源記甜品專家 (已結業)

🍰ᴅᴇssᴇʀᴛ·桑寄生雞蛋茶 $35﹟招牌糖水果然係唔同d, 飲落清甜得黎又無咩中藥既味道, 非常容易入口, 加埋滷水蛋顏色但實際係甜甜地既雞蛋一齊食, 味道幾夾🥰同埋碗糖水有滋陰降壓既功效, 補一補身岩曬👍🍰ᴅᴇssᴇʀᴛ·香滑芝麻糊 $27﹟同想像中有d出入🤔質感比較稀, 芝麻味偏淡但就勝在夠順滑😂同埋唔會太甜, 如果可以重芝麻味同埋竭身少少就好啦, 食落會實在d🙂🍰ᴅᴇssᴇʀᴛ·清香合桃露 $37﹟合桃露混合左啲杏仁嘅味道, 質感都係偏流質, 合桃味唔係太重, 整體甜度偏淡, 呢個價錢值唔值就有待大家思考🤣🍰ᴅᴇssᴇʀᴛ·全蛋雞蛋糕 $8﹟大家要有心理準備....呢個蛋糕同一般嘅蛋糕濕潤程度相差比較大🤢🤢總體都係偏乾身....又唔係好有蛋香味😰er....大家可慎重考慮試唔試😂🙈…查看更多

今日終於去源記甜品專家食佢出名既桑寄生雞蛋茶啦，幾清甜，好易入口，隻蛋幾好食。仲叫左個雞蛋糕，偏實既口感，甜度減少少會更好。呢間價錢偏貴，而且份量偏細，試過便可。…查看更多

今日來到西營盤正街源記食糖水，源記係香港少有百年老店，傳聞創立於1885年。當時內地仍是滿清皇朝光緒年間，慈禧太后垂簾聽政，皇帝只有十歲；而英國正在維多利亞女王管治下，被後世稱許為維多利亞時代的盛世。源記創立年份，就連第三代掌櫃李老都說不能確定，但歷經三代，於今李老亦已屆垂暮之年，歷經百年應沒可議。來到西營盤當然要說一說她的歷史。1842年滿清割讓香港，香港正式開埠。英軍在上環水坑口登陸，升旗鳴炮，水坑口英文就叫Possession Point。到第三任港督文咸爵士Sir Samuel George Bonham，因上環大火，燒毀四百多座房屋，利用遺下的大堆瓦礫，於1852年實施香港首個填海造地計劃。既增加土地供應，又可處理瓦礫，一舉兩得，更毋須向內地買沙。亦因此水坑口由海邊變為內陸。英軍在上環水坑口登陸後，在上環以西築營駐軍，名為West Point，即所為西營盤。當時駐有八百名印度孟加拉士兵，營地位置就在今日水街山邊。西營盤一帶街道，由皇后大道西開始，向山上發展，與皇后大道西平衡劃出第一街、第二街、第三街和高街，兩邊則以東邊街和西邊街為界，而正街則為這個區域的中心點，英文說叫Center Street，成為兩個目字形相連的街道規劃。正街是一條由南至北走，由海傍走向山的街道，南至干諾道西，北至西半山般咸道(都是紀念文咸爵士，只是譯法不同)。正街出名斜，是全港最斜的行車道路，最高斜度竟達1:4。源記位於皇后大道西和德輔道西一段正街，由於是填海造地因而地勢較平。桑寄生是中藥材，不論功效，先講氣味。本草綱目記載桑寄生的氣味是苦，平，無毒。桑寄生不止苦，還澀，即係又苦又嚡口，就算多落糖，遮掩到苦味但澀味依然不減。源記最出名是桑寄生蛋茶，確實與別不同。第一、絕無苦澀味；第二、甜而不膩，不會蓋過桑寄生獨有香味，這是源記老闆獨得之秘；第三、深琥珀色，晶瑩通透，清澈見底。第四、蛋得鹵入味，香而不鹹，鹵水味不會蓋過蛋味。下次有機會再跟大家說講桑寄生的藥效。…查看更多

今日經過西環，見到一間好傳統的中式甜品店，由於港島裡比較少這一類中式傳統甜品店，及有聽過朋友們的介紹，所以決定走進去試一試。店內有不少遊客。好彩地不用排隊等位，否則烈日當空下排隊會很辛苦。在店員推介下，試了桑寄生雞蛋茶。第一次食這個甜品。味道是不錯的，聽說對身體有益。但個人覺得價錢比較貴了一點，差不多要40元一碗。店內衛生不錯。店員服務也很友善。但由於店面面積比較細，食完後也不好意思留下坐多一會兒。相信試食過一次之後都應該不會再食了。…查看更多

吃完晚飯，口痕痕想食甜品，朋友介紹吃中式糖水，便走進這老字號感覺的甜品店。看過餐牌其實選擇並不多，都是幾種材料拼拼合合而成。和朋友一起吃最好就是試多幾款，今次共點了4項，但原來都很小一碗，感覺有點貴😅。-桑寄生雞蛋茶 ($32)第一次飲，聽個名已經覺得很滋陰，對女性身子有莫大好處，滋潤又降壓，入口甜甜的，十分正氣，想不到居然養生的飲食又幾好喝。至於雞蛋已入味，蛋香，夠滑。留意到嗎？拿起雞蛋後，其實桑寄生茶就只有一半左右，這份量也稍微太少了。雞蛋芝麻糊($32)芝麻糊一點也不糊狀！很稀身，味道也不濃，完全不吸引。蓮子雞蛋紅豆沙($36)同樣很稀身，很淡，的確有點失望:( 蓮子幸好沒煮爛，微苦，數量亦多。全蛋雞蛋糕($8)說很好吃也講不上，因為較乾身，但蛋味合我意，只是吃過一次就夠了。其實進食前有點期待，畢竟已屹立多年，應該有一定水準，更何況稱為"專家"呢可惜呢⋯…查看更多

離開珍寶海鮮舫, 乘駁船到香港仔, 見到巴士站, 胡亂上咗第一架到站嘅巴士, 唔知行車路線, 只知終點站係中環碼頭... 打算睇吓架車行到去邊, 有咩特別地方想落車, 就即興落車... 已經好多年冇玩「途中下車」之旅... 估唔到今時今日都仲會玩即興... 哈哈...巴士路經西環, Honey建議落車去一個老地方, 懷舊一番...位於西環正街的源記甜品專家, 歷史悠久, 人盡皆知... 咁... 究竟有幾悠久呢?!! 上網搜尋一下... 嘩!!! 創立於1855年... 即係... 超過150年!!! 好勁呀!!!堅持只賣傳統中式糖水, 招牌菜係桑寄生蓮子雞蛋茶, 仲有一個沿用超過半個世紀嘅傳統石磨, 每天磨新鮮杏仁、芝麻...入到店內, 讓客人時光倒流到60-70年代... 衛生環境良好, 未有出現普遍老店果種霉味... 服務亦正常...桑寄生雞蛋茶 $22-- 招牌菜, 從枱上的剪報看到, 桑寄生可安胎防流感... 安胎?!! 會唔會安埋肚腩o架?!! 我想落咗個肚腩喎!!! 嘩咔咔咔... 桑寄生茶味道清甜, 比坊間煮得好, 雞蛋亦好香...蓮子合桃露 $26-- 點解... 合桃露會係杏仁味?!! OMG!!! 我最憎杏仁味!!! 我估佢所有糖水都係用同一個湯勺來舀, 所以d味道撈埋晒一齊... 蓮子好多, 好粉, 清甜, 好正!!!價錢都唔平, 不過店內人客絡繹不絕, 經常要在門外等候...今日總算又完成一個朝聖目標!!!…查看更多