J.S. FOODIES (港威商場)

呢間店行親過海運都會行過望到，今日終於有動力去一試。等位嘅人唔算太多，所以好快就有位。我哋點咗「牛油果芝士漢堡」同「明太子醬北海道三文魚籽意粉」。第一道上菜嘅係「明太子醬北海道三文魚籽意粉」，佢個明太子醬夠creamy，如果多啲明太子，相信效果會更好。三文魚籽嘅份量夠多，一啲都唔孤寒，意粉質感唔錯，我幾鍾意呢種意粉；跟住係另一個主角「牛油果芝士漢堡」，呢個絕對係驚喜，我以為佢係用牛油果醬，原來係真嘅牛油果🥑，仲有半個咁多。漢堡牛肉夠厚同juicy，牛肉味夠香。落單時店員問使唔使切開，呢一點好細心，亦好方便食，唔使自己切到變哂形。第一次食漢堡可以食得咁乾淨，邊食忍唔住不停點頭，我食過嘅漢堡唔算多，呢個暫時食過嘅第一名，而且係對得住呢個價，我覺得可以再食其他嘅菜式。…查看更多

前幾日約咗我嘅幼稚園同學食飯，見到JS foodie 唔係太多人等，就建議喺呢度食晚飯。九龍塘嗰間分店就食得多，意粉同pancake都好有水準。今次嚟到尖沙咀分店試吓，呢間西日餐廳長期都大排長龍，好彩我哋在關店個幾鐘取票，好快就可以入座了。我哋今次叫左黑松露忌廉意粉 之前在九龍塘JS foodie 食嘅黑松露忌廉意粉非常好味，但呢一間煮嘅意粉太過腍，所以扣咗分。明太子醬北海道三文魚籽意粉 呢個意粉好好食，因為好鍾意三文魚子同明太子嘅配合，好creamy、好有層次。黑松露吉列牛扒漢堡配薯角 極力推介呢個黑松露吉列牛扒漢堡，因為平時嘅漢堡都係用漢堡扒而製，但係呢一個用牛扒整嘅漢堡包非常特別。牛扒炸到啱啱好，外脆內軟，保留到肉汁，入面有好多黑松露醬、煎香左嘅太陽蛋，用焗香嘅漢堡包夾住一齊食，簡直係享受。炸薯角亦都好好味🤤🍓士多啤梨、🍌香蕉、🫐藍莓班戟呢個班戟亦都係我每次必點嘅items, 因為班戟夠軟熟，生果嘅顏色有超級靚，味道固然係超好味。Green Tea latte (hot)呢個抹茶鮮奶小朋友都可以飲，因為冇咖啡成份，綠茶味濃冇苦澀味，口感好幼滑。Café Latte(hot)呢杯咖啡都唔差，配合班戟一流。🍉Watermelon Juice好鮮甜解渴 …查看更多

呢間係一間我一直想去試嘅餐廳但係因為次次都太多人排隊所以打消左念頭, 今日決定早啲去排咁就睇吓會唔會去第一輪入到去!好彩我哋排都唔使排就可以入去啦! 啲意粉好好味, 係個炸蝦漢堡有d難搞, 因為啲炸蝦一條條食落有少少唔方便但係都唔錯! 不過我覺得佢定價有啲貴, CP值有啲低, 但間唔中食一次無所謂啦🤗…查看更多