慢理牆城

本身透過OpenRice見到呢間嘢係油尖旺區好出名，今次慕名而來。係樓下位置唔係咁容易搵，係後巷有小小黑，最好下晝去，不過平日夜晚唔係好多人。今次嗌咗斑馬二人餐 698💰佢嘅份量真係好大，三個人食咗二人餐，另外加多一個意粉，完全係要打包兩盒主食帶走嘅程度。但份量大之餘味道估唔到完全唔敷衍。原本以為間餐廳以量為主唔走心。最好食係黑毛豬串燒影唔到有幾大但真係好好味，肉質好Juicy，甜甜地。配咗甜番薯嘅薯條，反而唔係薯仔。第一啖食到嗰陣好驚喜，因為冇油炸同埋油膩嘅感覺。建議平日嚟飲杯咖啡同朋友chill下。…查看更多

今日去左間好森林系既餐廳，一踏入餐廳，滿眼都係綠色植物，彷彿走入左愛麗絲夢幻仙境，氛圍感滿滿 ，岩哂閨蜜聚會或帶小朋友過黎呢個童話世界食飯，呢到唔此能夠享受美食，仲可以放鬆身心，實在太寫意了～食物同環境一樣獨特添。墨西哥香辣海鮮意粉意粉煮得恰到好處，有嚼勁，均勻包裹住濃郁墨西哥風味醬汁，醬汁以蕃茄為基底，大蝦爽口彈牙，帶子肥美，青口肉嫩，每種海鮮都同香辣醬汁搭配得好好。慢落豬其實係黑毛豬串燒，肉質緊實，但嚼得好香，加上特製酸酸甜甜嘅BBQ醬汁，豬肉香味都提升左～而蕃薯薯條就軟糯香甜。…查看更多

位於油麻地M1酒店一樓的特色餐廳《慢理牆城》，以森林主題營造出一個充滿趣味與溫馨的用餐空間。餐廳內點綴著各式可愛的裝飾品和自然元素，營造出一個放鬆且充滿童趣的氛圍，非常適合打卡拍照或與朋友共度美好時光。一踏入門口，即獲贈一杯特製的葉豆花檸檬水，清新解渴，為整個用餐體驗增添一份貼心的感受。水牛芝士菠菜大啡菇🍄‍🟫 $98素食愛好者的佳選。濃郁的芝士與新鮮菠菜完美融合，搭配多汁的蘑菇，口感豐厚且層次豐富，每一口都令人滿足。慢落豬(黑毛豬串燒)🐷 $288肉質嫩滑多汁，經過炭火烤制後散發出誘人的焦香味，搭配特製醬汁，真係好出色，既有豐富的肉香，又帶點微妙的鹹甜平衡。牛油果蟹肉意粉🍝 $189細膩的牛油果醬汁將蟹肉的鮮甜完美包覆，義粉Q彈且不膩口，味道絕配，必叫！總結來說，慢理牆城，無論是親子聚餐、好友相約，都值得一試。因為餐廳環境好靚，可以去打卡，食物又大大碟又好食！🌟推薦指數：7.5/10💰人均消費：$300📍地點位置：油麻地砵蘭街28號M1酒店1樓…查看更多

斑馬二人餐 HK$698🦪 前菜 - 白酒忌廉煮藍青口・味道：忌廉汁濃而不膩，有少少白酒香，藍青口新鮮冇雪味，想像到嘅好味👍🏻・口感：厚肉大粒冇沙👍🏻🐷 主菜 - 慢落豬（慢煮西班牙冰花酸梅黑毛豬串燒配甜蕃薯條）+$20・味道：個冰花酸梅汁係甜味為主，冇乜酸味，好似果香甜味醬汁，配豬肉又幾夾😙！好厚肉嘅巨大化串燒要咬幾嘢先食得晒一粒黑毛豬😂，但燒得勁嫩滑，咬落仲有肉汁同小小脂肪，甜醬又會中和咗個豬肉油脂香，有驚喜👍🏻！蕃薯條香甜脆口，內裡綿密🍠，好食😋・口感：個樣勁實淨以為好柴，點知咬落係實肉但幾嫩滑，啖啖肉但易咬👍🏻，黑毛豬外皮燒得微微焦脆，內裡嫩滑多汁，掂🫡🦀 飯/意粉 - 牛油果忌廉蟹肉意大利飯・味道：忌廉醬掛滿每一粒意大利飯，飯粒外軟內韌🤌🏻牛油果配忌廉又冇想像中咁膩，可能因為個牛油果幾新鮮🥑，但又唔係好青好生嘅，但唔會過熟，減低膩感👍🏻蟹肉滿滿，可以撈晒每一啖飯🥳・口感：我會形容呢個係一個軟熟嘅飯😂🍋 甜品 - 西西里的檸檬向日葵・味道：唔知點解完全唔關檸檬事，係椰子雪糕包住焦糖醬，面頭有係椰絲同米通。even有焦糖但麵唔會甜到漏，好重椰子味，唔係只得椰奶味。中上水準！・口感：外層toppings脆口，雪糕綿密0冰感。🍸 飲品x2 - 菠蘿柚子話梅梳打・味道：有齊菠蘿酸！柚子甜！話梅鹹！味道層次好豐富，加埋梳打氣泡感，成件事更開胃了，感覺消滯，出色👍🏻！・口感：清爽開胃！・・・・・・・・・・・・・・・・・・・・🤰性價比：高～🤰9衝度：9衝～🤰結論：樓上舖仲要係酒店樓上，但都做得住而且keep住見到有人介紹，係有料到嘅🫡…查看更多

一入座已經覺得環境唔錯店員反應快入門就即時問有無訂座並送上Welcome Drink叫左二人餐，連加一埋單800鬆啲飲品甜品質素普通，整體性價比不高用餐過程keep 住幫我地斟水換碟，好殷勤白酒忌廉煮藍青口 坊間通常多加洋蔥，但呢間似乎無乜，所以個汁唔夠清甜味，反而蒜蓉味太重，蓋過其他嘢，青口亦唔算多鮮味，整體只算合格明太子蟹肉扁意粉出乎意料的好，意粉煮得岩岩好，有咬口有水準。醬汁同配料比例好balance而蟹肉份量都足，滿意慢落豬 (本身想叫油封鴨可惜無）呢碟份量超大，兩個人食唔曬，串燒夠肉汁，但略嫌少韌，調味偏重，配甜蕃薯條會夾啲特濃朱古力普通貨色，唔覺係特濃，但拉花加返少少分約您去看流星雨其實只係偏甜既雪糕，上面又再灑左甜味可可粉。跟餐可以，但單點就唔值得試餐廳係內街，好黑但算近地鐵站，樓下錶位泊滿唔方便揸車🤣…查看更多

再訪依間充滿森林氣息嘅🌟 慢理牆城🌟 餐廳裝修依舊綠油油一片，採用大量可愛動物和植物作點綴裝飾，感覺和諧又舒適❤️ 部份座位更設有大大隻動物公仔陪坐🥴 超級吸引😚 㨂咗超豐富嘅班馬2 人餐😋 內含一款前菜、一款主菜、一個飯或意粉、一客甜品以及餐飲兩杯😍 超級抵食🫶❤️ 前菜選了白酒忌廉煮藍青口❤️ 青口擺盤排得好靚👍 隻隻都肥美又飽滿🌟 食落爽滑彈牙，鮮美無比，用白酒忌廉汁煮，令青口嘅鮮甜更出眾❣️ 主菜㨂咗慢落豬🥴❤️ 即係慢煮西班牙冰花酸梅黑毛豬串燒👍 豬肉慢煮處理，肉質軟腍嫩滑，肉汁濃香，配搭酸甜開胃嘅冰花酸梅汁，清爽又不膩✅ 跟豬串還附有甜蕃薯條😋 焗得外脆內軟，甜甜地好好味😘 另選了經典又濃厚嘅黑松露野菌扁意粉🤩 意粉軟硬適中，彈牙有嚼感，每條都沾滿濃稠嘅黑松露醬汁🥰 與意粉頂端嘅芝士片攪勻一齊食，滋味馥郁令人難忘😘 甜品㨂咗🌟 陪您去看流星雨🌟 甜品裝飾得美侖美奐，猶如畫一般夢幻，完美表演出甜品名稱🥴❤️ 雪糕香滑冰涼，甜美可口，真係超級高質🥰 飲品㨂咗玫瑰咖啡同埋熱情果冰茶😋 咖啡上面嘅拉花好靚靚❤️ 飲落醇香嘅咖啡味中帶有淡淡嘅玫瑰幽香，令人回味不已🫶 熱情果冰茶清新又爽口，解膩消滯一流❣️ …查看更多

每人大概$250 但係超級飽 真係平時cafe既價錢 但係份量真係有1.5x 至 2x！我得三個人 叫左三個主菜 都有剩打包🥡🥢 如果唔係睇人介紹 真係唔知有呢間野 佢係油麻地砵蘭街既一間小型酒店既餐廳👀 整個體驗令我喜出望外 服務都好好👍🏻 餐廳整體設計都好有心 回顧指數真係100%😛明太子蟹肉扁意粉🦀 ($178) 蟹肉份量真係無吝嗇 同一球雪糕份量差唔多 真係每一啖意粉都可以配到蟹肉 蟹肉係偏絲 但呢個價錢 性價比已經係滿分💯 我無咩好挑剔！明太子醬好出 而且一份都唔會過熟！好推薦！🥳牛油果忌廉蟹肉意大利飯🥑 ($198) 意大利飯份量真係超級多 仲要有忌廉係超級飽🤰🏻意大利飯裡面都有少少洋蔥🧅同埋菇 令到個飯更加香 味道風出色！蟹肉同上面個麵一樣 份量都係非常多 而且配埋少少牛油果真係幾特別！慢落豬🐖 ($298) 慢煮西班牙冰花梅黑毛豬串燒 配甜蕃薯條🍟慢煮黑毛豬超級淋 絕對唔會太肥 但係有好juicy🤤 豬肉個醬汁酸酸甜甜 燒得有少少外脆內軟 份量真係好多 總共有三大串 真係每口淡淡肉！🤍 側邊仲有蕃薯條🍠 同埋少少沙拉菜解膩！味道：🤍🤍🤍🤍🤍/5 📍慢理牆城 (油麻地)地址：油麻地砵蘭街28號M1酒店1樓…查看更多

位於M1酒店嘅慢理牆城，位置有啲偏僻，要轉入巷仔先搵到入口一入到去好似去左森林咁，餐廳有好多仿植物，環境好舒服，仲可以同熊貓公仔一齊食飯。雖然餐廳唔大，但因為樓底較高，都唔會覺得好迫🍽️牆城小食拼盤配自家製蛋黃醬 （小）小食拼盤有美式甜辣香脆雞翼、德國腸、炸薯條、甜蕃薯條、馬蘇里拉芝士條同埋三角流心芝士粒，好豐富嘅拼盤雖然係細份但份量夠3-4個人食，自家製黑松露蛋黃醬同小食味道好夾😌🍽️ 慢落豬(慢煮西班牙冰花酸梅黑毛豬串燒配甜蕃薯條)招牌菜式之一，黑毛豬串燒有三串，配甜酸醬，豬肉大大舊而且好多汁，肥瘦均勻🍽️明太子蟹肉扁意粉蟹籽同蟹肉疊到好高，意粉用明太子醬煮醬汁十分creamy ，滿滿既蟹肉配搭埋creamy既意粉，口感超豐富份量夠2個人食另外店員既服務都好好，不停refill 水…查看更多

朋友介紹嚟試，真係冇介紹錯～我哋四個人點二人餐，有小食拼盤、慢落豬、牛油果蟹肉意粉、包飲品同甜品。另外加咗個無花果沙律、白酒煮青口、烤大啡菇同埋燒春雞。小食拼盤，炸雞翼又脆又有肉汁，爆漿炸芝士粒，薯條同番薯條都炸得好香脆👍🏻慢落豬先慢煮過再攞去燒，保留豬肉汁好Juicy，有彈性好好味！白酒煮青口，份量比較細，但係個汁真係好濃好好味～無花果沙律，沙律菜新鮮份量，亦都足。中間個啫喱裏面有蕃茄仔，幾得意。係個醋汁份量偏多會有啲鹹。芝士烤大啡菇，正常好味。牛油果蟹肉意粉，超多蟹肉。意粉煮得啱啱好，掛埋個白汁，撈勻佢食超級好食！食埋個要等20分鐘嘅燒春雞。燒春雞普通咗啲，雞胸亦偏柴，雞髀位就ok。最後食埋個甜品，呢個係「陪你去看流星雨」。裏面就係朱古力雪糕包住少少菠蘿雪糕，無咩特別。想試另一個甜品但賣曬🤷🏻‍♀️外面環境可能無咁好，位置都要搵一搵。但店內佈置裝修幾靚，舖位唔算大，坐得都舒服，亦有提供個大籃畀你放袋。有用餐時間限制（1.5小時）本身諗住食完傾嘢，但係食完已經夠鐘離場。預你淨係食嘢時間足夠。如果想慢慢坐傾計就唔係咁適合。至於服務就非常好👍🏻店員好親切，我地要求換碟兩次都完全無問題👏🏻價錢唔貴，食物有質素，服務又好～好難唔返轉頭😆臨走見佢另外間咗間房，坐到8-10人，有聚會可以考慮～（利申：無收任何款待，自己畀錢 - 第二次post先post到個食評）…查看更多

見到好多人去呢間西餐廳覺得食物賣相同環境都好吸引，就約朋友去食下！❣️呢到有好多動物公仔，長頸鹿、花花公仔等，幾有心思❣️食物都幾有水準，飲品更加有得玩有得飲！🐷慢落豬(慢煮西班牙冰花酸梅黑毛豬串燒配甜蕃薯條）$288 （推介！）- 黑毛豬真係慢煮，肉質夠鮮嫩入味，而且份量都大！最特別係面層一層冰花酸梅燒夠脆香，甜甜地再食到軟嫩豬肉，好有層次感！🦐紅菜頭大蝦意大利飯（紫紅）$188- 大蝦堅大隻，味道鮮甜！下面係紅菜頭飯，微甜味道唔錯✨帽事嘅！傻朱（薄荷焦糖朱古力）$88- 好玩又好飲！朱古力先倒入薄荷泡泡中，加上棉花糖點綴，甜度啱啱好，薄荷香味加上朱古力，好有層次有機會要約朋友再來💕…查看更多

呢間比較適合四個人或以上一齊食，啲嘢好大份，一定要叫佢哋最出名嘅慢落豬🤩🤩另外，如果有朋友生日嘅話，佢哋可以喺甜品碟到寫字，仲會送一個Happy birthday嘅頭飾比你 (我稱為羞恥頭飾)😌😌⭐️慢落豬 $288呢個真係好好食！雖然係比較肥，但係咬落去啲🐷肉汁真係好多，食落去勁香。單價唔平，但份量足料，總共有三大串，再配番薯薯條🍟，如果兩個人食會太膩太濟，建議多人share👍🏻👍🏻👍🏻⭐️牆城豪華早餐 $168呢個就一般all day breakfast，不過佢個多士就用咗千層牛油多士🍞 ⭐️煙三文魚流心蛋大啡菇 $98一切落去啲蛋汁爆曬出嚟，三樣嘢食落去好襯，好食！⭐️Come 芒，占士一個有得玩嘅嘢飲，店員會教你點樣倒落去，啲奶泡會浮返喺面，變成三層顏色，味道正常，勝在夠好玩😌…查看更多

之前見到ig有人po 個蟹肉意粉好正咁就同朋友一齊去食😍當日係OpenRice book位單點有8折😙而餐廳比想像中細,佈置就好靚充滿住森我風仲有好多公仔🧸🔺明太子蟹肉扁意粉 $178就係比呢個吸引咗而去🤩蟹肉同蟹籽有個山咁高🦀撈埋個意粉係啖啖都係蟹肉真係好鬼正😚而明太子嘅份量都有好多超掛汁同creamy❤️真心大推!!!但多啲人一齊食就冇咁滯~🔺原隻大頭蝦龍蝦汁扁意粉$208大頭蝦嘅size真係好大好似龍蝦咁🦞啖啖肉,調味都好適合😙龍蝦汁唔係十分濃郁但都好夠,都掛汁嘅但相對明太子就有點對比了🤪🔺慢落豬 $288豬肉串每一舊豬都好大舊而且都好嫩唔會咬唔到🐷豬肉係黑毛豬但豬味唔會過重🙌🏻串燒仲有埋三色椒可以平衡一下🫑旁邊有番薯條,係粗身個款每一條都炸得好脆🍠好食!!…查看更多

餐廳：慢理牆城地點：油麻地M1酒店菜式：西式餐牌：主菜，全日早餐，6色意大利飯，7色扁意粉，熱盤，冷盤，小食，甜品。飲品有特飲，拿鐵，咖啡，Superfood飲品，鮮果飲品等等。真係估唔到油麻地酒店會有一間咁chill嘅餐廳。一坐低就有杯紫色既碟豆花檸檬水，味道好淡，餐碟好有異國風情。水牛芝士焗菠菜大啡菇 $98 另加一水牛芝士焗菠菜大啡菇一客兩大件，多汁大啡菇上面加上菠菜蓉同大量水牛芝士，灑上香草，烤得熱辣辣上枱，未食先聞到芝士香。芝士拉絲又煙煙韌韌，健康好味。伴有加左黑醋既沙律菜同車厘茄，蔬菜量足。慢落豬慢煮西班牙冰花酸梅黑毛豬串燒配甜蕃薯條 $288 另加一落單時服務員特別提醒慢落豬需時15至20分鐘，果然值得等。慢落豬份量驚人，慢煮西班牙冰花酸梅黑毛豬串燒三大條，每串有五舊左右，每舊都好大件，中間穿插有紅有青有黃燈籠椒。豬肉燒得少少脆皮，豬有豬味，個汁少少酸，面頭灑上蔥花，味道唔錯。口感就有咬口。甜蕃薯條好粗身，炸得外脆內軟，味道甜甜地，伴有茄汁。另外都有沙律雜菜加黑醋伴車厘茄。新鮮蘋果菠蘿石榴羽衣甘藍汁 $62 另加一呢杯新鮮蘋果菠蘿石榴羽衣甘藍汁係超級食物飲品之一，好快就有得飲，顏色呈綠色，飲落主要係菠蘿酸味，不過唔會太酸，味道唔錯。…查看更多

先前同朋友嚟過幾次，佢最大賣點係份量多同埋有個講野有d似機械人嘅 staff🤣可惜今次見佢唔到，不過野食照舊係ok嘅。今次叫咗二人餐，可揀個一個前菜、主菜、Risotto/意粉、甜品同兩杯飲品。前菜🔥牆城小食拼盤配自家製蛋黃醬（小）細拼盤嘅薯條多到座山咁，但其實幾脆幾好食！ 個拼盤仲有甜辣雞翼、德國腸、芝士條同三角流心芝士各兩三件咁，味道都唔錯，而Yummy就最鐘意流心芝士呢d咁邪惡嘅😋😋主菜🍖慢落豬 (慢煮西班牙冰花酸梅黑毛豬串燒配甜蕃薯條）串燒有三串，每串都有4粒黑毛豬，但粒粒都好大舊！ 雖然大粒但其實都咬得到，遇著連住肥肉嘅部份就幾juicy，但都有少部份太瘦難咬d😂🙈 配菜嘅蕃薯條真心好食，向呢度食成日覺得好似薯條放題咁，食極都仲有🤣由於我地有幾個人，另加咗個🐑尋日的羔羊 ($328 - 香煎澳洲法式小羊架配脆薯條)羊架叫咗五成，雖然出到嚟偏熟（大概變咗7成），但係肉質唔錯同有咬口，配合埋薄荷啫喱幾好食嘅☺️意大利粉🥑牛油果忌廉蟹肉扁意粉🦀蟹肉份量都幾多又夠味，忌廉汁幾好味又未至於太膩。不過上到意粉嘅時候已經接近交檯時間🥺 同埋之前已經飽到上心口，最後冇食哂。 甜品🌠陪你去看流星雨造型幾得意！ 有d星星糖點綴扮係流星雨閃過咁。事實上佢係個🍦雪糕，外圍包住d朱古力慕絲，最後用d可可粉cover返好似個星球咁。味道可以，份量又係大到幾個人都好夠食，不過甜品係另一個胃，最後食哂！！…查看更多

多次到訪油麻地長期爆滿嘅「慢理牆城」，事隔一年再黎，質素仍然係好有保證，亦以份量見稱，可以話係聚會必去嘅餐廳之一😎👍🏻今次嚟到發現佢哋多咗個二人套餐，未加一$688勁抵食！主菜、飯、意粉仲有甜品同飲品，二人餐變左三個人都食唔晒😍 《 慢落豬 》 4.5 / 5慢煮惹味黑毛豬串燒，燒完肉汁鎖住係入面，入口好𝘑𝘶𝘪𝘤𝘺🤤每啖肉都好彈牙，而且好香豬味😋 而配菜蕃薯條嘅份量驚人，唔單止又香甜又夠粗好咬口，仲要條條都脆卜卜！😋《 牛油果忌廉蟹肉意大利飯 》 4.5 / 5試過佢地好幾款飯都係特別鍾意哩款口味，忌廉濃郁醬住每粒飯粒，飯嘅硬度又適中👍🏻 牛油果呈玫瑰花，擺血有心思；蟹肉份量慷慨，真係每啖都食到蟹肉😋 《 明太子蟹肉扁意粉 》 5 / 5 🌟🌟🌟🌟🌟鍾意食明太子嘅一定會愛上😍 同樣醬汁好濃稠同鮮甜，配搭扁意粉零舍掛汁🤤 大量蟹子蟹肉口感豐富👍🏻《 陪你去看流星雨 》 3.5 / 5淨係睇名唔會知道係咩甜品，實情係朱古力香蕉冰淇淋！中間香蕉個部位味道少少怪，不過要讚係臨急叫店員加生日字眼都完全冇難度，仲寫得好靚好有心機！👏🏻👏🏻👏🏻《 香蕉朱古力奶昔 》 4 / 5香蕉同朱古力味同樣好濃郁，比例岩岩好又唔太甜，最邪惡係成吋厚嘅𝘊𝘳𝘦𝘢𝘮！🤩最後好抵讚嘅係呢度嘅服務態度，店員𝘍𝘪𝘭𝘭水𝘍𝘪𝘭𝘭得好密，生日有生日帽送之餘都好積極幫客人影相😎👏🏻 所以除左座位細啲無咁舒服之外，都係間無得彈嘅餐廳🥴———————————————🏠環境舒適度：💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛💛———————————————…查看更多