更多
2014-02-10
5847 瀏覽
Happy Friday, 同事們興致勃勃話要食日式燒烤, 我哋一行三人喺冇訂枱嘅情況下, 只係等咗 5分鐘左右就可以入座, 真好彩!!餐廳環境高雅舒適, 充滿日本風情 ^^我哋三人都點咗伊呂波定食, 愛其包羅萬有~ 有刺身, 天婦羅, 前菜, 日式蒸蛋, 麵豉湯, 白飯 & 最緊要嘅燒肉! 燒肉方面, 我哋點咗兩個加大碼嘅牛肉 & 一個標準豬肉 ^^三色前菜嘅味道中規中矩, 但麵豉湯就好好飲 ^^ 湯裏除咗有蔥花之外, 仲有好滑嘅豆腐粒!! 日式蒸蛋亦蒸得恰到好處, 夠哂嫩滑~三色刺身好新鮮, 每款兩片, 份量啱啱好!!天婦羅有炸蝦, 蕃薯, 茄子 & 青椒 ^^ 炸粉唔厚, 粘上特製醬油一齊食, 味道好夾, 又唔覺油膩!!主角出場~ 加大碼嘅牛肉 ^^ 份量真係大咗一截, 而且肉質鮮嫩, 就算唔係和牛, 脂肪嘅分佈都好平均! 加上本身醃得好, 燒起上嚟好香, 唔易燶!!標準豬肉 ^^ 其實以一人份量嚟計都唔算少! 脂肪嘅分佈比較重, 似五花腩, 但燒完食又唔覺肥膩, 粘埋醬汁就梗加美味!!另外, 我哋點咗一份迷你鹽燒牛舌 ^^ 呢個就真係名符其實咁迷你, 一碟六塊, 每人分到兩塊
Happy Friday, 同事們興致勃勃話要食日式燒烤, 我哋一行三人喺冇訂枱嘅情況下, 只係等咗 5分鐘左右就可以入座, 真好彩!! 餐廳環境高雅舒適, 充滿日本風情 ^^ 我哋三人都點咗伊呂波定食, 愛其包羅萬有~ 有刺身, 天婦羅, 前菜, 日式蒸蛋, 麵豉湯, 白飯 & 最緊要嘅燒肉! 燒肉方面, 我哋點咗兩個加大碼嘅牛肉 & 一個標準豬肉 ^^
三色前菜嘅味道中規中矩, 但麵豉湯就好好飲 ^^ 湯裏除咗有蔥花之外, 仲有好滑嘅豆腐粒!! 日式蒸蛋亦蒸得恰到好處, 夠哂嫩滑~ 三色刺身好新鮮, 每款兩片, 份量啱啱好!! 天婦羅有炸蝦, 蕃薯, 茄子 & 青椒 ^^ 炸粉唔厚, 粘上特製醬油一齊食, 味道好夾, 又唔覺油膩!! 主角出場~ 加大碼嘅牛肉 ^^ 份量真係大咗一截, 而且肉質鮮嫩, 就算唔係和牛, 脂肪嘅分佈都好平均! 加上本身醃得好, 燒起上嚟好香, 唔易燶!! 標準豬肉 ^^ 其實以一人份量嚟計都唔算少! 脂肪嘅分佈比較重, 似五花腩, 但燒完食又唔覺肥膩, 粘埋醬汁就梗加美味!! 另外, 我哋點咗一份迷你鹽燒牛舌 ^^ 呢個就真係名符其實咁迷你, 一碟六塊, 每人分到兩塊, 都可以接受嘅! 牛舌好爽, 醃得好入味, 灑上少少檸檬汁一齊燒, 食落好醒胃 ^^ 食飽飽準備埋單, 侍應送上免費嘅甜品 - 雪呢拿雪糕 ^^ 雪糕嘅奶味比較重, 仲見到少量嘅雲呢拿籽, 好有自家製嘅感覺, 正~ 哈哈, 食埋個雪糕, 真係飽到要捧住個肚走, 但感覺又好清新, 一洗烤肉嘅熱氣, 冇得彈!! ( ̄∇ ̄)
張貼