LAB EAT Restaurant & Bar (T.O.P This is Our Place)

今年生日去咗一間儀式感滿滿餐廳慶祝生日，餐廳已經預先用玫瑰花佈置，灑滿了玫瑰花瓣，仲懸浮心形玫瑰花，完全俘虜左少女心，充滿浪漫氣氛。Birthday dinner for TWO ($788)前菜煙三文魚凱撒沙律：煙三文魚口感嫩滑，帶有煙薰風味，生菜清爽。吞拿魚他他：賣相好有特色，用脆筒裝住，吞拿魚肉質細膩柔軟。蟹肉紫菜塔可餅：紫菜塔可餅微脆，包著滿滿蟹肉沙律、細滑牛油果醬，充滿層次感。煙熏法國鵪鶉脾鵪鶉脾煙熏香氣獨特，肉質嫩滑多汁，底層用左法包配搭。每日餐湯蘑菇湯用料足，食到一粒粒蘑菇質感。海鮮意大利麵海鮮配料豐富，有大蝦、帶子、青口，意粉彈牙，配搭濃郁番茄汁，味道鮮香濃郁。炭燒澳洲M5牛腹芯外層微焦帶有迷人的炭火香，M5牛腹芯脂肪分布均勻，肉質緊實，帶有嚼勁和肉汁。焙茶慕絲蛋糕生日套餐包埋畫碟甜品（不一定提供畫碟服務，但會有裝飾打卡），全晚亮點，充滿濃厚焙茶香氣，層次細膩柔滑，甜而不膩。Cocktail Treasure：桃子的清甜與蜂蜜的溫潤混合得恰到好處，氣泡輕盈柔和。Heartbeat：青蘋果酸酸甜甜，檸檬和接骨木花香氣交織，味道清新。✨優惠✨飲品、酒精類飲品一律買一送一（同時享有生日優惠）OpenRice 訂座可享主菜餐牌正價88折（套餐、海膽多士、生蠔、黑松露黃油雞、斧頭扒及支裝紅白酒不適用）…查看更多

想要滿滿既儀式感慶祝特別節日？呢間西餐啱曬你🤩今次黎慶祝生日，一入座既時候見到個生日怖置已經好有驚喜，枱面有大大個Happy Birthday,花瓣同心型氣球，真係好打卡able🤩🎂Birthday Set for Two $788💫Starter 前菜🥗Caesar Salad with Smoked Salmon 煙三文魚凱撒沙律煙三文魚有兩大片，除咗大量嘅蔬菜之外，仲有麵包粒，開胃又清新～🐟Tuna Tartare Mini Cone 吞拿魚他他用雪糕筒裝住大量吞拿魚蓉、洋蔥，喺最面放咗啲魚子醬做點綴，每啖都充滿魚油香味🦀Crab Meat Seaweed Taco蟹肉紫菜塔可餅用紫菜包住大量嘅蟹肉，最上面加咗三文魚籽做點綴，幾fresh💫Smoked French Quail Leg 煙燻法國鵪鶉髀 or Garlic Prawn 蒜片大蝦（可選一）🦵Smoked French Quail Leg 煙燻法國鵪鶉髀呢度菜幾特別，好少食到鵪鶉髀，煙燻嘅香味好突出，喺遠邊已經聞到；望落去乾柴咁，但食落原來都幾嫩滑，口感勁似食緊雞肉🤩幾surprise！味道偏鹹，所以配佢嘅麵包一齊食就啱啱好💫Daily Soup 每日餐湯🥣當晚係蘑菇湯，味道濃郁，飲落口感都幾順滑，每啖都食到粒粒嘅蘑菇粒💫Pasta or Risotto 意粉或意大利飯（可選一）🍝 Seafood Pasta 海鮮意大利麵呢個意大利麵好足料，海鮮種類極多！有齊大硯、青口、大蝦、帶子同蝦米，每款都有兩隻，鮮味十足🫰最有驚喜係意大利麵，個醬汁絕對係靈魂，係用咗蕃茄奶油醬，味道酸酸甜甜，勁開胃🤤而且意粉相當掛汁，必食菜式！！！💫Main 主菜🐮 Grilled Angus Beef Ribeye Steak 炭燒安格斯肉眼 （+$128）慶祝梗係要配牛扒🥩揀咗七成熟，牛排肉汁鮮嫩，而且牛肉味濃，每啖都好juicy，肉質非常柔軟，配上醬汁食味道更佳🥰有淡淡嘅炭香味！💫Dessert 甜品🍨Daily Dessert每日精選甜品成餐飯最期待係呢個甜品環節！當晚畫嘅係Winnie the Pool🍯像真度極高，肥嘟嘟勁得意😗職員會用乾冰製造煙霧效果然後再點燃煙花棒，好有驚喜！絕對係視覺上嘅享受😈甜品分別有Brownie同兩細球雲呢拿雪糕！味道正正常常，份量啱啱好～ ✨提提你：- 生日可享免費畫碟服務，只要訂咗嘅時候同餐廳講就可以啦🥳🥳煙花棒真係勁靚勁打卡able~甜品嘅味道都唔錯，真係睇得又食得🫶- 飲品、酒精類飲品一律買一送一（可同時享有生日優惠）- OpenRice 訂座可享主菜餐牌正價88折（套餐、海膽多士、生蠔、黑松露黃油雞、斧頭扒及支裝紅白酒不適用）…查看更多

👨🏻‍🍳LAB EAT Restaurant & Bar (旺角)📍旺角彌敦道700號T.O.P This is Our Place 5樓502號舖 「不止打卡，食物都系上準之上🥹」 依稀記得岩岩讀完書到出黎做野呢個時段，同朋友食過lab eat，竟然一張食物相都搵吾到🥲當時無印象有咁多gimmick🙈但系印象中好食，由其牛扒🤤今次再同男友慶祝下😝 原來openrice 1800後88折🥲搵地點先見到，google訂位無優惠的。 揀左set🤤雖然佢個名叫Birthday set，但系訂座remark有留到系for anniversary，所以成個佈置、主題都系anniversary🤤🫶🏻 👍🏻🍽️Birthday set for two $788Starter • 前菜Caesar Salad with Smoked Salmon 煙三文魚凱撒沙律Tuna Tartare Mini Cone 吞拿魚他他Crab Meat Seaweed Taco 蟹肉紫菜塔可餅 👍🏻🍽️煙三文魚凱撒沙律新鮮爽脆生菜且多醬（my fav!!）😻配埋挪威煙三文魚，超開胃🤤👍🏻🍽️吞拿魚他他會發現越食越有玄機😝芝麻脆筒入面除咗鋪滿吞拿魚蓉，中間多左小小洋蔥酸汁，筒底又有小小甜甜地既味道，味蕾多重驚喜😻👍🏻🍽️蟹肉紫菜塔可餅系Guacamole & taco!!😻又系我至愛，仲要超好味🥹紫菜taco外層超脆口，魚子+蟹肉+guacamole超惹味，好想食多個🥹 Smoked French Quail Leg 煙熏法國鵪鶉髀 or Garlic Prawn 蒜片大蝦（可選一） 👍🏻🍽️煙熏法國鵪鶉髀視覺既享受🤤整盒烤架一同上桌，濃郁煙燻香，伴隨燒燼既餘火🤤系想像吾到既口感同味道！！無諗過鵪鶉髀肉可以咁嫩，同埋入晒味🥹 Daily Soup ·每日餐湯 Pasta or Risotto • 意粉或意大利飯（可選一）Seafood Pasta 海鮮意大利麵orScallop Ink Risotto 帶子墨汁意大利飯 👍🏻🍽️帶子墨汁意大利飯熟度剛好既帶子（仲有小小透😻）食過最有咬口既risotto🤤飯粒比平時食既risotto大粒小小，微微炭香、綿稠得黎又粒粒分明🤤夠味吾會太咸🤤 MAIN • 主菜（可選一）Grilled Iberico Pork Rack 炭燒伊比利亞豬鞍Grilled Australia M5 Flap Steak 炭燒澳洲M5牛腹芯Grilled Angus Beef Ribeye Steak 炭燒安格斯肉眼 +$128Roasted Yellow Chicken with Truffle 黑松露烤雞 +$188 👍🏻🍽️炭燒安格斯肉眼下單時無諗過再黎一場視覺震撼😻火槍炙燒儀式後，見到一盤完美既粉嫩切面😻Lab eat既牛扒真心好食🥹Keep住有餘溫，厚切增添口感！！炭香，吾會搶左肉香，medium熟度剛好，簡單鹽、黑胡椒調味已經好好味🥹每一啖都系極致享受🥹🥹煙靭柔軟、夾帶油脂，絕了🥹—伴碟醬汁分開上，醬汁配牛扒去好夾，不過個人覺得最原本既味道系最好味🤤 DESSERT• 甜品Daily Dessert 每日精選甜品orDaily Dessert Platter 每日精選甜品拼盤 +$88 👍🏻🍽️每日精選甜品連最後既甜品，都系一場視覺享受😆訂座remark左主題，同畫碟想要既圖案（籃球/米奇），當然餐廳都要視乎情況，未必一定整到🙈上桌見到打籃球既米奇有一下感動🥹🫶🏻Chef吾止畫到，仲將我地中意既野mix埋一齊，畫得好靚，好有心思，謝謝🥹🫶🏻staff仲送上祝福🥹🫶🏻—今日精選甜品系抹茶撻、雪葩、士多啤梨2份以不同形式呈上，雅緻精美🤤雪葩味甜微酸加埋士多啤梨，解膩一流👍🏻抹茶撻味甜微甘，上面鋪有朱古力脆粒，吾會好甜，吾會好膩🤤 DRINKS•飲品Red Wine/White Wine A Bottle紅酒/白酒$98一支 岩岩去完旅行，我地最近都吾太想飲wine🙈但系今餐如果有wine，應該仲prefect🤤 🍹Iced Mocha $48 （BF）🍹Welcome Summer (Seasonal) $98Welcome Summer : passion fruit、milk、red tea奶茶得黎有種清新嘅感覺，吾會好甜，不過攪匀飲先出到味🙈 —👍🏻🍽️Slow Cooked Egg with Asparagus慢煮蛋及蘆筍 $38必點‼️半熟蛋加左特製醬汁，好食到停吾到🥹整到類似蛋黃沙律醬既味道，好開胃👍🏻 以前對打卡餐廳既定義系：食物實好難食宜家改觀左🙈由其食埋Lab eat！！系真心睇到創辦人既誠意🥺🫶🏻有Gimmick、服務好，仲有煮得又畫得既大廚🥹👍🏻成晚都好讚嘆大廚既味蕾，有好多想像吾到既味道放埋一齊，系咁夾！！呈現出黎，除左令客人有視覺上既享受，仲有口感上既滿足，想拜師了🥹🫶🏻 大推！！ #labeat #labeatrestaurantandbar #香港西餐廳 #打卡餐廳 #香港美食 #旺角美食 #arigato_旺角 …查看更多

餐廳瀰漫著浪漫慶祝氣氛，不時可見餐桌上擺放著氣球和生日佈置。生日套餐內容相當豐富，包括前菜、餐湯、意粉/意大利飯、主菜及精緻甜品。  【前菜精選】 • 煙三文魚凱撒沙律：新鮮煙三文魚配搭爽脆生菜，灑上帕瑪森芝士碎與紅椒粒，層次豐富，配上香脆麵包片，開胃爽口。 • 吞拿魚他他：新鮮吞拿魚切粒配以五色豆點綴，賣相精緻，一口大小剛好。 • 蟹肉紫菜塔可餅：鮮甜蟹肉配上香脆紫菜，點綴三文魚子，口感豐富。 • 蒜片大蝦：以精緻銅製餐具盛載，金黃蒜片與鮮嫩蝦肉完美配搭，綠色嫩芽點綴，賣相講究。 【餐湯】 周打蜆湯 - 香濃滑潤  【主食推介】 海鮮意大利麵：金色銅鍋盛載，配搭帶子、青口、蜆和蝦，麵條彈牙入味，微辣，風味十足。  【主菜之選】 炭燒伊比利亞豬鞍：肉質鮮嫩，配上特製醬汁，配菜清新。  【生日打卡甜品】 生日套餐已包含精美甜品，只需加$88即可升級至精選甜品拼盤，包括幼滑芝士蛋糕、濃郁布朗尼、配上夢幻乾冰效果的雪葩。每款甜品都附送精美畫碟裝飾，配上金色煙花棒，為生日慶祝錦上添花！ …查看更多

👧🏻😋👅🍽✨氣氛與美味並存💯打卡慶祝餐廳-🎊 位於TOP五樓空中花園隔離, 環境氣氛都一流, 每枱訂座都有message board同花瓣佈置, 睇得出餐廳好用心為慶祝客人製造難忘回憶💖🎊 生日餐三款前菜+兩款主菜+甜品, 只需$388/位, 提早訂餐仲可以安排甜品畫碟🫶🏻 套餐一位起叫, 每款都一人份量可以試好多款式, 另一位再叫單點就更豐富多元☺️ -▪️生日驚喜套餐 $388✔️ 蟹肉牛油果迷你夾餅 ✔️ 生日沙律 ✔️生日餐湯🥗 前菜正常發揮, 用料新鮮, 但性價比來講已冇得輸✔️黑松露蘑菇意大利飯 ✔️ 炭燒豬斧頭扒🍲 主菜risotto一小碟唔會怕膩, truffle sauce好creamy好香, 飯粒有嚼勁好完美🙌🏻 🐖 反而斧頭扒portion算多, 再一次感嘆呢個餐好抵食! 肉滑juicy半肥瘦好食👍🏻 ✔️Daily Surprise🎂 甜品有心形蠟燭+出煙+畫碟, 儀式感滿分🥳 檸檬雪葩 + crumble tart 清新好睇又好食~▫️A la carte🐟 吞拿魚他他 $88 以脆筒上碟擺盤精緻, 吞拿魚鹹鮮好開胃🍗 油封法國鵪鶉髀 (6隻) $188 煙燻鹹香肉質軟滑, 附上烤蒜令鵪鶉肉食落更香甜🍳 慢煮蛋及蘆筍 $38 一個幾rich既side dish, 蛋黃醬同半熟溏心蛋好夾, 加埋蘆筍清清地🍝 廚師手工意粉配牛肉醬 $198 Casarecce開口而捲曲, 表面面積較多掛上最多濃香肉醬, 亦非常有咬口!…查看更多

❣️最近同朋友慶生，本來只係諗住食好d，估唔到呢間餐廳有氣氛，食物又唔錯❣️booking時話慶生，會有happy birthday msg 仲有玫瑰🌹蛋糕更加係火花effect❣️前菜好精緻，好有心思✨海膽多士$136/2件- 都幾多海膽，而且口感creamy幾有海水香，麵包脆口🍄炒蘑菇$68- 炒菇香得來爽口，撈上蒜粒夠惹味✨吞拿魚他他$88- 賣相精緻，好似雪糕筒咁，入面甜甜吞拿魚蓉加洋蔥、青瓜、黑魚子，鹹咸甜甜夠特別、最難得係洋蔥唔辣🦞西班牙龍蝦尾意大利飯$288- 龍蝦拆好曬肉，肉質彈口鮮甜幾高質。意大利飯撈上龍蝦湯、番茄香，淋香入味，推介！🍰果木煙經典意式巴菲$128- 生日碟上寫好慶生message，仲有星星火花蠟燭。意式巴菲好滑身有咖啡香，旁邊嘅nuts勁脆，甜度適中另外雞肉salad沙律菜爽脆。下次有朋友生日再去❤️…查看更多

放假嚟咗旺角行街 試咗期待已久嘅Lab eat 果然冇令我失望🫶🏻餐廳環境舒適闊落 燈光柔和 好有情調 行過見到好多張檯上都放有玫瑰花瓣及一隻玫瑰花裝飾寫上「Happy Birthday」或「Happy Anniversary」字樣 滿滿嘅氛圍感💕真係一個好適合情侶約會/朋友聚餐嘅好地方 極力推薦👏🏻我哋決定每人試一款Set dinner 一齊share🤪🔹 Set Dinner $368▫️Starter - 吞拿魚他他雪糕筒擺盤好得意 脆脆嘅口感搭配新鮮嘅吞拿魚 口感好特別🤤- 每日沙律 清爽開胃 爽口 好fresh🥗▫️Daily soup - 蘑菇湯蘑菇味非常突出 綿滑質感 好creamy濃郁▫️主菜 - 豬斧頭扒配焦糖蘋果配菜有薯蓉 法邊豆 車厘茄及雞髀菇豬斧頭好厚身 肉質有嚼頭 內裡保持多汁 冇筋 容易切開 焦糖蘋果嘅甜味與酸味相互平衡 既有肉類嘅豐富口感 又有水果嘅清新感 非常滿足☺️- 廚師精選侍應話今日嘅廚師精選係煎牛臀肉 有興趣決定一試 好期待ah🤩果然有驚喜😎7成熟 肉質鮮嫩 牛味重 好腍 唔乾身唔柴 保持到肉汁嘅鮮美 咬落去可以feel到肉質嘅彈性及細膩感 有埋配菜嘅搭配 能夠平衡到肉類嘅油膩感 讓整體口感更豐富🤗▫️每日精選甜品迷你士多啤梨慕絲蛋糕+椰子雪糕球一樣咁出色 有餅乾碎打底 好睇又好食😋除咗室內仲有室外位置 一樣咁舒服 可以chill chill值得一提 侍應服務態度很好👍🏻很細心💯📍LAB EAT Restaurant & Bar旺角彌敦道700號T.O.P This is Our Place 5樓502號舖…查看更多

又到慶祝週年紀念的日子，今次選了位於旺角的LAB EAT，一入坐就已經看到餐廳佈置了餐桌，儀式感和驚喜滿滿❤️🌹🥗吞拿魚他他外觀特別的前菜，在小巧的甜筒裡塞入滿滿的吞拿魚泥，上頭再放些魚子醬，看上去好誘人。吞拿魚口感滑順味道新鮮，搭配餅乾甜筒，創意十足。🐚日式慢煮鮑魚使用新鮮鮑魚，口感很有彈性，味道高雅。一旁白蘿蔔口感細緻，吸飽了鮑魚湯汁精華，清新美味。🐟是日精選-煎三文魚本日的餐廳精選是煎三文魚扒搭配烤大蝦。三文魚十分厚實，外皮煎得很脆，魚肉熟度剛剛好，帶點彈性味道很新鮮。一旁鮮蝦以切成兩半，新鮮彈牙。🥩燒安格斯牛肉眼牛排看上去就很美味，外表油亮亮還帶點烤痕。輕輕切開，粉色的牛肉，相當軟嫩且肥瘦適中，將這塊牛扒的精華與美味完全呈現出來。推薦必試！🍰甜品拼盤套餐另加68塊就一次享有多種甜品。侍應會將仙女棒點燃，搭配雪糕容器下的乾冰，慶祝紀念日的儀式感十足。朱古力雪糕不甜不膩，清爽無負擔。抹茶蛋糕味道濃郁，口感綿密。香蕉卷香氣十足，適合兩個人一起甜蜜享用。整體而言，餐廳環境舒適，桌距寬敞，套餐種類多樣，每道菜都在水準之上，提前向餐廳說是慶祝特別節日，還會做在餐桌做佈置，甜品上桌更是滿滿儀式感，是慶祝特別節日的好地方。…查看更多