圍威喂 (荃灣廣場)

荃灣泰菜選擇其實唔係好多，呢間位於荃灣廣場四樓嘅泰菜都開咗好耐，自己之前都食過，不過今次係第一次寫佢哋嘅食評🥳前菜嗌咗份泰式軟殼蟹青芒果沙律 ($98)食泰國嘢通常都鍾意食沙律，感覺冇咁油膩🥗面頭鋪左勁大隻軟殼蟹，都幾厚肉🦀招牌泰皇蟹肉炒飯 ($95)炒飯好有鑊氣，蟹肉份量都幾多，而且炒飯食落去仲有啲蟹籽增加口感，又帶蛋香🍳小食要咗份沙嗲雞肉串 ($38)雞肉肉質幾嫩，唔會乾柴，個沙嗲醬好惹味，花生味好出，加埋本身雞肉上面有少少椰汁，更加香🤤同朋友一人要咗杯百香果蘇打 ($24)❤️‍🔥熱情果嘅份量都幾多，所以飲落去幾有口感，酸酸甜甜咁幾解膩🤍 最後嘅甜品泰奶茶雪糕配油酥餅 ($58) 雪糕夠滑，泰奶味幾出🍦黑糖珍珠微暖幾軟糯，而且甜度適中🧋雪糕同油酥餅冰火交融，估唔到幾夾🤣呢到環境都幾舒服好坐，裝修光猛，荃灣街坊想轉下口味食泰菜都可以一戰😛…查看更多

荃灣站📍圍威喂-流連荃灣既我終於試到呢間圍威喂😋呢間餐廳晚飯時間好多人排隊，全場爆滿，見到咁eye catching 既招牌，心郁郁都排埋一份🤪泰式燒安格斯牛柳沙律（$88）呢個沙律作為前菜好開胃！牛柳燒香唔靭，配埋沙律菜、青瓜、車里茄等，仲有酸辣開胃既醬汁，好fresh好惹味😋👌牛柳切條，大大話話都有9-10條👍🏻燒豬頸肉（$98）呢個燒豬頸肉係我食過最滑同爽口既豬頸肉！平時豬頸肉有時會太瘦，有時柴口，呢個肥瘦適中，有10片左右，配埋青檸汁同秘製醬汁，酸辣滋味，當然密密食！招牌泰皇蟹肉炒飯（$98）呢個炒飯炒得乾身，面頭有蟹肉，不過份量唔算太多，味道不過不失。泰奶茶雪糕配油酥餅（$58）呢個十分推薦！滿分好評😍😍😍先講雪糕，完美還原泰式奶茶味道（重點有2球😽），仲有煙靭珍珠🤤🤤另外配埋煎好既酥餅，雖然鹹鹹地，但mix埋完全冇違和感😋😋😋好鬼好食！呢個份量兩個人share岩岩好！（女朋友每食兩啖講一次好食😹）環境方面，裝修好有特色，連上菜碟都好有東南亞特色（本身上菜個陣以為係藤籃質地，原來係瓷器😯）！餐廳仲有一幅打卡牆(植物牆配霓虹燈），可惜太多人我影唔到🫠食完野行埋一田，做緊大減價，今晚行程圓滿結束💸😹…查看更多

荃廣有間泰菜好滋味，Lunch成日都同同事去食~ 想男朋友都試下，同埋都想知Dinner同Lunch有咩唔同，所以收工帶咗男朋友去食~「圍威喂」個裝修同佢嘢食嘅風格好唔同，嘢食好地道惹味，裝修好少女粉紅，成間打卡Cafe咁！聽同事介紹先知原來餐廳前身真係間Cafe嚟，「圍威喂」頂手之後沿用返以前粉紅Cafe個裝修，所以就有咗個咁特別嘅配搭！🧡泰式安格斯牛肉船河（$98）觀塘之前有間好好食嘅船麵，一直都搵唔到比佢更好食嘅，但「圍威喂」個船河超越咗！比船麵更好食，湯底更濃郁！魚皮夠脆夠大塊，無論直接食定係浸落湯度食都係好好食！ Lunch都有食過呢個船河，比Dinner平$30蚊，不過一分價錢一分貨，Dinner個份量就多好多，都值得返個價！🧡招牌泰皇蟹肉炒飯（$98）蟹肉足料，撕得夠碎，完全同飯融合，啖啖都食到有蟹肉，超滋味！🧡芭提雅的天空（$28）出於好奇嗌咗呢杯嘢飲，結果真係上咗個芭提雅的天空上嚟，個天好藍好靚！原來呢杯係豆奶飲品，甜甜地少少奶味，味道都唔錯！🧡經典檳城炒粿條（$68）呢個炒粿條係之前Lunch食，同事一致都認為好食，炒得好夠鑊氣好惹味，份量都唔少，同埋出乎意料地臘腸同個炒粿條都幾夾，推介呢個！ …查看更多

大熱天時同朋友踩左五個半鐘單車幾乎虛脫，肚仔超餓！梗係要搵好嘢食獎勵吓自己！8pm嚟到等咗5分鐘就有位！疫情下晚市堂食做到9pm, last order 9:15pm，建議大家想堂食就要預鬆d時間。餐廳嘅裝修同擺設都好盞鬼！未食先興奮！先嚟金桔話梅梳打 同創意珍多冰！飲咗朋友一啖金桔話梅梳打，酸酸地幾gur，消暑解渴！珍多冰椰奶好香，搶眼紅綠色嘅珍多粉條質感爽滑，好快就啜晒～招牌泰皇蟹肉炒飯好食到我同朋友都停唔到口，炒飯好有鑊氣，重點係佢個有啲似點泰式生蝦嘅微辣泰式醬汁，加落炒飯連啖啖蟹肉一齊食超正！扎扎跳手打蝦餅(4件) 炸得好香口，蝦肉實在而彈牙，扎扎跳個名真係冇改錯！青咖喱豬頸肉嘅豬頸肉略嫌淋左d，肉質爽多少少會更佳！食埋個泰式芒果糯米飯做甜品簡直perfect! 糯米飯微暖，煙韌軟熟，加少少鹹嘅椰奶漿同超甜超熟芒果，啖啖都係泰國嘅味道啊～又再一次充分體驗 休息係要走更長嘅路，做運動係為左可以食更多好嘢嘅座右銘～附上餐牌以供參考：…查看更多

今晚同男朋友去食東南亞菜，我地叫左好多野，食完好飽。沙嗲雞肉串2串我好鍾意食沙嗲雞肉串架，叫左2串淺嚐。早知叫多啲啦，因為雞肉唔會鞋口，沙嗲又好食。招牌泰皇蟹肉炒飯炒得夠乾身，每啖都食到飯加蟹肉，仲有蟹籽添，十分足料又惹味，超級推薦！大蝦冬蔭功湯酸酸辣辣，入面好多菇，蝦大大隻，鍾意飲冬蔭功既男朋友表示好飲。黃咖哩海鮮多士盒好澎湃，一切啲黄咖哩搶住湧出黎，好療愈。海鮮有大蝦、青口、八爪魚，每樣各二。星空蘇打好靚之餘又好飲。檸檬甘蔗汁幾清甜。…查看更多