淥鼎記

想食雞煲又想打邊爐，搵下搵下就黎到淥鼎記😄今次我哋選擇咗小寶套餐($238/位)，享受任飲任食120分鐘嘅無限暢快先送上小食開下胃呢個套餐先喺六款主食當中揀一款，我地當然揀左最想食嘅重慶雞煲😉重慶雞煲：一啖辣椒、一啖麻香，重慶雞煲嘅辣味正宗得嚟又唔會過火，雞肉煮得入味，每一口都令人嘴唇微麻，心頭火熱🌶️食完主食雞煲開始有少少飽，然後再揀湯底接住落黎打邊爐😎今次我地揀左美人花膠鍋，等候期間就去自助區拎配料先出面自助區都有幾十款配料可以夾，基本火鍋配料都有有調味醬料區可以混醬😄飲品區除左罐裝/紙包飲品之外，仲有自家製茶類一壺壺可以拎😉仲有生果區美人花膠鍋：湯底清甜，花膠質地彈牙，每一啖都飲得到鮮甜味，美人花膠鍋真係既滋補又健康🥰安格斯牛板翼、安格斯極佳级精修肥牛：肉質鮮嫩，脂肪分佈均勻，輕輕一涮，就可以品嚐到肉嘅原始風味🤤伊比利亞黑毛豬、丹麥網豬：豚肉肥瘦相間，口感豐富，伊比利亞黑毛豬嘅油花香氣濃郁，而丹麥網豬則更加細嫩多汁😋潮汕墨魚丸、潮汕蝦丸：充滿住潮汕特色風味，墨魚丸彈牙，蝦丸鮮甜，唔錯嘅配料😋又食雞煲又打邊爐，一份價錢兩份享受，食物水準唔錯，夠晒飽😉補MENU…查看更多

抓住冬天既尾巴，難得天氣嚴寒，收工當然最好就係去打邊爐，地點選左老地方旺角淥鼎記，貪呢度食物質素高價錢又唔貴。今晚食小寶套餐，平日7:30前離座價錢$228加一，一共可食兩個鐘頭。四格錦綉前菜，分別有東風螺4隻，雞翼尖，雲耳仔同花生腰果，除左花生腰果，全部都辣辣地，開開胃。主菜6選1，一次性，包括椰子雞，藤椒烤魚，香辣烤魚，枝竹黑山羊腩煲，老壇酸菜魚，重慶鷄煲。椰子雞個湯底帶淡淡雞味同椰子味，好夠味又清，用黎打邊爐d野食都夠味，唔洗另外再加醬油。半隻雞切件連雞頭另上，特別係雞腿肉好嫰滑。湯底有唔少椰子片，食落脆口又有椰子味。另外配有青檸同薑蓉。食完主菜就轉湯底。湯底6選1，有鴨血麻辣，花膠美人，肉骨茶，澳門豬骨，胡椒豬肚同海皇海鮮。我地今次選左花膠美人鍋，花膠美人鍋有8件魚肚，仲有紅棗同杞子。個湯雞味濃，鹹度足夠不過好清，個湯底淥野食都夠味，都係唔洗另外再加醬油，更加可以食到食物既鮮味。以下食物都係用QR code落單。安格斯極佳級精修肥牛安格斯極佳級精修肥牛果然係肥牛，脂肪超多。一客兩大片。安格斯牛板腱安格斯牛板腱係長方型切割，大部分係一客三片。質感非常厚身有口感。安格斯牛板翼安格斯牛板翼都係長形切割，油花稍稍靚少少。一客兩大片，食落同安格斯牛板腱味道質感都差唔多，都好食。伊比利亞黑毛豬伊比利亞黑毛豬一客4片，中間肥膏稍微集中，豬味極濃，食落非常嫩口而帶少少彈牙。伊比利亞黑毛豬豬肋條伊比利亞黑毛豬豬肋條係新野，一客兩條，半肥瘦，食落好脆口。紐西蘭羊肉片紐西蘭羊肉片係圓形切割，一客兩大片，口感好厚身，味道只有少少羶。鮮脆鯇魚肉鮮脆鯇魚肉一客多片，真係又脆又鮮。其他選擇仲有鮮脆鯇骨腩，鮮雞件同雞子。自助配料吧好集中，衞生都唔錯，全部用蓋蓋住或者放雪櫃。 今餐忙住食用QR code落單既肉，自助配料吧既菜同丸類都無乜攞已經好夠食，唔洗行黎行去。印象中青菜有娃娃菜，生菜，西洋菜，白菜同菜心等等，其他蔬菜仲有淮山，萵苣，冬菇，金菇，冬瓜，秀珍菇，木耳，蓮藕，響鈴等。呢度連炸魚皮都有，香脆好味。醬料自己去自助醬料吧攞。飲品有好多款，我最鍾意清甜既自家制竹蔗茅根。總括而言，食物質素保持一貫水準，特別鍾意呢度既肉類，口感味道都好好！…查看更多

淥鼎記之前已經來過幾次，今次試吓佢個「小寶套餐」，平日星期一至四7:30pm前離座只需$228，套餐包前菜、主菜同超過40款嘅火鍋配料任食，真係抵食到喊🤣🤣🤣前菜係四小碟（一次性）有鹽酥雞、拍青瓜、白雲鳳爪、脆花生，全部都幾好味，鹽酥雞上枱時仲係熱辣辣的👍🏻主菜係六選一，有烤魚、雞煲、酸菜魚，作為酸菜魚我每次都一定點酸菜魚的😆 其實啲道菜單點都要$198，而且係大大碟又足料，依家火鍋放題包埋真係好抵食。魚係用上左鱸魚，白滑好肉鮮甜美味，湯底酸味同辣味都適中，配菜有寬粉、花生芽、蓮藕片、萵筍等等，非常豐富而且好好味，我哋兩個人全部食晒差點連湯都飲埋😆之後先開始火鍋放題，湯底可以六選一，今次㨂左海皇海鮮鍋，睇隻色初初以為係蕃茄底，飲落先發現原來真係海鮮湯底，裡邊有大量新鮮海蝦，湯底海鮮味濃郁而不肥膩，非常清甜👍🏻食材可以用QR code 落單，而出面自助區亦有大量火鍋配料同飲品，基本上要有嘅都有齊，非常全面，由於種類太多就唔逐一介紹了😆 （餃子雲吞幾好食記得要試👍🏻）可以落單嘅食物都唔少，而且質素都幾高，推薦嘅有以下幾款：安格斯極佳級精修肥牛 脂肪比例較高，入口牛脂味香濃，口感豐盈，而且大大塊，高汁👍🏻安格斯牛板腱牛板腱嘅特色係肉質中間含有肉筋，唔單止食到牛肉嘅鮮嫩口感，同時還可嘗到不錯嘅彈性，脂肪比例較低，但肉味超濃郁。安格斯牛板翼最愛啲款牛，肉質嫩度適中、無筋且油花均勻分布，富有自然肉香同鮮甜多汁，一整條大大塊放入口中滿足感爆登。伊比利亞黑毛豬越來越常見餐廳選用伊比利亞黑毛豬，堪稱「豬肉界和牛」，肉質顯現出大理石紋的特色，口感極具柔軟而且肉汁豐富，回味甘香。脆骨腩肉身爽脆彈牙，而且新鮮厚肉。手打墨魚丸/ 蝦丸爽彈口感極佳，味道都唔錯。總結：小寶套餐價錢夠晒貼地而食物係非常有水準，可以話係性價比之王。如果預算高少少，建議直上「爵爺」或「鳌拜」套餐，可以食埋高質海鮮、刺身，而最最最重要係「無限時」😈😈 不過記得預先book枱，因為就算weekday夜晚都係長期爆滿！…查看更多

天氣漸涼，今日收工去左旺角淥鼎記打邊爐。一排無黎，原來剛剛轉咗餐牌。例牌叫個小寶套餐，平日7:30前離座價錢$228加一。落單用QR code。先黎一份四格前菜，分別有鹹蛋黃炸魚皮，酸辣鳳爪，涼拌青瓜，同花生合桃。都令人幾開胃。呢個價錢包主菜6選1，我地揀咗椰子雞，個湯底帶淡淡雞味同椰子味，味道清得黎又夠味，之後用黎淥野食都好好味。湯底有唔少椰子片，食落脆脆地。另上半隻雞切件連雞頭。配有青檸同薑蓉。雞肉好嫰滑，唔似一般貨色，之後我地用呢個湯黎打邊爐打返一陣先轉湯底。火鍋湯底6選1。我地今次選左肉骨茶鍋，好似係新款式，入面有兩大件豬骨，同埋大蔥同蒜頭。味道方面藥材唔太重，有少少鹹，淥野食都夠味，唔會太重口味，我覺得算清淡唔錯。其他湯底有花膠美人鍋，鴨血麻辣，澳門豬骨，老壇酸菜鍋同海皇海鮮鍋。安格斯極佳級精修肥牛呢度d肉唔會太薄切，食落有質感。安格斯極佳級精修肥牛一客3大片。牛味濃，只係脂肪稍為多。安格斯牛板腱安格斯牛板腱係新野，長方型切割，一客幾片。質感非常厚身有口感，唔好淥太熟，食落又厚又重牛味，正！安格斯牛板翼安格斯牛板翼係長形切割，一客3大片，食落都差唔多，係較粗身少少，都好食。穀飼糖裝梅頭穀飼糖裝梅頭係新野，一客3片圓形切割。顏色粉嫩，脂肪少，食落都好香豬味。伊比利亞黑毛豬伊比利亞黑毛豬就脂肪分佈更加靚，食落非常嫩口而帶少少彈牙。紐西蘭羊肉片紐西蘭羊肉片一客兩大片，係圓形切割，食落好嫩口，脂肪少，味道只有少少羶。鮮脆鯇魚肉鮮脆鯇魚肉又脆又鮮，真心正！潮汕蝦丸，潮汕墨魚丸潮汕蝦丸，潮汕墨魚丸每次一人上一粒。其他選擇仲有鮮脆鯇骨腩，鮮雞件同雞子。自助配料吧好似太空艙設計，好有現代感。感覺乾淨企理。火鍋配料同蔬菜都好多選擇，今次無逐一細看，食肉都已經夠食。醬料自己去自助醬料吧攞。青菜有4款，分別係娃娃菜，生菜，皇帝菜同菜心，質素唔錯。其他蔬菜仲有淮山，萵苣，南瓜片，冬菇，金菇，冬瓜，秀珍菇，木耳，蓮藕，響鈴等。炸魚皮香脆好味。主食有稻庭烏冬同出前一丁。飲品有自家製涼茶包括竹蔗茅根，冷泡茶，道地包裝飲品，韓國樂天罐裝飲品，罐裝汽水等等。總括而言，食物質素保持一貫水準，今次個餐進化咗變相多咗個主菜同湯底，而價錢並無加，非常抵食。難怪星期一晚人山人海。…查看更多