RIVA 灣 Bar & Grill

呢日lunch揀咗嚟北角呢間海景餐廳食飯，餐廳有好多落地玻璃，可以望住個維港食飯，真係心曠神怡啊😎前菜可以揀是日餐湯或沙律🥗 今日嘅餐湯係甘荀忌廉湯，都幾creamy🥕黑松露蘑菇捲捲意大利麵個人幾鍾意呢個捲捲意粉，型狀好掛汁，菇菌嘅味道幾濃郁，面頭有蘑菇片，仲有好多黑松露醬🍄‍🟫原條蒲燒鰻魚蛋飯原條鰻魚勁澎湃，鰻魚都幾厚身🐟 底下有層炒滑蛋，配飯一齊食，真係好有日式風情😗脆炸越南蝦春卷外脆內軟，蝦肉幾飽滿彈牙🦐飲品跟餐免費配檸檬茶或汽水，亦可加20蚊升級至即磨美式咖啡同埋鮮青檸梳打🍋呢間餐廳嘅環境真係一流，鍾意望住靚景食飯嘅可以嚟試吓😄…查看更多

今次喺北角嘅Riva灣食午餐，坐喺大落地玻璃旁邊，可以望住海景，真係幾寫意。環境舒服，景靚，食嘢氣氛好Relax。我哋叫咗Lunch Set餐，包咗湯同沙律，食落幾fresh。全菜揀咗原條蒲燒鰻魚蛋飯，鰻魚味道好香，好有煙燻感另外叫咗個帕爾馬火腿脆片配意大利青醬意粉，青醬夠新鮮，唔會太油膩，火腿好香脆，整體食落口感豐富。飲品方面我哋試咗兩款mocktail，第一杯係Lychee Paradise，入面有荔枝汁、青檸汁再加Tonic Water，味道酸酸甜甜，好清新又飲得出荔枝嘅香甜，好啱夏天飲。新推出嘅Summer Cup就係檸檬水加石榴汁，再有水果同薄荷葉點綴幾靚，飲落有陣陣果香同埋薄荷嘅清涼感。餐廳外面仲有位俾啲帶狗狗嘅客人坐，不過呢啲位置暫時只做外賣。整體嚟講，景觀、食物同飲品都令我哋幾滿意。下次可以晚黑嚟望晚霞都應該會幾靚。…查看更多