御膳

這間擁有13年歷史的私房菜位於觀塘敬運工業大廈，主打手工粵式海鮮料理，由經驗豐富的主廚掌舵，每道菜均用心烹調，堅持選用每日新鮮到貨的生猛游水海鮮—「不時不食」，明碼實價且價錢相宜。店內環境寬敞舒適，裝潢採用中式為主，牆上張貼不少影視名人曾光顧的合照。晚市時段設有二至十二人套餐，豐儉由人，更可按預算及口味設計菜單，小朋友不強制計人頭，可另加小菜或飯麵，適合家庭聚會、公司晚宴及團年春茗等。全日免開瓶費、免切餅費及免加一，自備酒水更可提供冰桶、酒杯及食用冰；代蒸壽桃包亦免費；完成指定任務可免費換汽水。兩位用設計菜單 - $1180滷水鵝肝鵝腎(慶祝生日送，不限正日)鵝肝在滷水中慢燉入味，粉潤細緻好綿密，入口有微微化開，有濃郁的鵝肝香氣；鵝腎保持煙韌有勁，兩者均充滿滷水香料的風味。脆皮玻璃乳鴿1隻採用炸子雞方式，重複以油澆淋上乳鴿身，外皮烤得薄如蟬翼，色澤金紅油亮，薄脆不膩，裡面的鴿肉卻依舊嫩滑多汁，帶著淡淡的鹹香與脂香，越嚼越香。白胡椒韭黃炒鱔柳(例牌)全新菜色，一片片鱔柳結實彈牙有嚼勁，處理得極為乾淨而不腥，大火爆炒帶有鍋氣與焦香，自家研磨白胡椒的香氣更濃鬱立體，韭黃鮮嫩多汁，鹹鮮中帶著微微辛香。芝士龍蝦(12兩)肥美飽滿的龍蝦緊密有嚼勁富彈性，鎖住豐富的肉汁好鮮甜，金黃色的芝士有微微拉絲，完美融合醇厚香濃。蒜蓉粉絲蒸大元貝(2隻)大元貝的貝肉碩大飽滿，質地緊實彈嫩，充滿著鮮甜的汁水，蒜蓉的香氣完全釋放，粉絲吸飽了蒜蓉醬汁與貝肉的鮮汁，軟糯入味且鮮香十足。士多啤梨骨排骨炸得外酥內嫩，肉質軟腍多汁而不柴，均勻裹上酸甜的士多啤梨醬汁，不僅中和排骨的油膩感，還增添了果香的清爽，甜而不膩、酸而不澀。蒜蓉炒時菜新鮮翠綠的小棠菜纖維細緻，清脆帶有甜味。蟹油銀芽炒麵麵條炒得乾爽彈牙，有蟹油獨特而濃郁的鮮香，銀芽脆嫩爽口增添層次感，鮮香十足又不油膩。抹茶奶凍質地細膩嫩滑得入口即化，清香淡雅的抹茶帶微微的甘醇，甜度剛好而不膩，奶香味與抹茶味平衡得恰到好處，撒上酸甜有嚼勁的無花果乾，清爽解膩。…查看更多

同屋企人黎食另一間位於觀塘嘅私房菜呢間喺觀塘已經屹立11年🔥預先同師傅溝通好想食嘅菜式，等佢可以早一日準備▶️ 醬香茅台滷乳鴿 ($98)近期興用茅台，估唔到可以用嚟整乳鴿，有夠創新茅台味好重，香而不苦澀，有啲似花雕醉雞嘅味道👅乳鴿涵得入味，肉質比雞肉實身，嫩滑唔鞋，帶少少油香▶️ 冬瓜瑤柱海鮮羹 ($148)成大煲好足料，可以分到六滿碗 (我哋每人飲咗兩碗)每啖都充滿鮮蝦、帶子、蛋白、冬瓜同瑤柱絲🦐湯羹唔會太杰，鮮蝦爽脆，蛋白幼滑尤其鍾意冬瓜，切成粗條狀，咬落有質感而非爛蓉蓉👍🏻▶️ 香煎龍蝦 ($380)食開上湯或芝士龍蝦，今次試試香煎一嚿嚿開邊龍蝦，啖啖肉，唔使用鉗都食到龍蝦斬件，都有6-7大件香煎之後外層脆口🦞可連殼咬，好似食緊脆卜卜零食咁除咗食到龍蝦鮮味，仲食到香蒜味😋香脆可口▶️ 蒜蓉粉絲蒸蟶子皇 ($56x3)蟶子皇好長好大條，長過手指入口爽彈唔韌，仲好新鮮面頭加咗大量蒜蓉、香蔥、炸蒜、芫荽🤤超級香口惹味有趣地粉絲放底，可以朔盡油香▶️ 招牌極黑豬叉燒 ($168)極黑豬= 黑毛豬，係靚豬肉🐷叉燒入口鬆化軟腍，只帶少量肥膏完全唔韌冇筋最出色係有炭燒香味，唔需要靠豉油或蜜汁調味🏅係食過數一數二嘅叉燒，超出燒味舖水準嚟到必定要試呢個！▶️ 士多啤梨骨 ($120)係童年回憶，唔係好多地方有排骨好大條 (外國spare ribs size)，因為炸過所以外脆內腍，似咕嚕肉然而每條骨都多肉士多啤梨醬汁酸酸甜甜🍓用果jam，黏住排骨非常夠味好特別嘅一道菜式，值得一試▶️ 醬香乳鴿菌皇炒飯 廚師推介，新款菜式❗️先起煲嘅外圍淋上茅台酒，再焗2分鐘左右，等炒飯完全朔入茅台(一支茅台都成千幾蚊㗎😮好重本)炒飯本身有松耳菇、芋頭粒、切碎乳鴿，好多料松耳菇同一般冬菇唔同🍄‍🟫食落爽口又香芋頭粒外層焦香，入面夠粉，唔太食芋頭嘅我都覺得幾好食且夾味💜乳鴿同上面嘅醬香茅台乳鴿味道一樣，只係再多肉啲炒飯飯粒粒粒分明，乾身得來好好嚼口🍚帶啲Q韌度調味到位，天然菇味加上乳鴿鹹香，又有少少似荷葉飯嘅味道😋整體好有鑊氣，令人想一啖接一啖咁食咁大煲飯，每人分到兩至三碗唯獨是乳鴿帶骨，食得有少少尷尬🙈▶️ 送甜品當日甜品係抹茶奶凍，超級「動L」🫨布甸分三層: 上面係抹茶奶凍，中間係原味(食到煉奶味)，底部係大量抹茶粉因而抹茶味道夠濃，甜中帶少少苦質感似啫喱，應該係魚膠粉多簡簡單單一個甜品作結味道唔錯-食物有水準，無論係肉類、海鮮、炒粉麵飯都拿捏得好好👍🏻✨最有驚喜係黑毛豬叉燒、香煎龍蝦✨環境OK，靜靜地好似包場咁 (當日旁邊都有另一台客人，應該係公司同事放工聚餐)只有一位服務生🧑🏻‍💼幾有禮貌上菜有次序，見你接近食完一度先上另一度，之間又唔使等好耐性價比高，大概$450/ 人份量超足，食到超飽🤰🏻仲免開瓶費、切餅費、加一 (只有$4/位茶價)，慶祝生日、搞公司活動、家庭聚會啱晒有興趣可以whatsapp或打電話去約 (9222 8210)📞…查看更多

家母大壽，和她去觀塘食私房菜。餐廳在工業大廈內，位置隱秘，不過師傅是粵菜高手，又常有新菜色，還可自編菜單，加上不收酒類開瓶費，所以我們在過時過節都會嚟食飯。今晚點了幾款海鮮，都是媽咪喜歡的。.白胡椒爆炒南非鮑魚用辛辣的白胡椒配搭新鮮的南非鮑魚，味道相當夾，在爆炒中發揮了鮑魚的最大風味。鮑魚肉質肥美彈牙，每一口都能感受到它的鮮甜鮮美。東星斑二食東星斑肉質細膩鮮甜，起肉炒球口感滑嫩鮮美；而將魚骨炸成椒鹽小吃，酥脆可口。上湯龍蝦斬件新鮮龍蝦肉質飽滿彈牙，簡單的上湯煨煮，更能凸出龍蝦的鮮味。蒜蓉粉絲蒸蟶子皇新鮮肥美的蟶子皇，與惹味的蒜蓉醬融合。粉絲吸收了蟶子的鮮美汁液和蒜蓉的香味，清新爽口，又充滿層次，回味無窮。士多啤梨骨酸甜的新鮮士多啤梨搭配嫩滑可口的排骨，顏色艷麗，食到啜手指。大澳蝦醬生啫通菜鹹香惹味，充滿大排檔風味。猴頭菇藥膳瘦肉湯湯底濃而不膩，飲一啖，滿口生香，喉嚨舒服，媽咪大讚。…查看更多

「里想煮意」今日有個小學同學聚會，為咗隆重其事，同學仔特別揀咗呢間私房菜同大家一齊試食。由工廠地下到坐𨋢到去到餐廳門口嘅過程雖然都有啲殘舊，但係食物確實有點驚喜，大部份都不是平時酒樓食到嘅菜式，同埋食得出係用心製作。我哋今次寫咗嘅菜單，包括：- 鹵水拼盤- 蒜蓉粉絲蒸大蟶子皇- 流沙黃金大海蝦- 花膠響螺煲雞湯- 大肉蟹- 士多啤梨骨- 上湯浸時菜- 古法八寶鴨- 荷葉龍躉球蒸飯- 水果盤埋單每人$550 ，不過大家都食得好開心，大大碟，大家都食得好飽🥰…查看更多

逢星期六日都在觀塘做運動🥊嘅我 本周日因為約咗在朋友家團拜,又因晚上與家人飯聚便無法去打拳😂 繼續在新年期間… 食食食🍴－行9⃣️人 搵來搵去都係在觀塘，呢間私房菜最吸引我嘅食材就係芝士龍蝦🦞和蟶子😋😋😋真心講～ 必食！個碟芝士龍蝦下面還有炸面傳上來簡直像－座龍蝦山😍😍🤤🤤其餘還有魚頭豆腐湯 飲得出不味精、士多啤梨骨、芒果大蝦沙律、白胡椒南非鮑魚、麻辣鹵水拼盆、🦀油炒面、百寶鴨、西蘭花炒花之片等等都好美味出色只是唯一做錯左－味原本要花凋洒蛋白蒸龍躉球 變咗蒜蓉粉絲蒸，有少少失望！但總括用料上乘十足 新鮮，味道和外觀都唔錯👍🏼…查看更多

同長輩聚餐，最穩陣都係食中菜，朋友介紹呢間，就黎試下。龍躉骨雜菌豆腐湯用魚骨熬湯，魚湯味濃。滷水鵝滷水味突出，鵝肉肥瘦適中。麻辣滷水拼盤有牛肚、豬腸、雞絲、青瓜，麻辣味都唔錯。芝士花龍蝦配脆麵龍蝦新鮮，肉質彈牙，脆面炸得唔錯，夠脆但唔會油膩。蒜蓉粉絲蒸蟶子皇蟶子都幾大隻。金銀蒜蒸龍躉腩將生蒜同炸蒜加埋一齊蒸，更將龍躉鮮味突出。士多啤梨骨肉既部分都多，酸酸甜甜，配飯一流。上湯浸時菜簡左西蘭花，清清淡淡唔錯。蟹油銀芽炒麵炒麵色水唔錯，味道正常，鑊氣都夠。…查看更多

早排新聞有單爆疫餐廳，我誤以為就係呢間，之後朋友講起先知唔係！讀音一樣，但寫法唔同！招牌都唔同！😆呢頭講完個頭就有人話去食嘞～🤤呢個前菜應該係每枱必食！滷水夠入味！麻辣惹味～🔥打開味蕾簡單而美味☺️哇！巨蟹座駕到！勁大隻！烹調方法可選，上次揀花雕蛋白蒸，今次試薑蔥～惹味！啖啖肉～上次蟹用花雕蒸蛋白底，今次就蒸龍躉～～上枱個陣酒香撲鼻～蛋白好滑加魚又好滑～小心滑～士多啤梨骨都係每次必食嘅～酸甜開胃～啲豬肋骨大大件～肉質腍～👍🏻厚身花菇/鵝掌隻隻入味，調味適中！…查看更多

我地一家平時就比較鍾意食中菜，屋企人生日冇理由唔揀間好食嘅中菜，於是揀咗觀塘呢間御膳😆大蜆什菌豆腐湯（魚湯底）- 蜆肉真心大大粒，豆腐滑嫩，什菌爽脆，最有亮點嘅係個魚湯底好鮮甜，簡直係一流🥰蔥油雞- 雞件鮮美嫩滑，配埋簡噴噴嘅蔥油真係冇得彈，停唔到口啊😜香煎花龍蝦，一開二- 花龍蝦更加係重頭戲，龍蝦肉雪白，咬落彈牙，表面仲煎到香噴噴，正啊🤤花膠扒羊肚菌- 花膠一向都係女士恩物，養顏一流，食落軟滑有咬口，而羊肚菌又可以增強抵抗力，吸晒醬汁嘅精華，簡直係所有靚靚食材集於一身 ☺️荷香龍躉球蒸飯- 蒸飯都好驚艷，荷葉香滲透飯粒，龍躉新鮮爽口，兩者完美融合，好味到食咗兩小碗😆上湯浸時菜- 上湯香濃，時菜吸收晒啲精華，而且質感爽脆，好refreshing 😍士多啤梨骨- 呢道菜都好有質素，排骨沾滿濃稠嘅士多啤梨醬汁，酸甜醒胃，一啖接一啖，餸飯一流👍🏻所有餸菜都好高質，成餐「御膳」咁，真心推薦鍾意中菜嘅一家大細嚟食♥️…查看更多

除夕夜搵咗間隱藏係工廠區嘅私房菜試吓。老實講，環境就一般。外表就同一般工廈飯堂差不多。入面裝修就係好似舊式酒樓咁。但始終都係嚟食嘢。食物好食最緊要。今次叫咗一個二人套餐。 香芒沙律大蝦球2件東星二食，養魚（椒鹽骨，起肉炒球）什菌豆腐大蜆湯白胡椒爆炒南非鮑魚2只蒜蓉粉絲蒸蟶子皇2只士多啤梨骨經典富瑤炒飯（鮮南非鮑魚， 瑤柱 ，金華火腿，沖花，加上秘製醬汁製作而成）碧綠炒花枝另送:甜品 - 芒果布丁 全單＄9682位用，免加一 成個套餐裏面除咗士多啤梨骨比較普通，唔係太入味。其他嘅食品基本上係超額完成✅。味道非常之好食。最驚喜嘅係東星班二食。最初我都有啲擔心椒鹽骨會唔會太乾？但係出嚟嘅效果非常之好，仍然食到魚肉嘅嫩滑質感，肉汁仍然係度。 …查看更多

𝙘𝙝𝙚𝙘𝙠 𝙤𝙪𝙩 𝙩𝙝𝙞𝙨 𝙝𝙞𝙙𝙙𝙚𝙣 𝙘𝙝𝙞𝙣𝙚𝙨𝙚 𝙧𝙚𝙨𝙩𝙖𝙪𝙧𝙖𝙣𝙩 𝙞𝙣 𝙠𝙬𝙪𝙣 𝙩𝙤𝙣𝙜! 𝙞 𝙡𝙤𝙫𝙚 𝙩𝙝𝙚 𝙨𝙬𝙚𝙚𝙩 𝙖𝙣𝙙 𝙨𝙤𝙪𝙧 𝙛𝙡𝙖𝙫𝙤𝙧𝙨 𝙤𝙛 𝙩𝙝𝙚𝙞𝙧 𝙧𝙞𝙗𝙨 𝙞𝙣 𝙨𝙩𝙧𝙖𝙬𝙗𝙚𝙧𝙧𝙮 𝙨𝙖𝙪𝙘𝙚. 𝙢𝙚𝙖𝙩𝙮 𝙧𝙞𝙗𝙨 𝙬𝙞𝙩𝙝 𝙛𝙧𝙚𝙨𝙝𝙡𝙮 𝙢𝙖𝙙𝙚 𝙨𝙩𝙧𝙖𝙬𝙗𝙚𝙧𝙧𝙮 𝙨𝙖𝙪𝙘𝙚, 𝙘𝙖𝙣 𝙮𝙤𝙪 𝙧𝙚𝙨𝙞𝙨𝙩?😝.平時間唔中都會想食下中菜，位於觀塘工廈嘅御膳私房菜有幾款套餐提供，什菌豆腐大蜆湯湯底鮮甜，入口絲滑，仲有大大隻海蜆同滑豆腐，冷盤麻辣手撕雞好重麻油香，爽脆青瓜絲加上芫荽根，開胃醒神，另外潮州鹵水鵝好入味，五香味十足，鵝肉肥美鬆化份量仲好多！之後到重頭戲有一系列嘅海鮮，白胡椒爆炒南非鮑魚超惹味，肉質彈牙，重口味得嚟唔會死咸，送飯一流！蒜蓉粉絲蒸蟶子皇面頭鋪滿生蒜片同炸蒜，墊底嘅粉絲索哂豉油香好食到不得了😝 蒸東星班平啲就食得多，生煎又真係第一次，口感外焦爽嫩細膩，配上煎魚豉油又係勁好送飯，另外士多啤梨骨上枱已經聞到濃濃嘅士多啤梨香味，酸酸甜甜咁襯托出肉排香氣之餘又解膩，最後蟹油銀芽炒麵鑊氣十足，炒得乾身唔油膩，食埋甜品真係要捧住個肚走～…查看更多

星期六晚同男朋友黎左食飯，2個人真係叫吾到幾多，尤其係海鮮， 建議多啲人嚟食先做到開心share。首先我地點了椒鹽豆腐。 冇諗過豆腐唔係細細粒嗰隻，而係甘大件，但一樣做到皮脆豆腐滑， 味道同出面食ge一樣甘好，但就冇得一啖一粒。另外仲叫咗個士多啤梨骨， 個醬汁調得幾好味，骨都好入味，但我咬到好攰😂😂😂最後叫咗個荷香龍躉球蒸飯，上菜見到勁大個籠，份量都吾細，個炒飯底好正，好有蒜香味，龍躉肉大大舊，但我覺得佢冇連埋塊荷葉一齊蒸，因為冇咩荷葉味，或者佢只係裝飾?…查看更多

呢間私房菜絕對係食完會回頭，連揀飲擇食嘅人都係咁話好味😋好好食，食完仲排名邊碟最愛，証明大家真係食得好開心～♥️🌟上菜紙～仲有其他正嘢，詳情向店員查詢🤣店員好細心，見有個中童，問辣度需唔需要減👍🏻開胃前菜～睇顏色已覺滷得入味！色靚味道啱，夠淋！中間麻辣青瓜雞絲惹味～大大隻蟶子，每人一隻～蒜蓉豉油汁較得好好味😋蒸得剛好，無砂唔韌🤩上枱引來哇哇聲～龍蝦有得揀🧀芝士/上湯/🧄蒜蓉我細細個已經一吃愛上芝士龍蝦🦞，所以三秒決定咗芝士，唔該～龍蝦新鮮，肉質爽口彈牙！啖啖肉～個芝士汁驚喜喎～用嚟撈脆麵，有韓風feel😆好好食呀～～～讚到不得了，入口軟腍入味～除咗好食，就係好好食，佢係我全晚三甲之選～🤩例牌份量都唔小👍🏻龍躉腩多肉骨小，平時唔食魚嘅人都一口接一口，令我對「揀飲擇食」一詞重新認識揀飲擇食：揀好食嘅嚟食😆而家睇相都流緊口水🤤小小酸味味～士多啤梨🍓香甜味～🌸少女感覺看似普通，但因為成餐得呢碟菜，所以都好受歡迎😆個上湯都幾好飲😋蟹油炒麵，香～估唔到阿中童讚不絕口👧🏻♥️最無驚喜係佢😆正常芒果布甸仲好細杯⋯吊人胃口～可唔可以大杯啲呀🤣🌟🌟🌟🌟🌟🌟🌟🌟🌟總結🤩大㕑用心製作，我地用清碟嚟表達對大㕑嘅讚美！♥️多謝大㕑完美烹調食材！👍🏻食物以位安排，份量絕對夠！🧑🏻店員個個上菜都笑笑口，溫柔有禮，唔似酒樓個啲無表情😆…查看更多

很久沒有去飲宴， 也不能夠一班親朋戚友上酒樓聚餐， 突然好想食中菜， book了 觀塘商廈中的私房菜-- 御膳。私房菜收費以每位計已包加一，茶芥， 價錢亦隨著唔同人數有所不同， 可以參考網上嘅餐牌睇吓菜式啱唔啱食， 私房菜好處就係可以同餐廳溝通 為你設計專屬菜單～我們一行四人 ，齊人就上菜😋。揀了『花膠扒羊肚菌餐』 每位$360免加一前菜：麻辣鹵水拼盤走辣一樣咁惹味， 鹵水甘香，唔會太鹹， 而且仲帶點點麻香， 提醒我本來這是麻辣的～牛肚薄薄的夠爽入味，唔韌～麻醬青瓜雞絲， 醬汁調教得恰到好處。鹵水大腸， 有薄有厚， 好入味。😋大蜆雜菌豆腐湯蜆肉好鮮甜， 湯底似以魚和豆腐熬成湯，很清甜， 無添加味精，配合雜菌和豆腐， 豐富美味，每人喝了兩碗有多！薑蔥炒肉蟹選了這個最傳統簡單做法， 突顯肉蟹嘅鮮甜。 四月不是蟹的當造季節，未見爆膏爆肉嘅情況， 還好大廚用秘製醬油爆炒得特別惹味， 薑蔥尤其盡吸蟹嘅精華。 依然係最舐舐脷嘅海鮮菜式！薑蔥炆龍躉腩肉夠厚，連着腩位入囗盡是魚香， 龍躉肉泡過油也特別香口！蒜蓉粉絲蒸聖子皇火喉掌握得好好👍👍， 肉質鮮甜爽嫩。 要知道蟶子蒸過少少時間已經唔爽， 經驗好重要。 墊底嘅蒜蓉粉絲超級好味！士多啤梨骨端上檯已傳出濃香的士多啤梨味， 味道唔似使用人工調味劑， 有天然嘅果香， 襯托出肉排的味道， 薄薄的一層令肉排色澤光潤，咬落仲堅有肉汁～😋花膠扒羊肚菌比較欣賞佢嘅蠔油味唔會好重， 能夠真正品嚐到 羊肚菌獨有嘅菇菌味， 花膠介乎爽同膠質中間， 唔算係去到扒嘅級數不過都係俾足料！蟹油銀牙炒麵好有鑊氣， 邊條好幼細， 難得仲夠爽唔會黐埋一達， 充滿醬油銀牙香，巧手製作👍， 食到九分飽大家都可以 九秒九K.O. 了。甜品是芒果布丁， 配合花奶夠滑夠香甜。各種菜式水準不俗， 各人都吃得非常滿足， 開心傾吓食吓又一個晚上。😍…查看更多

中秋節同家人過節，多數都會選傳統中菜，而一般酒樓都比較多人同吵雜，所以今次就打算試私房菜，一搜尋就發現呢間隱身係敬業街水準不俗的粵式私房菜 - 御膳，主打手工菜及新鮮海鮮菜式，最少訂二人套餐，平均四百元一位，私房菜來說並不貴，甚至我覺得是物超所值－－－－－－麻辣手撕雞一份非常開胃既前菜，雞絲同青瓜比例接近一比一，青瓜口感清爽夠味，雞去皮不油也不膩，肉質鮮嫩，醬汁麻辣有勁，愈食愈滋味，慢慢開啟了我的味蕾迎接餘下菜式什菌大蜆豆腐湯什菌湯非常足料，滿滿湯渣，幾款食材本身味道較清淡，反而更能突出什菌原味同埋大蜆鮮甜，隻隻脹卜卜而冇沙，每一啖湯都係精華，沒有添加味精，住家味道花雕雞油蛋白蒸大肉蟹預約前店員有問大肉蟹烹調方法，可選花雕雞油蛋白蒸、避風塘炒、薑蔥炒、胡椒炒、四川香辣炒，我就選了蛋白蒸，原汁原味的做法，蟹的鮮味跟花雕酒香非常搭，酒味不重但有陣馥郁芬芳，甘香但唔會搶過蟹的味道，上菜時還原原隻大肉蟹擺，十分霸氣，蟹肉質飽滿緊實，蟹鉗厚身實淨，拆出來啖啖肉，不得不提第二主角蛋白，蒸得嫩滑，完全吸哂蟹既精華，清甜美味白胡椒香爆南非鮑魚擺盤精緻，未食已經聞到白胡椒香氣，辟去鮑魚本身的腥味，而鮑魚紋理同形狀都好靚，軟韌度剛好，不用刀叉也能輕易食用，食落鮮嫩彈牙且很入味，胡椒氣味陣陣散出，少少辣幾惹味，非常值得慢慢咀嚼細味流沙黃金蝦很經典同時又很邪惡的一道菜，蝦頭至蝦尾連蝦殼都食得，每隻蝦炸得脆卜卜鬆化，厚厚鹹蛋醬附在蝦殼表面，呈流沙狀態，非常濃郁，而且火候控制得宜，蝦肉保持鮮嫩，蝦頭仲有膏，幾有驚喜士多啤梨骨士多啤梨骨外型相當吸引，腩排有輕輕煎炸過，醬汁濃稠沾滿腩排，有士多啤梨天然甜香同時又有酸的味道，具有醒胃效果，同時亦可以去除豬肉的油膩感，不過肉有點太大件，難進食同埋腩排都偏肥蟹油銀芽炒麵炒麵非常考驗師傅夠唔夠鑊氣，炒麵炒得乾身且不油膩，鑊氣十足，麵條軟硬適中，仲有不少芽菜，不過蟹油味欠奉，有點可惜蒜蓉炒時菜芥蘭保持清脆碧綠，清脆而不韌芒果布丁甜品不時都有變，店員事前有講要看師傅當晚的預備，可能會安排雲呢拿布丁/芒果布丁/芝士布丁或椰汁紅豆糕，而我當晚是吃芒果布丁，有芒果香甜，仲有藍莓做點綴…查看更多

母情節晚飯，叫了「御膳」的到會。滿$2000就免費送上門，值得稱讚既係保溫做得好好，打開黎既時候仲好熱。 士多啤梨骨真係好好食，一D都唔酸，甜甜地，幾開胃。古法豉油雞肉質好滑，好入味，正！東星有二食，芥蘭炒球同椒鹽骨。不過條魚有D多骨…薑蔥炒大肉蟹好入味啊…查看更多