Dodam Chicken (1亞太中心) (已結業)

之前食過銅鑼灣分店，覺得幾好食～今次帶埋媽咪過嚟一齊食😋餐廳環境舒適，坐窗邊感覺好開揚， Menu選擇都幾多，除咗炸雞仲有烤雞☺️我哋費事咁熱氣，所以今次叫咗蜂蜜牛油香蒜焗烤雞 ($208)～一上枱發現佢都幾大碟，有唔同部位，數埋應該都有13/14件，蜂蜜味非常重，而且烤雞皮脆內嫩，相當好食👍🏻另一個叫招牌蘋果薄餅 ($165)，上面鋪咗一層厚厚嘅芝士，芝士底部有蘋果粒同提子乾，餅底非常香脆，加埋一啲都冇違和感，而且份量好多，切開有八塊架😌另外仲叫咗杯Yuja yogurt smoothie ($58)，飲到入面有啲柚子皮，好清新，乳酪味亦都好融合😌果然多次回訪都冇令我失望，希望下次再試吓其他嘢啦☺️

星期六同阿媽近近哋出咗去觀塘食嘢，行完街攰唔想去APM同人迫，所以就過咗隔離嘅亞太中心搵食😊。最終篩選完一輪之後，我哋決定幫襯「Dodam Chicken」。揀佢係因為覺得環境好似唔錯，座位闊落，景觀開揚，望住裕民坊街景。炸雞以外，餐廳仲提供多款韓式料理🇰🇷。食物定價雖然唔算平，不過勝在大大碟，兩個人嚟食實在嗌唔到幾多嘢。招牌蘋果薄餅($165)，我想食蘋果薄餅好耐㗎喇，冇諗過竟然係喺韓國餐廳食到🍕。呢度嘅薄餅堅薄，直頭好似餅乾咁脆卜卜。由於餡料都多，佢近乎滿瀉，支撐唔到。🍎蘋果餡有兩款，分別係果乾同浸泡咗嘅果肉，雙重滋味，食落會聯想起甜品蘋果批，但有芝士又令佢似返鹹食。蕃茄卡邦尼ROSE炒年糕($155)，炒年糕係人氣好高嘅新派韓國菜。卡邦尼忌廉口味好常見，🍅不過加入蕃茄後別具特色，亦正正解釋咗為何叫ROSE，因為菜式呈現一片紅🌹。炒年糕煙煙韌韌，並且仲加入咗葛粉，其他配料則包括煙肉、魚糕、泡菜、洋蔥同雜菇等，豐富呢！雲呢拿乳酪沙冰Vanilla Yogurt Smoothie($48)，雖然唔係食炸雞咁熱氣，但嗌返杯嘢飲清清味蕾都唔錯。🥛乳酪沙冰幾滑，由於混入咗雲呢拿，口感甜甜酸酸

收工好累緊係要獎勵下自己，近近地去左OPC搵食簡左依間食韓國野。入去時間都仲算早6點左右，店面唔算多人，應該係韓國人嘅經理（我估）安排左我地坐窗口卡位，坐得幾舒服。餐牌非常多選擇，真係好似係韓國咁，除左韓式炸雞依D基本野，重有韓式pizza，炒飯，部隊鍋之類，真係選擇困難症… 最後簡左招牌蘋果薄餅，同埋招牌海鮮炒飯。招牌蘋果薄餅超級大塊，係薄嘅薄餅底，超出預期咁樣好食。佢底層係蘋果醬，上面一D都唔孤寒好多芝士，焗溶左拉絲好香芝士味。最後用左蘋果切片同麵包糠做點綴，又令左口感又多層次左。招牌海鮮炒飯非常足料，好多蝦同帶子，好似重有小小鹹蛋香，味道比較清新，食完重口味野要食番D清新。上面有幾塊炸洋蔥圈，賣樣好正岩晒打卡。