維記咖啡粉麵

雖然好耐之前已經聽過維記呢間茶餐廳，連韓國名廚白鍾元都有推介過，但身為local去到呢家先走去試餐潤麵其實平時好少專登食豬潤，但呢度嘅豬潤真係好新鮮，而且可能因為加左薑絲熬製，食落一啲腥味都無，好爽滑，加埋午餐肉係無得輸 ！本身湯底已經幾鮮，但鍾意食辣嘅朋友亦都可以加幾滴呢度嘅辣椒油，同湯底好夾好惹味。咖央多另一個好多人叫嘅必食單品，多士煎到金黃色，外脆內軟十分香口，配埋咖央醬鹹甜適中，令人忍唔住一啖接一啖。…查看更多

唔知點解坐低咗食lunch🙈好耐之前嚟食過，我應該noted我入到嚟無嘢食….但我就係唔記得我食過咩所以坐低咗…坐低之後，我望住粉麵類…揀唔落手（利申：唔食牛/豬膶）唯有揀餐蛋麵（利申：戒咗午餐肉好耐，唔想食獸藥）。。。碗麵放我面前，我聞到浸味已經好驚，心入面把聲嗌咗出嚟：「咩..嚟咖」職員答：「係用牛煮嘅湯底，要唔要幫你轉豬膶？或白烚？」佢見我揀唔到，叫我揀過第二樣嘢食🥹🥹🥹🥹❤️‍🔥我揀咗咖央多，先醒起我食過😋好味！飲食記錄：咖央多唔會烘到乾爭爭，又唔會太甜，好味凍奶茶…查看更多

放工出深水埗食維記 ,豬潤麵$30,湯頭來說跟小時候常吃的豬肝湯非常相似,維記一定要食豬潤麵， 豬膶麵系招牌，上得好快，整得好食，但膶厚身啲就好啦!!咖央西多士$19,金黃酥軟，也沒有挾帶多餘的殘油，內餡的咖央據說是自家製!…查看更多

難得出一轉深水埗 梗係係附近搵食誤打誤撞行咗去維記咖啡粉麵店的門口 見有人龍心諗：應該係人氣食店 "就試一試你啦"，然後就走咗去排隊。叫咗一碗粉＋凍檸茶＋咖央多士飽到飛起今次放棄咗點人氣之選的 "豬潤米" 同 "咖央西多" 就留待下次再試。…查看更多

始創於1957年，屹立深水埗六十餘年，由街邊坐位到連環三間舖， 要數深水埗老牌食肆，不可不提。老牌冰室格局食麵、食多士、飲港式咖啡和奶茶，招牌《豬潤》緊係唔少得。牆上清楚掛起價目表。自製咖央，當年特首至愛。鮮灼豬潤大江麵加荷包蛋-豬潤生熟程度要掌握得很好，維記用新鮮豬潤，但切得不夠厚身，日賣千碗工多藝熟，煮起咬上口亦不覺嚡口，煎蛋講明要荷包蛋生蛋黃，到最後都係比較熟。豬潤牛肉米- 米粉還算爽口，豬潤同上，牛肉一般僅合格，起曬泡嘅血水滾湯，都係特色之一。😅自製咖央多-味道算唔錯，可惜是普通薄麵包，多士烘得不夠香脆，咖央醬搽得不夠均勻。『 一份懷舊嘅味道嘅感情，我幾時都咁講，唔係咁容易就取替得到；但係食店出名咗之後，冇咗對原本食物嘅要求，咁懷緬機會就會越來越少，所以呢幾年都去少咗，希望下次會好啲。』～～～～～～～～～～～～～～～～～～～～～～～食物賣相＝(滿分20) 10食物味道＝(滿分20) 15服務質素＝(滿分20) 14裝修整潔＝(滿分20) 14性價比率＝(滿分10) 7回頭指數＝(滿分10) 8總評分 ＝(滿分100) 68分…查看更多

其實初時為咖央幕名而來，無對麵食無咩特別，因為唔覺得好好食，我同友人分別叫左個潤腸麵同潤牛麵，當然唔少得咖央多士啦，飲品就熱檸蜜同凍檸茶兩碗麵食份量都算足料同大碗，湯底都尚可，唯獨薑粒太大粒...我唔食得薑都幾難避免，盡量唔食，麵食總結係不過不失，友人就覺得個麵一般到我最期待咖央多啦食落幾好唔會太甜，不過無我果次響赤柱食咁好味，所以整體都係試過就算，下次再試另一間咖央多先大家期待期待我下次食評～題外話，依間餐廳真係幾出名，有3個鋪位🤔👍🏻同埋泊車都算方便，泊路旁即入去食啦…查看更多

維記咖啡粉麵是深水埗的人氣老字號，以豬潤麵及咖央西多士而馳名。由一間舖擴展至現時的三間舖，受歡迎程度可見一斑。店內環境乾淨企理，進店後自行找位子便可。店舖後半部分是廚房，可看到員工在煮麵。牆上掛有價目表，價錢及食物選擇店員在一目了然。咖央多有兩款：咖央多士及咖央西多士；下單時記得說明要哪一款。咖央多士 ($13)多士烘得脆口，咖央醬塗得挺厚身，每一口都能吃到咖央醬。咖央醬順滑濃稠，散發著淡淡的斑蘭香味，甜度適中，美味可口，性價比相當高。豬膶麵 ($32）熱騰騰的豬膶麵呈深褐色，湯底清甜順口。豬膶份量多，完全沒有腥味，但質感不夠嫩滑。麵質較軟綿糊身，是我愛吃的質感。…查看更多

許久沒吃過維記，平日甚少經過深水埗，有時來到又太晚，他們都收舖了。今晚不算太迫，就算要搭枱也是鬆動的。豬潤麵配凍檸茶是基本。喜歡這裡的豬潤麵，因為夠薑，很香薑的味道。至於豬潤，份量夠多，厚薄適中。湯底超熱，熱力足夠浸熟原本未完全熟透的豬潤，所以豬潤可以熟透而不會太「鞋」。吃完一碗麵，有點意猶未盡，就點了一份咖央多士。這裡有分多士和西多，價錢不同的。多士算厚身，但未到厚多士的厚度。一塊多士斜角切成兩份，上面塗上一層厚厚的咖央醬。我不會說好貴，因為我不會經常吃，也不會買一罐咖央醬在家裡慢慢搽。…查看更多

其實平時真的很少機會過來深水埗這個地方，這天難得過來當然要吃飽才離開嘛！首先想到這家餐廳的豬潤麵，所以很快決定好！來到的時間尚早，等候的時間不算很久～大概5分鐘左右已經可以入座。餐點都寫在牆上的白板上～沒有套餐，全部都是單點價格。先來 - 凍奶茶 ($15) 奶味偏重一點，有少少的茶香～甜度亦適中。咖央多 ($13) - 這個在很多新式的茶餐廳已經很少機會吃得多，這裡有當然要點吧！香脆的多士塗上了味道不會太甜的咖央醬。下次再來應該吃咖央西多呢 >< 重點想吃的當然是這碗 豬潤麵 ($30)豬潤雖然是薄切，不過一碗中有很多！咬起來很軟稔，吃落也沒有腥味。麵條也不會煮得太稔，湯的濃度也剛剛好。相較之下～ 旦牛麵 ($33) 反而好像比較貴呢而且貌相看起來也不太討好 ... …查看更多

大食男友成日想帶我黎食佢最愛豬潤麵, 但佢又早收又星期日唔開, 所以一直食唔到, 今日終於可以食到啦😋； 我地入到去係下午茶時間, 平日下晝都九成滿👍🏻；豬潤麵同豬潤米係必食, 大食男友愛個湯底, 飲到一滴不剩, 豬潤切得夠薄唔硬, 而且咬落有粉粉既感覺, 男友愛配麵因為會較為爽身, 比較過米同麵, 我下次都會叫麵😁；叫得咖啡室, 個杯咖啡同奶茶真係要飲, 茶夠香而且夠滑身; 我係為左咖央多而黎, 佢既做法較接近傳統法式多士做法, 係煎個包面至少少燶, 咖央既淡香同埋糖漿, 成件事好柔和好夾, 沒有一般多士的油淋淋或鞋口感覺😊…查看更多

幾年前佢帶我黎哩度食，幾年後我地又係一齊食重點係，味道依舊，價錢亦無乜點變，喺香港嘅餐廳入面，難得呀！無亂加價我覺得今時今日喺香港好難得，話晒舖租都唔平！味相喺哩度黎講一啲都唔重要，因為係食佢嘅質素豬潤，牛肉份量夠又新鮮，啲湯好入味唔洗講，而且米粉大大碗，2個人輕食share無問題咖央多士烘底依然咁脆！啲醬唔會求其加小小俾你，多士亦係用厚身嗰種，唔係好薄嗰啲，都仲係$13，難得地平更難得地好味，食得好夠皮咖！…查看更多

午餐時間路過深水埗，朋友見維記無咩人等就建議入去食。小店大約十張枱，一行五人被安排和兩名陌生人撘枱，有點擠迫。雖然選擇不多但價錢相宜，跟朋友點了較有特色的潤牛麵及加咉多士。牛肉一般，豬潤又新鮮又爽，餸量也多，抵食。加咉多士脆而不燶，咖央醬甜而蛋味濃郁。環境及服務一般，經常有人等位亦唔可以坐得耐，總括而言是個性價比高的抵食速食之選。…查看更多

👄咖央多士 $13。👉🏻佢仲有另一款叫咖央西多士 $19.個阿姐問我要多士定西多士，我重複左3次我要多士，但佢仲仍然死唔斷氣甘問，態度語氣亦唔好！😠 佢仲要大大聲加句「13蚊嗰隻下麻！？」。。我覺得客人要食咩係自己選擇，小妹堅唔想食西多士ok? 如果食店係要客人選擇價錢高d既食物先提供良好既服務態度，我會選擇其他食店。👄豬潤牛肉麵 $33。👉🏻豬潤切得薄薄幾好，爽口既。我最怕嗰d又厚又大塊又鞋口既，好彩呢間唔係。湯底我覺得都幾好味，飲得出又睇得出係用豬潤煲既👍🏻因為有好多係分開煲，之後前放埋一齊上枱比客🙈…查看更多

深水埗尋味，第一站是這家以豬潤麵聞名的維記。老公說，以前因工作的關係常到這一帶買辦，那時的維記只是一間平凡不過的茶記。下班前來，光顧都是街坊食客，或是附近工作的人們，沒了排隊的人龍，感覺真好。  舊式的茶記格局，餐牌也十分簡單。不作多想，就試試豬潤麵和咖多吧!下單後，咖央多($18)快速送到，乍看有點像西多，不是厚身得誇張那一種，看起來就更像初始版的法蘭西多士。  外層以蘸蛋漿炸成金黃色的，蛋香極濃又帶點脆身，麵包軟綿綿的。內裏的咖央醬完全不像在星洲吃到的味道，沒有濃甜的椰糖香，取而代之的就是蛋香，味道較為清甜自然，是港式風味的咖央多。  兩碗豬潤麵($30)也是極速送上，麵仍是半熟狀態，入口帶爽。豬潤份量不少呢，灼至剛熟，稔滑得來帶濃重的豬潤羶香。  湯底其實就是即食麵的湯包罷了，不過與麵同灼的關係，豬潤加上薑粒清甜暖胃，還是令人樂意多喝上幾口的。這兒的凍奶茶奶味不算濃重，就是港式傳統奶茶口味，表現還是恰如其分的。快、靚、正的一頓，在百物騰貴的當兒還有這等平民美食，也沒有甚麼好挑剔的了。…查看更多

等了很久很久了~~說的是由我知道這餐廳到現在, 總是沒有機會也沒有動力故意去深水埗吃維記. 終於今天和母親大人剛好到深水埗, 本來討厭等位的母親還好也愛吃豬潤, 在我極力游說之下, 我倆大汗淋漓地站在門口等. 等了15分鐘左右, 終於可以吃了!*話說那時已經是下午三點, 但還是人山人海喔~ 豬潤牛肉米 $33好大一碗!! 料超多! 還有, 很燙!湯很甜, 雖然也應該是有味精啦, 但豬潤的味很濃, 湯很好喝!豬潤只是剛熟, 可以浸到湯底再熱一下. 豬潤好滑啊! 牛肉也不會"乸"得太厲害~米粉也吸了湯, 回味無窮! 咖央多 $10吃上去, 其實一點都不像咖央.. ^^''但是也很好吃, 有點鹹蛋的味道, 應該是自家製的"咖央"吧! 還是不錯~豬潤是不可以常常吃啦, 但一個月一次也不過份吧~ ^^ 加到最愛咯!!…查看更多