鏞記酒家

上個月老細請食飯..早幾日已經打左去鏞記訂位!我地全公司一行5個女仔8點鐘已經準時入席~糖心皮蛋: 我唔食皮蛋既..不過朋友話d酸薑好好食~酸甜而且冇渣!配合埋皮蛋一齊食~一流燒鵝例牌: 其實我對燒鵝興趣唔大..淨係知呢度既燒鵝出名~不過都幾貴下..今次有幸俾我試到..呢度既燒鵝果然得! 好岩我口味..首先望落冇嘜肥膏..食落口淡淡肉..口感好好!什菌豆腐(??): 唔係好記得個名...呢個冇嘜特別~都幾好食...!咕嚕雞球: 呢個係我同事A點既....味道OK~一定唔會鬧!唔知咩鱔: 呢個我老細點既...第一次咁食鱔~平時食親多數都係豉汁蒸!呢個夠特別..好味呀~金銀蛋豆苗: 呢碟~我幾乎次次出街食飯都會點既!呢到其實做得都ok..不過我會覺得出面D大排檔..好食D~桂花炒魚肚: 呢個都係老細點既..又係第一次食~淨係講味道都OK好食..不過我好似食唔到有魚肚? 榣柱蛋白帶子炒飯: 其實餐牌淨係得榣柱蛋白炒飯..我老細話要加埋帶子落去炒!d侍應開頭同佢講話唔得..跟住我老細即刻黑面話邊可能唔得~之前黎食都可以..後尾侍應好無奈ok左! 不過個飯又真係幾好味..我本身不嬲都驚d炒飯油..但呢到出黎係完全冇囉!少少干身..味道岩岩好~???翅: 正常水準..好味!埋單唔知幾錢..因為老細請~不過如果要我自己俾錢..又未必會選擇呢到..因為佢D價錢對我黎太貴喇!…查看更多

上回提要...我滿心期待到鏞記，被安排坐一處約只有5張枱的小廳，地方蠻不錯呢!並ORDER左以下食物... 招牌小食 - 皮蛋酸薑 / 每位HKD7.5定點項目 - 金牌燒鵝 / 半隻HKD210自選項目 - XO醬海參扣 / HKD148穩陣小菜 - 桂花炒魚肚 / HKD95 呢集輪到講桂花炒魚肚...小妹平常在外吃飯也愛點這個，清清地唔會好Heavy!這兒的桂花炒魚肚有雞蛋、芽菜、魚肚 &蟹肉。芽菜炒得不錯帶點爽口，炒得太熟沒有口感。魚肚好軟滑密度好高，有些較差的魚肚口感像豬皮。蟹肉是有一些點綴，不會太多，太多會搶走魚肚風頭。雞蛋...吃下去又令我腦子裏滿是問號???令我意想不到的.."鞋"..."好鞋"...是之前從沒有吃過的:(! 吃過了以上的菜餚我已提不起"勁"再試下去了...縱然我仍未有飽的感覺:(。正想結帳離開之際，聽到隔離叫甜品...我的"勁"又反來咯!我叫左紅荳沙、合桃露&迷你蛋撻仔Share。當中紅荳沙最出色...超得(出乎意料噤得)!紅荳大大粒，好似日本紅荳噤大粒。其他兩款就普通料...味道一般酒樓都可以食到差不多!唔知係咪廚房離我的廳房太遠?我發覺呢度D食物"熱辣辣"度唔夠，樣樣食物都只係"暖暖地"，噤就唔夠妥當啦:(!至如於服務就非常滿意:):)服務員笑容可鞠...我訂左位門口等佢執，只係等左一陣;佢都唔好意思前唔好意思後，服務絕對係五星水準。 …查看更多

好耐冇去[鏞記], 因為訂位不容易, 這晚同朋友共 14 人去吃飯.我地 7:00p.m 到, 已見滿座, 但門外仍大排長龍. 厲害!! 今晚 d 餸菜有部份鹹了少許, 但仍然很美味. 尤其[桂花炒魚肚], 炒得很乾身. 還有招牌的[燒鵝]、皮蛋酸薑、鵝翼、梅子蒸排骨、百花醮豆腐、蟹肉扒雙蔬、羅漢齋煲、大良炒鮮奶、排骨炒麵. 甜品有.......鮮芒果布甸、紅豆沙、龜靈膏. …查看更多