睿日本料理

曾幾何時，好多人為左搵食會專程入大坑，雖然而家熱情冷卻，但大坑依然有好多有質素嘅餐廳。睿日本料理就係其中一間，佢唔單止有水準，而且性價比仲幾高，佢有個迷你廚師發辦套餐，人均都係三百幾蚊，已經有刺身有手卷有燒物有天婦羅有甜品，不過店面就比較細，成間店都係得十幾個位，三兩知己飯聚就啱。睿同好多日本餐館一樣，有分壽司吧枱同普通餐枱，因為店面較細，所以枱同枱之間就比較近，不過每張凳下面都有儲物籃俾客人放袋，睇得出店家都盡量喺有限空間內滿足顧客需要。正如我先前所講，哩度嘅迷你廚師發辦套餐幾抵食，所以十個人客有九個都會點哩個套餐，二人$680，三人$980，四人$1,280，越多人越抵食。前菜三味由左至右分別係海蜇、冷豆腐同油甘魚沙律。海蜇浸喺醋汁入面，而冷豆腐上面就加左胡麻醬，兩樣都好開胃。油甘魚雖然切到細細粒，但每一粒都帶有光澤同口感油潤，感覺幾新鮮。刺身三點刺身有油甘魚、立魚同帶子，刺身都幾厚切。香蔥吞拿魚腩手卷手卷入面都幾多吞拿魚蓉，唔單止面頭有，連裡面都有，幾乎食到尾每一啖都會食倒，而且吞拿魚蓉口感好軟滑，幾好食。燒羊架羊架燒到啱啱好，唔會過生，但肉質又唔會過老過韌，調味亦適中。天婦羅天婦羅有軟殼蟹、矮瓜、南瓜同紫蘇葉，炸漿夠薄夠脆，亦唔會太油。木魚花蜆湯蜆湯入面有三大隻蜆，蜆肉唔會太細隻仲有體頭，湯好鮮甜。淮山蓉冷蕎麥麵冷蕎麥麵好爽口，淮山蓉有啲黏口，口感似食緊芝士，另外加左櫻花蝦除左令賣相靚啲，仲多左卜卜脆口感。芝麻雪糕芝麻雪糕幾香芝麻味。總結，雖然話係迷你廚師發辦套餐，但其實一啲都唔迷你，人均四百蚊唔洗可以食倒一個咁豐富嘅晚餐，性價比幾高。…查看更多

今日想前來試試睿居酒屋，怎料滿座，店員介紹我們去街尾另一間分店同是主打日本料理，同樣都可以食刺身、壽司。在店員介紹之下原來店老闆最近心思思設計了一個新既菜單小會席料理，適合朋友小聚、慶祝、紀念日等而且不用左諗右諗揀食什麼，並一次過吃到不同特色的料理。今次與朋友便嘗試這個新菜單，菜式每日不同，今天前菜的3款分別有河豚肉干、柑橘醋配海蜇、和風汁煮螺，個人特別喜愛這和風汁煮螺微微帶點辣，十分開胃。在刺身3點盛，師傅推介當日刺身有吞拿魚背、油甘魚、伊佐木 — 十分厚身、鮮味滿瀉。手卷：香蔥吞拿魚腩燒物：安格斯西冷牛扒—牛肉味濃，色澤粉嫩。天婦羅：蝦+南瓜+蕃薯—粉漿不會好厚、連塊紫蘇葉炸到好似薯片般脆卜卜。湯：木魚花蜆湯食事：櫻花蝦稻庭烏冬甜品：櫻花水信玄餅 — 店員特別介紹師傅親自手造，外表精緻、晶瑩通透 、食落如啫喱般口感及有櫻花花香味，好吃！總結來說，在隱世街道中居然能找到看似平凡但擁有高水準的餐廳 ，而且2人同行$680價錢便可以品嘗吃夠飽的日色料理，十分抵食、滿足。…查看更多