神石燒牛扒水產專門店 (東港城)

終於去咗我期待已久的燒肉店， 今晚要食好啲，叫咗個豐富二人餐。環境好舒服，有好多綠色植物，同有日本格調。 調味料擺放同出面自助吧都整齊乾淨。日本A5佐賀和牛二人前食物非常豐富已經包括海鮮類和肉類。肉類:日本A5佐賀黑毛和牛當然呢個係主打，肉質鮮嫩，食落去好juicy，有入口即溶的感覺，果然高質。美國極黑豚雖然豚肉要煮熟啲先食， 都好淋好嫩滑，份量十足。美洲頂級羊扒我同朋友都唔食羊所以轉咗雞，非常大塊， 肥瘦剛剛好，肉質嫩滑。美國黑安格斯牛膈肌呢份牛一啲都唔輸蝕，好有質感，好嫩滑，有肉味。海鮮類:北海道珍寶帶子兩粒認真大粒， 又厚身，店員話已經煮過所以輕輕燒一燒就可以，好新鮮爽滑。日式清酒煮蜆蜆size吾細， 清潔得算乾淨，冇乜沙，有用清酒， 和蒜蓉調味，特別好食。自助吧有，湯，飯，沙律菜， 薯仔沙律任添。沙律菜好新鮮，特別係薯仔沙律好好味。 …查看更多

神石燒終於開到嚟將軍澳～😍將軍澳人口密集 ， 商場食肆平日晚上都會好多人， 今日放工專程早少少到來品嚐美味嘅石板燒。入座後便到自助販賣機下單付款， 放好感應器喺座位 ，店員隨後便會送上已點食物。每款石板燒烤肉都附送沙律， 餐湯，白飯～ 唔怕唔夠飽。 今日嘅沙律吧都幾有睇頭～ 泡菜牛肉湯 好惹味，帶少少辣又有啲似羅宋湯， 好多泡菜而且夠熱！還有味噌湯~ 難得還有薯仔沙律～ 椰菜沙律：有粟米，車厘茄，青瓜，蘿蔔絲， 仲有幾款唔同沙律 醬汁， 十分有誠意。使用日本產米，有飯香， 加添飯素更有日本feel！今次揀了日本A5佐賀和牛二人前， 非常豐富。佐賀黑毛和牛100g ～ 油花分佈平均， 肉質柔軟， 入口融化。美洲頂級羊扒～ 很少吃來自美國嘅羊扒，多數係紐西蘭，澳洲。 羊架燒到七成熟也不韌， 有肉汁，羊味濃而不羶， 實在美味，屋企人贊不絕口。北海道珍寶帶子～ 巨型，肉厚， 不用烤太耐， 很鮮甜， 肉質好爽。另一款帶給我驚喜的是「西班牙極黑豚肉」， 諗住豚肉要燒熟啲， 竟然一啲都唔韌， 咬落仲充滿肉汁， 而且有豬肉本身嘅香甜， 先不要加任何調味料， 品嚐原始嘅豚肉味道。最後要炮製 「美國黑安格斯牛膈肌」。由於真係太厚，切開一小塊來烤， 七成熟肉質都好腍， 肉味好濃， 感覺係有少少調味～清酒煑蜆～ 普普通通，也有酒香， 蜆肉冇沙。套餐嘅肉類烤到3至4成熟， 自己再放上熱石板調教熟成度， 如果石板凍咗可以叫店員更換。餐廳空間比較窄，大部分都是面壁位，很有日本食堂 feel，抽風系統一般~外賣也做優惠， 成為會員更有折， 住得近落嚟開餐都抵，可以諗諗喎。…查看更多