威風百麵 (已結業)

之前見有雜誌介紹，一直想試今日下午想食車大仔麵，就去試叫了三餸，好大碗，好飽唔係好味，但一定飽，仲食滯了米粉唔係我鐘意食的款式豬紅無味加了豆漿，台灣唔記得咩牌子，無糖但好甜，無豆味，好難飲奉送甜品，唔錯的木糠布甸

《手撕雞+溏心蛋+燒汁雞軟骨+寬條紅薯粉+瑞士汁汁底》🍜小編記得第一次食瑞士汁汁底嘅車仔麵係喺深水埗文記，一試愛上🙉💕而家唔洗出深水埗，嚟紅磡都有得食！🥳手撕雞每條都撕得幾幼細👐🏻，肉質就比較煙韌有口感，分量非常多，不過比較淡味，要靠湯底嘅味道。雞軟骨🦴同樣份量唔少，一粒粒脆卜卜，而且個燒汁味道剛好，入味得嚟唔會太鹹，令小編都食到上晒癮😛 溏心蛋🥚係小編嘅至愛食物之一，呢度嘅糖心蛋做得幾出色，醬油同味淋比例剛好，而且醃得幾入味，淨係睇糖心蛋嘅色澤就知正啦🥰！至於寬條紅薯粉，閃炩炩透明嘅外表已經非常吸睛，煙煙韌韌嘅口感，再加埋香甜瑞士汁真係冇得輸😚未完！仲有！隨餐會附送甜品一杯，每日都有唔同嘅款式俾你選擇，小編嗰日就食咗木糠布甸，而朋友就加咗$3叫咗個法式焦糖燉蛋，以甜甜蜜蜜甜品為午餐嘅畫上完美嘅句號🥰😋💕

紅磡原來又開佐間新既車仔麵店主希望食客可以在逆境中找到一點甜🥺所以決定跟餐會有甜品食🙆🏼‍♀️麵控出開去就梗係要試下～溫提: 最好一點後先去🙈 .除佐主打車仔麵 仲有便當同小食最低消費為兩餸一麵唔想煩既話 都可以直接簡佢地推介既麵食set套餐均送精美甜品一款🙆🏼‍♀️(所以唔好叫太多餸 要留肚唔係會勁飽🤭)留意返!!!小店堂食暫時維持到6點所以晚市既話暫時只提供外賣🥡.◽️威風百麵 配瑞士汁 $52其實嗌呢個都幾划算因為已經有八樣餸😍擺盤都有別其他車仔麵店 擺得美美的～豬大腸 腩肉 墨魚丸 冬菇 魚腐 糖心蛋 雞翼 時菜 值得一讚既係糖心蛋整得幾好食🤤腩肉都有紅燒過 半肥瘦好似燒肉咁大腸都滷得唔錯 易咬同唔會好大陣味瑞士汁我覺得幾好食der 好似都唔係好多間有得嗌(?)鹹甜適中 有啲開胃 同埋啲餸都會特別入味打破佐我對佢一貫印象😚.◽️雞軟骨手撕雞蘿蔔紅薯粉 配麻辣汁 $39 自選車仔麵啲料都比得滿滿的🥰平時食酸辣粉超愛點紅薯粉～見到有 仲要唔洗特別加錢即嗌😛仲要係寬條 好煙韌同軟Q索埋個麻辣汁超正!!!個汁麻得黎唔會好辣 超愛😍手撕雞咁大pat都係$6 肉質都偏嫩～雞軟骨咬落真係脆卜卜 勁好

紅磡一帶車仔麵店唔少 有一兩間都幾出名不過估唔到俾我搵到間隱世車仔麵店!話明隱世 位置比較偏僻 舖頭細 入面堂食位唔多 所以其實宜家多數做外賣我都係諗住買外賣一開始入去冇人理我 咁我就自己起門口剔紙 心諗...服務好似唔太好 不過之後發現都唔係嘅 原來只係因為佢哋太多外賣order菜單就基本車仔麵格式🥢揀麵 揀湯底 揀餸佢寫明最低消費係兩餸麵除咗麵亦有便當飯- 肉燥飯同小食我要咗個兩餸麵 麵要拉麵 餸就試溏心蛋同手撕雞 兩個都有👍🏻 即係要試啦！湯就清湯另外仲送甜品🍮 可以起雪櫃揀 每日款式唔同 亦視乎有冇俾人買晒今日有Tiramisu, Creme brulee, Oreo木糠布甸 同原味木糠布甸揀咗原味木糠布甸坐喺到等咗10分鐘左右就有啦好快手 而且包裝得好好 店員都好有禮貌👍🏻拎住返屋企完全冇瀉 最好係湯同麵分開放另外想講 佢個袋好靚😍起街拎住行真係威過人連隻蛋都冇反😂勁 份量好啱一個人食 麵冇湯會以為好少 點知一加湯 散開咗即刻有2碗咁多賣相唔錯 隻溏心蛋發緊光清湯底的確幾清 完全唔油 少少鹹鹹地咁 我鍾意🐓雞絲係起咗骨同皮 所以幾淋 仲可以見到少少皮 證明新鮮材料 真係撕出嚟