威風百麵 (已結業)

.📍威風百麵📍 #饅頭去紅磡 #饅頭的港味道------------------------------1️⃣ 威風百麵 ($52)呢間小店主打新式車仔麵，包含港式、台式甚至少部分日式嘅餸菜選擇😍，感覺好多嘢都好想試。小編作為選擇困難症重度患者，就嗌咗佢哋嘅招牌威風百麵，等店舖幫我揀好食咩餸。呢碗車仔麵非常抵食，餸菜包括豬大腸、腩肉、墨魚丸、冬菇、順德魚腐、溏心蛋、雞翼同時蔬，足料兼足秤😳，加埋咁多樣餸都只係賣50幾蚊，淨係呢點已經提升咗唔少印象分。味道上，醬油湯底唔會過鹹，小編揀咗油麵作為麵底， 配上佢哋嘅秘製辣汁同沙嗲汁，成碗麵變得濃郁惹味🤤，但又唔會畀醬汁搶曬風頭。而且每一款餸都處理得毫不馬虎，小編最鍾意嘅係佢哋嘅腩肉，大大粒肥瘦均勻，層次分明💕，滷得非常入味，鹹甜交雜，鬆散程度適中； 墨魚丸同魚腐亦好有驚喜，唔係外來入貨，兩者都食得出原材料嘅鮮味；特別係魚腐非常之索湯，口感軟綿中帶些少彈牙，可以一次過品嘗湯底精華同魚嘅鮮味😆，很可以；豬大腸冇異味，唔會過多肥膏；溏心蛋一睇相就知生熟程度啱啱好👍🏻；就連簡簡單單嘅冬菇都煮得非常之入味。整體嚟講呢碗車仔麵雖然冇咩高級食材，但每一樣食物都冇咩可以令我挑剔嘅位，飽肚又好食，小編非常之滿意。◾評分：8.5/10------------------------------2️⃣ 木糠布甸 (跟餐)估唔到食咗咁多嘢，仲有免費甜請我哋食🥺。雖然唔大份，但木糠布甸嘅cream非常香滑，奶油味充足，餅乾細碎，不過就濕咗少少，但係我滿足了。◾評分：7.5/10------------------------------🔸整體評分：8.3/10🔸小編回頭率：7.5/10…查看更多

-{💛黃埔車仔麵😍}今次到新川舊舖位試個車仔麵☺️試左個招牌😝🤤威風百麵🤤 ($53)要左瑞士汁加腩汁湯底偏甜嘅 唔太食得出腩汁味 要左寬薯粉幾有咬口🤑以下順序排最推薦嘅餸😛溏心蛋: 隻蛋有啲似拉麵店嘅溏心蛋🥰有醬油面仲要流心好靚🥺唔腥！金錢肚: 爽口！仲要份量好多😜一定要依個😍冬菇: 好夠淋😘食倒爆汁又大嚿👻順德魚腐: 食落有啲淋左嘅山根feel入面又有啲魚肉咁幾有咬口😙👖褲評: 7.8/10依度好地道！店員服務都幾好😚係街坊嘅可以幫襯多啲😂甜品三款試曬鐘意木糠布甸>oreo木糠布甸>椰汁糕🥳性價比: 8/10服務: 8.5/10環境: 7/10🚩 威風百麵 🚩地址: 紅磡必嘉街93號地舖…查看更多

紅磡原來又開佐間新既車仔麵店主希望食客可以在逆境中找到一點甜🥺所以決定跟餐會有甜品食🙆🏼‍♀️麵控出開去就梗係要試下～溫提: 最好一點後先去🙈 .除佐主打車仔麵 仲有便當同小食最低消費為兩餸一麵唔想煩既話 都可以直接簡佢地推介既麵食set套餐均送精美甜品一款🙆🏼‍♀️(所以唔好叫太多餸 要留肚唔係會勁飽🤭)留意返!!!小店堂食暫時維持到6點所以晚市既話暫時只提供外賣🥡.◽️威風百麵 配瑞士汁 $52其實嗌呢個都幾划算因為已經有八樣餸😍擺盤都有別其他車仔麵店 擺得美美的～豬大腸 腩肉 墨魚丸 冬菇 魚腐 糖心蛋 雞翼 時菜 值得一讚既係糖心蛋整得幾好食🤤腩肉都有紅燒過 半肥瘦好似燒肉咁大腸都滷得唔錯 易咬同唔會好大陣味瑞士汁我覺得幾好食der 好似都唔係好多間有得嗌(?)鹹甜適中 有啲開胃 同埋啲餸都會特別入味打破佐我對佢一貫印象😚.◽️雞軟骨手撕雞蘿蔔紅薯粉 配麻辣汁 $39 自選車仔麵啲料都比得滿滿的🥰平時食酸辣粉超愛點紅薯粉～見到有 仲要唔洗特別加錢即嗌😛仲要係寬條 好煙韌同軟Q索埋個麻辣汁超正!!!個汁麻得黎唔會好辣 超愛😍手撕雞咁大pat都係$6 肉質都偏嫩～雞軟骨咬落真係脆卜卜 勁好咬蘿白甜得黎又無渣 通過😚.▫️跟餐甜品 木糠布甸每日都有幾款甜品可以簡～仲要全部都係自家製😍唔馬虎地整佐四層 唔會太甜食落好cream仲食到厚厚木糠碎.▫️跟餐甜品 +$3 焦糖燉蛋我更愛依款😍 成個tart咁大個🙆🏼‍♀️order完店員會即刻幫你整層焦糖～咬落脆脆的 燉蛋味都好香.總結除佐基本既車仔麵配料 仲有啲特別既料我就強推今次試佐既手撕雞同雞軟骨好似食極都食唔完咁🙈湯底均以豬骨加雞殼熬成 唔怪得濃香得黎 油膩感又唔會太重新式車仔麵黎講算係好有誠意同有質素🙆🏼‍♀️無諗到個甜品會整得幾高質 超飽的😍…查看更多

紅磡有幾間車仔麵店，除左差館里那間外（但經常排長龍），其他質素都好一般。今日經開必嘉街，見到有間新開的，就試一試。他們除咗可以好似傳統咁自己野餸外，另外都有一些套餐，我叫左一碗威風百麵（配秘製辣汁-小辣），再加一個小食椒鹽花枝丸。我幾鍾意佢哋有呢類套餐，食車仔麵好多時眼闊肚窄，雖然套餐每款餸既份量會較少，但可以食多幾款餸，同埋佢地價錢合理。平時去另一間食，一個人都要百幾蚊🤦🏻‍♀️。威風百麵有8款餸，腩肉炆得好淋好入味，必食推介。大腸夠肥美，魚腐好食，溏心蛋整得恰到好處，其他餸都唔錯。$52呢個價錢真心抵食，仲要送自家製甜品。椒鹽花枝丸-呢樣就普通左少少，似係將花枝丸炸完再灑上椒鹽，丸係彈牙同有花支粒。免費甜品選了Oreo木糠布甸食物質素係唔錯，唯一要改善既地方係可以多留意一下差不多食完既客人，問他們想要咩甜品，我見到另外兩枱客人都係俾錢時職員才問要什麼甜品，兩個都說不要了😂，起晒身，俾埋錢，戴晒口罩，唔通又坐返低食甜品咩😅。…查看更多

今日經過呢間新開嘅小店，見到裡面環境設計唔錯就入去試佢。食物選擇都唔少，有車仔麵有便當 ，今次叫咗個招牌‘’威風百麵‘’食物份量都幾多，有大腸、瑞士雞翼、冬菇、豬腩肉、魚腐、墨魚丸同溏心蛋，再加咗秘製辣汁！個瑞士雞翼香甜入味大腸同腩肉都唔錯，辣汁夠辣夠惹味整體來講都幾好。食完諗住埋單嘅時候店員同我講有甜品送！！竟然仲有幾款選擇，連Tiramisu 都有！今次試咗店員推薦的‘’椰皇三重奏 ‘’椰香味好濃好滑~面頭仲有啲香脆椰粒！下次會再來試埋佢其他甜品同便當…查看更多