名門私房菜

營業中

休息中

今晚在灣仔晚餐，這家餐廳位置算便利。餐廳牆紙是白色淡雅的花紋，餐廳的餐桌全部是圓台，十分聚會也坐得舒服。餐廳有不同的房間，方便和朋友在房間用餐，有私隱度。⭐️杏汁豬肺湯有豬展、豬肺和白果，白果煮得很軟，豬肺很滑，豬展入口很軟，有淡淡杏仁的味道。⭐️冰鎮鮑魚大大塊鮑魚，冰鎮過入口更爽脆，QQ彈彈的，口感很讚。蘸上特製的醬汁，甜甜辣辣的，更惹味呢！⭐️順德釀鯪魚這道菜很特別，絕對是手工菜。看下去是一條鯪魚。但原來是釀鯪魚肉，光有魚皮和魚身，魚肉已經被鯪魚取代。廚師先把魚肉和魚骨剔出，留下魚頭、魚尾和皮囊，然後將魚肉連細魚骨剁爛釀入魚身，回復魚的形狀。入口魚皮香脆，鯪魚入口彈牙，調味適中，不會太鹹。最後還有杏仁蛋白，入口很滑，杏仁味道很突出，而且不會太甜，實在很滿足呢！

無飯屋企就更要捐窿捐罅搵試新菜，今次就玩到上樓嘗潮州菜。有別於一般大排檔打冷，名門無滷水料但有唔少手工菜，仍然保留住傳統文化味道菜式花多眼亂，選擇困難症嘅我一於叫二人套餐，咩都唔洗諗😆.先上杏汁豬肺湯🐷本身我好怕杏霜個陣味，有時更會聞到想嘔，真心搞唔掂，但哩到嘅杏汁湯一啲都無杏霜嘅味，反而帶有一陣杏香味 / 上枱時熱㷫㷫，飲落喉嚨好滑好清甜嘅感覺..冰鎮鮑魚🐡中菜餐食過最出色嘅鮑魚 / 微凍，爽口彈牙唔會好似食緊香口膠 / 配上甜豉油wasabi更帶出鮑魚鮮甜..砵仔焗魚腸🐟吸睛指數上升，漲卜卜表面焗到少焦糖狀態 / 超級足料，比一般用上更多芫茜，重茜口味 / 口感略實帶少許過熟..豉油雞🐥成煲上份量嚇親 / 以玫瑰酒入饌帶出陣陣香味 / 老抽配以雞油上色靚、豉油略甜但不死甜 / 必定連皮食帶出啖啖肉加豉油甜香配搭..蒜蓉炒西蘭花🥦簡單但出色 /炒得爽脆而沒有過多油份..杏汁蛋白相信同杏汁豬肺湯同一湯底 - 好飲唔過甜雖然只有兩位員工但服務態度和藹，不時問我哋好無味、啲嘢食o唔ok。唔講唔知，原來店舖過兩個月已達20年，傳統嘢一定要保留🤞🏿🤤

很久冇出街食飯，差點已忘記了私房菜這名稱。今早在灣仔買餸時抬頭見到曾經幫襯過“名門私房菜”的招牌。很懷念這裡的家鄉小菜，地道得來又有懷舊感覺；於是向老公提議在此午餐。冰鎮鮑魚 鮑魚很大隻，差不多有半隻手掌大。爽口彈牙， 軟硬適中；配以燒汁wasabi 更有提鮮作用。杏汁豬肺湯 豬肺份量很多，洗得很乾淨；所以唔覺有內臟臭押味。再用大量杏仁淆製而成，所以湯底味道又香甜又濃郁好好飲。👍炸奶拼金錢蓮藕餅 時令蓮藕清甜爽口，夾上免冶豬肉甘香味美；食時可隨意點些喼汁增添食慾。炸鮮奶II材料簡單但製作巧手。要做得脆䊢脆薄，鮮奶香濃幼滑真的要考大厨的經驗。最重要係唔覺肥膩。菠蘿咕嚕肉採用新鮮豬肉卽叫卽炸，入口很脆；猪肉夠腍夠滑，沾上酸甜汁味道啱啱好。蝦蝦炒芥蘭煲材料有鮮蝦、蝦乾和芥蘭，以蝦膏來炒夠哂惹味同鑊氣足。我一向不喜愛食芥蘭因謙它太硬身，所以要求煮得淋些；今次居然把整個煲仔菜KO哂！😋桂花糕最後以冰凍清甜的桂花糕做甜品。

估唔到喺一座唔顯眼嘅商廈內有間咁正嘅私房菜！雖然外表如一般中式酒家，但食物好有驚喜，每一道都好食，絕對係有水準。同埋侍應們都好nice👍🏻。.我哋叫咗壺菊花茶🌼，好清香，冇泥up味，好好飲！.以下菜式全部都真心好味❤️：🔸杏汁炖白肺湯 （$98/位）絕對係功夫菜，因為洗豬肺係超麻煩，哩度嘅豬肺冇腥味，好軟滑。杏汁好濃，飲落好滋潤！🔸冰鎮鮑魚 （$88/隻）大大隻嘅鮑魚，浸咗2日滷汁，所以好香、好入味！質地好彈牙，冰涼好味！🔸花膠/海參扣鵝掌 （$268/位）用咗原隻花膠筒同海參，矜貴又好味！鵝掌肉厚，炆得超入味，連啲汁都好正、好黏口，引唔住要叫白飯撈嚟食！👍🏻👍🏻👍🏻🔸生煎蓮藕餅 （$178/例）外表簡單，但食落有驚喜，肉餅好鬆軟有肉香，蓮藕切成粗粒，所以口感好豐富，點少少醋嚟食好正！🔸鑲鑽黃金蝦 （$88/隻）好好味！一定要試！蝦超大隻又肉厚！外層係咸蛋黃同麥皮，食落好香口，外脆內彈牙！👍🏻👍🏻👍🏻🔸XO名門炒飯 （$248/例）就算好飽都忍唔住要食少少，自家製嘅XO醬辣辣地、好惹味，炒飯夠乾身粒粒分明，又有啲冬菇同新鮮蝦粒，好味！

今日約朋友到灣仔食順德菜，它叫名門私房菜，位置喺灣仔道83號2樓，我哋入到去餐廳到時，首先我就喺門口度咗體溫，同埋掃咗安心出行後，就安排入座。見到枱同枱之間有距離，坐得好安心，酒精搓手液。侍應招呼我哋入座，今晚點菜有：杏汁豬肺湯,櫻花蝦鯪魚球，蜜餞欖角骨，蝦乾魚肚大芥菜煲，鮮蝦瑤柱荷葉飯。平時喺屋企唔會食到豬肺湯，今日終於可以食到喇。杏汁豬肺湯個湯呈白色，有南北杏，杏仁，豬肺湯好滋潤，湯好清甜。櫻花蝦鯪魚球櫻花蝦鯪魚球炸到呈現金黃色，櫻花蝦包著鯪魚球，咬落去好香又脆，魚肉鮮甜，仲保留水份。蜜餞欖角骨蜜餞欖角骨呢碟排⻣好足料，而且好juicy, 排⻣炸好香，熱辣辣香噴噴，仲有欖角提升了排⻣鮮味。鮮蝦瑤柱荷葉飯荷葉飯好食指數要俾10隻手指，每粒飯粒粒分明，鮮蝦同瑤柱，味道啱啱好，仲有荷葉香味，我平日唔食飯，今晚要食3碗飯蝦乾魚肚大芥菜煲蝦乾魚肚大芥菜煲，煲里面有大大隻嘅蝦干同魚肚，芥菜好清甜，連個湯都飲埋添。是日甜品 番薯糖水， 番薯冇渣而且好甜仲有好香嘅薑味。今晚真係有食神呀，可以見到好耐無見朋友傾下計，為今晚飯聚寫上了完美的句號。下次一定帶多啲朋友上來食它的其他招牌菜。

第一次去，早兩星期己訂位。整體來說係ok. 冇一様太差，但冇一様好好。三人食 各約四百元....各款菜式也夠味 但不算上上之選特別一提杏汁豬肺湯 有杏香 可是咸味搶了香 入口便減了分 而且每碗只有一舊肺似乎不足料啊