寶字號刀削麵

豬頸肉刀削麵（$48）刀削麵份量唔算多，麵質普通，無咩咬口，欠缺𡁻頭；豬頸肉有4片，味道正常；湯底普通，無咩特色。另外麵食會送煎蛋一隻。小食跟梅菜花生，梅菜偏咸，花生爽口。寶字號蕃茄雞蛋刀削麵（$46）雖然用新鮮蕃茄，有茄蓉，但蕃茄湯底唔算太濃厚，偏清淡；炒蛋一份，再加送的一隻煎蛋。小食跟紅油腐竹，腐竹軟實有口感，但無咩豆味，唔夠辣自己再加辣椒油。超值三寶（$53）肉夾饃，饃餅即烤，厚實，外層微脆；肉絲味帶咸，肉質偏嫩，整體味道可以。醬骨架，一件大大舊，味道同肉夾饃嘅肉一樣，味帶咸，肉質嫩，味道可以。桂花雪梨，咁多樣嘢，個人覺得最好食係呢樣，冷食清甜爽口，咁熱嘅天氣好適合。老實講，刀削麵唔夠「山西」好食，醬骨架唔夠「入麵」好味，好難會再去幫襯。但如果係荃灣街坊，下午茶餐嚟講都算抵食的。…查看更多

荃灣呢度新開左間寶字號刀削麵，晚餐黎到食，都要等下位，感覺幾受附近街坊歡迎。佢有唔同既單人飯麵套餐或者雙人套餐，雙人套餐好抵食！有兩款刀削麵加兩款小食仲有野飲，除翻開都係70幾蚊一個人，但係可以食到好豐富～呢度主打刀削麵，除左有最常見既湯刀削麵之外，仲有拌刀削麵，同埋我第一次試既炒刀削麵！另外佢地都有啲飯類可以選擇，好似滷肉飯咁。食物份量都幾多，整體覺得係好抵食既一間餐廳👍1⃣️超值雙人套餐（$148） 👉寶字號蕃茄雞蛋刀削麵 蕃茄湯底濃郁，見到有蕃茄碎係入面。酸酸甜甜，而且雞蛋係索滿蕃茄既味🍅湯底同刀削麵都好食。  👉辣椒炒肉刀削麵 第一次見刀削麵都可以炒。炒刀削麵比我感覺更加有驚喜🤩炒得唔會好油，配埋豬肉、白木耳、辣椒一齊炒，少少辣幾惹味，刀削麵炒比起湯既更加有口感，大推呢個！而且佢好大碟好抵食。  👉炸雞粒 👉小酥肉 兩款小食都炸得香脆，唔會油亦都唔會感覺炸得好乾。  👉凍奶茶 👉凍鴛鴦 套餐送埋飲品，凍飲唔洗加錢。成個套餐都真係好抵食！  2⃣️肉夾饃 （$28） 第一次食肉夾饃。外層包體系乾脆型，中間夾住既肉幾juicy，但係唔會感覺肥膩😋中間既肉係有啲似手撕豬肉咁，仲有啲青椒粒，食落係juicy既，但係肉汁唔會浸淋外皮，呢種味道我真係第一次食，但係幾值得試。  3⃣️果仁菠菜 （$28） 呢碟係涼拌前菜類，份量都唔少，菠菜配上花生粒，係幾開胃既。 …查看更多