云手工火鍋店

營業中

休息中

火鍋店會現場有專人手為食客煮製火鍋。我哋叫咗個火焰三椰雞鍋，店員親自為我地起鍋，先將雞件略炒加埋有好多椰子肉 香氣四溢。之後再灑上酒，然後一把火點燃，瞬間燃起陣陣火焰，讓整個用餐體驗增添了一絲刺激感。再加入新鮮的椰青、椰皇和椰子雞湯，燉煮出濃郁的椰子風味。當湯底煮滾後，店員還會貼心地幫我們隔油，確保我們享受到最純淨的湯底。火鍋店還提供多款特色火鍋配料。他們的牛骨牛汁丸鮮嫩多汁，入口彈牙，絕對是肉食愛好者的首選。我好喜歡海鮮，所以試左他們的鮮蝦雲吞，鮮甜彈牙。手打的黑松露墨魚丸則帶著獨特的香氣，讓您一試難忘。此外，他們還提供雜菌拼盤和蜂巢豆腐，都好新鮮。由於太肚餓，所以再叫左一些小食。他們的泰式蝦餅外脆內嫩，搭配特製的泰式醬汁，絕對是下酒的好點心。阿波尾手羽先則是燒得外皮香脆，吃起來鮮嫩多汁，真係滿足我既味蕾。這間火鍋店的火鍋美味，還有多款精選配料和小食，食野時又可以享受舒適乾淨的用餐環境。

今日天氣凍咗好多，同朋友喺尖沙咀行完街就想打邊爐，揀咗The One隔離嘅瑞生酒店入面嘅云手工火鍋店。餐廳入面座位寬敞，仲有幾間VIP房俾一大班人book枱圍住張圓枱打邊爐，私隱度幾高。火鍋醬料上碟都幾精緻，九宮格托盤俾客人自己撈，選擇足夠，有生蒜、炸蒜、芫荽、蔥粒、辣椒粒、芝麻醬、沙嗲醬、沙茶醬同秘製辣油。湯底方面我哋揀咗火焰三椰雞鍋，十分有驚喜，上枱時鍋入面有半隻雞、椰子肉同紅蘿蔔，職員會先將鍋入面嘅雞件煎香，再加入白酒，然後點火，製造火焰嘅視覺效果同時亦都將酒味滲入啲雞件入面，之後冚蓋滾一陣再加入新鮮椰青、椰皇同熬製過嘅雞湯，就完成一個非常濃郁清甜嘅椰子雞湯底，滾起之後未落火鍋料已經先飲咗兩碗湯。呢間餐廳嘅火鍋配料選擇好多，有唔同嘅肉類、海鮮、刺身、餃類、丸類、蔬菜同串燒，我哋嗌咗美國安格斯牛肉、手打黑松露墨魚丸、牛骨牛汁丸、娃娃菜同粉絲。美國安格斯牛肉係薄切嘅牛肉片，份量合理，食落有牛味，肥瘦適中。半份嘅丸有四粒，手打黑松露墨魚丸食落去彈牙，有淡淡嘅黑松露香味，牛骨牛汁丸咬落去都彈牙爆汁，食得出係真材實料嘅牛丸，最後嘅娃娃菜同粉絲吸晒啲椰子雞湯嘅精華真係好好食，推介大家冬天嚟呢

入秋時份，打邊爐要滋補湯底，找到了一酒店手工火鍋店裝潢走現代中菜廳路線，設有五間獨立房間環境雅緻舒適，座位相當寬敞，店員主動有禮貌美美的九宮格醬料及醬油自配調味！除火鍋配料亦有刺身，餐前小食及香脆炸物等手工湯底火焰沙白蟹鍋極具氣派！打卡必食肉類牛胸爽含豐富的骨膠原，帶筋帶油，薄切爽口丸類半份四粒、一份八粒！手打黑松露墨魚丸肉汁豐富，帶有幽香香菇貢丸肉質飽滿而不膩，味道鮮甜，口感彈牙自家製黑松露蟹肉餃內黑松露的香跟蟹肉的鮮完美結合魚皮餃魚味香濃，厚身爽滑，外皮帶出煙韌口感消滯恩物酸梅湯生津可口，可幫助消化及增進食慾

二訪呢間火鍋店,揀咗另一款鍋底 - 藥膳醉雞鍋🐔~店員會點起把火燒一燒🍶,然後就炒一炒啲雞件,酒香四溢~最後就落埋湯,有啲紅棗,杞子,圓肉咁~上次食過佢哋嘅雞肉餃子好好食🥟,今次就叫咗鮮蝦雲吞~蝦肉好彈牙好爽🦐,雲吞唔算太大粒,可以一啖吞晒,正!韭菜餃既然係招牌🥬,當然要試!非常足料,好香韭菜味~佢哋啲手打丸系列又係好好食🍡~呢個黑松露墨魚丸好多黑松露🍄,一食落口就好香~仲要有粒粒墨魚肉🦑,彈牙香口又好食~佢有個雞蛋🥚俾你撈起啲牛肉,食落夠滑~牛肉夠厚身又唔韌,好香牛味🐮~上次嚟都有叫雜菜拼盤🌽🍅🥬~今次啲菜種類又換咗,有我另一半喜愛嘅皇帝菜👑~而我就繼續食返娃娃菜同生菜,仲有莧菜添~最後點咗個芋絲,吸咗啲湯汁好香~呢間店啲火鍋料真係好正,食得出好足料😋~而個湯底都幾正,不過都係比較喜歡上次個三椰雞煲🥥~下次再嚟點過先!

呢間係尖沙咀嘅樓上火鍋店環境舒適 座位夠晒闊落 仲有vip 房 🍲松茸雞翅冬瓜魚鍋 $368首先賣相已經非常吸引， 冬瓜面鋪滿左雞件，翅同埋冬菇，入面仲有好多松茸同菇，非常足料煲滾後先入一碗湯，冬瓜雞湯好清甜，雞件煲完都仲好淋好滑。店員會幫將冬瓜砌開，清甜嘅湯底最啱打邊爐 ，可以完全食到食材嘅鮮味。呢個湯底真係好適合叫粉絲，粉絲吸晒個湯汁真係超級好食🐃美國安格斯牛肉 $268牛肉雪花好靚, 油脂分佈平均，食落牛味好香濃。上碟時仲充滿仙氣🍡手打黑松露墨魚丸 $52黑松露好香濃，墨魚丸口感好彈牙入面仲有一粒粒墨魚粒🐮牛骨牛汁丸 $52自從食過有牛汁嘅真牛丸之後就番唔到轉頭食番普通牛丸。牛丸入面爆汁juicy,牛骨汁牛味特別香濃🍸Summer Beer $52呢到除左竹蓆茅根、酸梅湯呢d經典打邊爐飲品之外，仲有特式酒精同無酒精飲品🐻呢個超可愛嘅熊啤啤冰塊，真係完全唔捨得破壞佢飲落主要係檸檬汁同薄荷味，帶有rum未，容易入口，而且好清新，打邊爐飲好解油膩，非常推薦

打邊爐 湯底對我哋嚟講真係好重要🤤 今次介紹呢間位於尖沙咀嘅手工火鍋店 湯底真係非常精緻吸引😍 又有沙白蟹鍋 又有三椰火雞鍋 又有松茸雞翅冬瓜魚鍋 仲有好多👅 不過我哋最後都係揀左my favourite 金湯花膠雞鍋😝金湯花膠雞鍋賣相超正 用左腐皮包住花膠 雞同素翅 上枱後 店員會先為你加上花膠雞湯🤩 大火加熱煲滾後就可以先品嚐一啖甜美既花膠雞湯啦😋 飲落香濃嘅雞湯味 唔會好鹹好口喝👍🏻另外我哋仲點左一啲火鍋配料同小食 分別有自家製黃金炸魚皮 炸午餐肉 牛舌芯 手打黑松露墨魚丸同松茸雞肉餃👅 自家製黃金炸魚皮好高質 魚皮十分香脆 沾上大量鹹蛋黃醬汁超邪惡😏 午餐肉係我哋私心想叫嘅 炸過既午餐肉就咁食又得 打邊爐又得🤩 牛舌芯亦推薦大家一定要試吓 切成薄片 爽口有牛味👍🏻 手打黑松露墨魚丸口感真係超級彈牙 而且隔遠遠都聞到黑松露既香味😍 松茸雞肉餃好大粒好多餡😜 丸同餃仲可以叫半份 2人打邊爐就岩哂🌟