影片
更多
2023-08-21
105 瀏覽
📌 梅吉涮涮鍋 - 西灣河太康街45號鯉景灣B座地下02B-07GB號舖🗓(21/8) 星期一 ⏰ 晚上7:45左右 💈特式：我本身好少去西灣河區，但咁啱今日朋友約左我去呢頭食飯，時間仲要鬼咁晏，所以超肚餓，揀任食應該係最明智嘅選擇，見佢呢度有間剛開張無耐嘅任食和牛涮涮鍋就即刻衝去試下。🥩🍔🌭🌮🥗🥯🥘🍲🍝🍣🥟🍤🍱食物：佢地嘅全日放題套餐分左4個等級，每款都係食120分鐘，而每個級別價錢都會係相差$100蚊，由最平食普通日本黑毛和牛到最貴可以任食日本A5黑毛和牛，而家等我同大家講下🇯🇵🐮味道先。🇯🇵🐮日本A3黑毛和牛 $3️⃣9️⃣8️⃣ - 如果有得揀，我平時都會偏向選擇A3/A4級數和牛多過A5，尤其是火鍋，因為A5有時油份太重，會食到好膩，相反A3/A4就會比較適合火鍋，而且價錢仲會平d。🥘湯底 - 湯底種類就有5款選擇，仲係一人一鍋，我地就揀左芝士湯鮮茄鍋同麻辣仙鍋，因為今日時間太晏，所以有冰牛牛嘅招牌梅吉鍋已經買晒，唯有下次有機會再試。🐮A3黑毛和牛 - 餐廳係選用北海道十勝產和牛，十勝和牛嘅出名程度都應該唔洗我多講，上枱見到每片和牛都切得幾大片，脂肪紋理亦幾漂亮，厚薄都算適
🗓(21/8) 星期一 ⏰ 晚上7:45左右
💈特式：我本身好少去西灣河區，但咁啱今日朋友約左我去呢頭食飯，時間仲要鬼咁晏，所以超肚餓，揀任食應該係最明智嘅選擇，見佢呢度有間剛開張無耐嘅任食和牛涮涮鍋就即刻衝去試下。
🥩🍔🌭🌮🥗🥯🥘🍲🍝🍣🥟🍤🍱
食物：佢地嘅全日放題套餐分左4個等級，每款都係食120分鐘，而每個級別價錢都會係相差$100蚊，由最平食普通日本黑毛和牛到最貴可以任食日本A5黑毛和牛，而家等我同大家講下🇯🇵🐮味道先。
🇯🇵🐮日本A3黑毛和牛 $3️⃣9️⃣8️⃣ - 如果有得揀，我平時都會偏向選擇A3/A4級數和牛多過A5，尤其是火鍋，因為A5有時油份太重，會食到好膩，相反A3/A4就會比較適合火鍋，而且價錢仲會平d。
🥘湯底 - 湯底種類就有5款選擇，仲係一人一鍋，我地就揀左芝士湯鮮茄鍋同麻辣仙鍋，因為今日時間太晏，所以有冰牛牛嘅招牌梅吉鍋已經買晒，唯有下次有機會再試。
芝士湯鮮茄鍋/麻辣仙鍋
6 瀏覽
0 讚好
0 留言
🐮A3黑毛和牛 - 餐廳係選用北海道十勝產和牛，十勝和牛嘅出名程度都應該唔洗我多講，上枱見到每片和牛都切得幾大片，脂肪紋理亦幾漂亮，厚薄都算適中，因為有時太厚可能仲會影響口感，食落脂肪感唔太重，唔會覺得太油膩，反而肉味就食得出幾濃郁。
日本A3黑毛和牛
24 瀏覽
0 讚好
0 留言
🐷日本米豚肉 - 豬肉係用同樣來自北海道嘅千歲縣米豚肉，呢款豬肉出名質地柔軟，脂肪分佈均勻，形成類似和牛嘅大理石紋，所以都會被稱為和豬，呢款豚肉絕對比出面坊間食到嘅任食豚肉好得多。
日本米豚肉
20 瀏覽
0 讚好
0 留言
火鍋配料 - 其他火鍋配料就放晒係自助區，當中都有大約40款不同配料，包括左7~8款海鮮，十多款丸類/手打滑，仲有唔少蔬菜/瓜菇類，主食等等，當中最推介就係帆立貝/青口/蝦呢類回本海鮮，另外佢地個芋頭豬肉丸/麻吉燒都唔錯。
6 瀏覽
0 讚好
0 留言
🍧甜品 - 有刨冰機可以自制刨冰，仲有6~7款toping可以揀。
刨冰
5 瀏覽
0 讚好
0 留言
☕️🍵🥤🧋🍺🍷🥃🍹🧉🍾🍶🥛
飲品 : 無論揀任何一款套餐都會送埋飲品放題，都係一般自助形式去雪櫃度攞，餐廳有3~4款自家製支裝飲品，另外都仲有罐裝汽水選擇。
🍽環境：餐廳裝修比一般日式火鍋店更靚更高級，座位都幾鬆動舒適，醬料區同自助區keep得好乾淨衛生，餐廳整體光猛企理，抽風亦做得算唔錯，唔會有好大油煙味。
🤵🏻🤵🏻♀️🤵🏻♂️服務：餐廳職員服務唔錯，見我地食到差唔多，亦會主動問需唔需要order牛或豚肉，上菜/收碟速度都好迅速。
💰💸價錢：$3️⃣9️⃣8️⃣就可以任食日本A3北海道十勝黑毛和牛🐮同北海道千歲縣米豚肉🐷，仲有幾款回本海鮮🦐，呢個價錢都算🆗。
🐲💬總結：我覺得呢間新開嘅日式火鍋係主打日本北海道產肉類，而且係以質素為主，價錢又唔算好貴，除左地點唔係好就腳之外，其他方面都合格。
推薦指數：❤️❤️❤️❤️🤍
張貼
