一品滷水專門店

一般野餐都係麵包、糕點、生果，好少少嘅會有雞翼、壽司，不過我對朋友咁好，俾人叫左去北角一間滷水名店買嘢，買佢野餐嘅好處就係呢度本身係#外賣店 ，無堂食位，買返屋企又太遠啦，近近地食，就有比較新鮮嘅狀態！所以對朋友好少少，除左零食之外，食呢間啦！依家有個優惠，就係全部九折，以下嘅價錢都係九折後嘅價錢。招牌滷水鵝 $120通常叫鵝片，都會加價。不過呢度老細好好，鵝片都係同價，下面都會留返啲骨，以示無呃秤，超級欣賞。呢度已經有1/4，鵝肉好滑好大塊，本身好入味，其實唔需要點任何嘢，如果點左蒜蓉醋，就可以解膩。豆腐墊底 原價$9雖然係墊底，但本身都好正。外層有滷水味，但裡面白色部分都好入味，雖然好軟，但容易夾。呢個就建議點少少滷水汁。滷水豬手（燻蹄） $60九折後半斤係$68，呢度有半隻。老闆會將成隻豬手起片，每件都切得好厚，雖然有少少骨，但啖啖都好滿足。呢度豬手嘅豬皮入味，但唔會太漿口，肉仍然爽滑，同泰式完全去骨，又煲到似煲湯肉嘅食法完全唔同，依家呢種比較符合廣東人口味。紅腸 $25半條$23，呢度切得幾厚，同埋好似有少少胡椒味，幾香滷水雞蛋 $5朋友爭住食，證明唔錯。總數：$233…查看更多

港島東要搵到抵食嘅滷水店並不多，是日探望完舊同事後，正準備搭巴士番屋企，行過發現多咗間賣滷味既小店，仲記得以前係賣古早蛋糕架（不過都執咗一段時間嚕）～呢間小店《一品滷水專門店》選擇十分多，超級抵食吖，小妹樣樣都想試吓，見到有兩款拼盤可以選擇：1️⃣滷水豬拼盤、2️⃣滷水鵝拼盤，呢兩款拼盤非常適合有選擇困難症嘅朋友仔🤭小妹認為諗起滷水就會聯想到滷水鵝，於是買2️⃣番屋企加餸啦！💛拼盤內包含9款食品：🔸招牌滷水鵝🔸鵝肝🔸鵝腎🔸豬耳🔸豬大腸🔸墨魚🔸豆腐🔸紅腸🔸雞蛋每款都各有特色，小店老闆溫馨建議小妹，滷水鵝汁千祈唔好淋落去，記得沾醬嚟食，咁樣先品嚐得到真正風味😚😚…查看更多

而家喺炮台山想買外賣返屋企加餸，簡直係容易過借火。😛最近新開左間一品滷水就專食本地嘅正宗滷水，好就好在又可以增加胃口，連啲滷水汁撈飯更加係一流，而且真係做到色香味俱全，所以趁佢仲係新開，當然就係要試吓個品質。 😍新開張期間仲做緊全單九折，抵上加抵啦🤭招牌滷水鵝— 🪿最有名嘅當然就係呢一度嘅滷水鵝，新鮮當日滷好，肉質夠晒細嫩，🪿而且脂肪少仲夾雜左啲鵝油香，滷得亦都相當入味，連啲肉都變得更加深色仲帶有微甜🪿鵝片— 🥩如果怕食到鵝骨嘅話鵝片絕對係福音，同樣嘅肉質，啖啖肉真係非常滿足🥩滷水鵝腸— 💕當然唔少得爽口彈牙嘅滷水鵝腸作為餐前滷水小食，質地爽脆好味滷水鴨舌— 👅鴨舌同樣都係一款非常受歡迎嘅小食，👅每一條都見到係非常之完整舌尖部份除咗有肉之外仲有舌根，少少哋一舊裏面食用部份都好多，最後只會剩一片小骨，性價比都幾高👅，仲軟糯好入味滷水豆腐— 🥢送飯嘅話，當然唔少得硬皮滷水豆腐，當豆香再滲透住滷水味嘅時候係零舍甜，🥢啲汁慢慢喺豆腐嘅窿位攝出嚟，外皮夠好咬內裏豆腐夠嫩，水準都幾高🥢趁住而家搞緊新張優惠，再加埋老闆每日都落力親為，絕對係北角同炮台山滷水之中嘅新一頁😎一品滷水專門店北角英皇道301-319號麗宮大廈地下5號舖…查看更多