Up2u (已結業)

今日經過黃埔，見到呢間應該係新開既三文治舖，個仔又話要食。叫左兩款三文治:✨港式XO蛋黃醬蝦餅呢款真係幾好味！自家製既炸蝦餅比起普通蝦膠嗰d實淨少少，但仍然幾彈牙有蝦味，睇到粒粒蝦肉喺入面幾足料。佢個XO蛋黃醬又幾惹味，真係有瑤柱同蝦米，加上炸蝦餅好合拍，就算蝦餅淋左凍左都仍然好食！✨意式香草青醬配慢煮雞胸見到佢喺slow cook bag拎出來，個雞胸真係好嫩滑！又幾有雞味，配上青醬好夾，我自己覺得略微淡口左少少，不過如果係for追求清淡、減肥同健身人士就perfect!佢既三文治係default烘左，用左厚多士口感十足，入面既生菜都幾多，新鮮又脆口！我自己食半個都夠飽，性價比幾好。🥤 火龍果乳酪奶昔又係個仔見到個顏色想飲😂個顏色係幾靚幾鮮豔，質地十分杰身，飲得出好實在既火龍果同乳酪味！小店來說幾有驚喜！XO蛋黃醬蝦餅三文治一定會回頭再買！

意式香草青醬配慢煮雞胸($36) + 雜莓果昔($26)(外賣ONLY, 不設堂食) ★－:+:－:+:－:+:－:+:－:+:－:+:－:+:－:+:—★​發現高質三文治小店，好大份！大堆頭，男仕都實夠飽，免費烘底👍🏻大推比追求低脂低碳低卡路里人士，想增肌補充蛋白質人士，減重人士！本身幾鍾意慢煮，慢煮雞胸肉煮得夠軟腍，勁大塊，配意式香草青醬，羅勒🌿調製味道清新，好食👍🏻等外賣時見到做緊雞胸買10件送1件優惠，買嚟整沙律幾好🥗啱黃埔紅磡街坊💁🏻‍♀️另外叫咗杯雜莓果昔，係鮮榨雜苺，甜味適中帶少少酸，口感有啲細細粒嘅籽，有啲咬口，飲完有飽肚感，纖維量高，感覺健康