牛匠石燒 (已結業)

餐廳：牛匠石燒地點：尖沙咀金馬倫道菜式：日本烤肉店，主打石燒牛，即係用熱石黎燒牛。餐牌：星期日都有午市套餐，有23款，好多選擇，豐儉由人。可以跟餐加小食或者飲品。落單用QR code。鹽蔥牛舌伴牛五花定食 $108 另加一牛舌有四圓片，而牛五花就有三大片。牛舌都好腍，唔會太韌。牛五花就更加好味，又腍又多汁，牛味又濃，唔洗點汁都好味，唔算太肥。嚴選封門柳伴一口牛定食 $108 另加一一口牛同封門柳各四件同四片。嚴選封門柳係圓片，都好腍又多汁。一口牛有咬口，牛味都唔錯。等服務員先加酒精，然後等兩分鐘就加牛脂係張牛油紙上面，之後就可以自己動手燒。石燒好處係無油煙，較網燒健康，不過會比較慢少少，適合慢慢燒慢慢食。枱上面仲有一次性圍裙比我地。兩份定食牛肉都伴有椰菜絲沙律，大菇半隻同車厘茄半粒。大菇可以燒到脆皮，好香菇味，正。附上牛脂。定食包雜菜沙律同車厘茄加胡麻醬，麵豉湯（入面有豆腐，昆布同蔥花），同熱白飯一大碗。更附有兩款醬汁，我鍾意惹味而鹹度適中既蒜香芝麻醬。加左兩款小食。和風脆豆腐 跟餐加$18 另加一和風脆豆腐一大件切開兩邊好易食。豆腐炸得脆皮而入面嫩滑，面頭灑上木魚花，白芝麻粒同蔥花。

周圍都咁多餐廳 有時真係諗吾到食咩好🫣 唯有睇下邊間門面吸引就入去食啦😤 今次就簡左牛匠石燒🤣🍀櫻花蝦黃金DIY和牛炒飯上枱就要快快手 將食材倒入熱辣辣嘅石鍋🔥 將鹹蛋黃碎 櫻花蝦🦐 倒入石鍋炒兩炒 再加入和牛炒飯🐮 炒多兩炒 最後加埋醬汁攪拌均勻就食得架啦🤩 一邊整一邊聞到好香 食落都好夠味😍🍀薄燒西冷牛扒定食定食有齊沙律🥗 麵豉湯 白飯🍚 西冷牛扒嘅牛味夠濃 吾洗點任何醬汁都已經好好食😛 簡簡單單食個lunch都吾錯☺️🍀和風芥末脆牛舌牛舌口感彈牙有嚼勁 味道夠濃 做小食幾好👍🏽🍀日式章魚燒日式餐廳當然要叫章魚燒過下口癮🐙 材料好足 賣相都好正宗😉🍀芝士奶蓋桂花果釀四季春表面個層芝士鹹鹹地 加埋清香嘅茶底 一齊飲真係好夾🥰 杯上面仲有牛匠石燒嘅logo 好靚🤣🍀草莓乳酸

一直對石燒有種抗拒唔到既情懷上OpenRice搵食，睇到呢間即刻想試我地2大一細去，開左2個爐比我地，細細個，一人燒一個，每次一塊，咁樣比較易控制，又唔會overcooked 啲肉都係優質肉，但我個人就中意食厚身啲既牛，口感豐富啲，佢就全部都係薄牛肉我特別唔推介大家食「薄脆石燒吉列牛」，入面肉偏肥，個吉列皮一般，$168一份，我情願加多少少叫多份牛肉黎燒試埋啲熟食，熟食好ok，鰻魚夠厚，個「和風芥末脆牛舌」估唔到咁好食

成日經過金馬倫道好多次都未食過呢一間餐廳🍴專食日式石燒，好吸引甘入面環境係超舒服，座位亦都好闊落仲有埋靚靚圍裙餐牌呢度係scan QR code落單既然後喺電話度揀你要食嘅嘢叫咗兩份定食、小食同飲品份量大概係一個女仔嘅食量一份定食有嘅基本野：前菜、湯、飯、主菜都齊啦炸雞好多汁，不錯配經典嘅沙律醬好正脆牛舌厚切，牛肉味重，唔會韌有驚喜兩都係手搖茶飲唔晒都可以拎走兩個石燒爐，唔怪得知要咁大張枱燒肉直接放上石板就得，佢已經整好咗調味同朋友一邊傾計一邊燒下燒下，都幾舒服未試過朋友真係要體驗下

想不到尖沙咀鬧市也有平價的石燒餐廳，最便宜只需$98。店內裝修充滿日本的風格，使用日式石燒爐。衛性也頗講究，有一次性酒精消毒餐具包含有一片消毒紙巾，還有即棄圍巾及口罩袋提供。吉列草飼牛肉眼定食 - $108牛扒表面雖炸至金黃色，但入面依然是生的。草飼牛肉質較富嚼勁，但肉眼位置油花豐富，中間有明顯的油脂，口感軟腍，正好得到平衝。吉列牛扒切成厚塊，客人可以在鐵板上將牛肉煎至喜歡的生熟度。配前菜、白飯及味噌湯，特別一提味噌湯除了昆布外，還有兩粒半切花的玉子豆腐。一口牛肉定食 - $98牛肉粒口感豐富，油脂分佈平均，牛味濃郁，一口咬落有爽口嫩滑的口感。牛肉粒可能略為大粒，較難燒得熟透，侍應好細心幫忙剪成半粒。而每份套餐配一粒肥膏用來塗上天然油脂於爐上，多餘油脂可放那粒磨菇吸收。和風芥末脆牛舌 +$15切開五六片，份量意外的多。牛舌炸得外表香脆，入面非常綿密軟嫩。微甜的沙律醬略帶芥末醬微辛辣，底部還有些椰菜絲。日式餃子 +$15外皮薄脆焦黃，咬起來口感爽脆，裡面是新鮮的豬肉白菜餡。士多啤梨沙冰 +$15沙冰打得很綿密，伴以的士多啤梨汁成份較多，味道濃郁。上面還有層奶蓋，芝士味濃而不膩，口感超香滑

經openrice訂位好方便，周末晚peak hour唔使點等就入座👍🏻餐廳裝修令人覺得身處日本，而家冇得去日本嚟呢度慰籍吓都唔錯😁牛肉質地幾好，爐仔雖然細細但火力夠，兩款調味醬汁好味。特飲夠大杯又好飲。店員無論接待同招呼都好好，如果份量多啲就完美喇，不過價錢唔貴有質素都滿意嘅，話哂尖沙咀旺區喎。手機用QR code scanner apps落單唔成功，要用相機scan功能至得。總括嚟講食得開心嘅👍🏻

為解無得番家鄉之鬱 豬先生豬小姐今日尼到尖沙咀新開張嘅「牛匠石燒」懷緬一下吉列牛之味環境闊落 暗黑型格味濃 牆身有幅大大嘅牛部位圖用QR code自助落單 方便又先進 餐具同圍裙都係一次性使用嘅 衞生又放心我地叫左吉列草飼牛肉眼定食同厚切牛舌拼牛五花定食 另加左兩款小食同飲品燒牛肉之前 先係石面上用牛脂肪燒一燒 有油份就可以防止痴底 而且燒岀尼嘅牛會更香如脂肪加得太多太油 可用冬菇去吸油以上小知識都係細心店員嘅解說吉列草飼牛肉眼賣相超似吉列豬扒 肉眼厚身紅潤 肉眼包裹住薄脆嘅吉列炸粉漿 但炸漿同肉眼有啲分離 燒嘅時候容易散 可幸味道撘夠 肉質軟腍 啖啖肉因為都算厚肉 燒嘅時間相對耐少少厚切牛舌切成條狀 厚身有口感 燒至表面微焦脆身 非常爽口彈牙 好牛五花兩邊輕輕一燒就食得 快靚正相比牛舌同肉眼 牛味就連淡 豬小姐比較喜歡有質感的沾肉嘅醬汁有兩款 分別係果味燒汁同生薑芝麻汁如果你喜歡沾後肉味變甜就沾前者 如果你係重口味人士 就揀後者啦 會濃啲惹味啲麵豉湯嘅豆腐花好靚 師傅刀工技巧真好 將豆腐𠝹到花球一樣 相比起切粒嘅豆腐 豆腐花真係又靚又有口感溫泉蛋沙律夠哂凍 撈勻蛋汁拌食 好fresh

呢幾日天氣好凍啊！提早放工，約咗朋友嚟食燒肉🍖，餐廳走日式風格，最特別係牆上有一幅牛的結構圖，立刻令我諗起庖丁解牛這個故事，好讓你了解牛🐮的各部位。嚴選風門柳定食（配前菜、白飯及味噌湯）$138，牛肉有8片，肉和脂肪比例平均，先將肥油粒在熱石上搽一層油，再將牛肉放在熱石上烤，烤至兩邊轉色就ok，無需烤得太耐，會令牛肉變老。沾些醬汁吃更突出肉味，即燒即吃份外暖粒粒。吉列草飼牛肉眼定食（配前菜、白飯味噌湯）$118，這塊肉眼超大塊，預先炸過，色澤金黃，稍為於熱石上烘一下就可以吃了，肉色粉嫩光澤，口感外脆內軟，十分可口。另外加配了炸嫩雞$15以及和風芥末脆牛舌$15，如名字所說，肉質真的好嫩，啖啖肉且很juicy。芥末脆牛舌做法很有創意，牛舌炸得外層鬆化，芥末醬的辛辣吃得幾過癮。夢幻碟豆花$10，漸層的色彩好鮮明，裡邊加入了透明爆珠，清新爽口。還有熱炭燒烏龍$19，茶味香濃，剛好中和吃完肉的膩感。特別一提，餐廳為每位客人都準備了一次性圍裙，唔驚比油彈親，筷子匙羹都是獨立包裝好，乾淨、衛生，食都食得放心啲！