INN - I’m Not Nothing

朋友推薦公司樓下有間餐廳都唔錯，幾啱吹下水，於是就嚟試一試見到個環境都係歐陸風格嘅裝修，幾啱三五知己食野吹水首先我哋叫咗個經典法式龍蝦湯，佢會配埋餐包咁上，個龍蝦湯飲落好濃味，相信都真係落重料去熬製，我哋仲用餐包嚟餸湯，本身個包面都烘過，而內裡卻好鬆軟，估唔到小小嘅餐包都咁好食跟住我哋仲叫咗慢煮西班牙黑毛豬鞍架伴香桃醬，一上到嚟個豬鞍嘅份量一啲都唔惹少就咁睇都睇到超厚身🤣🤣🤣而本身舊豬都有醃過，所以就算就咁食都好有味，而配埋香桃醬嘅話就食到好甜嘅桃味，加埋啲桃肉一齊食又係另一番風味，只係舊豬稍為有一丁點硬，不過整體嚟講都唔錯睇完黑白大廚就好想試下啲意大利飯🤣🤣於是就叫咗呢個北海道帶子菠菜意大利飯，本身見佢青bb都驚會唔會好濃好濃嘅菜味，畢竟個人唔係好鍾意食菜啲草青味，點知食落又好食喎，除咗菠菜汁之外仲落咗其他我講唔出嘅調味，但總之成件事好好食！！！個帶子都煎到好香滑，牛油嘅味道深深咁融入咗喺粒帶子度，正呀跟住我哋仲叫咗燒八爪魚墨汁意大利飯，兩款意大利飯比較之下我個人比較鍾意呢一個，佢係相對比較鹹少少，食落都幾惹味，唯一嘅美中不足就係條八爪魚有啲咬口，切細細舊再食會好啲整體嚟講其實呢間餐廳都幾啱打卡，除咗個歐陸風嘅裝修之外，每一盤食物都會有啲花瓣去點綴，食個氣氛都幾唔錯…查看更多

今次放工去左荔枝角附近行街特登搵下荔枝角有咩靚餐廳 就搵到呢間😎餐廳成個佈置好似去左外國既宮殿咁🏰頂頭有水晶燈同古典風扇🛋️主要又用左白色圓柱做分隔好有法國巴黎既感覺🇫🇷我地今次叫左兩樣主菜同一杯飲品慢煮西班牙黑毛豬鞍架伴香桃醬🐷豬鞍架既肉質好淋身 一啲都唔韌而且豬鞍既肥瘦比例好好 唔會太多肥膏痴住輕輕一咬已經feel到佢既肉好鮮嫩而且十分juicy😋香桃醬仲有香桃既果肉 將成個汁都昇華就連配菜都食到誠意🥬西蘭花食到燒烤過既爽脆 無草青味粟米亦係加左牛油去烹調 一啲都唔單調🌽整體非常好燒八爪魚墨汁意大利飯🐙個意大利飯好creamy餐廳將個飯煮得啱啱好有咬口得黎唔會太生太硬🍚墨汁既濃稠度亦都非常好粒粒飯都黏滿左墨汁 每一啖飯都食到墨汁既鮮味另外仲有燒八爪魚兩條鬚都好粗好有肉💪🏼餐廳用燒既方式烹調一咬落去就有外脆內軟既口感生熟程度亦都啱啱好唔會話煮到過熟好似𡁻香口膠咁加上表面落左啲七味粉 令成個八爪魚既鮮味再提升一啖墨汁risotto一啖八爪魚非常滿足🤤牛油果奶昔🥑成個奶昔都好滑 牛油果味好充足飲落去仲有咬口！因為加左杏仁片 配搭得非常出色！今次食埋餐廳個氣氛 好滿足呀！…查看更多

位於 #荔枝角 #億利工業大廈雖然係工廈 但餐廳裝潢啱哂情侶拍拖成間餐廳都以黃燈柔和再配上粉色花裝飾#牛肝菌黑松露意大利飯 $138#WildMushroonEisottoPorciniTruffleCreamParmesanCheese 好creamy 牛肝菌汁好濃😋而且亦加咗唔同嘅雜菇 口感豐富👍🏻#慢煮西班牙黑毛豬鞍架伴香桃醬 $238#GrilledIbericoPorkRackSautéedPotato #PeachGlaze厚切黑毛豬😋慢煮果然肉質更爽更嫩香桃醬夠特別 酸酸甜甜仲有桃肉配菜有焗薯 車厘茄 甘筍 同 芥蘭#MelonKakigori $108#綿綿冰 🍧 加咗鮮奶 淡奶一齊刨成冰 真係好綿😌而且牛奶味越食越濃郁 🍼仲附上煉奶🥛 想再甜啲 重奶味啲 可以自己調節加上煉奶 綿綿冰更黏 入口更滿足Melon有蜜瓜🍈同哈蜜瓜 粒粒都好新鮮香甜😌…查看更多

放工後要去荔枝角嘅億利工業中心拎嘢，發現依棟工廈原來有食店，決定去2樓一間西餐廳試試，歐陸風情嘅裝修，浪漫情調🕯️牛油香煎帶子伴忌廉菠菜配香脆酸種麵包多士 $98————————————成個忌廉勁Creamy香濃！菠菜煮到好淋，同忌廉混為一體勁掛汁，酸種多士真係夠香脆，點埋忌廉食好滋味。帶子煎到好香，好正！香煎盲曹魚柳伴牛油忌廉汁 $178————————————外皮煎得頗香脆，魚肉仍然嫩滑，唔會煎到老晒，伴上牛油忌廉汁都好夾，入口加上煎魚嘅油脂，感覺Creamy又滋味，份量都多，抵食👍🏼慢煮西班牙黑毛豬鞍架伴香桃醬 $238————————————黑毛豬鞍架經慢煮後，肉質質感仍然厚實，能鎖住肉汁，肉味濃郁，入口彈牙，配上一口薯粒烤過後更惹味。香桃醬中和豬鞍嘅膩感，豬鞍份量都好多好大份呀。Melon Kakigori $108————————————夏日炎炎真係啱晒食冰，奶味嘅冰配上煉奶再加Cream雖然有啲邪惡但真係好好味又唔漏，加埋一粒粒又圓又甜嘅哈密瓜🍈夠晒清爽。賣相吸引啱晒打咭！…查看更多

INN有多間分店，呢間位於荔枝角工廈既裝修一樣咁靚，夜晚食少啲自然光，環境有啲昏暗，但反而更有情調。慢煮西班牙黑毛豬鞍架伴香桃醬 $238連骨豬鞍架好厚身，好多肉汁好juicy，個香桃醬有桃肉，酸酸甜甜同豬肉好夾牛肝菌黑松露意大利飯 $138個risotto 用菇汁煮好濃郁，牛肝菌好鹹鮮，唔會太腍好啱我口味👍🏻 一大pat黑松露係面頭再撈埋落去更香！Mixed Berry Kakigori $108期間限定沙冰啱晒夏天食，超級透心涼！有Berry、melon、綠茶味，揀左berry主要有士多啤梨同藍莓，個冰底係牛奶冰，香奶味但唔會太甜，另有一杯仔煉奶可調味😋 入面仲有麻糬粒，口感好豐富！…查看更多

係我地落單叫燒三文魚柳芥末籽意大利飯既時候，店員已經提左我地個飯會比較重口味，果然食既時候真係好濃味，但係好好食、好多芥末籽😋但慢煮西班牙黑毛豬鞍架伴香桃醬既豬鞍肉質就比較硬😐 我地+$38要套餐包埋湯同飲品，粟米忌廉湯，超級好飲，真材實料又creamy😍因為OpenRice book枱，所以消費夠$500仲送左一份薯蓉蘑菇田螺，好大份😍😍😍 榛子朱古力班戟好特別🤩GREEN TEA LATTE …查看更多

荔枝角這個傳統的工業區，隨著活化工廈之後吸引了不少餐廳進駐其中，而在那老氣的氛圍和新舊反差的觀感下，多少也增添了一些神秘，予人一點隱世的感覺。前陣子就造訪了一間頗具人氣、藏身於荔枝角工廈內的西餐廳，據講觀塘原店以靚靚打卡裝潢馳名，而荔枝角店也不遜色，遂前來探店一下。🔹 鄰近地鐵站交通方便，隱藏於工廈之內，半帶神秘感。店內裝修以白色為主調，配上水晶吊燈、吊扇和金邊雲石枱藤椅，加上柔和昏暗燈光，滲著淡淡的浪漫悠閒歐陸風，簡約而富格調。🔹餐牌內菜式不算太多，但應該有的都會有，頭盤主菜，甜品飲料，雞牛羊豬和海鮮各有選擇。🔹收費屬中檔定位，前菜主食$78-$178已有交易，主菜則由$178-$368不等，從份量到質素來看算頗合理。🐚🌱牛油香煎帶子伴忌廉菠菜配香脆酸種麵包多士$98，放上了食用花裝飾賣相頗為精緻，帶子雖然不是鮮貨但火喉控制剛好，煎得微焦Q嫩，牛油香如能突出一點應會更佳；而忌廉菠菜就做得十分出色，菠菜維持在翠綠狀態，配搭濃厚忌廉汁豐盈Creamy，用上伴碟的酸種多士佐食添上香脆令口感更為豐富。🐐保雲酥羊扒伴薄荷醬 $288，三大件帶骨羊架鋪上了薄薄的香草麵包糠，香酥帶脆；羊架肉質肥瘦適中，焗得香口軟嫩，帶微羶膏香但不會太強，不用點上隨碟醬汁已很夠味，而伴碟的翠綠沙律和焗車厘茄薯粒，有助平衡解膩。🐷慢煮西班牙黑毛豬鞍架伴香桃醬 $238，上碟時已裁開一件件，方便享用夠貼心。豬鞍外層焦香，肉質厚實呈粉紅富彈性，唯以慢煮來說則略欠鬆軟嫩滑，但其實還算可以的。隨碟香桃醬的酸甜有助解膩，伴碟的沙律和焗甘筍車厘茄帶上了繽紛色彩，清新健康。🍎肉桂蘋果杏仁片焦糖忌廉班戟 $78，班戟煎得軟薄帶Q，面頭鋪滿了帶果肉的肉桂蘋果醬並以焦糖醬劃花，味道甜中偏酸帶濃厚肉桂蘋果香，佐上伴碟忌廉添上奶香層次更為豐富，吃起來充滿果香不覺甜膩。🍫🍌Chocolate Banana Smoothie $48，以香蕉和朱古力這對最佳拍檔打成的沙冰，濃香幼滑而不會太稠，啖啖充滿了朱古力和香蕉精華，甜度剛好冰爽解渴。縱觀整餐質素有板有眼，菜式擺盤精緻，出品味道亦十分不錯，環境舒適招呼亦算親切到位，以貨論價收費不高算很合理，收藏到隱世食肆名單當中和三五知己探索覓食一番，也是一個好選擇。…查看更多

窩夫與蝦子餅日前光顧了一間荔枝角工廈內的西餐廳INN - I'm Not Nothing。餐廳的環境有驚喜，窩夫很喜歡牆上的三幅畫。食物方面，點了香煎虎蝦蕃茄意粉($158)，虎蝦大隻，意粉軟硬適中，蕃茄汁做得很出色，是新鮮蕃茄煮出來的天然味道。還點了慢煮西班牙黑毛豬鞍架伴香桃醬($238)，豬鞍架有五大件，慢煮令肉質鮮嫩可口，用的醃料不多，更能突顯西班牙黑毛豬的肉香。配菜種類多，有沙律菜、西蘭花苗、薯粒、車厘茄和甘筍等，味道亦不錯。壓軸的甜品是肉桂蘋果杏仁片焦糖忌廉班戟($78)，上桌時傳來陣陣肉桂香味，法式班戟軟熟帶點煙靭，蘋果醬偏酸，一點也不膩。…查看更多

友人話想食下呢間工廈餐廳，難得夾到時間當然同朋友一齊黎😄今次我地叫左牛肝菌黑松露意大利飯($138)、慢煮西班牙黑毛豬鞍架伴香桃醬($238)、芒果熱情果忌廉班戟卷($78)環境裝修簡約而有格調👍🏻牛肝菌黑松露意大利飯：飯粒軟硬度煮得好好，而且入晒味，味道非常濃郁惹味🤤喺面頭加左d菜呀蕃茄仔作點綴，令本身賣相較為簡單嘅意大利飯更為精緻😉慢煮西班牙黑毛豬鞍架伴香桃醬：上碟時豬鞍已經代為切好件，方便食用😄慢煮出黎嘅效果更為肉嫩，而且可以見到豬鞍色澤帶點粉嫩😍食嘅時候再點一點香桃醬黎食，酸酸甜甜得黎味道幾特別😋伴碟嘅薯角同沙律都唔錯芒果熱情果忌廉班戟卷：最後當然甜品環節😛班戟卷唔會太淋，而且最緊要係佢d生果都好新鮮，食落好香甜🥰將班戟卷點下芒果或者熱情果同忌廉等已經可以配搭唔同口味食法🤤精緻用心嘅西餐，食完都幾滿足🥰補MENU…查看更多