地中海休閒餐廳

當你睇到呢篇食評嗰陣，其實Bistro Bon已經結業喇～我想記錄返一次喺Bistro Bon食晚餐嘅經歷，但願遲啲再有機會喺香港食到！（最尾有交代Bistro Bon嘅去向）.Bistro Bon係一間位於九龍塘浸大嘅西餐廳，同浸大入面嘅其他canteen唔同，Bistro Bon顯然係一間比較高級嘅餐廳，喺呢度你可以食到各種各樣嘅西式食物、具異國風情嘅美味料理，絕對唔會係「頹飯」～雖然係咁，但由於佢嘅下午茶實在係太抵食，基本上三十幾蚊就有交易，價錢居然同浸大嘅其他canteen相若，所以浸大人都會視佢為午後之食堂，稱之為BB Can (Bistro Bon Canteen).呢晚喺Bistro Bon食咗幾樣嘢～落完單之後，店員就送上餐包同牛油，一嚿外表好似煎堆咁嘅樣嘅包，外脆內軟，又甜甜地，好特別呀！另一嚿包望落就好似scone，又脆又香，好吃～.主食方面，我嗌咗個豬下巴意粉，其實人哋全名係叫煙燻伊比利亞豬下巴香蒜辣椒意粉～豬下巴喺出面好少機會食到，覺得佢幾特別就叫咗嚟試！意粉嘅份量雖然唔多，但真係好高質！廚師首先慢慢煎香豬下巴，逼晒佢啲油出嚟之後，再放意粉落鑊炒，所以每啖意粉都食到豬油嘅甘香！除此之外，炒意粉時落咗香蒜同辣椒，所以入口個味道非常豐富，有油香、有蒜味、又辣辣哋，真係好正呀！意粉比平時食嗰啲更幼細，我覺得佢更似天使麵，質感煙韌，煮得恰到好處！（因為我好怕食嗰啲煮到過晒火稔到不得了嘅意粉！）.食完個意粉，全晚嘅重頭戲終於來了！就係呢個要事先預訂嘅威靈頓牛柳！賣相真係好吸引，酥皮金黃，花紋細緻～個酥皮食到最後一嚿牛柳嗰時都仲係酥脆卜卜㗎！.牛柳叫咗medium五成熟，唔會太生又唔會太熟，牛柳中心呈粉紅色～牛柳肉質嫩滑多汁，絕對唔嚡口！酥皮同牛柳之間有一層鵝肝醬，鵝肝醬除咗好香嘅鵝肝味，仲有濃郁嘅菇菌黑松露味！個醬仲食到火腿塊，十分有誠意～伴碟一啲都唔馬虎， 薯蓉好重牛油同奶味，入口好綿滑好smooth！真係估唔到連個薯蓉都咁好食，賣相仲要咁靚！好滿足呀！.甜品方面，我叫咗檸檬撻，正正常常啦～個檸檬餡雖然有少少酸，但連埋上層嘅蛋白一齊食就剛剛好！.位於浸大嘅Bistro Bon喺7月15號已經結業，餐廳喺social media透露未來有機會喺尖沙咀再同大家見面～希望之後仲有得試佢其他嘅特色嘢啦！…查看更多

位於浸大由小小虫開既bistro bon唔洗學生都可以黎到既之前見過佢告急加上自己有野想慶祝所以特登幫襯下由九龍塘黨鐵站行過去都比較遠都要行成三四個字早幾日book左1930呢個時段星期五夜晚未坐得滿地方算大都幾多檯有個開放式廚房不過地下就痴lumlum好似好耐都無抹過咁餐牌都多野揀主菜可以再加68蚊配前菜,湯同野飲仲可以再減12蚊一份甜品環境一般不過我地兩個人坐四人檯就坐得好舒服送左兩件好普通既麵包是日餐湯OK既但有少少苦另一個前菜係溫泉蛋炒菌呢份口感幾特別我地主菜就訂左兩個隱藏menu威靈頓牛同西班牙海觧飯其實由確認訂位到入門口佢地都有勸喻過我地份量太多會食唔晒不過呢一日有紀念價值女朋友又一意孤行就交由佢發辦首先上既係威靈頓牛加埋一都成七舊水賣相唔錯不過都係有甩皮甩骨既情況出現其實之前都只係曾經係gordon ramsay海港城間餐廳食過一次呢個味道都可以但因為只有兩個人食每人三件真係食到第二件都開始濟另一個係西班牙海鮮飯menu係無既直到兩份都上晒檯我終於明白到點解佢地係咁不斷咁勸喻我地因為份海鮮飯真係好大份其實本身食威靈頓牛已經濟濟地不過既然一場黎到都叫左當然都係會清晒佢啦呢個海鮮飯都好足料比起牛係好食既但都真係二揀一就夠兩個都真係四人以上既份量黎開心嘛所以仲可以食埋甜品甜品有四款全部都唔貴我地一人叫左一款伯爵茶奶凍可以做到動L效果都唔錯另一個係tiramisu呢個樣好靚手指餅用黎點咖啡又得點蛋糕亦得其實後尾餐廳都爆爆地份量太多都食左成兩個半鐘呢度算係學生飯堂並唔係高級餐廳無時間限制亦都可以高談闊論女朋友就鍾意呢種地方多過米芝蓮餐廳唔洗避忌不過呢餐價錢當然係貴到hihi兩個四人份量既主菜跟一個set再加兩份甜品埋單差唔多千四蚊仲貴過去食米芝蓮味道方面唔算特別好食環境亦都有待改善當係支持下黃店聽講小小虫會開分店如果就腳d可以試下…查看更多

🇭🇰 < < Bistro Bon > > 💛威靈頓牛柳💰 [ $51-$100 ］👯 [ ~10mins ]📍 [ 九龍塘聯福道32號吳多泰博士國際中心地下 ] ______________________________ 1️⃣[ Beef Wellington 威靈頓牛柳 🥩 ］✍🏻一上碟，已經聞到好香嘅酥皮味賣相都相當吸引！酥皮金黃，花紋細緻清晰包裏住粉嫩色嘅牛柳酥皮內包左一層鵝肝醬，蘑菇蓉同火腿，菌香濃郁😍牛柳度控制得剛好，肉質鮮嫩🤩完全唔粗糙，充滿層次感，超級滿意！小提示：威靈頓牛柳需要提前預約～🌟推薦指數：9/10______________________________🥑整體嚟講🥚呢間黃店餐廳永遠都比到小編驚喜😍今次試咗佢嘅威靈頓牛柳，真係一試難忘 ～ 而且環境舒適，座位好闊落，食物又多選擇雖然餐廳位置有少少難搵到，但絕對值得一黎😜😋好味指數：9/10🏃回頭指數：9/10🔎🏷️ #letus九龍 #我要吃掉全世界 #letus多國菜系列 🔍▫️ #Yummyfood #hkrestaurant #fooddiary #hkblogger #hkfoodie #foodie #hkeats #foodshare #hkigfood #lifestyle #hkfoodstagram #hkfoodblogger #hkfoodblog #bubbcan #bbcan #hkbu #bistrobon #吃貨日常 #香港美食 #西餐廳 #九龍塘美食 #香港好去處 #香港必去 #威靈頓牛扒 #九龍塘好去處 #意粉 #hkuniversity 超級高質威靈頓牛柳🥸🥸please like n comment 🤩🤩…查看更多

講起威靈頓牛柳呢道咁經典既英國菜式，就會諗起Gordon Ramsay同謝檸檬🍋🤣，由於一直都好想試下，所以之前趁仲未禁晚市既時候去左間都幾多人推介既西餐試試佢，出奇地，呢間西餐竟然係浸大入面，仲要係黃店黎🤓呢到既威靈頓牛柳同好多餐廳一樣，都係要提早預訂先有既，我地嗌左medium，一上到黎已經幫我地切好晒，total 5大舊，拎起其中一舊見到入面呈現粉紅色，好吸引🤩 食落肉質好嫩滑，完全無筋，又唔會好鞋🤤 雖然傳統係夾左鵝肝醬係中間，但我就麻麻地呢個醬，有啲太鹹🤭，同埋個酥皮係切既時候都比較易甩。另外，佢仲配左醬汁同鹽比我地點，個人認為就咁加少少鹽就已經好夠味👍🏻 伴碟既薯蓉仲要好香牛油味，食落好smooth，成個菜式都好推介！☺️由於個威靈頓牛本身已經好大份，兩個人食都掹掹緊，所以嗌多份鵝肝多士就算。鵝肝好肥美好大舊，咬落油脂咇哂出黎，勁澎湃😋 食落仲帶啲啲鵝肝既甘香，多士烘到脆卜卜，仲有啲牛油香添，唔錯👍🏻（不過鵝肝呢樣野真係間唔中食一次就好了🤭）佢個湯同餐包係另嗌既，不過店員好好人咁送埋salami同Parma ham比我地做頭盤，味道都係鹹鹹地，正正常常咁。而個蘑菇湯就要讚下啦😀 皆因佢係由蘑菇粒煮成蓉，好足料好杰身，啖啖蘑菇肉👍🏻而餐包我就不嬲麻麻地啲硬掘掘既西式包，所以無咩comments，但佢係比cream cheese我地搽，感覺上好過搽牛油🤣最後，我地嗌左佢既自家製tiramisu作為結尾，本身朋友麻麻地tiramisu，但佢話呢到既tiramisu令佢對呢個甜品完全改觀左🤣 皆因佢個tiramisu食落勁幼滑好creamy，最緊要係食落唔會淨係得死甜，手指餅係另上，側邊仲有expresso 用黎點，食法好有趣😗總括而言，呢間黃店西餐真係好推薦！😆 野食味道整體都係中上，特別推介佢個威靈頓牛柳同埋tiramisu☺️ 至於個牛既性價比就唔算好高🤭 而餐廳環境夠大夠闊，坐得幾舒服，不過位置較偏僻，想食好西就要花啲時間搵下路啦🤣 …查看更多

本身只係諗住嚟支持下💛普普通通同朋友食餐飯😌但冇諗過食物真係好有質素！🤤平時冇打開食評都要特登讚一讚，好想推薦比大家食物: Ttl兩個人叫咗一個餐，share餐湯，唔係普通罐頭湯，材料切成顆粒，就咁睇相都睇到足料，有擺心思👌🏻前菜揀咗溫泉蛋黑松露野菌🍄小小一碟都唔錯同埋餐飲一杯+主角威靈頓牛柳外層酥皮食到最後一塊嘅時候都仲係好酥脆，包住鵝肝醬同黑松露，五成熟牛柳。就咁食個味都唔會好淡，所以建議第一口原味三層咁試咗先。配有醬汁同鹽，醬汁比較淡但係加埋多少少濕潤感，本人鍾意落少少鹽咁食，唔搶咗原先嘅味道又可帶返牛嘅鮮味。🧂黎餐廳之前都睇過相，見幾大份，所以兩個人食真係好夠！佢仲要有薯蓉，而且味道調得唔錯，食完咁多都仲會想食晒。加分係沙律菜，酸酸甜甜幾開胃，食肉嘅時候食一兩片可以中和下成碟好夾又豐富。甜品跟餐可以減$20，甜品款式小，但我哋揀左Tiramisu。原來佢將tiramisu入面三層元素分開左，最外層cream用玻璃杯裝住，最底果層蛋糕用咗餅乾代替，tiramisu點少得酒，佢分開左係日式酒杯中。食法好似朱古力手指餅咁，餅乾沾左酒再沾滿cream，好有趣又有心思！賣相仲好靚好啱打卡。性價比: 👫total食咗$740，覺得好合理，而且質素高🤩威靈頓牛柳嘅製作過程非常繁複同需時。🍄🥩🥧原來餐牌講明要預約先有，本來我同朋友都係抱住試吓叫嘅心態點知有，實在太幸運，可能當日(平日夜晚)人數都唔多。地點: 係浸大宿舍下面，九龍塘地鐵站出行15分鐘。沿途都係住宅區，算偏遠，真係唯一一個缺點。真隱世嘅西餐廳🤤各位要去支持下！😤💛💛💛💛💛…查看更多

我最愛黃店之晚餐介紹😆 情人節都要嚟食佢😋 告急呀！！！要多多支持🥺要預訂嘅菜式⬇️🥩Beef Wellington 威靈頓牛柳做法好正宗👍🏻 喺酥皮同牛柳中間用咗Ham同蘑菇蓉🤤 酥皮Keep到脆身！牛柳超厚身 肉質非常鮮嫩 好食到喊😭（圖中為5成熟）旁邊嘅薯蓉好香牛油味！！🦐🍝巨型虎蝦西班牙辣肉腸香蒜辣椒意粉份量好多！ 個人覺得都幾辣😅 虎蝦好大隻，肉質爽口 配上香蒜辣椒 好香口👍🏻 不過唔係幾夠熱～ 🥖前菜麵包一啲都唔Hea! 兩款唔同包，外脆內軟 塗上牛油食 正🤤…查看更多

去開九龍塘唔知食咩好，朋友介紹浸大校園既地中海西餐，真係無諗過呢頭會有好野食🤩。呢間餐廳環境幾舒服，坐位闊落唔使等位又可以靜靜地傾計，爽！✨主菜可以加$68升級套餐，先黎個餐包真係熱辣辣，芝麻包外脆內軟勁香口。長身麵包有d 似法包既質感，脆得黎煙煙韌韌幾得意。✨蘑菇湯好好飲👍🏻菇味好濃而且濃稠度啱啱好 ,仲有好多蘑菇蓉。✨三文魚他他：三文魚好香仲有d 黑魚子，白色底層好得意食到甜甜地又有d奶香味。加埋檸檬汁既味道，感覺幾清新。✨strawberry yogurt: 加$16 升級呢杯特飲， 味道甜甜酸酸幾開胃，鍾意佢味道唔會太甜。✨蕃茄羅勒水牛芝士pizza($108): 一客有6件，芝士同羅勒味都好香，簡單加埋蕃茄醬已經好好食。批底夠薄，批邊都好脆。✨威靈頓牛柳（$388): 個酥皮超正，薄得黎好酥脆，入面既蘑菇蓉好好味😍 .牛柳七成熟顏色夠粉嫩，食落勁軟腍多汁，仲可以配海鹽同燒汁，燒汁味道幾特別，有種炭燒既味道。✨薯條份量都夠多，粗身夠多薯仔肉，沙律都好新鮮。今餐無論食物同環境都好滿意，雖然位置有d 隱蔽同行遠d, 但係食得好舒服👍🏻…查看更多

#浸大入邊高質西餐廳聽朋友講浸大入邊有一間十分高質的西餐廳，於是找了一日特登入去食了一餐地中海晚餐！當日我倆到來之時，人流實在有限，港鐵提早停車停站，很多食肆生意不好，以這家餐廳為例，只有幾枱客人，而且店員更指會提早收鋪。我們都識做，立即就叫了兩款套餐 ($38)，好讓店家可以順利收工。Plus $38 for Add-on Daily Soup and Coffee/Tea首先是前菜。前菜有餐包和餐湯，餐包外形非一般餐廳常見，有麵包黑椒包和提子包；餐湯是忌廉湯，還有一些咖喱味。温泉蛋卡邦尼意粉 Spaghetti Carbonara with 63°C Egg ($128)常見的菜式，但味道殊不簡單！送到時香氣四溢。意粉份量則足夠，意粉都算入到白汁味道，還有温泉蛋，剛剛好的雞蛋和流心的蛋黃，流到白汁和意粉之上，增加口感，多了一分層次感。常見的菜式，本身也為醫肚打底，無太大期望，原來也可以做到如此美味，有驚喜！威靈頓牛柳 Beef Wellington ($388)威靈頓牛排是一道經典英國菜，將牛排塗上鵝肝醬，再蓋上酥皮烤焗而成。上好的牛柳，大火煎至半熟。包上一層有鵝肝醬的蘑菇泥，再包一層火腿後，用酥皮包裹並刷勻蛋黃液，入烤箱焗熟。焗出來的牛排，外層微焦、內層紅潤，一刀切開，放進口中，既有層次感，也不失牛扒的鮮嫩肉感，加上配菜和沙律，十分滿意。兩個套餐質素甚好，雖然餐廳位於校園之內，但質素絕對有保證，即使非浸大學生職員，也值得到來一試！…查看更多