很多人抗拒甜品的原因是怕「甜到封喉」的感覺，但我認為這兩個士多啤梨系列及日式雜錦輕食這兩個Tea Set正好符合這班「非嗜甜」食客。事關兩個Set感覺清新，配上自日本直送的生果去呈上立即中和整體甜度及提升另一種精緻既味道及口感。約了朋友在朗豪坊辦公大樓的扶手電梯旁等候再一同去搵位，【iCREMERiA】可以選擇坐室內或室內，但入面較為涼快我們選擇坐室內，室內佈滿花花佈置，影相不錯的。不過當日人流滿滿，門口大排長龍，我們等了一會才有位置。仲有一個專係比人打卡既位置添。呢度屬半自助形式，出去counter點餐order，Cafe有多款全新甜品不過【iCREMERiA】出名軟雪糕，令人印象深刻的，就絕對是半個蜜瓜配上日本軟雪糕吧。所以毫無考慮地選擇一定要點雪糕。另外朗豪坊是首間Cafe，有蛋糕及日式傳統糕點之外更有鹹點如意大利粉、沙律及三文治等。見到很多非常精緻既蛋糕呢。繡球花忌廉水果蛋糕、玫瑰伯爵茶忌廉蛋糕等等，完全攻陷少女心呢。付款後隨後店員就會為你送上食物。.🔹期間限定士多啤梨系列-士多啤梨海綿卷輕食 $158入面分別有，「士多啤梨海綿卷＋日本amao士多啤梨＋士多啤梨白朱古力＋Latte」日本Amao士多啤梨，產地Origin: 福岡Fukuoka 呢個set原料簡單，但指明產地，確保每粒士多啤梨都有穩定嘅甜度同埋紅潤嘅色澤。甜香柔軟每一口的很清甜，愈吃愈高興。士多啤梨海綿卷淡淡的香，較為清新最重要是有足夠的鬆軟，忌廉滑而不膩。配上雪糕一起吃，更是甜在心！食完士多啤梨海綿卷都唔覺得肥膩。仲要在旁的白朱古力呢個真係勁甜，雖然口感係唔錯但係用其他朱古力代替會更加好。最後加埋杯冰凍飲品，完美地結束呢個期間限定套餐。果然日本🇯🇵空運到港既生果果然風靡了不少香港人的味蕾啊。🔹日式雜錦輕食Set $198雜錦Set內容豐富，可以兩個人share。入面有「白玉丸子配栗子紅豆、抹茶味mix牛奶雪糕、抹茶芝士蛋糕、日本奇異果和日本哈密瓜、牛油果三文治、抹茶大福及抹茶拿鐵」。每件精緻小巧。**抹茶拿鐵，一杯熱呼呼的拿鐵是許多人在寒冬或放鬆時的心靈慰籍，整體抹茶味不錯，但奶味較重。**抹茶大福，本身很愛大福也愛吃十勝紅豆，因為特別有咬口，外表深色的抹茶大福，每一啖都是茶味呀！煙煙韌韌，包著白豆泥，但我認為整體味道是濃郁的但有點過甜。**抹茶芝士蛋糕，芝士味比抹茶味要突出，口感軟身，食到最後有點膩，但甜度剛好，挺好吃的。**抹茶味mix牛奶雪糕，抹茶口味香濃甘甜，雪糕很軟身香滑，牛奶味較出，如果是純抹茶雪糕都應該會很好吃呢。因為勝在用料亦講究吧。**白玉丸子配栗子紅豆及日本奇異果和日本哈密瓜都很甜，栗子紅豆質感，沒有煮得爛，保持粒狀，味道就較其他甜品甜一點，白玉粉做成的湯圓即白玉丸子淡淡的配上甜既栗子紅可以加以平衡。一個日本Tea Set都是必然會有紅豆配上白玉，因為是簡單又日式的甜品。 **牛油果三文治則沒什麼特別，一小口再兩個人Share，可以作為甜品既中途站吧。這個set整體偏甜膩喔，一個人吃會太飽兩個人Share剛好。作為下午茶聊聊天，兩個Tea Set各有千秋。沒有那一款會更好。不過真的很欣賞它們的甜品，用料講究，擺盤亦都好靚。果然是融合意大利風格及日本既精緻。相信甜品控又多個好去處了！…查看更多
研究完一輪餐牌見到佢嘅Tea set出咗新野——士多啤梨海綿卷輕食，淨係聽到士多啤梨都知道係衝着少女而黎㗎啦
而且仲要寫住「期間限定」，呢四個字傳送到大腦神經已經確定要試吓啦！
呢度首先去收銀處落單，之後店員就會送餐。不過唔知係咪假日比較多人忙碌啲，店員嘅服務態度似乎未算殷勤有禮，如果可以稍作改善會更好
Tea set係一人份量，分別有一個士多啤梨海綿卷、一杯士多啤梨白朱古力雪糕以及一杯餐飲。不過其實兩個人一齊食都可以分享喜悅同埋甜蜜滋味
首先要講下個士多啤梨白朱古力雪糕，唔知咩原因好似比薩斜塔咁:(影唔到佢靚仔嘅一面，不過味道搭救返，有香濃嘅奶味，亦食到好香士多啤梨味，如果士多啤梨味濃郁啲會更加突出
因爲用咗豐富牛奶而製成嘅關係，口感十分滑溜，可以嘅話仲想encore添！
主角士多啤梨海綿卷十分軟熟，每啖都食到士多啤梨肉同埋忌廉，海綿蛋糕蘊含清香嘅士多啤梨味，滑溜嘅忌廉亦唔會過分油膩，配埋旁邊嘅鮮甜士多啤梨同白朱古力，每一啖都係豐富口感滋味，即時觸動少女心！
餐飲揀咗熱泡沫咖啡，意想唔到佢嘅咖啡幾好味
連一向唔飲咖啡嘅我淺嘗一口都覺得味道不錯
