火鍋隨意門

★ 牛胸尖 $118牛胸尖油花豐富口感清爽入口即化並帶牛肉的鮮味𝐁𝐨𝐯𝐢𝐧𝐞 𝐜𝐡𝐞𝐬𝐭 𝐨𝐢𝐥 point is a marbled masterpiece — generous fat flecks weaving through for that juicy, irresistible richness, balanced by a surprisingly crisp, refreshing bite🤎★ 蟹黃豚肉餃 $78價錢略高的蟹黃餃很鮮甜蟹黃鮮香興豚肉相映成趣Splurged on these premium 𝐤𝐮𝐫𝐨𝐛𝐮𝐭𝐚 𝐩𝐨𝐫𝐤 𝐚𝐧𝐝 𝐜𝐫𝐚𝐛 𝐫𝐨𝐞 𝐝𝐮𝐦𝐩𝐥𝐢𝐧𝐠𝐬🥟 The velvety, fragrant crab roe steals the show, mingling flawlessly with tender pork for a savoury symphony that’ll haunt your taste buds🤤★ 足料竹蓆茅根 $78竹蓆茅根口感挺清新濕潤甜度輕盈具清新潤喉功效𝐒𝐮𝐠𝐚𝐫 𝐜𝐚𝐧𝐞 𝐚𝐧𝐝 𝐢𝐦𝐩𝐞𝐫𝐚𝐭𝐚𝐞 delight hits with a dewy freshness that feels like a cool breeze — lightly sweet, effortlessly hydrating, and oh-so-soothing for the throat😍★ 秘製清酒牛肉 $148推介這牛肉份量意外地多牛肉被酒精軟化更顯嫩滑味道帶輕薄的酒香有層次Obsessed with this 𝐛𝐞𝐞𝐟 steal — portions that hit you with unexpected abundance😚 𝐒𝐚𝐤𝐞-𝐭𝐞𝐧𝐝𝐞𝐫𝐢𝐬𝐞𝐝 to an insanely silky, laced with a delicate whisper of wine that layers umami like a fine symphony😆★ 手切本地牛頸脊$328牛頸脊肉味鮮濃帶點甘甜脂肪雖少但質感彈而不柴絕對是個人最喜愛的牛肉𝐋𝐨𝐜𝐚𝐥 𝐛𝐞𝐞𝐟 𝐣𝐨𝐰𝐥 steals the show — bursting with deep, umami-rich flavour laced with a subtle sweetness that dances on the tongue🥩 Low on fat yet incredibly bouncy and melt-in-your-mouth tender, never a hint of chewiness💫 Hands down, my all-time favorite cut of beef🤩★ 招牌花膠雞湯鍋 $328採用大量鬍鬚雞熬製而成配合厚身花膠補充骨膠原半隻雞肉份量頗多肉質嫩Simmered to perfection with heaps of silky 𝐜𝐡𝐢𝐜𝐤𝐞𝐧 for that deep, soul-warming broth, infused with plump 𝐟𝐢𝐬𝐡 𝐦𝐚𝐰 to amp up the collagen glow-up✨ Half a chicken’s worth of tender, juicy meat that’s generously portioned!!🥰————————————————————————————火鍋隨意門 (銅鑼灣)銅鑼灣堅拿道西10號冠景樓1樓A室𓍼 #foodietiffhk𓍼 #foodietiff推介𓍼 #foodietiff銅鑼灣…查看更多

🏺特式主題的火鍋店都興起了好一陣子，今次同喜愛打邊爐的富妹試下位於港島銅鑼灣的《火鍋隨意門》。📌等埋富妹放工，食6點半就最剛剛好。餐廳位置好易揾，於橋底下的冠景樓一樓。📌以土耳其風做餐廳風格，每個餐枱天花板上都掛上一串串土耳其彩燈，牆上又掛上充滿民族色彩嘅土耳其地氈同埋貼上一大幅土耳其熱氣球熱門地Cappadocia嘅牆紙，熊妹之前同豬朋狗友去土耳其嘅回憶即刻返返晒嚟。📌《火鍋隨意門》係以散叫形式的火鍋專門店，明顯樣樣都真材實料，貨真價實，可以食出食材嘅鮮味。📌火鍋湯底油有花膠雞湯、卜卜蜆湯、麻辣鴨血、皮蛋芫荽同豬骨濃湯等等，全部湯底都好足料，唔係剩係得湯水咁少。招牌花膠雞湯鍋（半隻），$328花膠雞湯喎真係好正，首先，湯鍋入邊係用上非常濃郁嘅花膠雞湯，再配上一大塊大過塊面的真花膠，同半隻生雞。店員會悉心地將花膠剪成一片片，放入鍋入邊煮滾後，可以先飲濃郁嘅花膠雞湯，然後再開始打邊爐。真係唔係講笑，花膠湯好重嘅雞湯，煮腍左的花膠軟腍狀態但係又唔會溶係雞湯入邊，一塊塊咁食好實在真係好滿足，感覺非常補身。半隻雞份量好多，放入鍋內烚熟，唔使煮好耐，雞肉就好嫩滑。手切本地牛頸脊（細），$328打邊爐梗係要食牛啦！食靚牛就想試吓牛頸脊。細份嘅牛頸脊大概有八至十片，望落去色水鮮紅帶點點雪花，感覺非常靚料。一片牛肉有啲厚度，喺鍋入邊輕輕灼兩灼就食得，非常嫩滑有咬口，一啲都唔韌，勁重牛味，一啲肥肉位都冇，果然係名貴食材。蟹黃豚肉餃 4粒，$78餃款餡料好特別，試吓蟹黃豚肉，出面好少食到。非常濃郁嘅蟹黃味道同豬肉好夾，確實係想食一再一粒。手打黑松露墨魚丸 4粒， $78打邊爐又點少得食丸㗎，自家製手打丸付款都好特別，就揀咗最愛嘅黑松露味道墨魚丸好彈牙，黑松露味道濃郁，成個口腔都充滿呢個味道，好明顯撈上嘅黑松露醬都唔係便宜貨。百花釀豆卜，$68非常有創意的豆卜，擺上係一個會電動的轉盤上呈上，一路睇住佢轉，感覺非常有趣。百花釀豆卜做得幾好喎，免頭鋪滿一大堆蟹籽，豆卜入邊係蝦膠釀肉，放入去火鍋入邊煮，下次係完全唔會甩出嚟散晒，即係蝦膠成份做得好足料，先會有咁強嘅痴力效果。卜卜蟹籽連埋蝦餃一齊食，非常彈牙好有質感，呢個豆卜值得一試！順德魚腐，$58一碟有六大粒切半，打邊爐點醬油食，味道正常。皇帝菜，$48皇帝菜洗得非常新鮮，一大兜翠綠菜車哂落雞湯煮，吸盡雞湯嘅精華，又不失皇帝菜嘅草青味。油麥菜，$48油麥菜洗到完全冇泥沙，根莖位新鮮食落都好爽口。足料竹蔗茅根，$78一大渣竹蔗茅根係透明膠樽入邊，完全清楚睇到入邊真材實料，紅蘿蔔、馬蹄、茅根佔咗樽一大半，打邊爐飲竹蔗茅跟真係好下火。醬介，$28/位📌特色裝飾的餐廳設計確實可以令一頓飯增添㶪竹氣氛，土耳其風格嘅裝潢喺香港地真係甚少，仲可以配埋配合埋香港人口味最愛嘅打邊爐，確實可以來銅鑼灣《火鍋隨意門》拜訪一下。…查看更多

朋友大力推薦一火鍋店，最近工作壓力大，一聽就心動想找個地方放鬆，順便體驗「旅行主題火鍋」概念隨意門讓食客穿越日本、法國、土耳其和中國四國主題區土耳其區滿布異國燈飾，桌面整潔，餐具花紋精緻招牌花膠雞湯鍋味道鮮甜帶膠原滋補，暖心又美容手切本地牛頸脊紋理細緻，涮熟後軟嫩多汁，牛香濃郁牛胸尖切片薄勻，嚼勁十足，牛脂香濃，順滑不膩新鮮扇貝金黃飽滿，彈牙Q彈，鮮甜海味爆發蟹黃豚肉餃皮薄透亮，味道鹹鮮，一咬蟹香四溢…查看更多

火鍋隨意門係一間以異國做主題嘅火鍋店，火鍋店入面分左四個唔同嘅區域，分別係中國、土耳其、日本同法國，無論裝修同餐具都會符合返主題，都幾得意，見而家六點前離座有六八折就搵個weekend黎試下。未入門口已經有一個打卡位，吊椅後面掛滿圖案帳幔，加埋天花上面嘅土耳其吊燈，真係呃倒人呀！除左門口位，火鍋店入面其中一個區域都佈置成土耳奇風格，連餐具同咕𠱸哩啲細節都照顧到。中國風格就冇乜特別，比較常見。其左一間VIP房佈置成日本風。仲有帶宮庭風嘅法國VIP房。醬芥$25/位，款式雖然唔多，但present得精緻同常用嘅都有。哩度嘅湯底同火鍋料選擇都好多，連比較少見嘅牛黃喉同牛胸尖都有。蒜香特式卜卜蜆濃湯鍋($188) - 蜆鍋入面好多大蜆，全部都好厚肉又冇沙，因為加左好多蜆，所以湯底超鮮甜，我地每人都飲左兩碗先開始打邊爐。手切本地牛頸脊($268/細) - 牛頸脊厚薄適中，滑得黎比安格斯牛宥咬口同牛味重啲。手打菠菜豬肉丸($68/4粒) & 手打芝心牛肉丸($68/4粒) - 兩款丸都好爽口，食得出冇溝粉，特別鍾意個芝心牛丸，入面好多芝士。白鱔片($128) - 白鱔片好新鮮肉質結實，如果切返厚少少更好。萵筍($48) - 快灼幾秒就食得，非常脆口。椰皇水($68) - 非常清甜，椰肉唔會太硬。總結，裝修幾靚，連餐具哩啲細節位都配合埋，雖然定價唔平，但湯底同火鍋料質素幾高，六點前離座有六八折幾抵食。…查看更多

又到「鍋」的季節啦😆 冬天嘅時候真係特別想打邊爐，lunch去打邊爐逐漸變成我嘅慣常動作💁🏻‍♀️ 今日帶條佬食呢間打卡打邊爐餐廳，全因為佢哋啲擺盤真係好靚🤩 好中式好霸氣，啱哂我呢啲鍾意打卡嘅人士😎叫得隨意門，就係想帶食客喺視覺上感受唔同國家嘅氛圍，一入門口就會見到個充滿土耳其特色嘅打卡位。餐廳室內裝修以四個國家作主題，分別係土耳其、日本、法國同中國。我就揀咗中國主題用餐區，入面有木屏風作裝飾，配以木枱櫈及灰色磚牆，好有古代客棧feel🎋 其餘三個區域都各有特色，喺燈飾、餐具上都盡顯心思。❤️ 醬介 $25pp.一坐低店員就會遞上九宮格醬料，有醬油、炸蒜、蒜蓉、蔥、芫荽、辣椒、芝麻及自家製乾蔥油，自家製乾蔥油好香🤭 加少許令醬油生色不少。另外其中一格係小食嚟：涼拌麻辣木耳，唔算好辣，幾開胃。❤️ 消暑冬瓜瑤柱濃湯鍋 $188呢度湯底有14款，款款都好吸引，款式會定期轉換。今次我揀咗「消暑冬瓜瑤柱脯湯」，一上枱就已經覺得好抵叫！湯底係每日新鮮熬製嘅雞湯，好滋補😚 入面有個巨型冬瓜，好似冬瓜盅入面放咗好多配料去提鮮，有雞肉、瑤柱、粉絲、蟹柳、蝦🦐 非常足料，完全係值回票價！店員仲會幫你將冬瓜切件，令冬瓜更快熟之餘，食起上嚟更加方便😉 ❤️ 手切本地牛頸脊 (細) $268佢哋呢度啲擺盤好有特色，好有古色古香嘅中式元素🤩 店主堅持人手切片，手切先可以保留到牛肉嘅筋，口感更佳，佢亦切得工整，做到每片厚薄適中👌🏻 牛頸脊脂肪較少，唔會太肥，肉味濃厚夠多肉汁，鮮嫩有彈性。❤️ 伊比利亞橡果豬 $168擺盤同樣有心思，好似藝術品咁！伊比利亞橡果豬望落去有好似大理石紋嘅油花，肉質肥美軟滑，肉味濃郁🐷 配埋個湯底令肉味芳香更為突出，令味道更加昇華！🙊❤️ 足料竹蔗茅根 $68呢個足料竹蔗茅根用透明地球儀器皿裝住，好啱打卡！地球儀有個開關可以自己斟嚟飲，不過記得飲完記得關返水喉😂 如果唔係就好浪費啦～ 竹蔗茅根分量多，幾抵飲！甜度啱啱好夠冰凍，清熱下火又可以滋潤吓喉嚨🍃餐廳推薦度：⭐️⭐️⭐️⭐️✨ (4.5/5)個湯底真心正，好足料又可以食粉絲😏 打完邊爐之後都𢳂咗好多湯嚟飲，湯底變得更濃更鮮甜🤤 環境裝修及擺盤方面好有創意，好適合打卡📸補返其他Menu👇🏻…查看更多

秋風起，除咗好想食煲仔飯之外，都好想每個星期都打邊爐，無論係四川麻辣、定係台式鴨血、港式嘅沙嗲牛湯底我都鍾意，今次介紹既呢間係上年逆市開張既火鍋，隨左佢既裝修非常打卡，佢既多款火鍋湯底同野食選擇都係非常之吸引。火鍋隨意門係一間上年喺銅鑼灣開業嘅新派火鍋店，餐廳會叫隨意門，係因為可以帶大家去唔同地方，以四國為主題，分左日本、法國、土耳其同中國既主題餐區，唔單止裝修，湯底都符合呢四個國家，好似有北海道3.6牛乳櫻花湯鍋、味道香濃既土耳其香草羊肉鍋、女士們至愛既花膠雞湯鍋、海鮮迷必點既特色卜卜蜆湯鍋、法式芝士龍蝦鍋、鴨血麻辣湯鍋、白胡椒蟹湯鍋、冬瓜瑤柱脯湯鍋等，多達12款選擇，款款特色吸引。火鍋配料都有過百款，好似刺身、雞、 鵝、海鮮、牛肉、手打丸、肥牛、餃子等，牛肉方面最為吸引，四國風情牛肉拼盤可以一口氣試盡 A4和牛、M8澳洲和牛、本地手切牛頸脊同土耳其香草牛肉。隨左牛肉、海鮮都係每日新鮮入貨，用水缸養著，夠生猛，特盛海鮮拼盤有齊大扇貝、海蝦、桶蠔、鮮鮑魚、大青口、蟶子皇等多款海鮮，火鍋迷必定會鍾意。手打丸及格同餃子都係一大亮點，全部都係自家製，款式又多又新穎，好似手打菠菜豬肉丸、有南瓜鹹蛋黃流心既黃金流心鮮蝦丸。而餃子每日人手包製，和牛芝士一口餃用上了油香十足既A4和牛、黑松露蟹肉餃用上香濃既黑松露醬、鮮甜蟹肉同豬肉炮製。餃子同手打丸都設有拼盤，可以一次過試盡5款皇牌口味。 入到門口已經見到有個打卡位，餐廳分咗四個區域，分別係有櫻花背景嘅和風、常見嘅中國古代屏風、有巴黎鐵塔嘅宮廷風、同我揀咗既土耳其風。可以見到背景係熱氣球升空既牆紙，連吊燈、花磚、火鍋爐、餐具、紙巾盒、牙簽筒等都係土耳其風，吊燈係馬賽克燈，設計好花心思，充滿格調。地方算寬敞，環境舒適，土耳其風區域大約有12張四人枱，櫈後邊都有枕頭，坐得幾舒服。-🥣 醬介 💰25每位 （👅: 7.5/10）未點野食之前就會送上九宮格盤既醬油加小食，醬油方面有乾蒜、芫荽、蔥、辣椒、蒜蓉、芝麻、自家製薑蔥油等。而小食有麻辣木耳同手拍青瓜。小食咬落幾爽口，作為前菜幾開胃，個人最鍾意青瓜，因為比起木耳佢食落真係有少少辣。-🥘 花膠雞湯鍋 💰298（👅: 9/10）湯底方面係隨意門招牌既花膠雞湯鍋，每日新鮮熬製，用上大量三黃雞，三黃係指羽毛黃、腳黃、嘴黃，皮脆肉軟、脂肪豐滿。餐廳先將原隻雞起骨，再用慢火將雞骨煎香，再加上雞肉熬製而成，加上大量骨膠原既花膠，真係一邊打邊爐一邊美顏。雞件同花膠係分開上，店員會即場剪開花膠，再擺落入湯底煲，非常貼心，會建議你飲咗湯同食咗花膠先。花膠雞鍋湯底呈乳白色，飲落鮮甜，味道非常濃郁，比較黏口，但唔會油，係真正既雞味而唔係味精，質地帶膠質，非常滋潤，未食野已經飲左兩碗湯，呢個花膠雞湯算係我咁多次打邊爐最好飲既一個，真係由頭飲到落尾，呢個天氣飲非常暖胃。花膠夠大塊，可以用花膠扒黎形容，數量都有六至七塊，非常足料，花膠咬落軟腍，滿滿骨膠原。飲湯飲到差唔多同食咗一啲花膠之後，店員就會加番啲雞湯落去，之後就可以擺啲雞落去煮，但我係加咗雞湯之後飲覺得冇之前咁好飲，可能係因為少咗花膠嘅膠質，加嘅湯係雞拖而唔係花膠雞湯，但個湯依然係好飲，飲完唔會話覺得口乾。雞件份量都好多，有半隻雞，上枱時已經係半熟嘅狀態，唔洗淥太耐就已經食得，雞件咬落夠嫰滑，食落無雪藏味，唔會太肥，以花膠雞湯來講啲雞算幾好食淨係食雞同花膠都已經飽咗一半，雖然價錢唔平，不過計埋份量同質數都算係值得。-1️⃣ 手切本地牛頸脊 細 💰268（👅: 7.5/10）呢度既牛頸脊係每日係本地牛肉檔取貨，包保新鮮，人手切片。牛脂睇落分佈平均，唔會過瘦，賣相非常之靚，色澤紅潤，輕輕淥一淥就食得。牛頸脊厚薄一致，入口正常程度嫩滑，帶有嚼勁，肉味就唔算重，因為牛頸脊係牛活動最多嘅部位，所以冇咩脂肪，主要係食個口感，呢個牛可能比較適合麻辣或者其他湯底，如果係雞湯可能會比濃郁嘅雞味蓋過。-2️⃣ 黃金雙併 💰98（👅: 8/10）黃金雙拼即係鹹蛋黃嘅炸魚皮同響鈴，呢個組合非常邪惡，兩樣都係即叫即炸，賣相比起其他打卡食物比較平實。響鈴好香，上面嘅鹹蛋黃幾多，厚度十足，係自己新鮮炸而唔係來貨，淥完之後鹹蛋黃好似半熔嘅狀態，唔係乾身個種，咬落非常鬆化，即使淥完鹹蛋黃味道都係好出，而炸魚皮比較厚身，咬落已經好香脆，鹹蛋黃味道令到佢更加豐富，唔使碌好耐已經好好食，加上油香同鹹香味，絕對係重口味之選，個人覺得炸魚皮比響鈴更好食，因為非常之脆而且味道重啲，略嫌份量小左啲，大約得三條響鈴同五塊炸魚皮。-🥤 竹蔗茅根 💰68（👅: 7.5/10）呢度連竹蔗茅根都係可以俾人影相，用一個好似地球儀嘅器皿裝住，完全係符合呢度主題，可以好似扭開水喉咁扭開開關口斟黎飲，呢個地球儀睇落好似好細，但其實可以斟到大約七杯，可以由頭飲到尾。竹蔗茅根飲落竹蔗味正常，甜度適中，打邊爐飲依個就啱晒，可以下火清熱，幾抵飲，略嫌唔係冰凍而係常溫。-🌟 食物來講呢度嘅餸算中到中上，比起食物我覺得呢度主打嘅花膠雞湯底更加有驚喜，令到我由頭飲到落尾，花膠同雞都好食，因為好夠味所以嘢食都唔使點豉油，配料方面有好多選擇，亦都有唔同嘅組合可以一次過試，不過我覺得唔適合點一啲本身味道好重嘅嘢食，因為可能同雞湯唔夾或者會比雞湯搶咗個味道，反而應該好適合點好似粉絲、豆腐依啲索湯嘅餸。環境同佈置方面好適合打卡影相，嘢食嘅擺盤都非常誇張，座位算坐得舒服。見到網上有九點三之後七折嘅優惠，如果有呢個優惠，淨係叫花膠雞湯再加一啲菜或者粉絲會非常抵食。-👅味道: 8/10🍴環境: 7/10💰消費: $400pp (服務費: 10%)…查看更多