炑八韓烤 (瓊華中心)

營業中

休息中

當晚恒生信用卡套餐有半價優惠，家姐請食飯！好似半價左都500幾600蚊埋單。（2人餐）粟米芝士同埋泡菜蛋係任食嘅，粟米芝士正，但我唔係好明點解泡菜係加蛋個套餐入面我覺得有幾塊細嘅牛肉都幾好食嘅，豬頸肉都靚，雞有雪味...不過韓式燒烤好有鑊氣咁樣炒埋一碟..覺得好似大排檔嘅質素咁..大塊果d牛似炒牛仔骨，唔係唔好食，但係個價錢好貴...除咗嗰幾塊小牛肉之外，最好食嘅係佢嘅大蝦！好爽口彈牙，香口，蝦膏都忍唔住要啜埋佢。有樣嘢覺得呢度唔係咁好嘅，因為佢冇地方擺袋，咁放左個袋係張凳度，職員係我哋落完單之後直接拎起咗我哋個袋放咗個餐牌係底..我覺得冇乜禮貌..

再次同chicken食炑八韓烤~yeah~自從上次食過尖沙咀果間之後，今次一見旺角新開張當然要黎捧場！我地又要變成食肉獸去不停食烤肉～環境唔錯都幾大，但比尖沙咀既細小小，坐位都幾多，因為早左黎所以我地可以坐卡位～同樣嗌左一個烤肉頂級二人套餐，肉既種類同尖沙咀既有啲分別，所以當然要試下睇下有咩唔同喇我地既烤板已經準備好了～等待期間就先食下前菜開開胃，有沙律同埋一啲泡菜小食蔬菜新鮮，配上胡麻醬，酸酸的好開胃，另外既小配菜唔單只就咁食，配合埋烤肉一齊食會更加美味我嗌左杯士多啤梨梳打，感覺有啲伏，好似藥水味唔太建議點既飲品炑八牛肋骨，牛味好重，而且燒得好香，兩人可以食到好多塊，加上其他配菜一齊食更加好食～厚切牛舌，厚得黎有點難咬開，因為CHICKEN中意食，所以好快比佢食晒XD牛小排，非常好食！經過一段時間既腌製，燒起左佢係非常香口～而且醬汁同牛既味道濃郁，配搭得極之好食～讚！大八爪魚，需要剪開腳黎燒，都幾殘忍XD八爪魚好煙韌，而且會食到微微既泡菜辣味厚切五花腩，用白蘿蔔片包住五花腩食會更加香口！依個食法係店員教的，蘿蔔片既爽脆又食到五花腩果種香口感，令原本既油膩感減至最少，味道更加昇華，實在