御名軒

朋友相約食開年飯聚一聚，想起了在天后地鐵站旁的御名軒，真材實料，出名有質素，價錢相宜，是我們的信心之選，立即訂位行動。御名一品拼盤老實說我真不太有興趣食燒味，坊間很多燒味給我的感覺都是又乾又靭，想到已頭痛，但這裡的叉燒、油雞、燒鵝卻完全不是那回事，既嫩且滑又豐腴，加上專屬的醬汁令味道提升，海哲口感清爽，亦已有適當調味，燻蹄爽口配上清酸汁料，有入口即溶之感。梨山手抓骨手抓骨是豬脾吧，一支一隻，用牙扯開食，甚有原始風味，出色的是豬脾烤得外層甜脆，裡面保留肉汁甚嫩滑，肉很易咬，吃完一隻有意猶未盡之感。古法羊腩煲羊腩煲給人感覺好麻甩，因為這是大排檔的常菜，但在酒樓食又不同，比較衛生整潔女生食也可，我最欣賞羊腩炆得極嫩滑，羶味不濃，醬汁似是柱候和南乳的混合，濃郁惹味，配料有腐竹、馬蹄、冬菇，特別喜歡索了很多湯汁的腐竹，吃到一半有位置可加入生菜煮熟，因有火在不斷細滾著，保持熱辣辣暖笠笠，羊肉亦可補身令我們更暖，這果然是冬天的良伴。蟲草花燉雞湯是湯怪的我，超喜歡喝湯，引導大家叫個湯分來喝，雞湯本身較多油，已被細心去油，所以飲落好清不油膩，湯頭清甜甘香，沒有味精也不會過咸，喝著令人很舒服，很滋潤的感覺，我添了兩次湯呢。荔芋滑雞煲荔芋煮到好粉，芋香超迷人，雞件如其名，十分之滑的呢，有芋香加持，這雞煲變得不一樣，平常很少有這個菜式，甚有新鮮感，味道亦很好，兩者食材好夾，仲有汁可以撈飯呢。最後餐廳送上的紅豆沙，是煮到起沙的，甚有火喉，甜度剛剛好，為這餐劃上完美句號。服務方面相當好，店員很勤幫我們換碟清走骨頭，主動幫我們添湯添茶，亦好好禮貌很友善，令我們食得好愉快。…查看更多

秋冬食咩好，屋企人最中意食煲，今次去左天后食中菜~拼盤每樣有D，岩曬大家口味。切得好靚，件件差唔多，味道手肘乳豬配沙律，幾特別，個個一人手拎一隻，幾脆皮!羊腩煲，好香好多料，個羊肉唔係好蘇，肉質又好林，好味呀!流沙帶子賽螃蟹，唔太中意個生蛋，就撈左落去，成碟勁大碟，都幾滑幾香。海鮮雜菜煲，真係幾多海鮮，同埋又好大煲，好似食極都有咁。沙汁明蝦球，麻麻個蝦球，可能我唔中意咁炸，但都好脆身，仲有好多菜圍住，但D菜就唔係幾林啦。…查看更多

萬聖節扮鬼扮馬去狂歡慶祝的年紀早已過去, 反而相約一班嘴饞之人狂拆一餐, 比trick or treat來得開心。 一班人聚餐首選是中菜, 而地點選擇了天后曾光顧過的 - 御名軒。 御名一品拼盤 $188 先來一碟拼盤: 有叉燒、煙鴨胸、燻蹄、油雞和海蜇。 叉燒是每次到御名軒必食的項目, 半肥瘦的肉質腍軟入味, 加上香甜蜜汁更是好食。煙鴨胸彈牙, 燻蹄爽口, 油雞嫩滑, 而彈牙的海蜇帶麻油香, 餓腸轆轆的很快就把前菜吃光。 清蒸大閘蟹 $48/隻 大閘蟹當造季節當然不少得主角的份兒, 一隻隻排得整齊的大閘蟹猶如Star Wars的白兵般。 每隻大閘蟹約有4両重, 而10月尾多是吃蟹公, 因臨近水尾, 蟹膏亦稍稍偏少, 不過爆膏的程度仍是叫人滿意, 每人2隻的份量足夠品嘗, 此刻各人都沉醉於與大閘蟹搏鬥中。 雖然翌日爆出大閘蟹的醜聞, 幸好只是吃了兩隻算是過足口癮, 期待下年的健康大閘蟹! 吃過大閘蟹務必要喝杯薑茶去寒, 尤其是女生們, 這杯薑茶加入了普洱, 顏色深如可樂, 味亦較濃澀, 糖份不高, 多喝兩杯也沒問題! 流沙帶子賽螃蟹 $98 每次吃中菜都會叫到的一道 - 賽螃蟹。 這碟雪白的賽螃蟹除用了蛋白外, 內裡還有帶子和蟹肉, 用料豐富, 將置中的生蛋黃與炒過的蛋白, 帶子蟹肉撈勻, 十分香滑清甜。 星洲鍋巴軟殼蟹 $98 軟殼蟹蘸上炸漿炸脆並切件, 剛炸起熱騰騰, 大大隻的, 炸得酥脆香口, 炸漿厚薄度適中, 香口好食, 連同脆卜卜的鍋巴同上, 再配以星洲醬汁, 非常惹味, 這中日泰的配搭頗為新鮮! 沙汁明蝦球 $148 大蝦外的炸漿薄身脆口, 油份不多, 頗為爽身, 蝦隻爽口彈牙, 加上由師傅調配的沙律醬, 味道和賣相都很傳統的港式中菜。 海鮮什菜煲 $98 最後來一煲什菜粉絲煲健康一下。 鍋內的蔬菜甚多: 菜心、西蘭花、小棠菜和草菇, 總有一款合各人的胃口。海鮮也很豐富: 蝦、帶子、花枝片和蟹柳粒, 當中以彈牙爽口的花枝片最為鮮味。當然不少得粉絲的加入, 吸收了清甜湯頭的精華, 變得十分美味。 吃罷走到街上, 看着滿街都是近來最hit的小丑女萬聖節裝扮, 我承認 , 我的確老了! 所以糖果與中菜之間, 的選擇了後者。…查看更多

大閘蟹季節！一蘿咁多又食唔哂 緊係約埋成班好友齊齊些牙啦！難得約到一圍人食 緊係要食好西嘅！蜜汁叉燒好食！ 可以再燶少少 不過好夠味雞件啖啖肉 又嫩又滑 唔痴牙唔韌煙鴨胸夠煙味好得意丫 賣相好睇 比起一般大塊好多但又唔肥 皮薄餡靚 脆卜卜沙律拌胡麻醬 夾埋一齊食好清新 完全唔肥膩好震撼勁多隻排排坐！呢隻膏唔太多又唔夠香 麻麻地不過48蚊黎講 性價比都好好了好夠味 肉夠腍 又唔蘇 仲係啖啖肉 無乜骨好足料 其實幾驚喜佢有冬荀 因為好少食到羊腩煲會放 冬菇又嗦哂汁 好食最中意食腐竹同馬蹄配埋腐乳醬汁 好香好好吃大廚將軟殼蟹加上脆漿炸脆切件，連同鍋巴同上，再配以星洲醬汁！好香脆 炸得夠乾身 又唔油膩鍋巴超脆！不過覺得星洲醬汁太濃味 遮住軟殻蟹的味正！食材﹕帶子、蟹肉、蛋白、蛋黃、西蘭花做法﹕將帶子、蟹肉炒蛋白，中間加入生蛋黃，以西蘭花伴碟由於唔中意食生蛋 所以無撈到～不過好有蛋白味 好鮮甜 好多帶子 食落好有口感呢如果落埋奶粉 應該好食到爆炸菜太腍 煮得太耐咁有菜芯、西蘭花、小棠菜、白菜仔、蝦球、帶子、花枝片、蟹柳用雞及猪骨餚成濃湯 但覺得有啲咸 可以淡番少少海鮮好味 帶子同蝦都好彈牙最好食係呢個！好大隻的蝦 好夠分量！醬汁係類似沙拉骨嘅沙拉汁炸的好香 正經典酒樓嘅紅豆沙…查看更多

一來到大闡蟹的季節，果真在Facebook中就看到不少朋友分享！之前試過在銅鑼灣賣大闡蟹的店子買回家吃因為家人不特別喜歡吃，所以今年便湊熱鬧地相約朋友們去酒樓吃好了 大闡蟹雖然營養豐富，不過也要吃得適可而止喔清蒸大闡蟹 ($48/隻) 每人點了2隻。其實吃起來也滿花時間啊~畢竟要拆蟹嘛拆開後就看到豐富的蟹膏！味道濃郁，充滿油香~十分邪惡啊除了蟹膏之外，還有甘甜的蟹肉。用最原始的煮法更能吃出鮮味 (｡￩ω￩｡)因為大闡蟹是屬於寒性的，所以多數在吃完後會配薑茶這裡也有提供喔～而且還是超濃的那種。除此之外，這個時間當然也是吃羊的季節吧古法羊腩煲 ($198) - 上桌已經聞到很香，一開爐香味更是四溢！吃的時間要好好拌攪～不然很容易偕痴底燶掉喲羊肉細嫩，而且已經炆到骨和肉很易便可以分拆開 (●´∀｀●)大概是由於汁很濃郁的關係，基本上是完全沒吃到羊膻味。後尾可能煮得太久，還覺得鹹耶另外當然還配生菜吧～還有很辣的且幼清的腐乳醬。另外還點了 - 御名一品拼盤 ($188)一次過可以吃到幾款！特別是很久沒吃過的蜜汁叉燒。肉質軟嫩還有甜甜的味道油雞的皮很薄，肉也是很嫩滑的喲～其他的還有燻蹄、鴨胸肉、海蜇最後再點了 鮑魚汁炆伊麵 ($88)整體不算很濃～但伊麵炆得還算入味，而且吃落也不會太油膩。…查看更多

大班朋友一齊食個聚會飯，數款簡單小菜，又冇諗過簡單的家常菜都做得出色。很欣賞呢個「蜜椒薯仔牛柳粒」。薯仔牛柳粒這個組合看似平平無其的家常小菜，當大家認為主角是牛柳粒，No No No，請別放錯重點，惹味的薯仔粒才是令你吃過不停的平民美食，先脆炸的薯仔粒，吸收了牛肉汁及蜜糖，外皮薄脆沾滿蜜甜，一咬軟稔溶化，絕對一吃回味。看見豆腐，我還以為是點了翠塘豆腐之類的菜式，但...菜呢!?聽見友人應聲的說道：「嘩，個豆腐好滑呀！」有菜與否已經不再重要，立馬箸起一片豆腐。吃一口，熱燙的豆腐滑而香軟，絕對會想再encore。本來以為豆腐表面灑的是七味粉，吃後又沒有七味粉的香辛，細看才知是蝦子。原來這道是「蝦子野菌豆腐」，蝦子份量雖多，可惜香味稍遜，有外表沒味道。之後來了我很喜歡的「滋味羊腩煲」，雖然秋意未濃，也可以先吃點暖暖身，來個賽前熱身！XD最喜歡連皮吃的羊腩肉，一鍋之中有稔，有未煮稔，羊肉沒有羶味，羊香味也不濃 (不知兩者有沒有直接關係)。另外，我們還點了頭盤的「御名一品拼盤」大家說都叉燒的色澤好看，半肥瘦叉燒的肉質最確是討人喜歡，蜜味再加添一點會更好。也點了清炒時菜。澱粉質方面，暖身又飽肚的「臘味煲仔飯」，我就只淺嚐幾口，還要留肚吃最後的重點。煲仔飯用的不是糯米，而是絲苗白米，灑上豉油，，，其實我已吃不下，頂著肚子的吃幾口。…查看更多

一到秋天都係食大閘蟹既好季節!!今次同朋友們黎到天后既御名軒準備一齊拆蟹啦~~人未到齊就先點了御名一品拼盤 (HK$188) 醫下肚先''*分別有：叉燒, 油雞, 鴨胸, 海蜇叉燒的蜜汁味濃又Juicy, 油雞好嫩滑, 鴨胸不會鞋身, 海蜇很爽口!!!總括黎講很不錯~~來到主角大閘蟹 (HK$78@)當然要一人兩隻先夠喉, 個人喜歡食蟹公''*每隻有成5-6兩重架~~蟹身色澤不錯, 打開蟹蓋充滿橙黃及白色的蟹膏~~好香好滑, D蟹膏多到漿住個口呢!!!食完蟹膏點醋食埋D 肉, 蟹肉都好鮮甜架''*通常食蟹都會有得食蟹粉小龍包 (HK$58)小龍包每粒都有隻匙羹咁大隻, 入面充滿蟹粉及湯汁；一啖食落去蟹粉的味道係口入面湧出, 好滿足!!!另外, 見天氣問始涼, 就點了滋味羊腩煲 (HK$188)等羊腩煲滾起就可以食啦!!!煲內有好多舊羊腩, 而羊腩味道不太羶, 唔靭又唔鞋口；而枝竹已經好腍又非常入味, 全煲既精華就係哂D 枝竹度啦, 當然要食多D''*再加埋生菜黎食, 真係正~~~最後點左招牌吊燒雞 (HK$268)燒雞的皮燒得非常香脆又唔油膩, 咬落去脆卜卜~雞肉好滑又啖啖肉, 點埋醬油食仲多了一份甜味, 不錯!!就算唔點醬油食都好好味''*另外呢度D 燉湯都好足料好好味~可惜掛住飲唔記得影相, 黎食飯真係必點架!!…查看更多

11月，秋風漸涼，食慾大增，又係時候約埋班frd去大吃一頓，順便補補身子以防天氣轉變容易病~食大閘蟹對很多人來說是一年一度的盛事 雖然我沒有每年都吃的福氣，但今年剛好有人相約，也就試一試今年的大閘蟹吧~~ 之前朋友來過吃晚飯，說食物水準不錯，而大閘蟹價錢也不太貴($78一隻)~~看來酒樓最近應該翻新過，跟很多酒樓一樣都是改成了可做婚宴的場地~~食大閘蟹所需的工具一早已經安排放在檯上~~~秋風起，天氣涼了，食蟹前首先飲返碗湯潤一潤打一打底先 湯 - 姬松茸螺頭煲雞 ($138)看湯的顏色就知道落足料去煲 飲落的確清甜滋潤，有添飲的衝動~~ 御名一品拼盤 ($188)有我至愛的「像筋」海蜇、鴨胸、叉燒、雞 越簡單的東西越睇得出工夫，4種食材都處理得恰到好處，只是略嫌油份多了一點(視覺效果的油?)飲完頭啖湯，食埋前菜，主腳終於出場 大閘蟹 $78其實這是我第二次食大閘蟹，拆蟹技術尚未純熟 好彩酒樓工具齊全，幫左好多忙~~5兩重的大閘蟹，應該都算係咁?底部中間呈尖型，所以是公的~~ 不過我自己就唔太好彩，食兩隻都係蟹膏未夠成熟 比較偏黃色，但蟹膏的香味仍是很濃 見朋友食的都是橙色膏，而且比我果隻多好多膏 另外，今次食蟹仲學識左輕鬆食蟹腳方法:剪一剪尾二果節，插返入尾三果節(最多肉果節)推蟹肉出黎~原理等同用筷子的方法~水晶貴妃雞 ($188)食完蟹，食返隻雞。雞肉與雞皮中間有一層水晶狀的東西~這正是水晶雞的名字由來吧~有一部份雞肶的雞骨部份好像有點生，有血水，但肉的部份又沒有紅...可能要雞肉保持鮮嫰，火喉方面真的很考工夫吧~~羊腩煲 ($188)暖笠笠，羊腩煲 個煲一路用gas爐heat住，唔驚食食下其他餸會凍左唔好食，真係好體貼~~ 羊肉好入味，有好多配料如蔥、冬菇、薑、生菜，所以味道特別豐富~生菜更加係索哂所有精華 話梅骨 ($98)我個人好老實，其實我一向都唔食話梅，因為唔鍾意酸野，所以呢味菜我只係試左一舊，試左個味就算。個秘製醬汁的確係好濃，話梅的酸味亦「煮到入骨」，所以怕酸的我就真的一舊為止了 整體感覺太濃味，可能要叫一碗白飯先食到~~~翠塘滑豆腐 ($78)可能平時大家出街食飯，習慣了食濃味的東西，想不到呢頓晚飯去到尾聲，突然一碟豆腐卻奪去了一行6人的芳心 首先，一定要講個豆腐  加左蛋白之後質感同味道同食開的豆腐完全不同 一路食，我一路都唔相信佢係豆腐，因為佢有奶白的顏色同蛋白的味道。但佢口感幼滑，又並非蒸蛋白所能做到，所以佢仍然係屬於豆腐一類吧~而淋係豆腐上面的蘸汁，仲有蝦、瓜粒、桂花蚌都非常爽口清新，帶走了之前幾道菜式的油膩感:):)蟹粉小籠包 ($58)今次真係尾聲，豆腐清一清味蕾，再食返呢個甘香漏蟹油的蟹粉小籠包更添一份滋味!皮薄肉汁多，夾上來時大家都要小心翼翼，以免浪費這一口的美食綠豆沙 ($0)去酒樓食飯，循例都會問下有無糖水送嘅~~今晚呢，就有綠豆沙~~鍾意佢唔太甜，可以順便清清熱氣添呀:)除了賣點的大閘蟹，其他的餸菜水準都真係幾不錯~~地點都算幾方便，有時同屋企人食下晚飯都可以考慮下黎呢度~~:)翠塘滑豆腐係我真心推介~~:)…查看更多