京滬佳餚 (Fashion Walk)

💮熊妹成日食西餐多，中菜嚟講就比較鍾意食上海菜，今次就同富妹來到銅鑼灣名店坊入面的《京滬 · 佳餚》試下佢呢排推出好抵食嘅一人下午茶餐。📌餐廳嘅裝潢比較古色古香，中庭嘅設計，牆上高高掛上紅紅的大燈籠🏮，天花板掛上一個個柔和嘅燈泡💡，砌出《京滬 · 佳餚》嘅logo，設計都幾花心思。💕📌下午茶精選一人餐，星期一至日都有得供應，話明下午茶就係‪下午兩點‬至到‪4:30‬，‪5:00‬要交枱準備下場。📌下午茶餐包括前菜三款、小食四款點心同埋一款麵食主菜，一人餐全部都係一人份量，$68就要另加$9茶錢，最後加一買單就係$85，咁嘅價錢喺間咁高級嘅上海餐館入邊食下午茶就真係唔話得。京滬三拼一碟前菜三拼擺款好吸引，有蔥油紅蜇頭、酲醋小排骨同家鄉醬黃瓜，黑色的瓷碟擺上紅黃綠三色嘅小菜，顏色都已經好吸睛。👀紅色的酲醋小排骨份量都唔少有三少嚿，雖然比糖醋醃過，但肉質咬落都唔鞋口，好怕醃過龍，抽乾晒肉嘅質感，酸酸甜甜好開胃，味道唔錯。黃色的蔥油紅蜇頭好爽口，本身冇咩味的紅蜇頭慢慢滲出淡淡嘅蔥油味，味道唔會過龍又唔會過油，食落涼浸浸，好經典嘅涼拌小菜。綠色的家鄉醬黃瓜🥒有兩件，咬落去非常脆口，味道就係醃咗嘅酸瓜味道，醃到超級濃味，超酸超開胃。四小拼然後有四款點心各一，包括招牌小籠包、珍珠糯米燒賣、紅油抄手同埋芝士脆春卷。兩個迷你點心籠同埋兩碟點心碟梅花間竹咁擺，擺款都好有唸頭。迷你點心籠細得黎好精緻，入面擺到一件點心。小籠湯包Size都唔細，夾起小籠包頭，入面嘅湯汁即刻下垂晒喺湯包下面，完全感覺到入邊充滿湯汁嘅重量，就咁睇都知道好足料。咬落去，嘩，啲湯汁流哂出黎，要攤凍啲食，如果唔係都會辣親個咀。小籠包皮薄，肉饀唔肥膩，連埋湯汁一齊食，濕濕潤潤好滋味。珍珠糯米燒賣其實佢個外型似燒賣樣，內裏就係糯米飯咁，趁熱食又有咬口，煙韌又有臘味，一啖糯米飯又飽肚。一碟紅油抄手有兩粒，調味係紅醋辣油，味道酸酸辣辣，幾惹味，抄手肉餡豐富，咬落去啖啖肉，一舊食唔夠喉仲有一舊，芝士脆春卷一分為二，炸到好脆口，內裏蝦肉彈牙，正常嘅春卷味道。京滬擔擔麵熊妹好鍾意食擔擔麵🍜，因為好鍾意食有花生醬做的湯底。花生醬湯底味道濃郁，辣辣地又有好多花生碎粒，撈埋冇咩味道嘅發明白麵一齊食，非常惹味。滬式炸醬麵炸醬麵嘅做法就係一碗白面上放滿炸醬肉碎，然後再跟一碗清湯倒入去炸醬麵一齊食。清湯味道偏淡，白麵本身無味，肉碎炸醬味道未算好特出，熊妹就唔係好識欣賞呢碗麵喇。📌整體嚟講，由前菜到點心到主食都大致食盡京滬菜經典的地道菜式，味道又幾正宗，主要係價錢非常親民，中式下午茶原來都可以咁歎。 …查看更多

鬧市綠洲 🌈。放慢脚步🚶‍♂️。細意品嘗🌝 銅鑼灣 名店坊 形格餐廳實在太多，甚至乎多到令人有點眼花瞭亂....但在我而言環境雖重要，但食物品質必定排在首位。經朋友介紹後今天就過嚟試吓 您 睇吓係咪咁名不虚傳先？先談談餐廳環境，呢度由室內外部份組成，坐室外並唔係我杯茶，所以喺訂位時已講佐，所以晚上到達後便安排我們於室內用餐。坦白說這裏並沒有奢華的裝修，但入場時卻有一種簡約舒適的感覺，每枱之間相隔正常，燈火通明及整潔，愉快的一餐準備開動。1)前菜 啲汁既味道好似水咁，冇咩味道，有啲令人失望。2) 招牌小籠包 🥟呢個點心真係令人好驚喜，每籠 6 隻嘅份量剛好我與友人分享，外皮超薄，肉汁鮮甜，真係招牌之作，好好食。3) 黄金蝦球 🦐當去殼嘅大蝦 遇上 滿滿嘅咸蛋黄 會產生什麼反應？答案就係好味到飛天，沒有多餘的醬汁，靠嘅係師傅嘅炸工。上枱時仍熱辣辣，外脆內爽及點點咸蛋香，真係不得了。4) 酥香烤鴨 🦃呢個亦係此店嘅招牌菜，我們叫了一份半例，份量相等於半隻鴨，上枱時亦伴上餅皮及一個六宮格。其中一格好特別地放上砂糖，聽說係給鴨皮用的，我當然立即試試呢種食法啦，口感果然非常特別，砂糖完全 中和了 油膩感覺，入口即化，很有驚喜。而鴨肉亦烤得好出色，用附上的餅皮及配料包上，非常香口。5) 上湯火腿津白 🍃火腿 實為 雲腿，比較起前幾道菜略為遜色，雖然整體味道較淡，但亦不失為一道解膩菜式。…查看更多

呢間save左年幾既新派京滬菜終於有機會黎食🥰佢有兩間店舖一間係康城一間喺銅鑼灣👀佢比較招牌就係烤鴨啦，我地本來諗住佢個樣望落都係走精緻路線架啦份量應該唔會好多，所以就唔小心叫左好多🥴點知佢份量真係幾多，最後食剩少少要打包⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🦆京滬酥香烤鴨半例 ($238) | 7.5/10本身以為半例係好少仲驚唔夠三個人食，點知個半例原來係半隻😵‍💫三個人食綽綽有餘，基本上食幾個卷都飽左一半😂我一個人都食左五六個卷😵‍💫不過佢個烤鴨真係幾好食，尤其係佢有分二食，鴨皮點砂糖食，十分酥脆入口即化，真係好邪惡呀👅不過好好食🥰另外一食就係正常包餅皮，但佢個餅皮無野保溫好快凍曬真係好扣分🥴除左呢點，overall個烤鴨係好食既👍🏻🐟星斑木瓜魚頭湯 ($298) | 9/10之前我睇menu已經覺得佢好吸引，因為我好鍾意飲湯🥰最後發現好彩叫左咋🤪佢呢個湯真係好出色，係成餐我地最鍾意既野食😍條魚係用星斑，木瓜睇落都係靚木瓜因為好甜，成個湯都非常足料，有豆腐萵筍，個湯好鮮甜濃郁仲係奶白色個口感好濃厚，一大煲湯三個人每人都分到兩碗，無論味道定份量我都會比98分😍佢仲會原條魚既湯渣上返跟埋豉油，d魚肉都仲係幾好食👍🏻呢點幾加分因為個感覺佢真係好真材實料而且唔會浪費，而家覺得佢298都真係抵飲🤣絕對對得住佢價錢，下次都會encore佢呀🍖外婆紅燒肉 ($108) | 5.5/10紅燒肉有d普通，個色澤太紅感覺落左色素🥴我覺得唔夠好食🦐老北京宮保蝦球 ($198) | 7/10個蝦球就幾好食，因為個皮真係炸到好薄，食落有d似焦糖脆脆地甜甜地，個蝦肉都算彈牙唔會話好霉💁🏻‍♀️🥟招牌小籠包6隻 ($78) | 7.5/10小籠包幾好食多湯汁👍🏻🥧爆汁牛肉餅2件 ($78) | 8/10之前有食過佢同一集團既京滬菜，覺得佢個牛肉餅真係好食，所以今次再叫🥰佢皮薄餡靚，重點係好多湯👍🏻⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫Overall呢間我地都好滿意，而且咁諗返起都唔算好貴，我地叫左4人份量，埋單都係1100左右，如果幾個人黎食或者同屋企人黎食都幾好💁🏻‍♀️食物環境服務都幾高質👍🏻可以encore呀呢間🏠環境：7/10🍲食物：8.5/10🤵🏻服務：7/10💰價錢：6.5/10👩🏻👦🏻回頭：一定會…查看更多

最近幫朋友慶祝生日 一大班人食中菜最開心🥳今次黎到銅鑼灣嘅 @kings.delicacyhk 整體來講都唔錯👌🏻 性價比高😯最值得食一定係✨片皮鴨❗️例 $398八個人都好夠食 每人都食到兩至三舊 餅皮。熱辣辣 好薄 少少煙靭 唔會好厚粉👍🏻燒鴨。脆卜卜 肥瘦適中 配料。好豐富但份量有啲少仲叫咗好多嘢食 就唔詳細講啦✨小籠包。皮薄多汁 好食✨水煮龍躉片。好食但都幾辣(譚仔中辣)✨醉雞。雞肉唔鞋 入味 好食✨涼拌海蜇頭。呢個比較普通✨老上海炒飯。好食但偏鹹濃味✨酸辣土豆絲。正常好食✨糖醋排骨。一般般 比較細件同乾瘦 ✨杏汁高力。麻麻哋杏汁 都係鍾意豆沙多啲😌Any肥。淨係講嘢食我覺得性價比算幾好但係環境同服務就一般啦~ 完。#飲食係一種享受唔淨係為左生存#無論平定貴都一定要花費得明明白白#eat_withbina #eat_chinese_withbina#eat_銅鑼灣_withbina …查看更多

🍪【#銅鑼灣】京滬佳餚 King's Delicacy 💥食過返尋味 心水片皮鴨推介💥.🍪 心血來潮想食片皮鴨🦆，成日喺Youtube見人介紹京滬佳餚，男朋友就book位帶我去食😳🥰✧ Scrumptious roasted duck with toppings wrapped in thin pancakes, the Peking Duck is a Beijing classic welcomed at every table spread😍. YouTube has been playing videos introducing King’s Delicacy to me for sometime, and this helps gather my momentum to pay the restaurant a visit🤣. ~~🦆京滬酥香烤鴨 King’s Delicacy Peking Duck $198（4.5/5）嚟呢度就係為咗片皮鴨，驟眼睇份量唔算多，但兩個人食綽綽有餘。鴨切得薄身帶油香😋，肉質頗細嫩，鴨皮又多又鬆脆👍🏻，如果皮更厚就更上一層樓！用上傳統醬汁冇咩特別，不過配料有山渣條較少見，而加入蒜粒十分惹味！🤤✧ Expertly sliced into thin pieces, the tender soft duck is covered with fragrant smokiness and crispy exterior👏🏻. Yet a thicker skin could make everything perfect! Apart from classic condiments, Hawthorn fruit is a rare but great topping for the duck. I personally love adding garlic to distinctively elevate the flavours. 🤩.🍽 招牌小籠包 (6件) Steamed Minced Pork Dumpling (6pcs) $78 （4.5/5）必叫好抵食！比普遍小籠包大啲，皮薄又超多肉汁☺️✧ There is no denying that the dumplings here are among the most irresistible ones- bigger in size than average, the eatery pulls it off with moist and juicy fillings enclosed in thin wrappers. 👏🏻.🍽 上湯火腿津白 Braised Chinese Cabbage with Yunnan Ham $98 （4.5/5）津白即係黃芽白，起初見啲菜咁大棵怕會好硬好難咬，點知煮得啱啱好，軟身得嚟又有咬口。不過菜汁有少少鹹🙈，如果火腿可以甜啲就完美！✧ The cabbage is perfectly cooked to get the smooth and soft texture🤗. The sauce is slightly too salty and I prefer sweeter ham. .另加茶水每位$18; 前菜每碟$20，食唔食都會照收錢，比想像中貴。Each guest is charged $18 for tea. The appetizer costs $20. The two items, which are more expensive🤑💸 than those in typical restaurants, could be regarded as the cover charge. ~~🍪 每樣菜式都有水準😆，非常推介！只係室內環境有啲嘈~✧ The interior is quite noisy but one would enjoy the satisfying meal👍🏻!~~~~~~味道 Taste：🍪🍪🍪🍪🍪/5環境 Ambience：🍪🍪🍪🍪/5💸消費 Spending：$248 /人 Person🔥推介度 Recommendation：5/5…查看更多

窩夫跟幾位好友已經很久沒有四人同枱吃飯了，終於相約吃飯，窩夫想起同事推介過的京滬佳餚，便提議去吃烤鴨。先來涼菜蔥油熗海蜇頭($108)，海蜇頭爽口，蔥油帶微辣，味道不錯。楊枝沙律蝦球($228)的顏色很美，有紅色的士多啤梨，綠色的沙律菜，以及加了芒果的金黃色沙律醬包著的大蝦球，蝦球爽口彈牙，外層脆漿又薄又脆，原來蝦球也可以配搭楊枝甘露，很有心思。招牌小籠包($68)一客有六隻，皮做得非常薄，裡面湯汁滿滿的，水準之作。脆皮三支骨($368)的份量不少，啖啖肉帶脂香。吃完肉要吃點菜蔬，清脆萵筍($98)夠入味，稍嫌切得粗幼參差。最期待的京滬酥香烤鴨(半例$228)來了，很少會有原隻鴨髀一同上碟，烤鴨水準不俗，不會很油很膩。半例的烤鴨有六款配料，分別是砂糖、甜醬、京蔥、青瓜、蘿蔔和蒜蓉。配角餅皮也很高分，最重要夠薄。最後是甜品時間，點了兩款甜品，先是擂沙湯圓($38)。還有京滬杏汁高力(每件$22)，本身一客有四件，但落單時只剩最後三件，照要吧。蛋白部分做得不錯，可惜杏香不夠濃。…查看更多

好耐冇出去銅鑼灣行街，今日噤啱要過銅鑼灣攞嘢，見有時間就行吓街，順便睇吓有冇好嘢啱食，就坐低食返餐先感覺呢間幾舒服，門囗d介紹又幾吸引，即管入去試吓好唔好食先餐牌都幾多選擇，多到唔知點選擇，見個午市孖寶都幾好，就叫佢再單點一個小菜前菜：青瓜、豆腐、雲耳和翠豆，味道幾好香酥烤鴨：食法同北京填鴨一樣，餅皮熱辣辣，皮薄軟身，功夫一流侍應放低烤鴨，會講解一次食法佢話有三種食法：1.表面個五塊皮齋點沙糖食，入囗香脆即溶，沙糖中和左個鴨既油膩2.鴨脾衹加蒜蓉食，又另一種風味3.最傳統將鴨件放在餅皮上，再加青瓜、紫蘿白、蒽、蒜蓉、沙糖和調味醬，包埋一齊食，幾個層次感招牌小籠包：皮薄餡靚，內裏勁多高湯，咬開外皮勁多湯汁流出，湯汁好濃，最好等小籠包冇噤熱之後，整包放入囗中，湯汁即時爆出，囗中既感覺難已形容椒麻一囗牛：一啖一舊，肉質軟而彈牙，入囗好香胡椒味少少麻，唔係好辣好惹味呢間真係要推薦比大家，除左好食多選擇，環境又舒服，而且侍應既服務態度好好，招呼周到…查看更多

偶然在銅鑼灣食蛋糕的時候，發現了這間走年輕型格路線的新派摩登京滬菜館，裝潢帶簡約中國風情，趁著爸媽的結婚周年紀念，正好帶他們來食飯慶祝一番！！🤩餐牌內，「京滬佳餚」除烤鴨料理外，各款涼菜， 點心，湯羹，海鮮， 肉類小菜， 麵，飯，甜品亦一應俱全，而最引我注目的是，餐廳竟然亦可預定繁複的懷舊菜式，特意選定乾菜走油大元蹄做今餐飯的主角。😎👉🔸🔸另外亦選了一些佳餚來品嚐🔸🔸🎯招牌小籠包 $68剛蒸好熱氣騰騰的小籠包一客有6 個，外皮皺褶工整，大小統一， 透薄的外皮包滿豬肉和湯汁，肉餡新鮮，有肉味又多汁，入口湯汁好鮮美。😆🎯弄堂酸辣湯（例） $148老人家愛喝湯，特意點一客，例牌的分量原來都不少，足夠分4 碗，大家都開心，湯內有豆腐，筍絲，木耳，雞蛋，冬菇等配料，味道夠酸夠辣，十分地道，開胃。🥰🎯乾菜走油大元蹄 $528大元蹄真的很大盤，熱氣騰騰的上枱，無論份量及派頭都十足，整個元蹄經過長時間的炆煮，外表較為深色，盡吸梅菜乾和醬油的香味。豬皮和油脂入口即化，味道非常甘香鮮甜，豬肉食得出是新鮮豬，肉質軟腍而不失咬口，配上咸鮮的梅菜乾同食，送飯一流，是老少咸宜的一道菜式。🎯松鼠黃魚 $208上海菜中，媽媽最喜歡的就是松鼠黃魚，黃魚炸得色澤金黃，魚身向上翹起，造型霸氣，外皮金黃酥脆，沾上配有松子，青豆，栗米等的甜酸汁同食，魚塊香脆又開胃，識食既一定唔可以錯過魚頭，多肉又香口。🤤🎯外婆紅燒肉 $98即叫即炆的紅燒肉色澤紅潤亮麗，睇見就好有食慾，炆了將近一小時，五花肉被炆得肉質柔軟而有彈性，入口即溶，肥而不膩，醬香味道濃稠，才上枱，就被搶光光，連爸媽都讚好。👍👍🎯老上海炒飯 $108濃油赤醬，飯粒分明，以青豆，紅蘿蔔，蝦仁， 紅辣椒乾作配搭，豐富又滋味，口感偏甜，完全唔辣。😂🎯香菇醬火鴨炒飯 $128香氣十足，飯內火鴨肉，冬菇，青豆材料比例剛好，口感有點似臘味炒飯， 飯粒金黃乾爽，鴨肉香味誘人，比老上海炒飯美味。😁飯後甜品方面，我們點了京滬杏汁高力，酥炸杏仁豆腐和楊枝甘露伴雪糕品嚐，大家都盡興而歸。京滬店員親切有禮，父母食得開懷，對我既安排好滿意，下次必定再去試餐廳做得出色既片皮鴨呢～😘 京滬佳餚 銅鑼灣加寧街13-15號Fashion Walk地下A,C-D號舖🌛月光太太…查看更多

Fashion Walk 的餐廳向以西式為主，前些子開了一間京滬菜式的店，趁著朋友聚會建議到此。面向維園單邊位，面積不少，裝潢基本，注意力盡在招牌或懷舊京滬菜式上。意外驚喜是服務唔錯，食物水準平均，性價比合理。有趣地用茶餐廳熱水壺，兩款餐前小食味道不俗。招牌小籠包 (6隻）$68挑了兩款招牌點心，小籠包皮薄紮實、湯汁豐富，味道亦好。爆汁牛肉煎餅（2隻）$68名符其實爆汁，令以牛肉餡料的煎餅吃起來濕潤、脆而不乾。京滬香酥烤鴨 $228/半例 六款配料招牌烤鴨，四人分享半隻已經足夠，每人至少吃到兩件。鴨皮酥脆潤澤，皮下脂肪少，蘸些蒜蓉或糖吃，入口即化，豐腴口感。鴨肉香嫩不嚡，配爽口的長蔥、山楂條及青瓜、蘸以海鮮醬，是經典不敗的口味，集酥香爽甜軟脆於一身。乾脆走油大元蹄 $528相比現在坊間的其他店，炆得算是夠時間，軟淋入味，元蹄唔肥唔好食，皮帶豐厚的脂肪，但整體食落唔油膩，醬汁味道濃郁，令梅菜很滋味，難得並無過鹹。糯米炒蟹 $598見者垂涎，非常大只的蟹鉀，調味豐富甚滋味，糯米飯更是精華，不過蟹膏比較硬，非我最喜歡的口感。全部都是飽肚菜，做得算是輕盈不膩，總體平均分3.5/5，值得重訪。…查看更多

最近一直想吃片皮鴨，但一直找不到便宜的，不過最近聽到同事說這間在正在做優惠，每個星期一至三，片皮鴨一隻可享半價價優惠，聽到這個就真的不能忍，馬上約同事一起去吃個爽！京滬香酥烤鴨（原價３９８元）（星期一至三優惠價１９９元）今天的主角—片皮鴨，一整隻非常整齊地放在碟上，而整隻鴨最好吃的地方就是胸口那幾片烤得最酥的地方就放了在最頂，店員建議只配糖吃是最好的，吃起來果然沒有錯，吃起來帶點酥，但又入口即化，油香十足，又帶一點點的甜味，非常好吃！而其他的部份，店員就建議先吃傳統的做法，即是配京蔥，青瓜和烤鴨醬，然後可以再試山楂條，蜜瓜條和紫蘿蔔的配搭。傳統的做法果然是百吃不縑，吃起來鹹香，又帶有京蔥和青瓜的爽脆，然後是鴨皮的酥，最後是鴨肉的嫩滑！而配上山楂的，口感上多了點綿滑，但就山楂的酸甜很好地中和了鴨皮的油膩和鴨肉的騷味，也是非常驚喜的吃法！再來的是蜜瓜條，就更加多了水果的香甜，也挺喜歡！最後的是紫蘿蔔就會比較清淡，主要吃鴨的香味！而蒜蓉是拿來吃鴨翼的那個部為的，蒜蓉非常香，但又不會覺得辛辣，配上鴨肉挺解膩！紅燒扒翅（２８８元）這個翅的份量比想像中的要的，而且是一梳梳完整的翅，吃起來非常嫩滑，配上濃而不膩的湯汁，更能突出了翅的鮮美，味道挺好！麻醬雞絲拌粉皮（８８元）朋友特別想吃這個，就叫了一份來試，怎知道意外的挺好吃！麻醬非常香濃，花生醬的味道很濃，拌上雞絲和滑嫩的粉皮，吃起來特別過癮，作為前菜來說，非常開胃！酲醋小排骨（８８元）看圖片覺得挺吸引的，就點了一份來試一下。來到可以聞到好香的酲醋味，排骨吃起來酸甜口味的特別解膩，而且是酥而不爛的口感，吃起來味道真的挺不錯！招牌小籠包（６８元）這裡的小籠包我覺得可以算是必點之一道菜色！小籠包皮非常薄，單看圖片就可以感受到湯汁是多麼的豐盛，吃起來入口是爆汁的，湯汁香甜，肉餡是半肥瘦的豬肉，吃起來有油香，怕油膩的可以配合醋來吃！京滬杏汁高力（８８元）平常高力豆沙就看得多了，但這裡將豆沙換成了液體的杏汁，感覺菜式的難度提高了很多！因為是用油炸的關係，所以這個吃起來會有種油膩感，外面帶點脆脆的感覺，內裡柔軟，而最裡面是香濃的杏汁！整個甜點不是太甜的口味，主要是吃杏汁的香！…查看更多

很久沒吃一餐靚中菜 約了朋友去嘆嘆看上了這間精緻京滬菜 烤鴨頗有名氣餐廳在銅鑼灣食街  Outdoor氣氛很好兩個女孩子還是喜歡室內 環境舒服些選擇多價錢份量也合理 難怪坐無虛席-⧫京滬香酥烤鴨⧫ $228/ 半例 / 6款配料招牌當然必食 半例兩人吃剛好不會膩共有三個部位 店員細心介紹各種食法中間幾塊純鴨皮來自鴨胸 沾砂糖食用胸位皮最薄不油膩 透光晶瑩齒頰留香接著把鴨背位的皮與肉 放在薄餅皮上加入大蔥絲青瓜蘿蔔甜麵醬等 再捲起脆皮的油香與鴨肉香 口感豐富有層次最後是小鴨腿 抹上蒜泥相當濃郁惹味-⧫松鼠黃魚⧫ $208擺盤好有動感 不算大條兩個人拆完它酥炸的魚外脆內滑 酸甜開胃非常好吃如果伴碟不是我討厭的三色豆 那更好-⧫招牌小籠包⧫ $68皮薄咬落滿口湯汁好正 個人認為必食-⧫酲醋小排骨⧫ $88幾乎是西餐級擺盤 調味恰當酸甜剛好肉質偏瘦 很適合貪靚又貪吃的靚女們-⧫花膠黃魚羹⧫ $68/位鮮味十足湯裡魚肉不少 養生美顏之選-⧫山渣楊梅果⧫ $48可愛的甜點 據說是師傅獨創很考功夫外皮上的是脆米 卜卜脆之餘又好煙韌 裡面裹著山渣泥 酸甜的味道完美解膩…查看更多

冰鎮柚子鮑魚柚子清新，配有少許柚子酒，酸甜好開胃半例京滬酥香烤鴨鴨皮沾上少許砂糖，少許砂糖中和鴨皮滲出的鴨油，肥而不膩。再配上各式配菜包裹：餅皮薄，山渣京蔥青瓜係口內互相交融，好味！招牌小籠包皮薄肉湯多，鮮甜美味！珍珠糯米燒賣外表精緻，內裡材料十足一品脆碎香碎香由鴨肉組成，配搭津白脆皮三支骨其實是牛肋骨條，份量十足，皮脆肉嫩。牛味強而不騷！老上海炒飯炒飯好有鑊氣，飯底乾身，飯粒粒都能上色上湯火腿津白清淡中帶有火腿香楊枝甘露伴雪糕餐廳環境很好，服務十足。銅鑼灣區另一中菜及食片皮鴨之選！…查看更多

✨京滬香酥烤鴨 💰398（全例）💫評分: 7.5/10📝嚟呢度梗係要試下佢嘅招牌北京填鴨啦，價錢方面半例(💰228)for～2人份，圖中係全例～4人份，面頭有幾塊皮，侍應推介點砂糖會好食、食落非常有空氣感，入口即溶，有油香但唔油膩，連肉可以配上8款配料包住皮食，烤鴨外皮脆身，肉質鬆軟，刀功好勁切得好薄，份量都幾多，夾埋青瓜、山渣、蜜瓜、日本蘿蔔、大蔥一齊食，配料無曬要+💰叫，而鴨脾可以蘸蒜蓉食。值得一提皮超薄，口感唔錯。仲可以叫三食💰698包京滬香酥烤鴨（全例）、雲吞鴨肉湯、京醬涼瓜炆鴨✨ 招牌小籠包 💰68💫評分: 8.8/10📝 熱辣辣，皮薄餡靚又多汁，有驚喜，簡單既美味✨松鼠黃魚🐟 💰208 💫評分: 7.4/10📝又香又脆，外面烤得幾脆，內裏魚肉香滑、酸甜開胃惹味✨京滬香蔥煎餅 💰68💫評分: 8/10📝好脆，餅底🫓層層分明，咬落似蔥油餅嗰種層次，香口惹味😋✨弄堂酸辣湯（1位）💰48💫評分: 7/10📝入面啲料幾多，荀味偏重✨水煮安格斯牛 💰228 💫評分: 7.6/10📝食得牛唔會係用粉呢到變軟🤣係幾新鮮，第一次食水煮牛，水煮魚就見得多，入面有粉、竽絲、芽菜，幾有麻香✨黑醋脆鱔💰108💫評分: 7.4/10📝都係第一次食🤣，甜甜地作為前菜，脆口乾身✨壽桃💰168💫評分: 7.8/10📝半打細細粒好cute🥳，唔會好甜京滬佳餚 𝕂𝕚𝕟𝕘'𝕤 𝔻𝕖𝕝𝕚𝕔𝕒𝕔𝕪📍銅鑼灣加寧街13-15號Fashion Walk地下A,C-D號舖(銅鑼灣🚇E出口行3分鐘就到)💫評分: 7.5/10💬店內仲有唔少人氣菜式其實都想試🤣例如擔擔麵、孜然小羊排，酥炸廣島蠔琴日賣晒無得試🥲，之前youtuber介紹所以想試🥳…查看更多

餐廳近日於銅鑼灣開分店，地點方便，趁父親節一家人去食餐好既，提前 2 星期已訂位，點知...一步入餐廳，已經覺得毫無服務可言。Reception 一個人都冇，企左幾分鐘，填埋紙仔，期間有 3-4 位 waiter 經過，冇一位主動幫手帶位/通知知客出黎帶位，最後我地自己行入餐廳，左搵右搵先搵到知客帶位。餐廳環境不錯，但可能父親節人流多，冷氣唔夠，座位空間感不足，不斷同後面枱客人撞凳。洗手間衛生亦欠佳。食物方面，整體水準不錯。招牌京滬香酥烤鴨 - 四個人，要半例。師父已片走皮下脂肪，食起黎又薄又脆，但不失油香，皮色吸引，鴨肉不柴。特別一讚餅皮，皮薄透光，食到最後一片仍富彈性與韌性。砂鍋花膠雲吞雞 - 入座即點菜式之一，結果等到埋單前先上，鍋湯其實擺左係我地附近既工作枱差不多 30 分鐘，前後追過 4-5 次單，有無數咁多位 waiter 經過都只係望下煲湯，冇主動幫手分湯，最後講到要 cancel order 先有人分湯上枱俾我地！期望湯有滿滿既骨膠原，結果比想像中稀身，味道係好既，每碗都分到大大塊花膠，但雲吞餡過於結實，皮又過厚，加上等左 1.5 小時追完又追先有得飲，失望多於驚喜。爆汁牛肉煎餅 - 餅皮煎得香脆，咬落去啲汁多到流晒出黎，有濃濃牛味，肉質鮮嫩。招牌小籠包 - 皮薄餡靚，湯汁鮮味，餡料略嫌鬆散。酥炸廣島蠔 - 粉漿簿，炸得鬆脆，廣島蠔係桶蠔 size，新鮮肥美。賽螃蟹 - 即炒即上，熱辣辣時食，唔加醋都好好味。弄堂酸辣湯 - 夠酸夠辣，略嫌勾茨太重手。總括，如食物質素有 80-85 分，服務質素只有 20-25 分。…查看更多

最近工作稍微輕鬆一些，但心情依然沈重，不知道什麼原因，只好約朋友出來解悶。餐廳有不少廂房，供家庭或朋友聚會，另有少量卡座，其他都是多人長方桌。餐牌有不少特色中菜，例如小籠包、烤鴨、中式甜品等等。⭐️泡菜$20中式餐廳少不了小菜，小菜是青瓜和花生。另外茗茶$36兩位。⭐️酲醋小排骨$88小排骨瘦肉多些，入口酸酸甜甜。⭐️花膠黃魚羹$68/碗花膠黃魚羹由於湯底是魚湯，所以入口味道較香淡，靠胡椒調味，花膠煮得脆且甘。⭐️京滬香酥烤鴨$328半隻烤鴨，烤鴨皮很有韌性，厚度適中，入口烤鴨皮略脆，加入蔥可以中和油膩感。⭐️招牌小籠包$68小籠包皮薄餡靚，一咬下去，肉汁都在口腔迸發，味道鮮甜，應該叫多幾籠。⭐️山楂楊梅果$48甜品外型是楊梅，很吸睛呢！外面是酸香煙韌，裡面是山楂餡，也不會太甜，不俗。…查看更多