新桂香燒臘

#新桂香燒臘 早幾年之前呢間燒臘檔曾經被捧到為「全香港最好食嘅叉燒」。講到咁誇張自然有好多人來試，不過大多數都係覺得平平無奇，而且佢嘅價錢唔算平，買一斤叉燒超過200蚊。自己唔係柴灣人，今次都係第一次去食，店舖真係做外賣為主，堂食兩張枱仔四個位，我就係其中一個。叉燒燒肉飯$50，並冇要求什麼肥叉半肥瘦等，叉燒同燒肉都比較瘦，並無預期神化搬咁好食，同意係一般般。反而送嗰碗例湯唔會好鹹落味精咁，材料十足有驚喜。幾年前明星係買例牌，叉燒應該有肥有瘦，明知你係名人正路都會畀靚啲，而我今次冇要求多數都會係偏瘦，但未至於柴。整體嚟講$50午餐呢個質素同份量都收貨，但就絕對唔係全香港最好食嘅叉燒。新桂香燒臘柴灣柴灣道345號金源洋樓C座地下17號舖…查看更多

平時好少過海同朋友過海去柴灣我就當旅行朋友有好多間柴灣必食推介《新桂香》就成為我頭一站專登冇食中午飯留返個肚仔特登嚟食叉燒既嚟到《新桂香》門口嘩！已經有長長既人龍排緊隊我只能夠加入其中食客們主要都係買叉燒我同朋友各買一個飯盒叉燒燒肉飯我特登叫師傅斬 半肥瘦叉燒因為我最鍾意食就係半肥瘦嘅叉燒瘦叉 - 我覺得肉質太實 太乾 太柴肥叉 - 成舊肥膏太油膩 食左又驚爆血管半肥瘦 - 肉質會軟嫩滑溜有彈性 同時又有油脂香最正！叉燒 半肥瘦 一流！燒到有燶邊 軟淋得黎有少少脆的口感甜度 味度都適中 唔怕食鹹食甜好正！燒肉燒肉我最鍾意食皮皮薄又好脆不過咁岩我個舊部位有少少鞋但都可以接受燒排骨主體味道同叉燒接近因為都係同同一個醬去醃製燒排骨嗰舊骨係軟骨嚟並唔係硬骨食落去有少少口感好似食緊雞軟骨咁肉質都好淋 味道都好好燒排骨都唔錯！飯底叉燒飯除咗叉燒飯底本身都好重要‼️飯底煮得好好粒粒分明飽滿軟硬適中有口感又唔會太硬加少少薑蔥食簡直係一流！正！…查看更多

經網上一位老實嘅食評家慕名而來，結果係喜出望外。門口企滿源源不絕嘅客人，街坊都知道堂食位置不多所以大部分都外賣斬料，雖然開埋街櫈都只有8個位，但12:30嚟到已經有得坐低。嚟到街坊生意舖頭打算就咁叫睇下會俾啲咩質素，點知舊舊叉燒都燶邊脆脆，亦半肥瘦，非常滿意。燒肉皮脆索索聲，肥瘦比例正常，經驗街坊老店呢樣算基本亦做得好，仲有例湯送。麻雀雖小，更睇到師傅鐵漢柔情，門口燒味師傅每有時間都會仔細問咁多叔叔嬸嬸要咩位，仲教埋返到去點樣整熱先好食，非常體貼。…查看更多

今日經過柴灣, 當然要順道一試早前KOL推介嘅呢間全港 Top 1 叉燒 ㄧ新桂香。店鋪係漁灣邨旁嘅一條小巷,係柴灣站步行約10分鐘。由於未食lunch, 所以買咗 (1) 半斤叉燒 ($100) 同 叉燒燒肉飯 ($48)。店員推介咗半肥瘦, 叉燒切法適中, 有d厚身d, 有d薄身d。肉質好淋身, 約三分一肥, 三分二瘦，有燶邊, 再配合偏甜嘅叉燒汁, 的確好好食, 俾十個like。同埋, 喺成個運送嘅過程當中, 啲叉燒汁完全冇流過出嚟, 實屬難得。雖然價格比較貴,$192/斤,但係真係值得。而叉燒燒肉飯比較一般, 叉燒一樣係半肥瘦, 但切法會再薄身 d, 燒肉整體感覺一般。…查看更多

最近天氣忽冷忽熱，天氣冷又想吃點熱量高的食物，經過柴灣便想起新桂香。單叉燒飯（$43），今日叫了叉燒燒肉飯（$48），粉葛渴湯加2蚊。叉燒半肥瘦，肉質不靭口，外皮有些少位置燒得有點穠和香口，一口便吃得出和一般燒味餐廳的分別。當然不能與某些高檔餐廳般用黑毛豬製作的叉燒般相比，不過以性價比來說確是十分高的。燒肉相較之下顯得一般，正常水準，沒有特別驚喜。粉葛湯（買飯加2蚊）亦是一般，入面有些少豬手湯渣。…查看更多

又係見叉燒出名，專程過去柴灣試試。本身睇完其他食評就對呢度冇乜特別期望，結果都係冇乜特別。叉燒，可能因為冇叫佢比肥或半肥瘦，就上左d瘦嘅比我，咁我唔鍾意瘦叉，就一定唔會高分。我見其他人好多都有指定要肥或者半肥瘦，可能係咁多人要左有肥嘅，咁冇特別指定就會比瘦叉。叉燒雖然瘦，但都不至於柴，只係普通"鞋", 邊邊有少少焦黑，我只能幻想如果係半肥瘦會好食卦，不過眼前嘅叉燒就唔太好喇。燒肉，咸香，皮脆但太硬，好多燒肉嘅通病。葱油係我like嘅冇薑淨葱，咁先有葱嘅香味，比得上鵝之極品嘅(亦係唯一方面). 地方就係預左咁窄，基本上都係快食快快走人，不過唔算dirty, 算係咁。總結黎講，就係冇乜再去食嘅動力，柴灣亦唔係特別近，過海去深水埗仲穩陣。完。…查看更多

「生舊叉燒好過生你」，這是小時候聽過媽這樣說、繼而鼻酸，再而流淚的刻薄說話。這諺語源於燒味是奢侈品的年代，做一塊叉燒可能貶中帶褒，雖然食物的價值比人低，但做叉燒已是當時比較矜貴的食物。燒味依然在現今社會出現，但隨著物資愈見豐盛、食材選擇較以前多，價錢變得親民，不其然比降格，變相令人聽到那諺語會更為反感。我說，若然來世要做叉燒，做新桂香的叉燒也不錯；半肥瘦、皮光肉滑的體態，足夠羨煞旁人。在這現實的今生我要努力瘦身，但如果來世做叉燒，像這裡的好，是招徠垂涎的半肥瘦。我不是柴灣人，港島東是甚少涉獵的。出於偶然的機會，要到柴灣的工廈做體能訓練，順道慕名一訪傳說中的新桂香。找來了甚少露面、自稱為柴灣地頭蟲的友人，帶我坐在街頭吃個馳名的燒味飯。假若與他素未謀面，從其文筆想像不到正是坐在摺枱另一端的隨性型男生。不像一樂和鏞記般做燒鵝做到上米芝蓮，但新桂香憑叉燒成功攏絡街坊的心；雖沒有堂皇的門面、裝潢十年如一日的簡樸，無虛名和光環都一樣以實力派自居。多數燒味店都不設堂食，向來都是買走的多，這裡有三四張摺枱已算不錯。一半於店內，一半在店外，店外的街道不是大街，吃塵的情況不嚴重。恰巧有位可以堂食是個bonus，不然我真的考慮把飯盒帶到附近的公園吃，想起這畫面都覺得自己很麻甩。這畫面沒有實現，晚上7時左右到達，幸還有座位、幸還有只賣剩兩三條的叉燒。主婦們買菜時間已過，進來斬料作菜的人不多，但不排除有「臨急抱佛腳」的人來買燒味救急，欲免向隅，建議晚上七時前到訪。控制飲食的我不想吃米飯，問店家有沒有瀨粉、米粉之類。「只有飯」，好，免為其難的豁出去；特意著師傅要少飯，但少飯是比「大漢份量」少，仍是我眼中的正常飯量。碟頭飯有單拼雙拼，$38至$80不等。相信未有羅列全部的配搭，但某些部位較貴，如雞/鴨脾、乳豬、燒腩，逢拼上這些食材都會相對較貴。最普通的一碟叉燒飯，承惠四十大元。燒味來說不算很便宜，不過與現時的茶餐廳價位相若，實不為過。不知這裡的豉油雞、白切雞有多大，我亦不是斬料常客（只是因為家中的菜不是我買），$200/隻好像有點貴…光顧什麼碟頭飯也好，都有例湯送。簡單、沒什麼味精的霸王花豬骨湯，清新淡雅，放上不少豬肉豬骨煲，甜味和肉香自然不扭捏。和茶餐廳的比較，當然是燒味店的例湯較信得過，至少不用質疑骨和肉從哪裡來。不是燒味店會特別對此恩惠之物大費周章，只是出產肉食的，自然有很多頭頭尾尾可以順道拿來煲湯。唾手可得的豬肉豬骨，造就了味道真確、近乎無添加的例湯。一客叉燒燒肉飯，一客叉燒燒鴨飯，雙雙奉桌。前者是正常飯量、正常叉燒，後者是少飯、偏瘦叉燒。一條青菜都沒有，就是坦蕩蕩的肉和飯。嘗試在邪惡晚餐之中找點變奏來安慰自己，瘦點的肉、少點飯，還是逃不過沒有菜吃的事實。「又要威又要帶頭盔」，又要吃又要怕胖。女生就是這樣忸怩，嘲笑我兩秒好了。燒味份量不少，大方的放上大於手掌面積和體積的，置於飯面。旁邊的飯仍見雪白，淋上醬汁的位置在燒味下方，撥到一旁並稍作拌合，米飯的濕潤度便來得剛好。叉燒燒肉飯 $44友人說燒肉表現平平，皮夠脆但瘦肉位太少，但叉燒是如期望中的好。一天能賣上二百條叉燒，絕非浪得虛名。沒有特別要求下，給予半肥瘦的叉燒，為數七至八片，夠拌飯。不見俗稱「火雞位」的燶邊，但在燶邊附近的偏肥而爽口的部位仍在。表面醃得深紅，顏色只滲透到肉裡的幾毫米，中間仍保留粉嫩明澈的天然淡肉色。蜜汁沾得均勻，不甜膩不粘牙，但蜜香豐腴。粼粼的深紅下，肉質紋理細緻，夾雜著均勻的脂肪層，好比在西餐廳吃的黑毛豬的完美肉質。這裡用上新鮮脢頭肉，鬆化而肉香滿滿。最邪惡的莫過於蜜香緊鎖上下的兩端脂肪組織，咬下盡是甜美的脂香，比燒肉那相對味寡、平平無奇的脂肪層，引人入勝得多了。叉燒燒鴨飯 $44 (少飯+偏瘦叉燒)偏瘦的叉燒當然少了那邪惡的半透明脂肪，肉質的紋理更見密集，雖不及剛才的人，卻附上美味如燶邊但仍是瘦肉的「轉角位」。角位較其他部位燻得深色，但不見焦黑，蜜味特別濃郁，可見火喉掌握準繩。焦黑的地方不要吃，媽叮囑過，因會致癌。拿著兩片叉燒做個對比（筷子夾著的是正常叉燒），兩者的肉紋很明顯的不同。雖然瘦得幾乎看不到脂肪相間的紋理，咬下更是軟腍富肉汁，潤澤不乾，咬斷時不用拉扯，真章在此，同樣黯然消魂。如果你認為哪裡的半肥瘦叉燒都不會壞到哪裡去，偏瘦的部位相對更顯功架。沒有脂肪的幫助下，本身的肉質和燒成的火喉註定成敗。所給的燒鴨部位半好半壞，五件中有一兩件只是皮和脂肪，沒什麼肉。最多肉的兩件，皮下脂肪很薄，所帶的瘦肉腍而不霉，肉質略嫌偏乾但還可接受，著職員給我酸梅醬蘸一下。或許切得薄碎了點，每件像是「方塊酥」般放進口，理應富肉汁的口感未能盡顯，是一大可惜。整體來說，燒鴨不過不失，未至於令我後悔不點單拼叉燒飯，但必定是叉燒吸引得多。飯底做得不錯，飯粒爽身富米香，配合甜度恰到好處的醬汁，不禁一口一口的送進口而不自覺。醬汁沒有放得太多，以免浸腍飯粒。份量剛好，上面的肉已很好拌飯，不致淪落到要單靠醬汁來熬過去。口中嗒著蜜味滿溢的靚叉燒，在路旁的摺枱上啃燒味飯又怎麼樣，不失儀，這就是吃燒味飯的風味。任「慢煮」、「黑毛豬」等進口技術和食材大行其道，新桂香的靚叉燒自有承傳人、自有留人處。從以前的桂香到現時的新桂香，照顧著柴灣街坊和肉食老饕的胃口，純青的爐火依然不滅。吃整碟肉和澱粉質，罪過罪過，那刻我很想吃到一條青菜。吃肉時想菜，吃菜時想肉，就是不斷的迴轉、重覆著。口中說不，但我還是想肉的時間較多，特別是這家的叉燒。…查看更多

我今年未到四十，但今日用左超過四十蚊，食左個燒味飯。燒味店並非身處商業區，位於柴灣既住宅區，咁岩lunch經過，於是去買外賣。中午時份，不論堂食定外賣，都幾多人。點左個叉燒燒肉飯，原來$42雙拼送例湯。叉燒燒肉飯+例湯大約5分鐘既路程番到食飯既地方，打開飯盒，盒飯依然燒騰騰。叉燒係我鐘意，無肥膏果隻，厚道適中。再試埋燒肉，啖啖肉加少許肥膏。燒肉既靈魂 - 皮，雖然經過五分鐘路程，但仲係脆皮。燒味飯汁雖然已經幾多，但係部分飯仍未沾到。另一美中不足既地方係唔記得要薑蓉，令今次食既叉燒燒肉飯未能錦上添花。其實一般街坊燒味飯都係$30附近，價錢親民。而呢個開價$42既街坊雙拼飯價錢略高，雖然質素的確好一點，但如果價錢可以回落番$30附近，相信一定更客似雲來。…查看更多