中記

中記（灣仔）我平時最鍾意去熟食街市搵食，快靚正！今次同女朋友同啲學生一行差唔多10個人去灣仔駱克道街市2樓嘅中記搵食。週末下午茶時間去，大把吉位，侍應姐姐們都好有耐性逐個幫我哋落單，咁好嘅服務態度喺熟食中心都搵到，難得👍🏻中記下午茶真係超抵食，大碟粉麵，跟熱飲都只係$32。唔想食咁多，輕食食件三文治單拼$20有找，真係除咗街市，唔知邊度仲搵到咁嘅價錢……我主要食咗：咖喱牛腩撈麵$32港式咖喱，撈麵夠掛汁，牛腩算係半肥瘦，佢個麵係乾餸麵好港式好爽口🤤招牌西多士$23西多唔算十分出色，可以再厚身啲，但勝在價錢相宜，冇得complaint🙌🏻XO醬肥牛炒公仔麵$32肥牛算多，XO醬麵夠撈哂成個麵，整體算好👍🏻推薦指數：💛💛💛💛…查看更多

小米之父，即係茂利， 間中會光顧軒尼詩熟食中心的中記。今天小米興趣班後， 就順便在此來個下午茶。在涼浸浸的熟食中心，找到中記的座位。細看餐牌，下午茶好抵，午餐又好抵，早餐仲抵。在灣仔這旺區，竟然有如此價位! 如果其他區都有咁抵食的餐廳就好囉! 難怪小米之父喜歡和堆同事到這個熟食中心啦！ 招牌西多士 小米喜歡香口炸物，早就看中西多。香噴噴的西多上枱後，小米就急不及待倒出糖漿。還未把牛油和糖漿拌勻就下刀切件。廿几蚊茶餐，白包中間還著夾花生醬，誠意十足。 看著小米把西多切至細細件，有儀態地享用西多，真係老懷安慰。黑椒焗牛柳粒飯午市餐牌，三十六有蒸餸飯，四十二有焗飯，當然要選焗飯。 自己少食白汁，又不想食蕃茄，唯有點黑椒牛柳粒。鍚紙兜焗飯，表面滿滿的芝士，牛柳粒。叉起牛柳有拉芝，我喜歡。下方還有青椒紅辣椒洋蔥，還有蛋炒飯墊底。原來炒飯才是主角。剛焗起的炒飯，混有黑椒紅辣椒就更加熱辣辣，伴著香甜洋蔥碎和新鮮脆口的青椒，單食墊底的焗飯已經覺得很美味。雖不是金鑲銀炒飯，也足以讓人食呀食! 而牛柳粒，早已變成配角了。 下次再臨中記，一定會翻兜這個黑椒焗飯。不過自己會走牛肉， 主力食焗炒飯。再來一杯有<真·檸檬>的檸茶作為下午茶的句號。晚上告知茂利:今日係軒尼詩街市果個熟食中心嘆左個抵食TEA呀！註: 我沒有提及係邊間餐館。茂利即刻問:係咪中記?…查看更多