北方餃子源 (水街)

今次介紹一下我嘅飯堂，食勻哂嗌佢地嘅湯餃，次次都要嗌15隻起跳今日想試吓新口味就叫咗京蔥羊肉煎餃同擔擔麵，估唔到都有驚喜！京蔥羊肉煎餃好明顯係即叫即炸，一上枱直頭熱到入唔到口餃子皮炸到酥脆，入面嘅京蔥羊肉餡帶點點騷香，鍾意食羊嘅必點記得整碟辣椒油撈黑醋黎點，食過返唔到轉頭擔擔麵食得出似四川師傅做嘅味 辣味重 口味濃惹 搞到我越食越餓怕辣嘅朋友記得嗌少辣，習慣醋味重啲枱面亦有提供黑醋最後照舊加杯凍豆漿，正常發揮，飲落同一般粥鋪啲豆漿差唔多。…查看更多

作為餃子控，依間真心唔錯既然encore就梗係試下其他嘢。今次叫咗個紅燒牛肉麵、擔擔麵同白菜豬肉餃。下午茶時間嚟到，可以直入不用等位。紅燒牛肉麵牛肉比一般食到的份量要多，仲要係牛腩肉，肉質不太腍，有咬口。湯底一流，清清的牛肉湯有辣味慢慢滲出，又不會太嗆，麵的口感較油麵軟身，但又比米線有口感。擔擔麵湯底口感豐富，帶小小花椒味，花生味重，中和了湯底的辣味。白菜餃就直接食咗，無影到相賣相 5/5口感 4/5味道 5/5番食率 4/5…查看更多

響hku行落嚟，見到有間唔起眼嘅餃子館，抱住試吓嘅心態入去夜晚八點啱啱剩返兩個位，同朋友唔駛等就可以直接入去餃子嘅種類好多，可惜冇得雙拼，唔係就可以試多幾款我哋叫咗白菜豬肉餃、擔擔麵同蒜泥白肉，本身仲想叫埋雞絲粉皮吖，但見佢個醬唔係芝麻醬就放棄左個白菜豬肉餃好入味，餃子皮好薄，個餡好多好爽脆，食多兩隻都唔怕濟。一定要配埋佢個辣椒醬，同出面嘅好似有啲唔同，香得來唔辣，朋友唔食得辣嘅都可以食到個擔擔麵都好出色，花生味重，仲有青瓜、豆乾、面豉同花生做個醬嘅配料，多好多唔同嘅口感最鍾意都係個蒜泥白肉，醬應該係自家調配，香得來唔算太辣好開胃，個份量都幾大份，響個碟度差啲冇位撈。可惜個豬肉軟骨有啲多，有幾次太大力咬到啲軟骨賣相 4/5口感 5/5味道 5/5番食率 5/5…查看更多