更多
2015-12-14
634 瀏覽
一股韓風,一兩年間,韓食店林立,是次為著那"芝士"飯及好奇店家那商標專利而到此一嚐。店內裝潢以黑色為主調,而每桌頭上的抽油煙管上亦掛有紅色半圓形燈罩,當油煙管未拉下時,外型如紅色磨菇燈般;但店內座椅為小方型四腳鐵櫈,沒像坊間大多的韓烤店般提供圓筒櫈以便擺放手袋,而牆身亦沒設置小勾以便掛起衣物,雖眼見職員主動搬多張櫈俾食客放袋,但如果天氣再冷啲,個個著大褸,到時都唔知啲褸可以放去邊…Menu 設計簡單,兩大幅紙對摺釘裝而成的8頁紙,有啲似放咗份薄薄嘅晚報係枱上面咁,當然menu 紙質靚過報紙好多啦!What is “Sioyakki”?佢係獨有、攞咗專利權嘅菜式;烹調方法、自家製嘅醬料和食譜都係韓國攞咗專利權,而以此專利烹調手法製成的招牌菜就稱為 “Sioyakki”!餐牌內除了signature dish ~~ black pork sioyakki ﹙秘製黑豚肉﹚、sioyakki cheese rice﹙惹味芝士飯﹚外,當然仲有其他烤肉選擇 ~~ 牛仔骨、牛肋肉、黑豚梅肉、雞肉、牛舌、魷魚等,另外當然唔少得有其他韓風小食、水冷麵、泡菜湯麵等等啦!除散叫以外,menu 內亦有三款Di
What is “Sioyakki”?佢係獨有、攞咗專利權嘅菜式;烹調方法、自家製嘅醬料和食譜都係韓國攞咗專利權,而以此專利烹調手法製成的招牌菜就稱為 “Sioyakki”! 餐牌內除了signature dish ~~ black pork sioyakki ﹙秘製黑豚肉﹚、sioyakki cheese rice﹙惹味芝士飯﹚外,當然仲有其他烤肉選擇 ~~ 牛仔骨、牛肋肉、黑豚梅肉、雞肉、牛舌、魷魚等,另外當然唔少得有其他韓風小食、水冷麵、泡菜湯麵等等啦!除散叫以外,menu 內亦有三款Dinner set,定價分別為$498、$788及$1088,約2至4人份量。
二人行,齊望見那醬爆鮮魷就想試,所以放棄揀dinner set,散叫去。
Order 咗原味黑豚肉sioyakki 加芝士飯、秘醬牛仔骨和香辣五花腩醬爆鮮魷! 店家以長方型帶斜度的鐵板來烤肉,微斜的鐵板令烤出來的油份緩緩流在一側、隔開來,設計不錯!
店方會先為食客燒烤sioyakki dish 以外的食品,食畢後會換上新鐵板及為食客烹調其sioyakki 黑豚肉+芝士飯。 秘醬牛仔骨 150g $148
本身想叫秘醬特級牛肋排肉,但落單時店員推介不如試吓牛仔骨、今日醃得比較入味係牛仔骨,故改選了秘醬牛仔骨。150g 原來只有一排三件骨連肉,伴三片雞批菇;秘醬醃過嘅牛仔骨,入口醬味香濃,不用沾醬汁食用;肉質偏軟腍,似乎秘醬內含水果汁成份令肉質變鬆軟,但礙於牛仔骨的肉身不厚,故略欠口感;整體味道算是不錯。 香辣五花腩醬爆鮮魷 $128
這是整個餐牌內唯一有兩條辣椒logo 標誌著的菜式,雖然明白韓食嘅中辣大辣真係好辣好"哽",但辣炒鮮魷係韓國經典美味食品之一,既較少在香港的韓烤店有所供應,當然要揀來吃吃!
賣相雖不漂亮,但眼見紅紅醬汁,甚為對版!吃第一口…嗯~~~ 無預期咁辣,只算是中小辣度吧!嗜辣的朋友應該會略嫌未夠辣、未夠惹味;屬於一般能吃到小辣的朋友亦能勉強應付的辣度!
五花腩切為小塊片 與魷魚塊、菜絲、紅蘿蔔絲、洋蔥絲、椒絲、少量菇絲等 同炒,辣醬汁份量恰好、炒後不偏乾亦不偏汁多,醬汁微杰身、甚掛汁;醬料味道不錯,伴白飯吃一流也!五花腩與魷魚塊份量皆不算少,味道而言,五花腩較魷魚出色,因為肉類較易吸收醬汁入內嘛,自然更濃味;同炒的配料味道亦不錯,以生菜包著五花腩及配料同吃,配搭一流。
唯獨一小點,魷魚不像韓國般用上新鮮魷魚去烹調,口感略欠爽彈。
朴將軍鐵板秘醬黑豚肉 ー 原味 150g 加惹味芝士飯 (1 - 2人份量) $288
店家告知,本身sioyakki dish 在韓國還有牛肉版本供應的,但眼見越來越香港人不吃牛肉,故暫只設豚肉sioyakki 先看看market 反應。 豚肉連鐵板同上爐,約有二十餘片髦曲黑豚肉片;豚肉片在烤的同時,店員會端上其他配料;配料有橙紅色以秘醬拌勻的蔬菜 (眼見以大蔥絲為主)、紫菜蔬菜碎、半杯芝士、及白飯一碗。 豚肉輕炒三四分鐘後,店員會加入那橙紅色的蔬菜配料兜勻豚肉同炒,繼而將全部mixed 豚肉推放在鐵板一側,再夾出少少少量mixed 豚肉放鐵板中央,快手剪剪剪剪碎至小粒,加入那紫菜蔬菜碎及白飯,兜兜兜、炒炒炒,鋪平炒飯、再留空中央,加入芝士,蓋上炒飯,拼砌成心形飯,完成! 第一時間去掘起被蓋著的芝士,受熱後嘅芝士輕易拉起絲來,視覺大滿足,大愛!其實小妹向來不吃所有蔥類,可幸拌入炒飯中的蔥量既不多亦甚碎,吃著不覺蔥味,反倒紫菜較香;略覺醬汁味較淡,炒飯味道偏清淡,可幸拌入芝士同吃,芝味不錯。
黑豚肉片肉質嫩滑、豚味香,輕點淡醬油吃、肉味更突出! 另,每枱般有冷蘿蔔湯、蔬菜沙律、生菜片、生蒜片、三款冷前菜小吃、調味豆辦醬及淡醬油;值得一試下 那蔬菜沙律,沙律醬是士多啤梨味的,看似奇怪,但吃著吃著便覺得味道甚為配襯,味道突出得來、添有"幾fresh" 的感覺,算是獨特又美味的沙律。
張貼