竹地小館

傍晚6點幾去到油麻地搵野食，經過見到唔少人等外賣，心想應該唔錯~ 走埋去睇下，價錢好抵都係廿幾卅十靚蚊，有麵有餃就食呢度啦！堂食坐位唔係好多，不過等一陣就有~2個人，點了一個膽膽麵，豬扒葱油撈麵，同招牌菜肉煎餃(有8隻同10隻選，我地點了10隻)擔擔麵麻醬好香，好大碗，味道唔會好辣，對我來講啱啱好，最後仲飲埋d湯飽到去後腦！餃子餡多大大隻皮脆有肉汁好好食！豬扒葱油撈麵，葱油好香唔油膩，豬扒夠腍夠入味，兩碗麵質適中，不太硬不太腍。總共95元埋單，大件夾抵食…Read More

依間位於油麻地嘅路邊小檔非常熱鬧，首先因為佢係黃店不特止，食物又好味而且價錢實在太實惠啦！一碗好味又大碗嘅蔥油撈雞扒麵都係30蚊，雞扒份量夠哂多而且夠入味夠淋，麵質較黏但充滿蔥油味！簡單叫多一份煎餃同朋友一人一半就可以醫飽肚！一路食一路有好多人等外賣同埋等位，但因為翻桌率好高所以唔洗等太耐。成間店得兩三個員工，帶位落單出聲全部都係一個靚姐搞掂，真係好忙啊！好可惜佢哋9點半就收，如果唔係真係會想成日去食宵夜！…Read More

同事突然話想食撈麵，網上見到呢間開張無耐既油麻地小店，專門賣餃子同麵，而薑蔥撈麵都好似好出名，今日就特登黎試下店舖地方比較狹窄，平日中午黎到已經爆左，等左一陣店員幫我地開多張枱呢到提供唔同款式既麵類同餃子雲吞，價錢由20至40蚊，相當平民化招牌菜肉煎餃($35)有10隻，皮薄餡靚，超抵食！我同同事都各自叫左雞扒同豬扒薑蔥撈麵，每碟只係$30，而且份量十足，絕對無偷工減料，雞扒豬扒煎得剛剛好，一點都唔鞋口，以咁既價錢黎講性價比極高，係必點招牌美食！最後店員仲奉送兩碗湯比我地，清清地中和撈麵既油膩感都唔錯…Read More