四寶食堂

營業中

休息中

四寶食堂是我最喜歡的港式茶餐廳之一。這家店位於銅鑼灣區，提供各種美味的港式小食和西式簡餐。我會推薦蔥油豬扒炒蛋菠蘿油 (麻辣撈公仔麵$62+$10) 超大一份！如果食量比較少的話，兩個人點1分都可以。此外，四寶食堂午市不定期推出不同的午市限定牛扒優惠餐，以$68就可以食到黑安格斯、M5 澳洲和牛、美國prime 牛肩胛等高質牛扒餐。店內環境舒適，服務態度友善， 簡潔門面睇落好醒神，室內打橫長形，主色調用上湖水綠，加上光鮮整潔，清爽舒服，霎眼間有種優雅咖啡店嘅感覺，而非茶記。讓人感到非常舒適和溫馨！

尋日晏晝同朋友經過銅鑼灣，好彩咁啱過咗lunch hour，見到四寶食堂唔算好多人排隊，等咗幾分鐘都冇就入咗去食。未坐低已經見到個花花牆，真係好靚🤩打卡一流！同朋友點咗個叉燒蛋飯同龍蝦汁意粉，再加多杯朱古力雪山同雪糕紅豆冰 重點要講個叉燒炒蛋飯真係好好味，啲叉燒數量好多不得止仲要肥瘦適中，肉質好好，唔會特別韌亦都唔會淋，再配埋個叉燒汁同半熟滑蛋撈埋落啲飯度食真係無得彈，啲蛋汁多到食完碗飯都仲有🤤份量超足料，CP值真係好高！喺咁凍嘅天氣食暖粒粒嘅嘢就最適合🥰我朋友點嘅龍蝦汁意粉就冇話特別驚喜，但啲龍蝦汁好鮮甜，而且啲蝦都有成4、5隻，雖然龍蝦汁味濃但都食到啲蝦肉好鮮嫩，成碟意粉份量都幾多，雖然我朋友係男仔但佢都差啲食唔曬添😝兩杯特飲都幾好味，鐘意甜嘢/朱古力就一定要試朱古力雪山，對於一般人嚟講可能會偏甜，但我真係好鐘意飲甜嘢，尤其加埋cream真係好正😍😍朋友杯紅豆冰都唔錯，甜度啱啱好！不過相對依兩杯特飲嘅CP值唔算好高，但都值得叫😋地址：銅鑼灣謝斐道482號兆安廣場地下1-3號舖

銅鑼灣呢間茶記可謂包羅萬有，由湯、沙律、主食、飲品到甜品都有中有西，十分多樣化！而且價錢好合理又大份！叉燒滑蛋飯 $58叉燒飯呢d簡單菜式最考廚師既功力！呢間又大碟又好味🤤叉燒大細切得岩岩好唔會令到味餸咸，蛋又勁嫩滑，細食朋友要睇住叫😂美國厚切西冷配黑醋汁 $128茶記都有高水準西冷，配上開胃黑醋，先食得曬跟餐既薯角，真係份量十足！朱古力雪山 跟餐加10上野飲時俾滿到要溢出黎既cream嚇親，足料到你唔信，仲有長條餅乾，沾住d cream黎食😋😻雪糕紅豆冰 跟餐加10雪糕好實一直浮面，證明水份唔多，落足料，絕不戲場，連飲品都好認真！

懶洋洋地去食個茶記，這間絕對令我有驚喜，佢唔單止有常餐，又有下午茶岩哂我。連海鮮都有。我先叫了出名的「叉燒滑蛋飯」嘩嘩嘩（重要的講3次）好味！滑蛋半熟，叉燒柔軟，配上熱辣辣的飯。又柯打了一客「泰式雞腿」外貌了得而且剛好炸至金黃色，夠香口。另外叫了「咸牛蛋潛艇」厚厚的蛋配上厚甜飽。最後我地仲有胃口再加小食「焗水牛芝士酸瓜甜椒帆立貝」好野味，濃厚芝士加有酸瓜味。題外話：員工十分細心，見到我叫了潛艇2人食，主動建議給我把刀。見到我叫了帆立貝，又主動給我小碟方便我食用我會再來的

喺銅鑼灣行完街覓食期間見到呢間餐廳，望入去個裝修特別靚，內牆全部都係花，就吸引左我地入去食啦。餐廳既嘢食款式都幾多元化，除咗港式美食之外仲有西式料理。前菜嗌左意式羅勒蕃茄醬炒蜆，好多蕃茄蓉同磨菇粒，蜆肉入味冇沙，用黎做前菜開胃又好味！招牌蜜汁叉燒滑蛋飯。嗌呢個飯除咗因為佢係招牌之外，仲因爲佢係限量，售完即止。個飯好似蛋包飯咁，成塊蛋舖晒係飯面度，啲蛋真係好滑好滑，係要用匙羹筆起果種滑，叉燒都好入味，最鍾意佢係半肥瘦叉燒，入面個飯仲淋左燒味豉油，好好味！牛油黑松露雜菌焗原隻燒春雞，隻雞焗到岩岩好，切開出煙，肉質嫩滑，雞入面仲有黑松露雜菌調味，好特別！我地配左黑醋什菜沙律，個沙律舖係底都好大個下！正！朱古力雪山：特飲加$15就有好大一杯，朱古力味好濃，面頭仲有好大舊忌廉，高質之選！鮮橙汁：健康減肥之選都係加$7姐，就有大大杯啦！總括而言，呢間餐廳環境好舒服，嘢食嘅種類亦都好多可以選擇，招牌菜式更加係值得再翻兜！銅鑼灣咁就腳，經過嘅朋友仔就黎試試佢啦～

今日收工晏左，所以同同事在銅鑼灣四寶食堂食埋飯先返家。我們點了一人一個飯加飲品，再加個糯米釀雞翼。喜哥蔥油豬扒煎蛋飯-個蔥油真係好香口仲要唔會太油膩感。豬扒都ok,唔會太淋或太硬。肉質都不錯。太陽蛋正常。香蔥蝦球滑蛋飯-蝦肉大隻爽口彈牙，蛋真係好滑身。糯米釀雞翼-雞翼入面糯米個味道都不錯，雞翼辣辣地更加野味。熱柑桔-味道良好，熱辣辣咁幾好飲。朱古力雪山-朱古力味都夠，仲有餅卷係士多啤梨味都幾funny。

同男朋友喺Apple Store整完電話之後就上網搵下有咩食，見到有間好多人讚一間有花牆嘅茶記，作為港女嘅我，當然要去試下！一入去就即刻覺得四寶食堂有啲似cafe，有雲石枱又有花牆，真係唔係平時一般嘅茶記。四寶嘅食物選擇都幾多，除咗有一般嘅茶餐，仲有好多比較西式嘅選擇，好似燒春雞同扒。小食我哋食咗泰式檳檸雞鎚，呢個大推！雞鎚熱辣辣送上，仲要起曬肉，方便食客，真係好細心。重點係雞鎚有泰式風味，有香茅味，點埋泰式甜酸醬，真係好好味！主菜我叫咗招牌推介嘅喜哥蔥油豬扒煎蛋飯。我好鍾意蔥油配豬扒呢個配搭，呢到嘅蔥油同豬扒絕不欺場，豬扒好大塊，仲有好多蔥油。豬扒兩面都煎得香脆，煎蛋個蛋黃仲係流心，白飯配上豬扒，蛋黃同蔥油，真係冇得彈！男朋友食咗幾啖都讚唔錯！男朋友係食肉獸，叫咗個特選美國厚切西冷配陳年黑醋汁。特別嘅係侍應會問你想幾成熟，真係好細心。我哋要咗七成熟，肉質唔錯而且幾有肉味，絕對唔係一般茶記嘅貨色。另一驚喜係個配菜—炸薯角，厚切熱辣辣，好惹味，我食咗一半有多！飲品方面，我試咗大家推介嘅朱古力雪山，朱古力味濃，配埋啲奶油好滑，唔會好甜，真係值得一試。男朋友就要咗，佢話都好足料，薑同檸檬嘅味