華嫂冰室 (皇廷廣場)

我嘅最好味冰室！完全係觀塘飯堂、極低食之選！每次嚟到都一定有人排隊，但排得好快，侍應都安排得好周到，認人好叻，做嘢上心。斷斷續續，隔幾個月先食，食咗四次，第三次已經認到了~ 有啲客真係成日食，見到佢哋係記得個客叫乜，好親切試過晒佢所有包，全部都好好味，必食兩款！Top 1 沙嗲牛肉豬仔包 毫不吝嗇，勁多料，啖啖沙嗲牛夾喺脆嘅熱狗包入邊！啲沙嗲牛好濃味、多醬！因為佢個包烘到好脆，啲芝麻食到好香(今次冇食到、用返張舊相(左下角))Top 2 招牌菠蘿包超脆菠蘿包加片牛油，添加少少奶油香，再夾返住蕃茄同蛋，好Fresh！建議即上即食，免得片牛油溶晒，少咗冰火交融嘅口感。但如果怕太油膩都可以等佢溶咗啲先食，都一樣好好味嘅！另外麵款必食！Top 1 秘製撈米線同樣毫不吝嗇，勁多料！又有豬扒、又有紅腸、午餐肉、青瓜，食極都食唔完每次都要分一半。好喜歡有一大堆肉類，但有青瓜夾雜着，可以解除下膩感，好fresh。啲豬扒係醃得好入味、午餐肉同紅腸正常味道，咁多料又好味，好抵食！個麵有啲醬汁同埋啲炸蒜粒撈埋一齊，好惹味。不過佢偏濃味，可能有人會嫌鹹、同油~(今次冇食到、用返張舊相(分咗一半))…查看更多

星期六朝早同老老陪佢阿婆係觀塘飲茶，得登食好少野，為既就係去觀塘間華嫂冰室食野。我知道呢間係遊客必到既鋪頭，身為香港人都想去見識下。我地叫左招牌菠蘿包、招牌芝士咸牛肉蛋朱仔包，野飲叫左熱奶茶同熱鴛鴦。招牌菠蘿包最好食，菠蘿皮真係好脆，夾住番茄、煎蛋、牛油，鹹甜鹹甜甘，老公就唔太鍾意鹹甜夾雜既野食。招牌芝士咸牛肉蛋朱仔包就岩佢食多啲，係鹹既野食，但我就覺得相對無甘特別，正正常常。熱鴛鴦同熱奶茶就好麻麻，味道比較澀，又唔滑。…查看更多

中午唔知有乜好食，行下行下就黎左皇廷廣場，諗住好又一餐，唔好又一餐，所以搵左間茶記食，但原來都唔錯喎~去到中午1點半仍然人山人海，真係估唔到，好彩都仲有一些吉位。叫左佢地個招牌菠蘿包，檳城豬扒喇沙湯米線，黎到估唔到個米線份量咁大，豬扒都多，食落唔算柴，湯有濃郁喇沙味，仲要有半隻蛋，味道唔錯又抵食。菠蘿包菠蘿皮又厚又脆，配合流心煎蛋、鮮牛油、鮮蕃茄及芝士，好juicy，味道層次豐富，只係廿零蚊一個，都幾唔錯。呢餐食都好飽，性價比高，抵食!…查看更多

去冰室就算不吃常餐也有很多選擇，就像去華嫂，一定要找幾個朋友一起來，然後瘋狂叫包，一次過滿足N個願望！鮮油奶多 $16本來不打算叫，心想普通奶油多有甚麼特別，上桌的時候才發現幸好有點！方包選用了超厚款色，烘過後面層少鬆脆但依然很有麵包軟糯的口感，中間夾上一層厚厚的鮮牛油，味道已經不能更好吃，記得記得！一定要立刻吃才品嘗到真正的味道。招牌菠蘿包 $20菠蘿包本身的菠蘿皮夠厚夠脆，加上半流心的煎蛋和鮮牛油、鮮蕃茄及芝士，一口咬下了多重豐富味道，必須要說那片鮮甜蕃茄的存在是非常重要，因為夠鮮夠多汁，即時為包減膩，煎蛋邊全部都脆這也是加分點！秘製雞翼蕃茄湯底米線 $31這裡的湯麵真的是性價比超高，份量大到怎吃也不見底。蕃茄湯底是這裡的招牌，所以我選擇了秘製雞翼蕃茄湯底米線～一入口已經感受到湯底的鮮味，超多蕃茄才能炮製的零酸度甜甜湯底，雞翼也是超大隻，外層煎脆了，裡面的啖啖肉很有口感．吃完真的超級飽！…查看更多

華嫂一向係元朗推介餐廳之一，但位置不就腳，一路都未有機會去。雖然觀塘開左，但其實位置都不是近地鐵站，但都叫做喺市區，算方便左。所以，搵左個星期六專程來幫襯下先。來到門口，已見到一堆人潮，最終都等左差唔多45 mins, 但好在排緊隊其間，已幫我地落定order,一坐低就有得食。見有隻叫冰花奶茶，好奇下問下同普通奶茶有咩分別。原來係碎冰，咁當然飲呢杯啦！唔駛大大粒冰。個奶茶好飲，夠滑夠香夠茶味。order左蕃茄湯底+香煎豬扒及秘製雞翼。個湯底好濃蕃茄味，食食下都好快飽左。但唔得咁快飽呀！我地仲要試埋佢地2款出名既包。 招牌芝士鹹牛肉蛋豬仔包，聽個名已feel到好豐富。而家好少茶餐廳有鹹牛肉包食呢！好味!推介另外，招牌菠蘿包都好味，有牛油有蛋做餡個人覺得2款包吸引過通粉。唔知可唔可以下次只order食包呢？…查看更多

友人外國來港 指名要食多士我怕普通茶餐廳唔夠滿足佢帶佢試吓啲新野位置係官塘工廠區嘅邊邊午飯時間門口至少有二十人排緊=招牌菠蘿包=菠蘿包好鬆 上面嘅皮好脆入面㚒咗好厚嘅牛油 蛋同 蕃茄食落去係得意係過隱嘅其實成件事係好邪惡=招牌芝士鹹牛肉蛋豬仔包=芝士鹹牛肉本身已經唔會輸個豬仔包真係要讚好似啱啱出爐咁 又熱又鬆軟=鮮油奶多=烘底 脆脆的 非常厚切的多士 牛油也是很厚的一塊 只係細件咗啲=雞翼肉眼筋煎蛋冬陰公米線=非常足料的一碗麵肉眼筋口感得爽 有的似豬頸肉嘅感覺冬陰公湯底味道亦很出=香煎豬扒米粉番茄湯=豬扒得大一塊 味道也不錯番茄湯都好足料 又唔會太酸…查看更多

聽聞華嫂靠著fisherman lok既名氣由元朗殺出市區 每逢lunch time 都大排長龍今日襯住同男友一齊放假就專登去觀塘一試華嫂既招牌唔知係我地都唔熟觀塘定點啦 我地都認為佢個位置都幾隔涉 係地鐵站行左15-20分鐘先到一到就見到長長既人龍 好在既係我地都岩岩起身未有胃口住到我地既時候都已經係一個鐘後 我地都餓喇呢個麵係寫左係餐牌個配搭係set死既 我地諗應該係推介野所以一試 結果真係唔錯 個湯好濃 個冬蔭公堅係有d置身泰國既感覺 酸酸地 幾開胃 又唔算太辣 而佢預配既米粉的確同冬蔭公幾夾 因為麵幼做到少少掛湯既效果 肉眼筋又好林 但同雞翼一樣唔太入味 而呢個招牌菠蘿包相信黎過都一定會叫 佢個菠蘿包做得唔錯 上面個皮夠哂脆又唔會散 個包又夠熱 蕃茄亦幾新鮮 幾樣野分開黎食應該係唔錯但夾埋一齊就有種講唔出既怪幾樣野個味可以話係完全唔夾 我真係完全唔識欣賞呢個招牌菜我始終都係傳統菠蘿油既粉絲！…查看更多

2人排隊大約半小時就可以入座都算快 員工幫我地落單同上食物都好快速招牌芝士咸牛肉蛋豬仔包$22 咸牛肉香濃唔會過鹹但芝士唔夠溶豬仔包都夠脆身 整體都唔錯 凍奶茶茶味濃都好飲招牌菠蘿包👍🏼$20入面有牛油 蛋 蕃茄味道好夾入口唔會太乾 菠蘿包整得好脆身 必食之選推介秘製雞翼配通粉$27 可以加$8轉蕃茄湯底/皮蛋芫茜湯底/冬陰公湯底 蕃茄湯底超濃郁甜甜酸酸好開胃 冬陰公湯底酸辣味適中 但都係鍾意蕃茄湯底多d 秘製雞翼好入味肉質嫩 好好味…查看更多

幫襯元朗已經好幾年前，其實都開左黎觀塘好耐，但一直未有去試，一黎之前唔係香港，二黎其實佢收得好早，我放工既時間佢已經收左，星期六又太多人，難得收早，本身諗住食一間米線店，但都係趕唔到佢收店前食，於是經過華嫂，難得佢冇人排隊(下午4點幾)！加上得一條友易有位，一於入去食個久違冇食既菠蘿包!招牌菠蘿包 $20塊牛油大到超級邪惡！煎蛋仲有少少流心，菠蘿包有烘過，帶微甜，甜度剛好，但食落去冇我第一次係元朗食咁驚艷既感覺，可能個包細左少少？我中意食好大個既包，整體都覺得元朗既整得好食啲樽裝凍奶茶 $22其實都幾貴，店內有平時杯上既奶茶(仲要平啲)，其實我就唔係好知兩者有咩分別，貴左係包裝上？定係有唔同？呢隻樽裝就茶味較濃，唔算好滑，飲落比較澀，奶味較淡，都算係傳統茶餐廳既口味如果係幾年前元朗等左成２小時先食到，比起今時今日開左幾間分店又唔洗等，其實服務方面係進步左，起碼「體恤民情」，唔洗食客待得咁慘，不過可能都係元祖老店有風味同水準最正宗？…查看更多

其實今次係我第一次食華嫂,我係抱住好大奇望去食既😂因爲呢間太出名啦,係幾個月前入左元朗個間無開到,等左好耐今日終於可以食到觀塘呢間 好開心🧡.左早幾點去都要等既心態等排隊個陣都冇咁急燥,前前後後都等左20мιnѕ!其實我都係個菠蘿包控！所以1坐低諗都5洗諗叫左個菠蘿包招牌菜😬👉🏻招牌菠蘿包菠蘿包有塊甜甜的酥脆表層！把牛油、煎蛋和蕃茄夾在菠蘿包之中即刻變左地道既三文治溫度暖暖的入口立刻感受到「招牌菠蘿包」的飽滿口感😍又甜又咸將傳統甜味既菠蘿包變成了咸既餐點✨✨,隨即叫多杯👉🏻熱奶茶$14夠晒熱入口茶味較重都算香濃,雖然5算太滑但真心都幾好飲的！茶同奶既比例мaтcн aн ✌🏻要埋個主食👉🏻雞翼肉眼筋煎蛋冬陰公米粉 $49呢個我見都算少人叫呀！一落枱勁香，成碗份量好多 對我黎講ѕнare食是剛好的😆雞翼很出色，餣到入晒味顏色又靚！同埋有隻蛋食下都幾開心：）湯底係冬陰公好開胃！但食落辣度有 3.5/10 即係5辣😂😂但真係好香！米粉腍左少少！成碗算是中規中矩！但飲完好快要飲水中和返😂😂.втw呢度全落地玻璃陽光充足,不過出面有很多人等緊唔係咁好意思慢慢食咁👀…查看更多

星期六多趁打烊前趕到四點十分來到依然人頭湧湧誰叫今日是公眾假期呢🤦🏻‍♀️-每次來到必叫的招牌菠蘿包（HKD19）華嫂用的菠蘿包絕不像市面其他大型連鎖集團的「空氣菠蘿包」脆卜卜的菠蘿包入面夾了半融的牛油 煎蛋和番茄菠蘿包必須趁熱吃要不然牛油就會漏曬到包的底部😅🍳煎得不會太熟 中間還有少許蛋液 令🍍🍞食落不會太乾身🍅番茄是整個包最「清新」的部分它的出現反而令包食落的感覺不會太油膩和重口味整體來說菠蘿包的配料配搭得真係好好 完全沒有違和感怪不得可以如此暢銷🤤🤔🌟Rate:8/10-支裝華嫂奶茶（HKD14）有沖過奶茶的都知道茶和奶的比例真的好重要☕️而華嫂的奶茶是我飲過之中的表表者茶味濃得來又不會苦澀除此之外口感亦非常香滑兩者配合得好好 完全唔會互相override大家的味道🌟Rate:9.5/10-秘制撈米線（HKD42）好fusion－感覺是混合了泰／越式以及港式米線／粉麵特點配料有秘制豬扒、紅腸和午餐肉卻又加入了香草、辣椒、用醋等醬油混合而成 像是泰式的醬汁吃下去清新又不會油膩米線配合洽宜-點菜時特登叫伙計少辣，擔心會太辣試完之後發現一點都不辣，然後自己加了辣椒油才發現....原來華嫂的辣椒油都唔是講笑😂🌶唔食得辣的朋友要就住啦！🌟Rate:7.5/10-不知為何華嫂就是能夠有本事將每樣食物都整得好好味就算是一碗麵和一碗通粉都不例外佢屋企人應該好有口福吧🤔-豬排雞翼番茄湯通粉（HKD45）份量我會形容為“好重型”不是說size上的重型，而是份量上的重型😂（sor for1999)面內有兩隻瑞士雞翼和一分二的豬排瑞士雞翼好入味而豬扒亦一點都不會乾爭爭／“諧口” 反而好潤滑多汁😳-不過湯底才是賣點吧番茄湯底好濃郁 好似每啖都食緊蕃茄茸咁😍忍不住飲了男朋友的半碗湯🙈不過唯一不好的事鹽分油分始終比較高 吃完好快會口渴😣🌟Rate:7/10…查看更多

下午約了在附近上工作坊，難得星期天沒有睡過三竿，當然要找點好東西吃。 觀塘工廈餐廳雖多，但很多都過十二時才開門，想吃個brunch的話，倒不如來個港式的，晨早就開門了。華嫂是元朗名物，開分店到觀塘後相對方便很多，人龍更是不絕。想不到分店開業至今，十一時多來到仍然要等約十張枱。幸好人流快，約等二十分鐘便能入座。沒有套餐供應，夾包、麵食、飲料全部都要散點，其中麵食如要特別湯底都要三十多四十多元，加起來都頗貴的。我們二人點了兩個最有名的夾包、一個麵食、兩杯飲料，都算夠飽。很快兩個夾包便來了，饀料滿溢，賣相很是討好。大大的豬仔包新鮮熱辣，非常軟綿，上面的芝麻很香。工整的切開兩邊，夾口放入大量鹹牛肉、煎蛋和芝士。鹹牛肉不會過鹹，肉醬塗滿了整個夾包，咬下去不會有一口包沒有餡料的。這是夾包的橫切面。蛋是煎雙面的荷包蛋，但內裡仍然有少許軟心。始終夾包來說用流心蛋會很狼狽，又會浸糊麵包，這種生熟程度剛好。再加片車打芝士，令整個夾包更為豐富，而每種餡料之間也更為融洽。勝在菠蘿包是新鮮出爐，上層菠蘿皮脆口，下層麵包鬆軟，這樣已贏了一半。中間的餡料卻相對地沒豬仔包那個出色：大大片牛油、軟心煎蛋和新鮮番茄片。香甜的菠蘿皮加淡鹽味牛油本應是出色的菠蘿油，但加入了充滿水份但沒味道的番茄、以及同樣地沒甚麼味道的煎蛋，鹹甜相對的味道衝擊卻減淡了。番茄和蛋本來是可以的組合，但跟菠蘿包又沒甚麼化學作用，只變成一個較為豐富的菠蘿包三文治而已。另外的麵食是清湯豬扒通粉，因清湯真的比較單寡就沒有拍照了。通粉煮得較淋；反而兩大塊香煎豬扒，外香脆而內仍有肉汁，這個有驚喜。 下次其實應該把荷包豁出去，看見別人的番茄湯底和觀塘店限定的喇沙湯底好像很吸引呢。總括而言，夾包來說雖然用了平凡的餡料，但配搭有新意。而且用新鮮出爐的麵包，就算有餡料，在家裏也是做不到這種效果，所以值得一試，不過性價比略低。…查看更多

Lunch時間門口好多人排隊等位，起碼等半個鐘以上，不過野食都算出得快，入到去坐就要迫少少。試左佢個蕃茄湯底，濃得黎又唔會好酸，越食越開胃，朋友叫左冬陰公湯底，聞到好香。呢2個湯底都值得一試。食華嫂當然要食招牌菠蘿包，怕自己一個食唔曬可以同朋友一人一半，再加埋枝樽裝凍奶茶，比普通凍奶茶好飲。…查看更多

之前就有聽說華嫂冰室(´･_･`)聽說是余文樂極力推介的一家茶餐廳ˉ﹃ˉ 加上又近我屋企，今個下晝就去食 睇食評話招牌菠蘿包同埋芝士咸牛肉蛋豬仔包好食，所以就挨咗笠兩樣同埋個凍奶茶，總共55蚊，係有滴貴嘅… 首先上的係芝士牛肉包，個名真喺好長…不過係好好食嘅！滿滿芝士同埋個牛肉，仲有脆脆嘅麵包皮，真系正啊！個牛肉係真咸，不過係鹹的啱啱好，個蛋個味道又淡淡地，正好中和咗個鹹味…再配上個凍 個凍奶茶茶同奶嘅比例啱啱好，不會話奶味太重或者茶味太濃，個奶茶係有味嘅，唔似有d餐廳嘅奶茶係譚like: 最可惜就係我顧著食芝士包結果個招牌菠蘿包裡面sick:…個招牌菠蘿包我就覺得麻麻地…可能係因為我唔鍾意番茄挂…(°ー°〃) 總體來說都幾好食…就系麵包配奶茶有點膩…下次再ited: 環境★★★★☆服務態度★★★★☆食物質素★★★★☆抵食程度★★★★☆個人推薦：招牌芝士鹹牛肉蛋豬仔包，凍奶茶…查看更多

華嫂就聽得多啦，但係食都係第一次！今日十一點幾未夠十二點入到去，仲未洗等位，我地一坐低就開始要排籌啦，真係好好彩menu對我黎講都唔陌生嫁啦，做足功課:)我地叫左個招牌菠蘿包、招牌蛋沙律三文治同秘製撈米線。等左五分鐘，米線就黎左啦個賣相係唔錯既，睇落好足料。面頭見到有青瓜、午餐肉、紅腸、少少豬頸肉、芫茜同炒蒜。撈勻之後，食左啖米線先。米線有驚喜喎，佢係彈牙既、有少少咬口，未至於好淋，我中意。但整體黎講，對於哩碗米線，本身冇咩期望既我都失望。$42碗米線份量唔太多，係得啲紅腸同午餐肉哩啲我平時唔會食既唔健康食物，最尾我地都冇食到紅腸同午餐肉，剩曬係到，性價比一啲都唔高。雖然佢整體味道可以接受、青瓜好脆好甜、米線有咬口，但係哩碗米線我係唔會再嗌，都會同朋友講唔洗試。下次會試蕃茄湯！好啦！失望完，食個菠蘿包中和返先。個樣好吸引！個脆皮焗到好脆一口咬落去以為佢啲皮會好似其他菠蘿包咁跌到周圍都係，但哩個唔會！一大口食落去，係好食既！以為有甜有咸，會唔夾，但係佢意外地好夾，味道好得意、我覺得好食，係過關既。如果個蛋冇咁熟、係流心既，咁就仲正啦我平時係公司三文治既狂熱飯！哩個蛋沙律三文治都唔差喎！大大份之餘，仲有好豐富既餡料： 蕃茄、生菜、火腿同蛋沙律。方包烘到金黃，唔會太硬，脆脆地，好食一口咬落去啲蛋沙律吱曬出黎，好正。雖然未至於令人驚嘆，但令人忍唔住一啖接一啖將佢清曬，未試過既值得一試！今日食左三樣野，total$83 作為午餐係完全可以接受既！overall真係唔明點解咁多人中意秘製撈米線但另外兩樣的確可以一試既…查看更多