明閣 (鷹君中心)

初訪在2021年8月，食物及服務皆是一流，是一次美好的用餐回憶。二訪其實是上個月底的事情，食物一貫保持水準，是次在包房用餐，服務當然更好。相距不夠半月，今天三訪選擇這裡，是為了再一嚐巧手醋香黑豚肉，我真的很愛這道菜式。香脆的口感，黑豚肉juicy，酸甜的醬汁美味。其他食物亦保持水準，值得前來一嚐。奈何員工服務欠佳，完全與高級餐館不符，今天是平日，大廳沒有滿座。我們入座時暫時只有4台客，離開的時候大廳好似是連同我們8台客人。由一開始，請服務員點餐，他說：「轉頭」然後就走開了。當我以為他忙完會回來，又或者請另一位同事幫忙，結果他轉過頭就完全忘記了，他又在我們面前晃過，毫無為我們點餐的打算，所以我們需要再次呼喚他。普通酒樓見到茶壺開蓋，服務員都會很自然懂得取壺加水，我見那位服務員經過幾次，他明明上菜的時候都有看到，都是沒有幫忙加水的打算，當然又要叫喚他，請幫忙加水。隔了好久都沒有回來的茶壺，奇怪之下發現原來茶壺就這樣放在中島桌子上，還是完全沒有加水。到最後突然殷勤跑來問我要不要點其他食品，甜品之類。其實我很愛吃明閣的蛋白杏仁茶及烏梅糕，但他突然反差地問我需要，我真的不想再點餐，然後就走了。用餐時有留意了他一下，究竟是他一向沒心上班，還是剛好有心事，一邊上班一邊見到他按手機很多次。管理層需要了解一下員工狀態，神不守舍很容易發生意外。…查看更多

公司提早慶祝中秋食餐好, 放工去左附近星級中菜明閣食飯。一如以往, 保持水準。特別推介巧手醋香黑豚肉同頭抽生浸鼓油雞呢兩味餸。醋香黑豚肉, 上台熱辣辣, 食落香口。酸酸甜甜醋汁, 配埋咀嚼爽口黑豚肉, 非常開胃。頭抽生浸鼓油雞, 雞肉十分嫰滑, 件件都好入味, 食到唔停口。食飽後當然唔少得甜品上場, 美點雙輝, 係芒果布甸+黑芝麻燸米糍, 擺碟好精緻, 下面是用乾冰CHILL 住, 2款都甜度適中, 呢餐好滿足。…查看更多

去到灣仔食一間比較高質素嘅點心餐廳，上網一搵就搵到依間啦依間位置好近會展，午餐時間因為限聚令嘅關係，每張枱係得兩個人坐嘅，所以如果想食嘅話建議都打嚟預約下先午飯時間，都幾多上班族嚟呢度食飯，不得不讚嘅係依度嘅服務態度非常之好，店員都非常之有禮貌會主動幫你斟茶，非常之細心由於兩個人食嘅關係所以叫餸都唔可以太多，食咗幾樣野之後非常之讚嘆嘅係佢嗰個黑醋豚肉係超級好食，佢果皮係類似拔絲蘋果上面嗰層甜甜地薄薄地嘅脆皮，肉係非常之多嘅肉汁，咬落去係非常之厚實而且唔痴牙，雖然兩個人食但係我哋都可以清晒全部，你就知道係幾好食啦其他嘅豉油腸粉同埋炸豆腐同埋叉燒包就一般般又唔係話非常之特別又唔係話勁好食咁樣不過個人非常之推薦黑豚肉，所以如果有機會你依間餐廳食嘢嘅話記住叫一一樣嘢因為會刮目相看…查看更多

最近想搵下灣仔區高質中菜, 方便之後見客食飯. 今次就去灣仔「明閣」試下.地點好方便, 「明閣」係會展旁邊鷹君中心2樓，一上電梯就見到。餐廳裝潢有空間感。俾客人有一定私隱, 好適合見客食飯.食品方面, 我地叫左幾個點心. 其中, 米芝蓮食府出品嘅叉燒肉質細嫩,又有點焦香. 其他點心都有水準.我特別鍾意巧手醋香黑豚肉, 外屠香脆, 又有陣陣醋香, 內層非常juicy. 必食!最後有養顏好吃嘅黑糖桃膠薑汁3.6牛乳奶凍, 桃膠好大粒, 薑同奶香好夾.  …查看更多

難得和好友歡聚，這晚選擇了「明閣」的灣仔分店嘆嘆高質中菜。「明閣」位放鷹君中心的2樓，一上電梯便看到招牌。餐廳裝潢設計時尚優雅，甚有空間感。桌子之間有一定距離，給予客人一定私隱度。一進餐廳大門口，更是有一個酒吧。在中菜廳內設bar實屬少有，可惜疫情之下暫時休業，未能觀摩。否則的是，一試這裡的特色中國茶cocktail也是不錯。素來愛吃叉燒的筆者，又怎會錯過一嚐米芝蓮食府出品的這個機會呢？明爐叉燒燒至色澤金香。半肥瘦叉燒厚切，入口是肉香和脂肪油香並存著。一件過後，蜜汁的香味餘韻久久未散，令人忍不住再來一件。造型華麗的焗蟹蓋，放置在蟹形碟上，甚具打卡度。蟹蓋有2款做法可選，分別是芝士焗又或香酥，這次試了芝士焗。蟹蓋面上舖滿烤焗的焦黃的芝士，看得吸引。芝士之下是滿滿的蟹肉絲，也夾雜了白蘿蔔絲去加添口感。蟹肉的鮮美配上芝士，是一道香口美味的佳餚。能夠成為米芝蓮星級粵菜餐廳，殊不簡單；這個雞絲羹更拿下旅發局的美食賞金獎，再錦上添花。湯羹足料，啖啖都充滿著花膠絲、雞絲、木耳絲。以老雞和金華火腿熬成的湯底鮮味也頗為濃郁。值得一提的是，湯羹還加了陳皮絲熬煮，進食時隱約感受到陳皮的芳香。吃時還可以配上咸香的南乳薄脆。「明閣」分別在旺角和灣仔有設店，2間各有特色，有些菜式只會在個別分店出現。這一道巧手醋香黑豚肉就是其中之一，只能在灣仔店才得以一嚐。黑豚肉先以炸的方式處理，口感香脆，咬開後是鎖在裡面的肉汁，豚肉香十足。外層蘸上了焦糖和黑醋煮做的醬汁，味道酸甜開胃，夾起時更有拔絲效果出現呢。平時吃的都是上湯浸時蔬居多，用鮮杏汁的還是頭一回品嚐。菜蔬新鮮，再配上杞子、雲耳、百合等。每一口都滲透出杏汁的香味。炒飯加了蝦肉、帶子肉和瑤柱等海味，再下鮑魚汁一起炒香，面上灑上蔥花作點綴。入口惹味，飯粒又粒粒分明，煙韌夠穫氣。奶凍以3.6 牛奶混合魚膠粉，放入雪櫃雪好，之後再放上桃膠。奶凍非常香滑，牛奶味濃郁。而且因為桃膠用了黑糖和薑汁煮香，牛奶味外又會多了一分薑汁辣香。好吃又養顏的甜品，絕對會成為女士們的最愛。…查看更多

同友人慶祝生日，佢係一位對中菜幾高要求既人，上網搵到哩間位於鷹君中心的中菜廳，食物同環境都幾吸引，就訂座黎一試。極品蜜汁叉燒 $208厚切叉燒，肥瘦均勻，沾上蜜汁，做得高水準，每一啖都好林又爽口。第一道菜同朋友已經留下好印象，期待打後的每一道餸菜。焗釀鮮蟹蓋 - 芝士焗 $158賣相非常有趣，金黃色既芝士內有乾坤！內有滿滿的蟹肉，混有芝士、羅白絲等配料，估唔到裡面係有咁多拆肉蟹肉，食得勁方便。濃湯花膠雞絲羹 $198/位女士們都鍾情花膠哩個養生食材，哩個羹清清地十分足料，花膠切條，有木耳絲同雞絲。巧手醋香黑豚肉 $268哩碟既黑醋醬汁做得非常出色，係哩度既推薦小菜，黑豚肉沾滿醬汁，好開胃。鮮杏汁杞子百合浸時蔬 $238雪白色既杏汁煮蔬菜第一次食，所有食材都特別適合女士，美顏明目，杏汁濃郁。窩燒海味飯 $238一上枱香氣撲鼻，個飯調味得恰道好處。黑糖桃膠薑汁3.6牛乳奶凍 $68/位哩道甜品絕對值得一食再食，我地都大讚，超滑身既奶凍，混入黑糖同薑汁，冰涼甜品，面頭有我最喜歡的桃膠。…查看更多

明閣旺角店拎咗米芝蓮好多年了，佢哋最近喺灣仔開咗分店，仲推出咗啲灣仔分店限定嘅菜式，港島人有口福了😋。極品蜜汁叉燒 $208 比起平時嘅叉燒相比，明閣招牌嘅叉燒更加肥美，食落蜜汁同油香混埋一齊，叉燒肉質軟稔，超正。焗釀鮮蟹蓋 (芝士焗或酥炸) $158(位) 呢道菜嚟明閣必食！唔單止造型有gimmick適合打卡，個餡都好勁，入面成個都充斥住一絲絲嘅蟹肉，成個都係！我食嘅芝士焗蟹蓋更加增添咗鹹香。巧手醋香黑豚肉 $268 (圖為半份) 呢個係灣仔店先有㗎，醋味唔會太過酸，另外仲加咗焦糖點綴，食咁多肉都唔會覺得膩。明閣炸子雞 $288/半隻 雞皮香脆而肉嫩，唔點sauce食已經好正。另一亮點係啲蓮藕片，薄身炸完好似薯片咁，但又比薯片多咗蓮藕嘅甜。珊瑚素心燕 $208 素食嚟講呢個都算高質，底下係消暑必食嘅冬瓜絲，面頭係甘筍蓉同蛋白，食落好清甜，食肉獸嘅我都好喜歡💕窩燒海味飯 $238 有別於傳統中菜，呢個飯係加入咗日本豉油去炒，出嚟嘅飯粒粒分明之餘，又帶濕潤，味道仲多一份甜。黑糖桃膠薑汁3.6牛乳奶凍 $68 不得了嘅甜品！平時我係唔會食薑味嘅嘢，但呢個薑汁用嚟配上黑糖桃膠，出嚟嘅效果好提味，奶凍亦都好香濃奶味。炸杏片香芒卷 $48/4件 外皮炸得超級香脆，入面有豐富芒果，一脆一嫩，好夾。同場仲有bar area、chef’s table等，直情可以叫大廚tailor-made一啲你想食嘅嘢，睇嚟父親節晚餐有著落了😆！如果你鍾意睇我嘅食評，不妨關注我，支持吓我，謝謝你☺️💕…查看更多

有米芝蓮既星級中菜—明閣，係灣仔鷹君中心開左分店。環境同服務仍然都係一流～特別係佢有好多個房間，大大小小，到4人房間都有，其他地方好少見，適合鍾意享受privacy既客人。而且每個房間都係用茶葉黎命名、好有心思！呢個房間有落地玻璃，同埋一幅好靚既畫（其實拉開係電視黎ga）中菜都有chef table。呢間房既個幅畫，拉開就會見到廚師煮野食既風采。裝修都十分有中西合壁既style，非常有格調，門口仲有酒吧添！介紹番野食：極品蜜汁叉燒：柔嫩多汁😛一定係呢到既必點之一。濃湯花膠雞絲羹：入面勁足料，有花膠、木耳、冬筍，雞絲。飲完覺得成個人靚左😂焗釀鮮蟹蓋：點少得佢地既signature dish呢～你睇吓入面D蟹肉😛流晒口水巧手醋香黑豚肉：話明係巧手，就梗係signature dish啦，酸酸甜甜，咬開脆扑扑既皮入面係好嫩滑既黑豚肉😌 鮮杏汁杞子百合浸時蔬：個日食既時蔬係澳洲既菠菜苗，同平時食既有分別，而且杏汁好香～窩燒海味飯：當日manager既推薦，入面有帶子肉及瑤柱等海味，用鮑魚汁煮成，會令你想食多碗飯。甜品： 炸杏片香芒卷& 黑糖桃膠薑汁3.6牛乳奶凍：熱既同凍既甜品都有，而且比較新穎，唔係平時係中式酒樓黎黎去去閣幾款甜品。…查看更多