以為自己攰得滯眼花；真係唔用下腦都睇唔出中間有個＂T＂字。餐廳內既伙計們唔係叔叔就係伯伯，雖然未至於話態度惡劣，不過可能太忙，而且係賽馬日，所以佢地個樣都＂好不在乎＂同＂完全唔休做